Niruarutikhat tadja angmaqtun uumunga 2021 Kanadami Katimajiit Taiguqtaaliqtipkainikkut Ilitaridjutimun. Hivuliqti Joe Savikataaq piliqtuq uukturutinik ilitarijaami inungmik ikajuqpaktuq, akhuurhaivaktuq tuniutihimaplunilu qanuriliurutinik hakugigharnikkut taiguqtaaliqtipkainikkut ajuirhimajakhanik Nunavunmi.
Una 2021 Nunavunmi Katimajiit uvani Kanadami Katimajiit Taiguqtaaliqtipkainikkut Ilitaridjutimi aittuqtauniaqtuq inungmun ikajuqpaktumun pilarhuutivaktumullu aallanun aturiami Inuktut pivallialiurnikkullu taiguqtaalirutainnik – uqarnikkut, titiraqhimanikkut talvuunaluunniit hanaujarnikkut tautungnaqtunik.
Niruarlugu kina aghut havakpaktuq ikajuqhuni aghuurhainikkullu aallanun pivallianirmun taiguaqnirmun ajuirharutinik. Taamnauttaaqtuq ilihaqtuq, ilihaiji, nunallaami ikajuqti, Inirnighaq, havaqatigijalluunniit akhuurhaivaktun anginiqarnianik iliharnikkut pidjutiqatigiingnikkullu, pigaluaqtillugu COVID-19 qalagjuarniq. Akimajuq ilitarijauniaqtuq tunijauluni haviqutimik titiraqmiklu tunijauluni Hivuliqti Savikataaqmin ukiakhami. Tunijauniaqtullu $300.00 ilijakhamingnik iliharnikkut uumungaluunniit taiguqtaaliqtipkainikkut-pidjutiqaqtumun taktakhamun manikkulluunniit-ikajuutikhamun pijumajamingnun.
Niruarutikhaq titiraq pijauttaaqtuq hamani.
Umikvikhaq niruaqtakhanun una June 17, 2021.
###
Niruarumaguvin kinamik uvaluuniin kangiqhittiarumaguvin, hivajadjavan:
Sierra LeBlanc
Angajukhiq Tuhaqtidjutinun Havakti
Kavamaliqijikkut Havagvia
867-975-6032
sleblanc2@gov.nu.ca