Hivuliqtip ublumimut tuhaqtipkaidjutaa:
Ublaakkut,
Ublaangutilluni Nunavunmi piqaliqtuq 247 aanniarutiqaqtunik QALAGYUARNIQ COVID-19 mik.
Piqaqtugut aanniarutiqaqtunik 17 ni nunallaani – unniqtauyut nampait ukuat:
- 24 Arviani,
- 37 Qamanittuarmi,
- 24 Iqaluktuuttiarmi,
- Atauhiq Igluligaaryungmi,
- 11 Sallirmi,
- 24 Iglulingmi
- 41 Iqalungni,
- Piqangittuq Uqhuqtuurmi,
- Atauhiq Kimmirunmi
- 13 Kinngaini,
- Piqangittuq Kugaarjungmi,
- 11 Naujaami,
- Piqangittuq Pangnirtuurmi,
- Malruk Mittimatalingmi,
- Atauhiq Qikiqtarjuami,
- 18 Kangiqlinirmi,
- Hitamat Sanirajangmi,
- 29 Sanikiluarmi,
- Pingahut Taloyoakmi, uvanilu
- Pingahuyut Tikirarjuarmi.
Ublumi 90-nguyut nakuuhiyut ublumi. 518 nguyut atauttimun unniutauhimajun nakuuhijunik uvani hiamitirnianit.
Puiguqungitatka Nunavunmiut maliquvlugit taimaa inungnut aanniaqtailinikkut maliktakhait. Tamapta pijukhaujugun aulalutik malikhautikharnik pihimayaangat nunalaaptingni qayangnairutikahrnik, tapkuat kihimi ihumagilugit nutaqqat utiliqtut iliharvingminun uumani havainirmi.
Pidjutihimmaangginnakluhi imaa:
- Aihimalutit pittaaguvin.
- Inuqaryuanggilluhi.
- Kapuqhiqlutit.
- Kapuqhiqluhilu ikayuutigiyauyuqhaq hivulliinnut kapuutainnut.
- Atuqlutin ivyarunmik.
- Hivayaqlugit QALAGYUARNIQ COVID hivayautaannut avaliin’ngaaqlutin mihingnautiqaliguvit.
Pidjutigivlugu una nunarjuami aanniarun ajurnaktuq ajurnaingittuni – ajuqhautigijakkut tamapta.
Amigakhuqtailidjavutit, pittiarluhi, nunallaamik ihumagiluhi.
Quana.
Minista Maligaliqijitkunun
Aaqqigiarvik Itiqtauvik Mamiharvik Igluqpak Qalagjuarniq COVID- Uqaqtauhimajuq
Ublaakkut, havaknaitillugu unaguiqjirvingmi havainirmi naunaiqhijugut aanniarutiqaqtimik qalagjuarnirmun COVID naunaiqhidjutait talvaniittuq Aaqqigiravik Itiqtauvik Mamiharvik Igluqpak.
Ikajuutaitigun Munaqhiliqijitkunin Itiqtauvingmi munaqhijit havaktit naunaijaijut taimaa 170-nik PCR ihivriuqhugit itiqtauvingmiittunik havaktiniklu naunaiqhijaami aanniarutiqaqtunun.
Ublumimun, 12-ngujun utiffaaqtut aanniarutiqaqtumik utaqqijugun aallanik naunaiqtakhanik pidjutauniarungnaqhijun aallanik aanniarutiqaqtunun Havagviptingni.
Aanniaruriqaqtuni Ubluiqtirviani 2021, Itiqtauvik piliuqtut amalittiaktakhanik havagviptingni. Piqalirman qalagjuarnirmun COVID tadja Havagvingmi, amigairjuumijavun qalagjuarnirmun COVID qanuriliurutikhanik ilagijaanun atuqniaqtamingnun najurvikhaq avaliihimajaanginni itiqtauhimajun.
Ilagivlugu maliktaujakhanun, itiqtauvingmi mamihaivik havagvia ihiriuqattarniaqtait tikitkaangat 72-ni ikaarnini.
Naunaiqtittumajatka ilagiiktut itiqtauhimajunun havaktinullu taimaa tamaita qajagidjutikhat piliqtait. Najurvikhaqaqhuta nutaami Havagvingmi, tadja ikajuqtaaqtavun qajagilugillu avaliihimajaanginni tahapkuat naunaiqtauhimajut aanniarutiqaqtut.
Qujafijumajatkalu agut havapiakpaktut Havagvingmi havaktit akut havakpiaktut ihuaqhinahurittugu pidjutigijamun munarilugillu itiqtauhimajun qajagijumik.
Pigijaptingnun tallimanun itiqtauhimajunun havavingnun, munarihimmaaqtakkut pidjutaa upalungaiqhimaluta.
Atanilluaq Inungnun Aanniaqtailinikkut Havaktimin Tuhaqtidjutaa:
Ublaakkut,
Ippakhaq unnuktumi, tuhaqtidjutigijavun aallannguqtirutit taaffumunga Inungnut Aanniaqtailinikkut Maliktakhait Iglulingmi. Taimaa pijugun ikajuqhuta munarijaami qilamik hiamitiliqtumun qalagjuarnirmun COVID-19 nunallaami. Qilamik pilirniaqtait, katitirniq kikliqaqtuq katitilimaiqhutik kihimi qilamiurutiqaqqat piniaqtut, iliharviit, ihariagijaungittut naminiqaqtut kavamatkunilu havagviit umikhimaniaqtut, ivjarutinik atimajukhaujullu. Tamaita inuit maliqujatka maliqujaujanik ikajurluta nutqariami hiamitirniq aanniarunmin.
Pidjutaa Iglulingmi naunaiqhidjutaujuq qanuq qilamik una aanniarun hiamittaaqtumik. Pijukhaujut taimaa tamaita nunallaat malikhimmaaqtukhauvlutik uuminga inungnut aanniaqtailinikkut maliktakhait, kapuqhirlutik, atimalutik ivjarunmik avaliihimalutiklu pitqujaugumik. Pivlugit ukuat pijakhat ikajuutaujuq munarijaami tamainik Nunavunmiutanik.
Tujuktauliqtut Pfizer nutaqqanun kapuutikhaq tikilirniaqtut nunsllssnun talvani Ubluqtuhivia 31. Naunaitkutit aallallu naunaitkutikhat takuinnarialgit talvani GN-kut qaritaujakkut takujakturviani uumani gov.nu.ca. Akhuukhajatka inuit tamaita pitaaqtut, kapurhiquplugit. Kapuuta ikayuutiginiaqtavut talvamit QALAGAYUARNIQ COVID-19.
Puiguqungitatka inuit utaqqijun qalagjuarnirmun COVID-19 ihivriurutikhanik hivajaqungittugin uumunga qalagjuarnirmun COVID-19 hivajarvianun munaqhiliqijitkunnullu. Uqarvigijauniaqtutit ihivriurutimun naunaitkutikhangnun.
Ilautigingmagu Nunavut Kavamanga (GN) aqhuuqhainia aanniaqtaililiplugit QALAGYUARNIRMIT COVID-19, GN kut Havagviit atuliqtiliqtut hapkuninga:
Munaqhiliqiiyitkut
Tamainnun nutaanik naunaitkutinik ikajuutiqhallu talvuuna qalagjuarnirmun COVID-19 Nunavunmi, hamungaulutit:
https://www.gov.nu.ca/health/information/covid-19-novel-coronavirus
Nutaanik kangiqhidjutikhanik tadjamin inungnun aanniaqtailinikkut kiklikhainnik, hamungaulutin:
https://www.gov.nu.ca/health/information/nunavuts-path
Naunaittiarutikhat kapurhirvikhatigut talvungaulutit:
https://gov.nu.ca/health/information/covid-19-vaccination
Pfizer tuglia kapuqhirutikhanun
Una Aanniaqtailinirmut Havagvia pipkailirniaqtuq kapurhiqtauvikhanik tamaani nunaptikni ukununga ukiulingnun 5nin 11nun. Una COVID-19 qalagjuarnikkut nutaqqanun Pfizer kapurutikhat hailihmajuq taapkununga ukiulingnun 5nin 11mun pihimaplutik hivulliqpaamingnik kapurhirutimingnik qaangiqhimajunik 8nik havainirnik.
Iqalungni, COVID-19 qalagjuarnikkut kapurutikhat hailihimmaaqtaujun uvani Iqalungni Inungnun Aanniaqtilinikkut Havagviani. Hivajarlugu 867-975-4810 ihuarhaijaami takujaqtuqvikharnik. Pijukhat ihuarhaqtauhimajun kapurhiriaqtuqvikhat pipkaijaami nutaqqanun COVID-19 qalagjuarnikkut kapurutikhanik nunallaani imainniaqtun:
| Nutaqqanun COVID-19 Qalagjuarnikkut Kapurhiriaqtuqvikhat | ||
| Arviat | Iidjirurvia 5min 6mun | 867-857-3100 |
| Sanikiluaq | Iidjirurvia 5min 6mun | 867-266-8965 |
|
Sanirajak |
Iidjirurvia 6min 7mun |
867-928-8827 |
| Kangiqliniq | Iidjirurvia 8min 9mun | 867-645-8300 |
| Iqaluktuuttiaq | Iidjirurvia 9min 10mun | 867-983-4500 |
| Tikirarjuaq | Iidjirurvia 10min 11mun | 867-896-9916 |
| Kinngait | Iidjirurvia 12min 13mun | 867-897-8820 |
| Naujaat | Iidjirurvia 13min 14mun | 867-462-9916 |
| Igluligaarjuk | Iidjirurvia 14min 15mun | 867-898-9968 |
| Kimmirut | Iidjirurvia 15min 16mun | 867-939-2217 |
| Iglulik | Iidjirurvia 16min 17mun | 867-934-2100 |
| Salliq | Iidjirurvia 17min 18mun | 867-925-9916 |
| Pangniqtuuq | Iidjirurvia 19min 20mun | 867-473-8977 |
| Qikiqtarjuaq | Iidjirurvia 19min 20mun | 867-927-8916 |
| Kangiqtugaapik | Iidjirurvia 21min 22mun | 867-924-6377 |
| Mittimatalik | Iidjirurvia 22min 23mun | 867-899-7500 |
Kapurhiriaqtukvikhat ubluit aallanguqtaaqtun pidjutaanin hilaup tingmitilluunniit kinguvaqtitpata.
Ublukhait kapurhirutikhakkut tikittukhat tamainni aallani nunallaani titiraqhimajun ataani. Hivajadjavan nunallaarni munarhitkut ihuarhailutin takujaqtuqvigharniq,
| Nutaqqanun Kapurutikhat Tikittun Nunallaamun | ||
| Nunallaaq | Ubluinni | Hivajarlugit |
| Ausuittuq | Ubluqtuhivia 31 | 867-980-9923 |
| Qausuittuq | Ubluqtuhivia 311 | 867-252-3844 |
| Ikpiarjuk | Ubluqtuhivia 31 | 867-439-8873 |
| Kugaaruk | Iidjirurvia 2 | 867-769-6441 |
| Uqhuqtuuq | Iidjirurvia 2 | 867-360-7441 |
| Taloyoak | Iidjirurvia 2 | 867-561-5111 |
| Qamanittuaq | Iidjirurvia 3 | 867-793-2812 |
| Kugluktuk | Iidjirurvia 3 | 867-982-4531 |
QALAGYUARNITIGUT-19 aanniaqtunik qanurinmanggaat: Ubluqtuhivia 20, 2022
| Atauttimun ihivriuqtaujut | Attautimut naunaiqtauhimajut aannialaqihimajun | Attautimut aannialaqihimajun | Atauttimut nakuuhijut aanniaruiqtun | Tuqujut | Qaffiujun inuit kapuqtauhimajun atauhiinnarmik kapurutimik Nunavunmi | Qaffiujun inuit kapuqtauhimajun malruungnik kapurutinik Nunavunmi | Atauttimun inuit kapuqhiqhimayut pingahunik Nunavunmi | |
| 30,113 | 1,439 | 247 | 1,187 | 5 | 31,855 | 25,367 | 11,123 |
QALAGYUARNIQ-19 nunallaami aanniaqtut qaffiutilaanggit: Jaanuiali 20, 2022
| Nunallaaq |
Qalagyuarniq COVID-19 qanuriniit |
Ubluit | Inuit aanniarutiqaqtut ipaghaq (ATAUTIMUN) | Inuit aanniarutiqaqtut ipaghaq (ATAUTIMUN) | Aalangunirit ipaghamin (aanniaqtut) | Atautimun Naamakhiyut | Aalangunirit ipakhamin (aanniarutaiqhimaliktun) | Atauttimut Aulajut Aanniaqtut |
|
Kimmirut |
Aulahimaaqtut | Talvanga 1/22/2022 | 1 | 1 | 0 | 0 | 0 | 1 |
| Naujaat | Aulahimaaqtut | Talvanga 1/15/2022 | 15 | 15 | 0 | 4 | 4 | 11 |
| Kugaaruk | Aulahimaaqtut | Talvanga 1/14/2022 | 2 | 2 | 0 | 2 | 0 | 0 |
| Uqhuqtuuq | Aulahimaaqtut | Talvanga 1/14/2022 | 6 | 4 | -2 | 4 | 3 | 0 |
| Taloyoak | Aulahimaaqtut | Talvanga 1/11/2022 | 7 | 7 | 0 | 4 | 4 | 3 |
| Salliq |
Aulahimaaqtut |
Talvanga 1/9/2022 | 20 | 26 | 6 | 15 | 4 | 11 |
| Tikirarjuaq | Aulahimaaqtut | Talvanga 1/7/2022 | 13 | 16 | 3 | 12 | 3 | 3 |
| Sanikiluaq | Aulahimaaqtut | Talvanga 1/4/2022 | 35 | 41 | 6 | 12 | 6 | 29 |
| Kinngait | Aulahimaaqtut | Talvanga 1/2/2022 | 56 | 59 | 3 | 46 | 12 | 13 |
| Mittimatalik | Aulahimaaqtut | Talvanga 1/1/2022 | 1 | 3 | 2 | 1 | 0 | 2 |
| Igluligaarjuk | Aulahimaaqtut | Talvanga 1/1/2022 | 6 | 6 | 0 | 5 | 0 | 1 |
| Iqaluktuuttiaq | Aulahimaaqtut | Talvanga 12/30/2021 | 59 | 65 | 6 | 41 | 6 | 24 |
| Igloolik | Aulahimaaqtut |
Talvanga 12/29/2021 |
31 | 42 | 11 | 18 | 0 | 24 |
| Qamanittuaq | Aulahimaaqtut | Talvanga 12/29/2021 | 51 | 57 | 6 | 20 | 10 | 37 |
|
Arviat |
Aulahimaaqtut | Talvanga 12/29/2021 | 122 | 122 | 0 | 98 | 14 | 24 |
| Sanirajak | Aulahimaaqtut |
Talvanga 12/29/2021 |
24 | 24 | 0 | 20 | 3 | 4 |
| Qikiqtarjuaq | Aulahimaaqtut |
Talvanga 12/28/2021 |
8 | 8 | 0 | 7 | 0 | 1 |
| Kangiqliniq | Aulahimaaqtut |
Talvanga 12/23/2021 |
84 | 89 | 5 | 71 | 9 | 18 |
| Pangnirtung | Aulahimaaqtut |
Talvanga 12/23/2021 |
26 | 26 | 0 | 26 | 0 | 0 |
| Iqaluit | Aulahimaaqtut | Talvanga 11/04/2021 | 147 | 153 | 6 | 112 | 12 | 41 |
| Atauttimun | 714 | 766 | 52 | 518 | 90 | 247 |
*Ilihimalugu: Hapkua nampait aadlangguqattainnaktut. Havaaqhat havaktiattauvaktut pihimayaami naunaiyaut ublumit naunaiyautigiqattariami iniqhimayumiklu, kihimi pidjutinggittungnaqhiyuq tamainnik inungnik ihivriuqtauhimayunikluunniit.
**Aulaniaqtuq 17 Ubluqtuhirvia 2022mi, naunaiyagiikhimayuq aanniarutiqaqtun ilauyut tapkuninga katimadjutit nuutaanguqtiqhimayuq Nunavunmi aanniarutiqaqpakhimayut naunaitkutitigun. Una ilauyuq Qalagjuarniq CIOVID-19 aanniarutiqaqtun ihumagiyauyut talvanga qaujihairvingmi (PCR) ihumagiyauyutlu (qilaminuaq) ihivriudjutikhangit.
***Kinguvaktitauniarunaqhiyut unniudjutikkut hulidjutigiyauyuni kititiqhimayutlu aanniaqtunik pihimayut Aussaimi Kanatami. 12 aannialaqihimayun ilituriyauyut hilataani nunaptiknin ilaliutiyauhimayun Nunavunmun. Ukuallu ilauyut pingahut (3) tuquhimajut. Tamaitaungittun Nunavunmiutat pilgit QALAGYUARNIQ COVID-19 mik ilitturiyauyun ahiniitillutik ilaliutiyauhimayuniaqtut Nunavunmun.
QALAGYUARNIQ COVID-19 kapuqhingnikkut qanurinmanggaat: Ubluqtuhivia 25, 2022
Naunaiyautit/Kiqliqhatlu:
Una kangiqhidjut takupkaqtittiyuq nampainnik kapuqhiqtunik nunallaami talvanga Ubluqtuhivia 25, 2022. Pusatnga kapuutaanik munaqhiyut imaatun ittuq kapuut munaqtauyuq aviktuqhimayut Nunavutim inuqarniatigut nalautihimadjutaa 18 nik ukiuqaqtunut an’ngayuqhitqianutlu.
Nunavutim atauttimun kapuqhiqtunik ihuaqpiaqtut naittumi naunaiyautini. Nunallaatigut naunaiyautait ihivriuqtauyut imaa piyaami ihuaqpiaqtumik hulidjutigiyauyuni. Nunallaami atauttimuntigut ihuaqhaqtauyuqhat ihuaqtauviqhaqagumik. Pidjutiniagungnaqhiyuq mikiyumik ihuaqhaqtauyuqhanik pusantigut nunallaatigut.
Kapuutit hulidjutigiyauvaktut nunallaamun humi munaqtauhimadjutiniani.
Atauttimun kapurhiqhimayut taapkunanut nunaqaqtunut nunaqanggittunutlu, taapkunanutlu himmauhiqattaqtut havaktiit.
Kaffini nunallaani takudjutivaktut inungnik kapuqhiqtunik malruungni nunallaani, nunallaaniluunniit nunagiyaunggittainni.
Inuklu kapuqhiqhigungnaqhiyuq kapputaanik 1 imaalu/imaluunniit kapputaanik 2 avataanit nunagiyamingnik.
Una pidjutiqanggittut inungnut kapuqhiqhimayungnaqhiyunut ilainnaknik tamainnikluunniit avataani ukiuqtaqtup avikturviannit.
An’ngiyuq pusanga atauhirmi nunallami aadjikkiigutiginggita amigaittumut hunggiutivaktunik aanniarunmut. Piqangituq piliuqhimayumik naunaiqhimayumikluunniit pusanmik amigaittumut hunggiutivaktunik aanniarunmut QALAGYUARNIQ COVID-19 mut. Hunaungmangaata amigaittut hunggiutivaktunik aanniarunmut tikiutilimaittungnaqhiyuq hadjamin kapuutainnut anggirunnik (imaakaffuk piqanggittut kapuutimik nutaqqanut nukaqhiuyunut tualumit).
Pittaarvia:
Statistics Canada, Demography Division, Special tabulations. Upalun’ngaiyaqtaat hapkua: Nunavut Havagvia Kititirinirmun, Ubluqtuhivia 27, 2021.
Kapuutit amigaitilangit pihimajut uvanga Havagviata Aanniaqtailinirmut Meditech atuqtakhanit.
Pittaaqtut inirniqhaat nunallaami naunaiyautigiyauyut nampait inungnik 18 nit an’ngayuqhiutqiatlu maliqhugu 2020 inuqarniat nalautihimayut.
Nunallaap inuqarnia nalautihimayut “naammagiyauttianggittut” iniktauhimangmata ilainni inuqarniatigut amigaingniatigut (inuuyut, huiqtut, nuuttutlu). Atuqtauyuqhat qayagilugit.
Avaliingaaqtut amigaitilaangit:
| Aullaaqtun Qanurittun | Inuit Avaliingaaqtitauyun talvannga Ubluqtuhirvia-24mi |
| Daaktiliaqtut | 58 |
| Inuit | 0 |
| EMTI | 0 |
| Havaktut | 0 |
| Atautimun | 58 |
Aullarhimajun utiqtun naunaijautaa:
| Aullarvikhaa Ublua | # Amigaitilaangit Aullaaqtun Avaliingaarvingnit Avaliingaaqtut |
| 25-Ubluqtuhivia, 2022 | 11 |
| 26-Ubluqtuhivia, 2022 | 7 |
| 27-Ubluqtuhivia, 2022 | 2 |
| 28-Ubluqtuhivia, 2022 | 3 |
| 29-Ubluqtuhivia, 2022 | 5 |
| Total | 28 |
Havagviat Ilinniaqtuliqijikkut
K-12 Iliharviit
Talvani Ubluqtuhivia 24, iliharviit angmaffaarniaqtut ilihaqtunut taimaa 100 pusanmik inuqarniatigut unaluuniin 50 pusanmik inuqaqhutik, naunaiyautigilugu QALAGYUARNIQ COVID-19 qanurinmangaatigut tamaita nunallaanginni.
- Iliharviit tahapkunani Iqaluktuutiaq, Arviat, Qamanittuaq, Kangiqłiniq, Iqaluit, Kinngait, unalu Sanikiluarmi angmaktut taimaa 50% inuqaqhutik.
- Sikuuqviittauq aadlani nunallaani ammangniaqtut 100 pusat inuqarniataatigut.
- Sikuuqviit uqaqviginiaqtait ilihaqtuinaqtunut ilainnutlu qanurinmanggaatatigut upalunggaiyaamilu ilihagutiqhainnut.
- Angajuqqaangit ilihimangitun qakugu ilihaqtun utirniaqtun iliharvingminun, hivayaqtakhagiyaini ilihaqtun ilihaiyiingit.
Ilihalihaaqtut Nutaqqat Nutaqqiqiviillu
Uqaujijauvlutik CPHO-min, Iglulik nutaqqiqiviit angmahimmaaqtaaqtut ihariagijaujunun havaktinun.
Aulahimaaqtut kivgaqtuutit:
FANS-KUT
- Tamna FANSnik havagvingit aulaniaqtuq akiliktaudjutikharnik ilihaqtunun tuyurhimayunun Ilihaqtunun Ilauyumayut Uuktuutikhangit (SEF).
- Ilihaqtut pijakhaat taimaa 15-ni havaktillugin ubluinni ubluanin tunijamingnun pigijamingnik SEF ukununga FANS ubluanun takuniarungnaqhiajamingnun manikhut ilijauhimajun inmik maniqarvirjuamingnun.
- Qaangiutikpat 15-ni havaktillugit ubluni ilihaqtut pingitkumigit ilijauhimajumik maniqarvirjuamingnun, qaritaujakkut titiqqittaaqtun uumunga fans@gov.nu.ca naunaiqtillugin. Ilihaqtun ilaliutijakhaat aadjiliuqhimajuq inmik maniqarvirjuamun naunaitkutaa talvangaUbluqtuhivia 1 tadjamun ubluanun.
- Apikkutiqaqtut FANS tigut ikayuutainnik qariyaqvigiinnariaqaqtut hamunga tuyuqlugit fans@gov.nu.ca.
- Ilihaqtut apikkuutiqaqtut FANS ngattigun- piinnarialiq aullaqhatigun qaritauyaqvigiinnariaqaqtait hamunga fanstravel@gov.nu.ca naunaiyautiqhanik.
Ilihaqtun pigumik tingmidjutinun aallannguqtirutinik tingmitillutik qaritaujakkut titiqqijukhat talvunga fanstravel@gov.nu.ca havagvingmi havangnaqtillugu unaluuniin, havangnaiqqat ikaarnini, hivajarlutik havangnaittumi ikaarnini tingmidjutinun nampaa uumunga 1-867-857-6950.
Ihuaqhaqtauhimayut kivgaqtuutit:
Ilihalihaaqtut Nutaqqat Nutaqqiqiviillu
Uqaujijauvlutik CPHO-min, Iglulik nutaqqiqiviit angmahimmaaqtaaqtut ihariagijaujunun havaktinun.
FANS-KUT
Havangnaqppiaknaqhitillugu ukununga the FANS-kut havagvia, uumatun aullaqtirutaanun nutaamun iliharviup iluani ukiumi ilihaidjutikhanun, havaktakhanun malikpagaat kiujaami qaritaujakkut titiqqidjutinun una pingahunin tallimanun havaktillugit ubluinni. Kiudjutikhangit ikaakningit talvanga FANSnik havagviani kinguvarniaqtun aulaligumi Qalagjuarniq-19nik aanniarutiqaqtunik Arvianmi.
Umiqhimaniaqtun/Nutqaqtitauniaqtun/Taimaaqtitauyut ikayuutiqhat:
K-12 Iliharviit
Uqaujauhimajumik CPHO-min, Iglulingmi iliharviit umikhimajun ilihaqtunun havaktinullu aullaktirutaaninUbluqtuhivia 25, 2022.
- Iliharviit Iglulingmi ikajurniaqtut ilihaqtunun pidjuaanun ahinin iliharnirmun tikiliqtumi hanainirmun.
Jaanuiali iniqtirniaqhimayut ihivriudjutiqhanginnut Nunavunmi ilihaqtut nutqaqtitauyut. Ilihaqtut ihuaqhariiqhimayut titirariamingnik iniktirutimingnut Ubluqtuhinia 2022 mi piniaqtut kihiani pilutik piyaqagiingittuqhamik naunaiyautilingmiklu ilihaqtaminuit 100 pusanmik naunaitkutigiyauniaqtut.
Nunavunmiutat aanniaqtailidjutait atauttikkut uvagut munariyaqhavut! Itqaumalugu: uaqlugit algatit, kapuqhirlutin, pidjutihimmaaqlutinlu un’ngahiqtilaaqhimalutin inungnit, naalaqlugit uqaudjait munaqhiliqiiyini ayuittiaqtut, aihimalutinlu aanniaguvit.