ᐃᖃᓗᐃᑦ ᓄᓇᕗᑦ ᐋᒡᒌᓯ ᓄᓇᕗᑦ ᒐᕙᒪᒃᑯᑦ ᑐᓂᓯᔪᒪᓪᓚᑦᑖᖅᐳᑦ ᓂᒃ ᑲᑐᔾᔨᖃᑎᒌᒍᑕᐅᓪᓗᓂ ᓄᓇᑦᓯᐊᒥ ᑐᐊᕕᕐᓇᖅᑐᒧᑦ ᖃᓄᐃᓕᐅᕈᑕᐅᔪᒥᑦ ᑮᓇᐅᔭᑦ ᓄᓇᓕᖕᒥᐅᓂᒃ ᐃᑲᔪᖅᑐᐃᓪᓗᑎᒃ ᓄᓇᒥ ᐃᑭᕐᔪᐊᖅᑐᓄᑦ ᐊᒃᑐᖅᑕᐅᓯᒪᔪᓂᑦ.
ᑕᐅᓴᖏᓐᓃᑦᑐᑦ ᓄᓇᑦᑎᐊᕐᒥᐅᑦ ᐊᓂᖁᔭᐅᓚᐅᖅᐳᑦ ᓄᓇᒥ ᐃᑭᕐᔪᐊᖅᑐᖃᑐᐃᓐᓇᕆᐊᖃᕐᓂᖓᓄᑦ ᐊᑦᑕᕐᓇᕐᓂᖓᓗ ᓱᓕ ᐊᓂᒍᖅᓯᒪᙱᑉᐳᖅ ᐃᑲᔪᕈᒪᓪᓗᒋᑦ ᑕᐃᒃᑯᐊ ᐊᒃᑐᖅᑕᐅᓯᒪᔪᑦ ᐃᓂᖃᕈᓐᓃᖅᑐᓪᓗ ᑖᒃᑯᐊ ᑮᓇᐅᔭᑦ ᑐᓂᐅᖅᑲᐅᑕᐅᓂᐊᖅᐳᑦ ᓄᓇᓕᖕᒥᐅᓄᑦ ᐊᔾᔨᒌᙱᑦᑐᓄᓪᓗ ᑲᑐᔾᔨᖃᑎᒌᓄᑦ ᐃᑲᔪᖅᓱᐃᔪᓄᑦ ᐊᒻᒪ ᐃᑲᔫᑎᒃᓴᓄᑦ ᕿᒫᖁᔭᐅᓚᐅᖅᑐᓄᑦ.
ᓄᓇᕗᒻᒥ ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐱᓕᕆᖃᑎᖃᖅᑐᑦ ᐊᒃᑐᖅᑕᐅᓯᒪᔪᓂᑦ ᐅᓗᕆᐊᓇᖅᑐᒦᑦᑐᓂᓪᓗ ᓄᓇᓕᖕᓂᑦ ᐊᒻᒪ ᓱᓕ ᐅᓂᒃᑳᓂᑦ ᐱᑎᑕᐅᖏᓐᓇᖅᐳᑦ ᐊᕕᒃᑐᖅᓯᒪᔪᓕᒫᓂᑦ ᓄᓇᑦᓯᐊᒥ ᒐᕙᒪᒃᑯᑦ ᐱᓕᕆᖃᑎᖃᐃᓐᓇᖅᐳᑦ ᒐᕙᒪᑐᖃᒃᑯᑦ ᓄᓇᓕᖕᓂ ᐊᒻᒪ ᓄᓇᖃᖅᑳᖅᓯᒪᔪᑦ ᒐᕙᒪᖏᓐᓂᒃ ᐃᑲᔪᖅᑐᐃᓪᓗᑎᒃ ᐃᑲᔪᕐᓗᒋᓪᓗ ᐊᐅᓚᑦᑎᑎᓪᓗᒋᑦ ᑐᐊᕕᕐᓇᖅᑐᓕᕆᓂᕐᒧᑦ ᖃᓄᐃᓕᐅᕈᑕᐅᔪᓂᑦ.
ᑲᑐᔾᔨᖃᑎᒌᒍᑕᐅᔪᖅ ᑲᑐᔾᔨᖃᑎᒌᖑᕗᑦ ᑐᓐᓂᖅᑯᓯᐊᖅᐸᒃᖢᑎᒃ ᓇᑭᙶᕈᓘᔭᖅ ᐱᑎᑕᐅᕙᒃᖢᑎᒃ ᑮᓇᐅᔭᓂᒃ ᐊᓯᖏᓐᓄᓪᓗ ᑲᑐᔾᔨᖃᑎᒌᓄᑦ ᑐᓂᐅᖅᑲᖅᑕᐅᓕᖅᐸᒃᖢᑎᒃ ᑮᓇᐅᔭᑦ ᖃᓄᐃᓕᐅᖅᑎᑦᑎᔪᓄᑦ ᑖᓐᓇ ᑐᓐᓂᖅᑯᓯᐊᖅ ᐃᑲᔫᑕᐅᒃᑲᓐᓂᖅᐳᖅ ᓄᓇᓕᖕᓄᑦ ᐃᑲᔪᖅᑕᐅᔭᕆᐊᓕᖕᓄᑦ ᒫᓐᓇ ᐃᑲᔫᑎᒃᓴᑦ ᐅᖓᑖᓄᑦ ᐊᑐᖅᑕᐅᓯᒫᓂᒃᑐᑦ ᐱᕐᕈᓗᐊᕿᔪᓄᑦ ᐃᑲᔫᑎᓄᑦ.
ᐅᖃᐅᓯᐅᓯᒪᔪᑦ
"ᑐᐊᕕᕐᓇᖅᑐᖃᖅᑎᓪᓗᒍ ᐱᓇᔪᐃᓐᓇᕆᐊᖃᖅᐳᑦ ᐃᑲᔪᖅᑐᐃᖁᓪᓗᒋᑦ ᐅᓄᖅᑐᑦ ᓄᓇᑦᓯᐊᕐᒥᐅᑦ ᐊᒻᒪ ᓄᓇᕗᑦ ᒐᕙᒪᒃᑯᑦ ᖁᔭᓕᕗᑦ ᐃᑲᔪᕈᓐᓇᕐᒪᑕ ᓂᒃ ᑲᑐᔾᔨᖃᑎᒌᒍᑕᐅᓪᓗᓂ ᓄᓇᑦᓯᐊᒥ ᑖᒃᑯᐊ ᑮᓇᐅᔭᐃᑦ ᑐᕌᖓᓂᐊᖅᑐᑦ ᑲᑐᔾᔨᖃᑎᒌᓄᑦ ᑐᙵᓇᑲᐅᑎᒋᔪᓄᑦ ᐊᒻᒪᓗ ᐃᑲᔪᕈᑕᐅᓗᑎᒃ ᑕᐅᓴᖏᓐᓃᑦᑐᓂᒃ ᕿᒫᔪᓄᑦ ᓄᓇᑦᓯᐊᕐᒥ ᐃᑭᕐᔪᐊᖅᑐᓄᑦ ᐱᖃᓯᐅᑎᓪᓗᒋᑦ ᐃᓚᖏᑦ ᐊᒻᒪᓗ ᓇᓪᓕᒋᔭᖏᑦ ᓄᓇᕗᒻᒥᐅᑦ"
- ᐸᐅᓗᓯ ᐊᕿᐊᕈᖅ ᓯᕗᓕᖅᑎ ᓄᓇᕗᒻᒧᑦ
"ᑲᑐᔾᔨᖃᑎᒌᒍᑕᐅᔪᖅ ᓄᓇᑦᓯᐊᕐᒥ ᐃᑲᔪᖅᑐᐃᓂᖓ ᓄᓇᓕᖕᓄᑦ ᓄᓇᕘᓕᒫᒥ ᐱᕐᔪᐊᖑᓯᒪᕗᖅ ᓄᓇᒥ ᐃᑭᕐᔪᐊᕐᓇᐅᑎᓪᓗᒍ ᐊᓯᒃᑲᓐᓂᖏᓪᓗ ᐅᓄᖅᑐᑦ ᓄᓇᕗᑦ ᒐᕙᒪᒃᑯᑦ ᑐᓐᓂᖅᑯᑎᖏᑦ ᐱᕕᖃᕈᑕᐅᓂᐊᖅᐳᑦ ᑲᑐᔾᔨᖃᑎᒌᒡᓗᑎᒃ ᓄᓇᑦᓯᐊᒥ ᑮᓇᐅᔭᓂᒃ ᑐᓂᓯᒃᑲᓐᓂᖃᑦᑕᕈᓐᓇᕐᓗᑎᒃ ᐊᔪᕐᓇᖅᑐᖅᓯᐅᖅᑎᓪᓗᒋᑦ ᖁᔭᒋᔪᒪᕙᕋᓗ ᓯᕗᓕᖅᑎ ᐊᕿᐊᕈᖅ ᐊᒻᒪ ᒐᕙᒪᒃᑯᑦ ᐃᑲᔪᑦᑎᐊᓚᐅᕐᓂᖏᓐᓄᑦ."
- ᑭᐅᕈᓕᓐ ᑳᑯᕇᓐ ᓯᕗᓕᖅᑎ ᓄᓇᑦᓯᐊᒥ
"ᐅᑭᐅᖅᑕᖅᑐᕐᒥᐅᑦ ᐊᓯᖏᓐᓄᑦ ᐅᑭᐅᖅᑕᖅᑐᒥᐅᓄᑦ ᓴᖅᑭᖃᑦᑕᐃᓐᓇᖅᐳᑦ ᑕᒪᓐᓇᓗ ᖁᕈᐊᓇᑦᑎᐊᖅᖢᓂ ᓈᒻᒪᓈᖅᑎᐊᖅᖢᓂᓗ ᐆᒃᑐᑎᒋᔭᐅᔪᖅ ᑐᓂᐅᖅᑲᐃᓯᒪᔪᒍᑦ ᐅᖓᑖᓂ ᑲᑐᔾᔨᖃᑎᒌᓄᑦ ᐃᑲᔪᖅᑐᐃᔪᓄᑦ ᕿᒫᔭᕆᐊᖃᖅᑐᓄᑦ ᑕᒪᑐᒪᓂ ᐃᑭᑲᑕᒃᑎᓪᓗᒋᑦ ᑕᒪᓐᓇ ᐊᔪᕐᓇᙱᑎᑕᐅᕗᖅ ᑐᓂᓯᑐᐃᓐᓇᖃᑦᑕᕐᓂᖏᓐᓄᑦ ᑖᔅᓱᑐᓇᖅ ᓄᓇᕗᑦ ᒐᕙᒪᒃᑯᓐᓂᙶᖅᑐᒥᑦ ᑖᓐᓇ ᐊᖏᔪᑲᓪᓚᒃ ᑐᓐᓂᖅᑯᑕᐅᔪᖅ ᐱᒻᒪᕆᐅᕗᖅ ᖃᓄᐅᓕᐅᖅᑎᓪᓗᒋᑦ ᐅᓄᖅᑐᒻᒪᕆᐊᓗᐃᑦ ᑐᒃᓯᕋᐅᑎᖏᓐᓄᑦ ᐱᑲᑕᒃᑕᑦᑎᓐᓄᑦ ᑲᑐᔾᔨᖃᑎᒌᓂᑦ ᐃᑲᔪᖅᑕᐅᔪᒪᓪᓗᑎᒃ ᕿᒫᔪᓄᑦ."
- ᑕᐃᕕᑦ ᑳᓇᓕ ᑲᑎᒪᑎᑦᑎᔨ ᑲᑐᔾᔨᖃᑎᒌᒍᑕᐅᔪᓄᑦ ᓄᓇᑦᓯᐊᒥ ᑐᐊᕕᕐᓇᖅᑐᓕᕆᓂᕐᒧᑦ ᑲᑎᒪᔨᕋᓛᓄᑦ
ᓱᓕᔪᑦ
ᑖᓐᓇ ᓄᓇᕗᑦ ᒐᕙᒪᒃᑯᑦ ᐊᐃᑉᐸᕆᓕᖅᑕᖓᓂ ᑐᓐᓂᖅᑯᓯᐊᖑᔪᖅ ᑲᑐᔾᔨᖃᑎᒌᒍᑕᐅᓪᓗᓂ ᓄᓇᑦᓯᐊᒥ ᒥ ᓯᕗᓪᓕᖅᐹᖑᓪᓗᓂ ᖑᓚᐅᖅᑐᖅ ᐃᑲᔫᑕᐅᔪᖅ ᓄᓇᒥ ᐃᑭᕐᔪᐊᖅᑐᒧᑦ ᕿᒫᔭᕆᐊᖃᖅᑎᓪᓗᒋᑦ ᒥ ᐊᒻᒪ ᐊᓪᓚᐃᑦ ᓄᓇᖃᖅᖄᖅᓯᒪᔪᑦ.
ᑭᓇᑐᐃᓐᓇᖅ ᑐᓂᓯᔪᒪᔪᖅ ᓄᓇᑦᓯᐊᕐᒥ ᖃᑦᑎᕆᔨᒃᑯᓐᓄᑦ ᐅᕗᖓ ᓇᒃᓯᐅᔾᔨᔪᓐᓇᖅᐳᖅ: https://www.canadahelps.org/en/dn/82499?v2=true.
ᐊᑦᑕᑕᕐᕕᐅᔪᓐᓇᕐᒥᔪᑦ
ᓄᓇᑦᓯᐊᒥ ᐃᑭᑦᑐᖃᖅᑎᓪᓗᒍ ᑐᓴᒐᒃᓴᐃᑦ
ᓄᓇᑦᓯᐊ ᒐᕙᒪᒃᑯᖏᑦ ᑭᒃᑯᑐᐃᓐᓇᕐᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᓴᒐᒃᓴᑦ
ᑲᑐᔾᔨᖃᑎᒌᑦ ᓄᓇᑦᓯᐊᒥ