Iqaluit, Nunavut (May 31, 2024) – Ublumi, Ministaa havaktauliqijitkut David Akeeagok tuhaqtitijuq anginirharmik akiliuhianun akituqjuuminirmum amigaitunun Kavamatkunun Nunavunmi (GN) havaktiinun.
Atulirniaqtuq Apitilirvia 30, 2024, GNkut havaktiit Nunavunmi Havaktiit Ikajuqtingit (NEU), ilaungitut angajukhiit atangujat tunijauniaqtut imaa nait pusanmik (9%) akiliuhianun akituqjuuminirmun. Ilaliutihimajut, tuu pusat (2%) ilijauniaqtut amigaitunun angajukhiinun ukualu taijauhimajut aktilaangit (akiliuhianun aktilaanginun 18-25) pipkaijaangini havaanun havattiariangini pijumanirmunlu havaktinn pilugit ilaliutihimajut havaakhat.
“Akituqhuuminir akiliuhianun pijaangini GNkut akitaqnirmun havakgviit,” uqaqtuq Minista Akeeagok. "Una ikajuutauniaqtuq GNkut pihimajaangani uvalu piumanirmun ajuittiaqhimajut, hakugikhijuumiqlugu maniliurutit ikajuutillu Nunavunmiut ilagiit."
“Ukua NEUkut quviahuktut tapkua GNkut uqautigiliqtait hapku ailihimajaujut akiliuhianun ajuqhautit. Niriuktugut hivumut havaqatigilugit GNkut hivuniptingni aivadjutinun pittailijaangani kinguvarnirmun,"uqaqtuq NEUkut Angijuqaanga Jason Rochon.
Akiliuhianun akituqjuumirutit qanuriniinun qanganuaq qulangnaijautit ihivriurutaanun tapkua naunaijaijut akiliuhianun ajuqhautit ukualu havauhirnun aalanguqtirutit. Ukua ihivriurutini ilaujut tungaviliqlugit avatiini Kanadap hamanilu Nunavunmi. Pinahuarut hivuliqhuqtaujuq hapkunanga Havagvianin Havaktuliqijitkut havaqatigiblugit Havagvia Kiinaujaliqijitkut.