CQALAGJUARNIQ-19 GN kut Ublumimut Kangiqhidjutaa - Iidjirurvia 1, 2022

Hivuliqtip ublumimut kangiqhipkaidjutaa:

Ublaakkut,

Ublaangutilluni Nunavunmi piqaliqtuq 462 aanniarutiqaqtunik QALAGJUARNIQ COVID-19 mik.

Piqaqtugut aanniarutiqaqtunik 18 ni nunallaani – unniqtauyut nampait ukuat:

• 21 Arviani,
• 44 Qamanittuarmi,
• 39 Iqaluktuuttiarmi,
• Malruk Igluligaarjungmi,
• 26 Sallirmi,
• 94 Iglulingmi
• 84 Iqalungni,
• Piqanggittuq Uqhuqtuurmi,
• Piqanggittuq Kimmirut
• 21 Kinngaini,
• Piqangittuq Kugaarjungmi,
• Qulit Kugluktumi
• 7 Naujaami,
• Talliman Pangniqtuumi,
• 14 Mittimatalingmi,
• Malruk Qikiqtarjuami,
• 23 Kangiqlinirmi,
• 7 Sanirajangmi,
• 32 Sanikiluarmi,
• 24 Taloyoakmi, uvanilu
• 7 Tikirarjuarmi. 

83 nik uniqtauyunik nakuuhiyut ublumi. 684 nik atauttimun uniqtauyunik nakuuhiyut hiamitirmit.

Puiguqtailiumayatka Nunavunmiut QALAGJUARNIQ COVID-19 ikayuqtiit hivayautait hailiyut. Ilihimalutin taimaa aanniarnaitkutin inuuhittiarutillu nunallaaptingnun uvagut akhuurutigijakhaqqun.

Piqaliruvin mihingnautaini ukunatunk – kakiliqtarniq, kalaghungniq, igiaqliuqniq, kidjangniq aniqhaaktariamiluuniin ayuqhaliqtut – hivayaqtaghaat qalagyuarnirmun COVID hivayautaa talvunga 1-888-975-8601.

Avaliin’ngaaquyauguvit QALAGJUARNITIGUT COVID-19, hivayainnariaqaqtutin hamunga 1-888-902-0872 qaritauyaqvigilugitluunniit uvani isolationsupports@gov.nu. piyaami Nunavut Kavamanga avaliin’ngaarnirmun tuniqhidjutainnik niqinik.

Tapkununga tingmidjutikkut apikkuutit hivaquyait Nunavut Kavamang akiittumut hivayautaannut uvani 1-833-524-0735.

Kapuqhidjavutit, nutaqqatitlu kapuqhidjavut, ikayuutiqhaamiklu tamainnut kappuutinut pilugu pittaaguvit.

Pivaktaptingnun, pidjutihimmaaqtuqhauyuguq maliklugit inungnut aanniaqtailinirmun maliqqayaqhaita.

• Aihimalutit pittaaguvin.
• Inuqaryuanggilluhi.
• Atuqlutin ivyarunmik.

Atauttimukkut pittaaqtugun nunallaavun qajagilugin taminnun inungnun.

Quana.

 

Minista Munaqhiliqiiyitkunni Ublumimut Tuhaqtitaqhaa:

Ublaakkut,

Munarilugin qajagilugillu Inirniqhaaptingnik nunarjuami aanniarutiqarjuaqtillugin pihimmaaqtavun pilluagakhaptingni. Ippakhamin, nampait Inirniqhaat munaqhiviinnilu havagviit nunami aanniarutiqaqtunik qalagjuarnirmun COVID-19 taimaa qulit. Nampait ilaujun akun’ngani Iqaluktuuttiaq Munarhijauhimmaarvik, una Arviat Inirniqhaat Aihimavian, una Uqhuqtuuq Munarhijauhimmaarvik unalu Iglulik Munarhijauhimmaarvik. Ukuninga aanniartunin, atauhiq Inirniqhaangujuq. Tamaita aanniarutiqaqtun havaktin aihimajun avaliihimavlutik nakuuhittiqhutik.

Quviahuktunga unniqhijaami taimaa nakuuhijun qalagjuarnirmun COVID-19 cnakuuhihimmaaqtun talvani Embassy West Ottawa-mi ikitqijallu tallimanin Nunavunmiutaungittun talvaniittun inirniqhaat havagviani piqaqtun qalagjuarnirmun aanniaqhutik COVID-19.

Qujagijumajatka pigijavun Aihimavingni Munarhijauhimmaarvingmilu havaktit akhut havakpiarmata hakugikniqaqhutiklu ajuqhaqpiarnaqtumi.

Havaqatigijavun Maliqaliqijitkun munarivlugu aanniarutiniktunik qalagjuarnirmun COVID-19 talvani Iqaluit Mamiharvik Havagviat. Ippakhamit, piqaqtut 45 aannialiqtunik COVID-19 qalagjuarnirmik itiqtauvingmi – 30 itiqtauhimajun ukually 15 havaktit.

Tamaita inuit pihimmaaqujatka malittiarlugin inungnut aanniaqtailinikkut maliktakhait. Aturlugin kapuqhirvikhanun takujaujukhat tikiliqtuni Nunavunmi, nanaiqhilutinluuniin takujaujaangni kapuqhiriami. Tamapta kapuqhikta ikikhilaarlugu qajangnautin qalagjuarnirmun COVID-19 ilagijaptingnun, ilannaptingnun, nunallaaptingnullu.

Quana.

 

Ministangat Havaktuliqijitkut ilitturipkaidjutikhaanik:

Ullaakkut.

Qujagijatka inuit avaliihimajun nakuuhimanahurittutik aanniarutirjuamin. Ilihimajunga taimaa ajurnaqtumik tunin’ngunaqtumiklu. Kihimi Avaliingaangittutit. Nunavut Kavamanga havaktiit ilagijaillu hivajainnariaqqaqtaat akiittuq nampaa 1-800-663-1142 inmikkut uqaudjijaujaamingnik aturlugu una pigijakkunHavaktimun Ilagijainnullu Ikajurutikhat Pinahuaruti kitunilikaak Nunavunmi Ilitarijauhimajuni Uqauhirni. Akiitttuq hiamitaulimaitturlu.

Havagiaktuffaarupta, maliktakhavun aanniaqtailinikkut aanniqtailinikkutlu maliktakhat inuuhittiarutikhainun kavamatkuni havaktunun. Nutaanguqtirhimajun aanniaqtailinirmun qajangnaitkutikhanullu maliktakhat ilijauhimajun talvunga GN-kut qaritaujakkut takujakturviani tunivlugillu tamainnun GN-kuni havaktiujunun qaritaujakkut titiqqivlugin.

Ilihimaliqtakkullu hiaminniaqtumun qajangnautikhaq aanniarunmin Omicron vaallangajuq aanniarun qalagjuarnirmun COVID-19. Ilagivlugu havakpiangniaqtaptingnun qajagiluta aanniarnaittumiklu havahvingni, munarijumavlugin pijugun taimaa tamaita GN-kuni havaktiit taimaa aallanik munaqhidjutikhanik piliqtait hiamitirnaittumik aannniarutirjuamin upalungaijaliqhutik utiffaariamingni havagviujunun.

Aturlugin nutaatqijan naunaitkutin pihimajun Havagvianin Atanilluaq Nunalaani Aanniaqtailinikkut HavaktiaHavaktiit Aanniaqtailinginni Akiliuhirnikkullu Katimayiingit, havagvigjuarnillu nakuutqijan pijakhat, GN-kun havagviit ihuqtumik atuqtakhanik piqarniaqtun qajagijaamingnun hiamittaaqtumun qalagjuarniq COVID-19 aanniarunmin.

Aanniaqtailiniq, qajaginiq inuuhittiarutikhaillu Nunavunmiut pilluagakharijaqqun. Katillugin ihuatqijan naunaitkutinn itquumagijaujanin pivikhanin ajuittiaqhumajun qauhimajun ihariagijaujuni havaktini pipkaktain GN-kun pihimmaarianginni havaklutik ihuaqtunik havaktakhamingnik munarivlugit havatigijamingnik. 

Pihimmaaqtukhaujugun ihivriuqataaqtaghait havauhiit havagvingni ihuaqhailutiklu humi piyariaqaqata. 

GN-kun havaktiinIglulingmi havakhimmaarniaqtun aihimalutik kihimi pikpata inungnut aanniaqtailinikkut maliktakhait aallan’nguqtirpata. 
Tamaita aallat GN-kuni havaktun utiffaanginnarialgin havagvimingnun ublumi, kihimi havagviit umikhimaniaqtun inungnun kihimi takujaujukhaukpata. 

Pihimmaaqtugun pitquvlugin tiliuqtin ikajuutigilugin aallat naunaiqhimajunun havaktimingnun pijaanginni havaklutik aihimalutik havaglutikluuniin havagvingmi hiamitirtnaittumik aanniarunmik akun’ngani havaktunik.  Ukuat malingniaqtait pilugin talvunga Iidjirurvia 11.

Kingullikpaaq pijakhaujurlu, kapuqhirluhi pilugulu ikajuutikhaq kapuut.

Pittaaruvin, kapuqhidjavutin. Kapuqhiraangaffi ikajuqtutin inungnik kapuqhilimaittunun qajagijauvagianginni.

Nakurmiik.

 

Atanilluaq Inungnut Aanniaqtailinirmun Havaktia Ublumimut Kangiqhipkaidjutaa:

Ublaakkut,

Puiguqungitatka inuit ublumi avaliihimajukhanun maliktakhat qanurlu pidjutaungmangaat qilamik naunaijaitinun. GN-kutigun, ikittun nampait Qilamik Naunaijaitkutikhanik tunijauvaktunun ihariagijaujunun havaktinun tunijaujulluuniin tingmijunun utiliqtunun hivuraanin Kanada-min. Ilangit inuit niuviliqtun naunaijaitkutikhanik inmik pivlutik. Kangiqhittiaqhimajukhat taimaa ukuat naunaijautin himmiutaungittun avaliihimanirmun naiqlidjutinulluunuun avaliihimanirmun. Avaliihimaguvin pitqujaujumik piqaruvilluuniin qalagjuarnirmun COVID-19 aanniarutinik, iniqtigakhat tamaat avaliihimadjutikhaq hivitunianik. Qilamik naunaijaidjutin nakuulluangittun taaffumanga PCR naunaijaidjutimun,angitqijaujurlu pidjutimun ihuittumik naunaiqhinirmun aanniarutiqangittumik. Yna kangiqhidjutaa qimagungni avaliihimajaamik qilamivjak qajangnarniaqtutitn hiamitiriami qalagjuarnirmun COVID-19 aallanun.

Aturungni inmikkut qilamik naunaijaitkutimik, naamaktuq, ukuat ataani ihumagilugin:

• Naunaiqhikuvin aanniarutiqaqtumik, hivajarvigilugin qalagjuarnirmun COVID-19 hivajarvia talvunga 1-888-975-8601.
• Naunaiqhiguvin aanniarutiqangittumik, avaliihimalutin utaqqilutin piqangitkuvin aanniarutauvaktanik taimaa 24-ni ikaarnini.
• Kinaliqaak aanniangadjituq aihimajukhaujun.

Aanniarutin aallatqiingujun inungni naunaiqhunilu qanurinnianun aanniarutimun qalagjuarnirmun COVID-19 pidjutigijarnin. Omicron nakuutqijauvjaktuq aallanin aannniarutauvaktunin qalagjuarnirmun COVID-19 ilagijait ukuat kakkilaqqiuq,niaqurliktuq, unaguhuktuq, tagjuktuq iggiarliuqhutiklu. Aallat aallangajun aanniarutin qalagjuarnirmun COVID-19 aanniarutin ilagijait kidjaktuq, qalakhuqtuq tivjaiqhuni naimajungnaiqhunilu. Taimaatun apirijavun kinalikaak aanniaruhuktunaanniarjuangitkaluaqtillutiklu, aihimalutik avaliihimajukhaujun.

Aanniaruvin,aihimaluyin 7-ni ubluni kapuqhiqhimaguvin imaaluuniin qulini ubluni kapuqhiqhimaitkuvin. Iniruvin avaliihimadjutingnun hivituniani aannniangaguvin aanniarutinik, avaliihimahimmaarlutin nakuuuhittirlutin aanniarutairuvillu 24-ni ikaarnini.

Ublumimun, piqaqhimajuq 13-nik aanniarviliaqtitaujunun pihimajumun uumunga tadja aanniarutaanun aallangajumun qalagjuarnirmun COVID-19 pilihaaqhimajumun atulihaaqtumi talvani Ubluirvia.

 

 

Ilautigingmagu Nunavut Kavamanga (GN) aqhuuqhainia aanniaqtaililiplugit QALAGJUARNIRMIT COVID-19, GN kut Havagviit atuliqtiliqtut hapkuninga:

Munaqhiliqiiyitkut

Tamainnik ublumimut naunaiyautiqhanik ikayuutiqhaniklu QALAGYUARNITIGUT-19 Nunavunmi, hamunggaulutin:
https://www.gov.nu.ca/health/information/covid-19-novel-coronavirus

Nutaatqianik naunaiyautiqhanik hadjamin inungnut anniaqtailinirmun maliqqayaqhautigun, hamunggaulutin: 
https://www.gov.nu.ca/health/information/nunavuts-path

Naunaigumaguvit pinahuaqtunut kapuqhiriami hamunggaulutin:
https://gov.nu.ca/health/information/covid-19-vaccination

 

QALAGYUARNITIGUT-19 aanniaqtunik qanurinmanggaat: Ubluqtuhivia 20, 2022

Atauttimun ihivriuqtaujut	Attautimut naunaiqtauhimajut aannialaqihimajun	Attautimut aannialaqihimajun	Atauttimut nakuuhijut aanniaruiqtun	Tuqujut	Qaffiujun inuit kapuqtauhimajun atauhiinnarmik kapurutimik Nunavunmi	Qaffiujun inuit kapuqtauhimajun malruungnik kapurutinik Nunavunmi	Atauttimun inuit kapuqhiqhimayut pingahunik Nunavunmi
31,531	1820	462	1353	5	32,139	25,925	11,770

QALAGYUARNIQ-19 nunallaami aanniaqtut qaffiutilaanggit: Jaanuiali 27, 2022

Nunallaaq	Qalagyuarniq COVID-19 qanuriniit	Ubluit	Inuit aanniarutiqaqtut ipaghaq (ATAUTIMUN)	Inuit aanniarutiqaqtut ipaghaq (ATAUTIMUN)	Aalangunirit ipaghamin (aanniaqtut)	Atautimun Naamakhiyut	Aalangunirit ipakhamin (aanniarutaiqhimaliktun)	Atauttimut Aulajut Aanniaqtut
Kugluktuk	Aulahimmaaqtut	Jaanuiali 23, 2022	11	11	0	1	0	10
Kimmirut	Aulahimaaqtut	Talvanga 1/22/2022	1	1	0	1	0	0
Naujaat	Aulahimaaqtut	Talvanga 1/15/2022	14	24	10	17	7	7
Kugaaruk	Aulahimaaqtut	Talvanga 1/14/2022	2	2	0	2	0	0
Uqhuqtuuq	Aulahimaaqtut	Talvanga 1/14/2022	4	4	0	4	0	0
Taloyoak	Aulahimaaqtut	Talvanga 1/11/2022	24	31	7	7	3	24
Salliq	Aulahimaaqtut	Talvanga 1/9/2022	45	48	3	22	6	26
Tikirarjuaq	Aulahimaaqtut	Talvanga 1/7/2022	20	20	0	12	0	7
Sanikiluaq	Aulahimaaqtut	Talvanga 1/4/2022	46	52	6	20	2	32
Kinngait	Aulahimaaqtut	Talvanga 1/2/2022	68	72	4	51	3	21
Mittimatalik	Aulahimaaqtut	Talvanga 1/1/2022	16	17	1	3	2	14
Igluligaarjuk	Aulahimaaqtut	Talvanga 1/1/2022	6	7	1	5	0	2
Iqaluktuuttiaq	Aulahimaaqtut	Talvanga 12/30/2021	87	93	6	54	8	39
Igloolik	Aulahimaaqtut	Talvanga 12/29/2021	128	140	12	46	26	94
Qamanittuaq	Aulahimaaqtut	Talvanga 12/29/2021	77	87	10	43	9	44
Arviat	Aulahimaaqtut	Talvanga 12/29/2021	129	129	0	108	3	21
Sanirajak	Aulahimaaqtut	Talvanga 12/29/2021	27	28	1	21	0	7
Qikiqtarjuaq	Aulahimaaqtut	Talvanga 12/28/2021	10	10	0	8	0	2
Kangiqliniq	Aulahimaaqtut	Talvanga 12/23/2021	105	108	3	85	6	23
Pangnirtung	Aulahimaaqtut	Talvanga 12/23/2021	28	31	3	26	0	5
Iqaluit	Aulahimaaqtut	Talvanga 11/04/2021	216	232	16	148	18	84
Atauttimun			1064	1147	83	684	93	462

*Ilihimalugu: Hapkua nampait aadlangguqattainnaktut. Havaaqhat havaktiattauvaktut pihimayaami naunaiyautaa ublumit naunaiyautigiqattariami iniqhimayumiklu, kihimi pidjutinggittungnaqhiyuq tamainnik inungnik ihivriuqtauhimayunikluunniit.

**Aulaniaqtuq 17 Ubluqtuhirvia 2022mi, naunaiyagiikhimayuq aanniarutiqaqtun ilauyut tapkuninga katimadjutit nuutaanguqtiqhimayuq Nunavunmi aanniarutiqaqpakhimayut naunaitkutitigun. Una ilauyuq Qalagjuarniq CIOVID-19 aanniarutiqaqtun ihumagiyauyut talvanga qaujihairvingmi (PCR) ihumagiyauyutlu (qilaminuaq) ihivriudjutikhangit.

***Kinguvaktitauniarunaqhiyut unniudjutikkut hulidjutigiyauyuni kititiqhimayutlu aanniaqtunik pihimayut Aussaimi Kanatami. 12 aannialaqihimayun ilituriyauyut hilataani nunaptiknin ilaliutiyauhimayun Nunavunmun. Ukuallu ilauyut pingahut (3) tuquhimajut. Tamaitataunggittut Nunavunmiutat pilgit QALAGYUARNIQ-19 mik ilitturiyauyun ahiniitillutik ilaliutiyauhimayuniaqtut Nunavunmun.

QALAGYUARNIQ COVID-19 kapuqhingnikkut qanurinmanggaat: Ubluqtuhivia 25, 2022

Naunaijautit/Kiqliqhatlu:

Una kangiqhidjut tautungnaqtut qaffiuniit kapuqhiqtut nunallaani talvunga Iidjirurvia 1, 2022. Pusatnga kapuutaanik munaqhiyut imaatun ittuq kapuut munaqtauyuq aviktuqhimayut Nunavutim inuqarniatigut nalautihimadjutaa 18 nik ukiuqaqtunut an’ngayuqhitqianutlu.

Nunavutim atauttimun kapuqhiqtunik ihuaqpiaqtut naittumi naunaiyautini. Nunallaatigut naunaiyautait ihivriuqtauyut imaa piyaami ihuaqpiaqtumik hulidjutigiyauyuni. Nunallaami atauttimuntigut ihuaqhaqtauyuqhat ihuaqtauviqhaqagumik.  Pidjutiniagungnaqhiyuq mikiyumik ihuaqhaqtauyuqhanik pusantigut nunallaatigut.

Kapuutit hulidjutigiyauvaktut nunallaamun humi munaqtauhimadjutiniani.

Atauttimun kapurhiqhimayut taapkunanut nunaqaqtunut nunaqanggittunutlu, taapkunanutlu himmauhiqattaqtut havaktiit.

Kaffini nunallaani takudjutivaktut inungnik kapuqhiqtunik malruungni nunallaani, nunallaaniluunniit nunagiyaunggittainni.

Inuklu kapuqhiqhigungnaqhiyuq kapputaanik 1 imaalu/imaluunniit kapputaanik 2 avataanit nunagiyamingnik.

Una pidjutiqanggittut inungnut kapuqhiqhimayungnaqhiyunut ilainnaknik tamainnikluunniit avataani ukiuqtaqtup avikturviannit.

An’ngiyuq pusanga atauhirmi nunallami aadjikkiigutiginggita amigaittumut hunggiutivaktunik aanniarunmut. Piqanggituq piliuqhimayumik naunaiqhimayumikluunniit pusanmik amigaittumut hunggiutivaktunik aanniarunmut QALAGYUARNIQ COVID-19 mut. Hunaungmangaata amigaittut hunggiutivaktunik aanniarunmut tikiutilimaittungnaqhiyuq hadjamin kapuutainnut anggiqtauhimayunik (imaakaffuk piqanggittut kapuutimik nutaqqanut nukaqhiuyunut tualumit).

Pittaarvia:

Statistics Canada, Demography Division, Special tabulations. Upalun’ngaiyaqtaat hapkua: Nunavut Havagvia Kititirinirmun, Ubluqtuhivia 27, 2021.

Kapuutit amigaitilangit pihimajut uvanga Havagviata Aanniaqtailinirmut Meditech atuqtakhanit.

Pittaaqtut inirniqhaat nunallaami naunaiyautigiyauyut nampait inungnik 18 nit an’ngayuqhiutqiatlu maliqhugu 2020 inuqarniat nalautihimayut.

Nunallaap inuqarnia nalautihimayut “naammagiyauttianggittut” iniktauhimangmata ilainni inuqarniatigut amigaingniatigut (inuuyut, huiqtut, nuuttutlu). Atuqtauyuqhat qayagilugit.

 

Avaliingaaqtut amigaitilaangit: 

Aullaaqtun Qanurittun	Inuit Avaliingaaqtitauyun talvannga Ubluqtuhirvia-31mi
Daaktiliaqtut	13
Inuit	0
EMTI	0
Havaktut	0
Atautimun	13

Aullarhimajun utiqtun naunaijautaa:

Aullarvikhaa Ublua	# Amigaitilaangit Aullaaqtun Avaliingaarvingnit Avaliingaaqtut
Iidjirurvia 1, 2022	0
Iidjirurvia 2, 2022	0
Iidjirurvia 3, 2022	0
Iidjirurvia 4, 2022	2
Iidjirurvia 5, 2022	0
Total	2

 

 

Ilinniaqtuliqijikkut Havagvia

Nutaat piliurningat ilihautikhanik/ kivgaqtuidjutikhangit:

K-12 Iliharviit

• Uqaujauhimajumik CPHO-min, Netsilik Iliharvia Taloyoami umikhimajun ilihaqtunun havaktinullu aullaktirutaaninUbluqtuhivia 27, 2022.
  • Iliharvingmi havaktit Taloyoami uqarvigiliqtain ilihaqtun angajuqqaangillu pidjutikhamun ahinin iliharnirmun.
• Iqaluit iliharviin angmaktun taimaa 100% naamadjutaanun talvani Ubluqtuhivia 31, 2022.
  • Iqaluit iliharviin malingniaqtain tamainnun aanniaqtailinirmun qajangnaitkutikhanullu maliktakhanun havagviup maliqujainun.
  • Ilihaqtun havaktiillu puiguqujaungittun atimaquvlugin ivjarutinik iliharvingmi ilihaqtunullu akhaluutaani.
• Sakku Iliharvik Sallirmi umikhimajuq ilihaqtunun talvunga Iidjirurvia 4, 2022 aulapkainikkut ihariagijaujunun.
  • Iliharvingmi havaktit Sallirmi uqarvigiliqtain ilihaqtun angajuqqaangillu pidjutikhamun ahinin iliharnirmun.

Ilihalihaaqtut Nutaqqat Nutaqqiqiviillu

Uqaujaujumik CPHO-min, nutaqqiqiviit Taloyoami Sallirmilu angmaumainnarialgin tamainnun ilagiiktunun.

Aulahimaaqtun kivgaqtuutit:

K-12 Iliharviit

Iqaluit iliharviin angmaktun taimaa 100% naamadjutaanun talvani Ubluqtuhivia 31, 2022.

• Iqaluit iliharviin malingniaqtain tamainnun aanniaqtailinirmun qajangnaitkutikhanullu maliktakhanun havagviup maliqujainun.
• Ilihaqtun havaktiillu puiguqujaungittun atimaquvlugin ivjarutinik iliharvingmi ilihaqtunullu akhaluutaani.

Sallirmi Iglulik, Taloyoarlu pidjutinggittut, tamaita iliharviit ammaffaangniaqtut ilihaqtunut talvani 50 pusan inuqarniatigut imaaluunniit 100 pusanmik inuqarniatigut, naunaiyautigilugu QALAGJUARNIQ COVID-19 qanurinmanggaatigut tamaita nunallaangginni.

• Iliharviit ukunani, Qamanittuaq, Iqaluktuuttiaq, Kinngait, Kangiqliniq, Sanikiluarmilu ammaumayut 50 pusan inuqarniatigut.
• Sikuuqviit aadlani nunallaani ammaumayut 100 pusan inuqarniatigut.
• Sikuuqviit uqaqviginiaqtait ilihaqtuinaqtunut ilainnutlu qanurinmanggaatatigut upalunggaiyaamilu ilihagutiqhainnut.
• An’ngayuqqaat ilihimalluanggitkumikkiq ilihaqtuutinga ikayuqtigiyanga, hivayaqtaqhait ilihaqtip ilihaiyinga.

MANILIQTUUTIT ILIHARIAQTUQTUNUT

• Maniliqtuutit ilihariaqtuqtunut havagvia akiliuhiaqhimmaaqtait ilihaqtut tunihiyunut inmi FANS Ilihaqtup Atiliurninganik Titiraannik (SEF).
• Nunavunmi Ilihariaqpaalirvianni (NAC) ilihaqtut pinggittut huli tuyuqtaqhait FANS SEF titiqqait (Ilanga A iniktiqhimalugulu) NAC milu atiliurhimavianggit naunaitkutigiyauyuq titiraq tahapkunanut tuyuqlugit FANS havagviannut.
• Ilihaqtut utaqqiuqtuqhat 15 ni havakviugiyauyuni ubluni talvanga ubluanit tunihimayainnik piumayauyunik atiliurnirmun titiqqaa (t) FANS nut ubluannut takuniaqtut maniqhaaqhait iliuraqtauhimayut maniliqiviangginnut.
• 15 havagviit ubluit qaanggiqpata pinggittutinlu maniqhaaqhamik maniliqivingnut, qaritauyaqvigiinnariaqaqtait fans@gov.nu.ca ilitturipkaiyaami. Sikuuqtut ilaliutiyuqhat aadjiliuqhimayumik maniliqidjutait titiraannik talvanga Jaanuiali 1 ublumimut.
• Apikkuutit FANS ikayuutaitatigut tuyuinnariaqaqtut hamunga fans@gov.nu.ca.
• Sikuuqtut apikkuutiqaqtut FANS tigut-aullaqviqhatigut qaritauyaqvigiinnariaqaqtut hamunga fanstravel@gov.nu.ca naunaiyautiqhanik.
• Sikuuqtut audlaqtiqtut aadlangguqtauyut aullagutiqhait tingmidjutillutik qaritauyaqvigiyaqhait hamunga fanstravel@gov.nu.ca havangnaktillugu imaaluunniit, havangnaiqqat, hivayaqlugit havaguingnaqhitillugu tingmidjutiqhatigut nampaa uvani 1-867-857-6950.

Ilihalihaaqtut Nutaqqat Nutaqqiqiviillu

• Uqaudjauvlutik CPHO gannit, Igloolik nutaqqiqivia ammaffaangniagungnaqhiyuq ihariagiyauyunut havaktiinnut.

MANILIQTUUTIT ILIHARIAQTUQTUNUT

• Havangnaqppiaknaqhitillugu ukununga the FANS-kut havagvia, uumatun aullaqtirutaanun nutaamun iliharviup iluani ukiumi ilihaidjutiqhaanut, havaktaqhaanut malikpagaat kiuyaami qaritauyakkut titiqqidjutinun una pingahunin tallimanun havaktillugit ubluinni. Kiuviqhait FANS havagvianit kinguvaktitauniagungnaqhiyut pidjutigiplugu QALAGYUARNIQ-19 aanniaqtunut Arviani.
• Hadja, FANS ni havaktiit havaktut aihimatillutik, atulluaqtauvaktuqlu FANS hivayautaa munariyaunggiplunilu. Uqarumaguvin FANS-kuni havaktimun, qaritujakkut titiqqilutin ihuaqhailutin takujaujaami uqarvigiujaami talvunga fans@gov.nu.ca.
• Nakuutqiaq uqaqvigiyaami FANS kut qaritauyakkuugutiuqhat uvani fans@gov.nu.ca.

Umiqhimaniaqtun/Nutqaqtitauniaqtun/Taimaaqtitauyut ikayuutiqhat:

K-12 Iliharviit

Uqaudjaungmata CPHO nganit, Iliharviit Iglulingmi Taloyoamilu umiqhimaniaqtut ilihaqtunut havaktiinnutlu.

Iliharviit Iglulingmi Taloyoamilu uqarvigiliqtain ilihaqtun angajuqqaangillu pidjutikhamun ahinin iliharnirmun.

Sakku Iliharvik Sallirmi umikhimajuq ilihaqtunun talvunga Iidjirurvia 4, 2022 aulapkainikkut ihariagijaujunun.

Iliharvingmi havaktit Sallirmi uqarvigiliqtain ilihaqtun angajuqqaangillu pidjutikhamun ahinin iliharnirmun.

 

 

Nunavunmiutat aanniaqtailidjutait atauttikkut uvagut munariyaqhavut! Itqaumalugu: uaqlugit algatit, kapuqhirlutin, pidjutihimmaaqlutinlu un’ngahiqtilaaqhimalutin inungnit, naalaqlugit uqaudjait munaqhiliqiiyini ayuittiaqtut, aihimalutinlu aanniaguvit.