Iqaluit, Nunavut (Qitiqqautijuq 6, 2022) – John Main, Minista Anniaqtailinikkut, ublumi tuhaqtitiyuq Nunavut Kavamanga atugungnaiqpalialiqtaat Inungnut Aannialiqtailirinirmik Amigaqhuutimik aulaniaqtuq Qitiqqautijuq 11mi. Talvuunua mikhaatigun, tamaita aulayut inungnut aanniaqtailinirmut atuqqujaungittut avatingni Nunavunmi nutqaqtitauliqtun.
“Talvuuna malruk ukiungit, Nunavunmiut aulavakhimayut amigaitunik atuqtakharnik munagidjutikharnik nunalaangini talvanga ayungnautinin QALAGJUARNIQ-19. Ublumi, ayuiryumiqhimaliqtugut talvuuna aanniarutmik havautikhaqaliqtugut, taimaitunik ihivriudjutikharnik pidjutikharnik kapuutinik ikayuutigiaqaqtun ikikliryumiqititiyaangat aanniarutiqarnaitumik,” uqallaktuq Minista Main. “Talvuuna katimadjutitigun tapkuninga Nunavutim Atanilluaq Nunalaani Aanniaqtailinikkut Havaktia (CPHO), Nunavut Kavamanga ihumagiyut qayangnairutiqaliqtuq atuqpalianaitumik Inungnun Aanniaqtailinikkut Amigaqhuutit munagilualugulu tamna Qalagjuarniq-19 taimaitun aanniarutauyuq havautikharnik atugiaqaqtun ikayuutikharnik aanniarut.”
Atuliqtukhat Qitiqqautijuq 11, 2022:
- Ivjarutit atugiaqangiliqtun inungmiuyaangat.
- Nanminiqaqtunik havagviit aulatitihimaagiaqaqtun havaktingit ikayuktikhailiuqtuniklu atuquplutik ivjarutingnik.
- Nunavut Kavamanga atuquyauyut ivjarutingnik tamaini GNkutni havagviini.
- Ivjarutit atuqujaunginaqtun huli tamaini munarhitkutni havagviani, Iningnikhat munarhiviani, Akausisarvik, munarhivingmi uvanilu Iqalungni Inungnun Aanniaqtailivianni.
- Maligakhaqangitut katimajuharnik amigaitilaanganik.
- Atuqqujaungiqaliqtun, taimaitutun kaffiutilaagiaqaqtunik inungmiuyaangat ungahiktilaarnikkut, nanmniqaqtunun, ulapqiviingit ilauyaangat, ingilraarnitarnik pulaarvingni, taiguarvingit, pulaaqtununlu qungiaktakharnik.
- Avaliingaargiaqangitun inungnik aaniarutiqaliqtunun QALAGJUARNIQ-19. Inuk aanniangaliqqat piqaliqtuqluunniit QALAGJUARNIQ-19, pitqujauhimajuq aihimajukhat.
- Nunavut Kavamanga ilituqhailimaiqtun Qalagjuarniq-19 kapuutinik qaffiutilaangit naunaitkutingnik humiliqaak talvuuna atuqtakharnik ilituqhaiyukharnik aanniarutiqaqtunik.
- Aanniarnikkut Avalingarvikhat Najugakhait umiktauliqtun.
- Aanniarviliarniaqtunik tingmiyukhat aihunun aanniarutiqaliqata QALAGJUARNIQ-19 ikayuutiqarniaqtun allanik avaliingarvikharnik atuqtakharnik malikhautilugit maliktakhangit nunalaangitni nayuqtaini.
“Taima atuqqujaungittut piqaguiliqtun, QALAGJUARNIQ-19 tamangituq,” uqallaktuq Taakti Michael Patterson, CPHO. “Atuquhimaaquyatka tamaita Nunavunmiutat atuquplugit qayangnairutikharnik munagidjutikharnik inmikkut, ilangit, allatlu nunalaangini. Una naunairutiqaqhimayuq imaa aihimalutin aannialiguvit, ivjarutit aturlugit atugiaqagungni inungmiuhuirlutin QALAGJUARNIQ-19qaliguvit. Tamaita Nunavunmiutat kapuqhiqujatka. Kapuukhirniq ihuatqiyauliqtuq uminga aanniarutmin.”
QALAGJUARNIQ-19 kapuuktikhat pigiaqatun avatingni nunaptingni tamainun Nunavunmiutanun ukiulgit 5nik angiyukhiunguyutlu. Hivayaqlugit nunallaarni munarhitkut inungnut aanniaqtailinirmut havagviangit ihuarhailutin takuyaqtuqvingharniq.
Nunavut Kavamangit QALAGJUARNIQ-19 avaliingarniq niqikhangit ikayuutikhangit pinahuarut aulaniaqtuq Qiqaijaluarvia nungutpan. Nunavummiut titiragiaqaqtun qaritaujakkut IsolationSupports@gov.nu.ca aulatitiyaangat tamna hanaqidjutikhaq.
Talvunga tuhaqtidjutainnun, Nunavut Kavamanga aulahimmaaqtinniaqtait ilitturipkaidjutikkut hivajautit ikajurhugin Nunavunmiutat. Ukununga QALAGJUARNIQ-19 apirhuutini, ilaujullu ilitturipkaidjutinik aannialaqinikkut naunaitkutainnik, ihivriuqhinirnik, havauhiqtuutinik uqaudjutiniklu hiamittailiniani aannialaqutimi, hivajadjavan una 1-888-975-8601 talvanga 10min ublaami talvunga 8mun unnuliqqat Qikiqtaani ubluqhiutaani (EST).
Naunairyumigumaguvit talvuuna tingmiyukharnik malikhautikharnik, hivayarlugit tingmiliqiyunik hivayautaani uvani 1-833-524-0735 talvuuna 9mi ublaami 5mun ublumaani Kivataani ubluqhiutitigun, Hivullirmi Tallimiunmun.
Naunaitunik QALAGJUARNIQ-19 apiqhuutit, hivajaguirlugit munarhitkut, aanniarviit inungnut aanniaqtailinirmut havagviangitluuniit kihiani amigaqhuutiqaqqan. Naunaitunik naunairutikharnik talvuuna QALAGJUARNIQ-19 tingmiyaangatlu, hivayarlugit hivautaingit titiraqhimayut qulaani. Mihingnautiqaliguvit piumaguvitlu ihivriudjutikharnik, hivayarlugu Qalagjuarniq-19 hivayautaa aturluguluuniit self-rapid antigen ihivriurut pigiaqaqtun nunaptingnik talvuuna Niuvvavingmi.
Minista Main, Margaret Nakashuk, Ministauyuq Havaktuliqijitkutni, unalu Taakti Patterson aulatitiniarmiut tuhaadjutikharnik uqarlutik talvuuna zoomkut Hitamiutmi, Qitiqqautijuq 7, 11mungaqan ublaami.
###
Tuhaqtipkainikkut Uqaqvigiyaqhaq:
Chris Puglia Atanngujaq
Tuhagakhanut Munaqhiliqiiyitkut
867-975-5949
cpuglia@gov.nu.ca