ᐊᕐᕌᒍᑕᒫᑦ, ᑲᓇᑕᒥ ᓯᕗᓕᖅᑏᑦ, ᐃᑲᔪᖅᑐᐃᑦᓱᑎᒃ ᑲᓇᑕᒥ ᓯᕗᓕᖅᑏᑦ ᑲᑎᒪᔨᖏᑦ, ᐃᓚᐅᖃᑕᐅᒋᑦ ᖁᕕᐊᓱᓐᓂᖃᕐᓂᕐᒧᑦ ᐅᖃᓕᒫᕈᓐᓇᕐᓂᕐᒧᑦ ᑎᑎᕋᕈᓐᓇᕐᓂᒧᓪᓗ. ᐅᐱᒍᓱᓐᓂᕐᒧᑦ ᑕᐃᒃᑯᓇᖓ ᐃᑲᔪᖅᑐᐃᔪᓂ ᐅᖃᓕᒫᕈᓐᓇᕐᓂᕐᒧᑦ ᑎᑎᕋᕈᓐᓇᕐᓂᕐᒧᓪᓗ ᓄᓇᕗᒻᒥ, ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᓂᕈᐊᑦᑕᐅᔪᑦᓴᖅᓯᐅᖅᑐᖅ 2024-ᒥ ᑲᑎᒪᔩᑦ ᑲᑐᔾᔨᖃᑎᒌᖑᔪᑦ ᐅᖃᓕᒫᕈᓐᓇᕐᓂᕐᒧᑦ ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕐᒧᑦ.
ᑐᓂᕐᕈᓯᐊᖅ ᐅᐱᒍᓱᓐᓂᕐᒧᑦ ᐃᑲᔪᖅᑐᐃᔪᓂ ᑲᔪᖏᖅᓴᐃᓂᕐᒧᓪᓗ ᐊᓯᖏᓐᓂᒃ ᐃᓄᒃᑑᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᓪᓗ ᐅᖃᓕᒫᕈᓐᓇᖅᑐᓂ ᑎᑎᕋᕈᓐᓇᖅᑐᓂᓪᓗ − ᓂᐱᒃᑯᑦ, ᑎᑎᖅᑲᒃᑯᑦ ᓴᓇᙳᐊᕐᓂᒃᑯᓪᓘᓐᓃᑦ.
ᓂᕈᐊᕋᑦᓴᙳᖅᑎᑦᓯᒋᑦ ᐱᓕᕆᕐᔪᐊᖅᓯᒪᔪᒥᒃ ᐃᑲᔪᖅᑐᐃᕐᔪᐊᖅᓯᒪᔪᒥᓪᓗ ᐊᒻᒪ ᑎᓕᐅᕆᔪᓐᓇᖅᑐᒥᒃ ᐊᓯᖏᓐᓂᒃ ᐱᕙᓪᓕᐊᑎᑦᓯᓂᕐᒥᒃ ᐅᖃᓕᒫᕈᓐᓇᖅᑐᓂ ᑎᑎᕋᕈᓐᓇᖅᑐᓂᓪᓗ. ᐃᓕᓐᓂᐊᖅᑎᐅᔪᓐᓇᖅᑐᖅ, ᐃᓕᓐᓂᐊᑎᑦᓯᔨ, ᓄᓇᓕᓐᓂ ᐊᑭᓕᖅᑐᖅᑕᐅᓇᑎᒃ ᐃᑲᔪᖅᑎᒥᑦ, ᐃᓄᑐᖃᕐᒥ ᐅᕝᕙᓘᓐᓃᑦ ᐃᖅᑲᓇᐃᔭᖃᑎᒋᔭᐅᔪᑦ ᐅᔾᔨᕈᓱᑦᑎᑦᓯᔪᒥ ᐱᒻᒪᕆᐅᓂᖓᓂᒃ ᐃᓕᓐᓂᐊᕐᓂᖅ ᐊᑦᑐᐊᓂᖃᕐᓂᕐᒧᓪᓗ.
ᓵᓚᒃᓴᖅᑐᖅ ᐃᓕᑕᕆᔭᐅᓛᖅᑐᖅ ᐅᔭᒥᒃᑖᖅᑎᑕᐅᓗᓂ ᐊᒻᒪ ᓇᓗᓇᐃᒃᑯᑕᖅᑖᒃᓗᓂ ᑐᓂᔭᐅᓛᖅᓱᓂ ᓯᕗᓕᖅᑎ ᐊᕿᐊᕈᖅᒧᑦ ᐅᑭᐊᒃᓵᖅ. ᐱᑎᑕᐅᓂᐊᕐᒥᔪᑦ $300−ᓂ ᐃᑲᔫᑎᒃᓴᓂᒃ.
ᓂᕈᐊᕋᑦᓴᙳᖅᑎᑦᓯᓂᕐᒧᑦ ᑎᑎᕋᕆᐊᓕᒃ ᓇᓂᔭᐅᔪᓐᓇᖅᑐᖅ ᓯᕗᓕᖅᑎᐅᑉ ᐃᑭᐊᖅᑭᕕᖓᓂ.
ᓂᕈᐊᕋᑦᓴᓕᐅᕈᒪᔪᓄᑦ ᒪᑐᕝᕕᒃᓴᖓ ᒪᐃ 31, 2024. ᑐᓐᓂᖅᑯᑎᒋᔪᓐᓇᖅᑕᑦ ᑕᑕᑎᕆᐊᓕᒃ ᐃᕐᖐᓐᓈᖅᑕᐅᒃᑯᑦ communications@gov.nu.ca.