Iqaluit, Nunavut (Qitiqqautijuq 16, 2024) – NunavutIm Hivuliqtia P.J. Akeeagok unalu Kiinaujaliqijitkut Minista Lorne Kusugak uqaqtuq Nunavut Kavamanga utaqqijut naunaijautinik maniliqtuutikhanik tuhaqtitaujunik ublumi uvani 2024-25 kanadap maniit atugakhat iglukhanut, auladjutituqluaqnaitunik auladjutikhanut aulapkaidjutikhanullu pidjutiqaqtunik Kanadaup atanniqtuidjutainut munaridjutikhanullu Ukiuqtaqtumi.
"Maniit 2024-2025 tuhaqtidjutaa auladjutituqluaqnaitumik auladjutinik unalu amigaitunik-atungniqaqtuq manik ikajuutauniaqtuq tautuktuumijaarutinun titiraqhimajut pitquidjutini tapkua tamaita Nunavunmi nunallaat hakugiktut, inmikkut-pidjutiqaqtut ihuaqtut," uqaqtuq Hivuliqti Akeeagok.
“Niriuktugut ililugit naunaijautait qanuqtut hapkua pinahuarutit ikajuutauniaqtut ihuarniranun tautuktuumijaaqtavut Nunavunmun Kanadap angirutaanun munaridjutighat Kanadaup atanniqtuidjutainut munaridjutikhanullu Ukiuqtaqtumi. Hivumuuqtiluta haffumunga Nunavunmi Nunainun Ikajuutinunlu Angirutinun, maniliqtuutinun pinahuarutinun kivgaqtuutinunlu tapkua hakugikhijuumirutijut Nuanvunmun nakuutqiamik upalungaijautiginiaqtavut ajuqhautinun hivuniptingni pipkaijuq tamainun Nunavunmiunun tamaanun ikajuutinun nunallaanun, aviktuqhimajumun kanadamunlu, Ilaliutijait.
Iglukhat ihumagilluaqtait kavamatuqatkut maniit ukalu ilaujut aktilaarutit ikajuutighat iglunik nanminiqaqtunun akiitigut niuvaanirmun inmi hivuliqpaamik iglughamingnik, ukualu pinahuarutit iglunun pivalliadjutit napaqtirijaangani nutaanik akiliruminaqtunik iglunik.
"Aularutaanun billiataalamik iglutigut daalat nutaamun Kanada Havaktut upautinikkut tunihiniaqtuq Nunavunmun pijaarnirmun akiliruminaqtunik iglunik titiraqhimajuq uvani Igluliuqatigiingniq Nunavut 3000 hanaqidjutaani," uqaqtuq lorn Kusugak, kitu havaarijaik tamangnik munaridjutait Ministap Kiinaujaliqinirmun unalu Minista munarijaqaqtuq Nunavunmi Igluliqiyiryuakkut. Kavamakput havaqatigiingniaqtut qanitukkut ukua Kavamatkut Kanadami ihuaqhilugit tamaita pijaghat piinarialgit maniliqtuqlugit iglughainun Nunavunmiut.”
Una 2024-25 kanadamin maniit piinarialgit uvani Kavamatkut Kanatami qaritauyaliqiviani.