Uqaqtittiiji,
Ublumi ilitarijumajatka tamaita-kavamagijavun kiudjutainnik Nunatsiamun ajungnautiqaqhimavaktun talvunga napaaqtunik ikualaarnirmun.
Aulahimaanginaqtugut tuhaqtitihimaaqtunik Nunavut Kavamangit Nunatsiarmi hivulliqtiginiaqtun, talvuuna, talvuunalu amigaitunik qimaqujauvakhimajut napaaqtut ikualaaqtilunik maniqanirmi haniani nunalaangit. Inmikkut uqaqatigijara Hivuliqti Caroline Cochrane qaffiujunik huliluukaaqhimaaqpakami. Tuhaqtitihimaaqtungalu maligaliqatigiyatka talvani Kitikmeotmi.
Tikinahuarutivut tunihiluta ikayuutinik, pihimalugit qayangnaijautikharnik Nunavunmiunun munarihimaaqtaptingni.
Uqaqtittijii, hivuagut-pidjutiqaqtukkut qanuriliurutit, havagviit Aanniaqtailinikkut Nunalingni Kavamatkunillu Pivikhaqautikkut havaqatigivaktait Canadian North-kut. Tingmingmik chatakhutamik nuutitigiangani tamainnik aanniarviliaqtunut tingmitikkut munaqtingillu Yalunaimit Edmonton-mut. Tamaita 85 aanniarviliaqtunut tingmitikkut munaqtiujut qimaktaungitun pidjutiqaqtut tikivlutik qajangnaittumik Edmonton-mi. Aanniaqtut ihariagijaqaqtut qilamik munarijaunirmun hivuliuqtitaujut.
Ikajuqtavut naunaittumik tapkuat havaamitigut tingmidjutit pidjutiqaqtut, imaalu aanniartut munarijakhainnik Inulirijikkut Maligaliqijikkullu.
Kavamakput havagviitigut katimayiit ihivriuqtait aulahimaaqtumik ihuaqhaiffaangnikkut uvalu hulaqutigiblugit ayuqhautit pidjutauyut auladjutinun ilauyut ingilradjutinun uvalu auladjutait Kitikmeoni.
Uqaqtittijii, tunivaktavun $250, 000 uumunga United Way Nunatsiamun Amigarnarnikkut Kiudjutikkut Maniliqtuutikhaq ikajuriami inungnun hulaqutijun napaaqtun ikualaarnitigun. Ukuat maniktaqvikhangit aulavakhimayut talvuuna havaanganik havakviingit taima tun'nganaktitauyut ikayuutikharniklu tausanik qimaaqujaujunun ikualaarnirmin.
Ihumayugut, aghut, amingnaqtiqaqtiluni atuqtauyut nuatqatiptingnin uataani, ilauyut ilavut piqpagiyavullu. Ihumagihimmaaqtugut aulahimaarniaqtunik, ilangitlu napaqtiffaarniaqhimajut, inuuhingit napaaqtungit ikualaaguigamik.
Quana, Uqaqtittiji.