Uqaqtittiiyi, nagiqpunga ublumi ilitturiugumaplugit hivuani ikayuqtiuyut ikayuqtigiuyutlu havaktiit havakhimaaqpaktut ikayuutikharnik aituihimaaqpaktun. Aadlanut havagutigiviuvaktut hivumuugutigivaktaatigut ayurnaqhiraanggat. Uqaqtittiji, uqagumaplungalu talvuuna aalatqiinik ikayuutikharnik Nunavut Kavamatkut tunihimaaqpaktun kingulirmi aulaninga Qalagjuarniq-19.
Uqaqtittiiyi, Nunavutim haamlangit havakpiaqpaktut havattiakhutik ikikliyuumirutikharnik hiamitirnaitumik QALAGYUARNIQ-19 nunaptingni. Four milian taalamik tutquhimavakhimayuq nunalaani tuniyaangat ikayuutikharnik akhurutigiyauyunun nunalaani ikayuutikharnik.
Nunallaaq havagviingit, talvani kivgaktiuluaqtun havaktiit pihimayaangat Nunavunmiunun iligidjutikharnik, aituqtauvakhimayut $375,000 taalamik aulahimaaqtunun nunalaani nalauhiqiviingit.
Ubluqtuhiniami, kavamatip Mikiyunut Nanminiqaqtunut Ikayuutigiuyut pidjutivaktut ilaqhamik maniliqtuutiqhanik $5,000 taalamik ikayuutiqhainik pittaaqtunut nanminiit akiliqtaudjutiqhainnut imaalu, $625,000 aituqtauvakhimayut Nunavut Anguniaqtuliqiyitkutnun ikayuutikharnik anguniayuktunun tuniyaaangat Nunavunmiunun niqikharnik nunamin.
Kingulirpaarmi, kavamatkut tuniqhaivakhimayut $7.7 milian taalamik talvuuna niqikhailiurnaitumik ihagiahungnaitumunlu pinahuarutingnun.
Kingulliqpaamiklilu, Uqaqtittiiyi, ilitariumayatka quyagiyiumayatkalu Nunavut Kavamani taapkuatlu nunaptingni hamlatkut paatnagiiq havakpiaqpangmata talvuuna malrungnik ukiunganik pivikhariangni hapkua ihariqpiaqtut ikayuutit.
Quana Uqaqtittiiji.