Tuhaqtitauyuqhaq
Hivuliqti Akeeagok uqaqtait tikkuaqtauhimaliqtun
Iqaluit, Nunavut (Nuvaipa 22, 2021) – Hivuliqti PJ Akeeagok quviahuktuq uqalirami tikkuaqtauniinnik ukunani Joe Kunuk Tiraqtiulluangurluni unalu Virginia Mearns Tukliq Ministanguqhuni Kavamaliqijikkunni (EIA) imaalu Ministanun Titiraqtiuluni, atuliqluni tadjainnaq.
“Qujariqpiaqtara Mr. Kunuk ikajurniarmanga hivulliurlunga nutaami havaamna. Ihumagidjutait atuqpakhimadjutaillu ikajuutauqpiarniaqtun, uqaqtuq Hivuliqti Akeeagok. “Ms. Mearns havattiaqpiarhimajuq havaaraluarmini, quviahuktungalu tadja atadjutiginiaqtara kavamatkunni havagvianun aulapkainianullu.”
Mr. Kunuk havakpakhimajuq amigaittunik qulvahiktuni havaani, ilaujuqlu angijuqqaani aulapkainikkut havaani iluani Nunavut Kavamanga (GN), imaatun Aulapkaijiulluarhuni uumani Inuit Nunarjuarmi Katimajiinni qangannuarlu imaatun Aivadjutiulluangupluni uvani Qikiqtaani Inuit Katimajiinni. Talvannga 2018min, Ms. Mearns havakpakhimajuq Titiraqtiulluangupluni Hivuliqtimun Savikataaqmun, hivuagullu Ikajuqtiujuq Tukliq Ministaupluni Kavamaliqijikkunnun, munaripluni aulapkainirnun parnaqutikhanun hivulliurutikhanullu GN-kunnun.
Jeff Chown utiqhimaliqtuq havaamun Tukliqmun Ministaupluni Kiinaujaliqijikkunnun Titiraliqijiuplunilu uumunga Kiinaujaliqinikkut Aulapkainingani Katimajiinnun, havakpakhimapluni Tukliq Ministaupluni Kavamaliqjikkunni uumanilu Ministanun Titiraqtiupluni talvannga Saptaipamin.
“Qujagijumajara Mr. Chown havattiarutaanin uvunga pilirutaanin pidjutaanillu uumani aallanguqtirnirmi. Havattiarutipiarutiqaqtuq aullaqtiqtillunga nutaamnun havaakhamun, tujuqtatkalu quviakkutitka utirutaanun Kiinaujaliqijikkunnun,” uqaqtuq Hivuliqti Akeeagok.
###
Tuhaqtidjutikhanut Uqarvikhaq:
Cate Macleod
Tadja Tuhaqtaujukhanik Titiraqtiullaktuq
Havagvia Hivuliqtiup Akeeagok
867-975-5059
cmacleod6@gov.nu.ca