ᓄᓇᕗᑦ ᓴᖅᑭᑕᐅᓚᐅᕐᑎᓪᓗᒍ ᓄᓇᕗᙳᕐᖢᓂ ᖃᒡᓕᔪᑦ ᐊᕐᕌᒍᑦ 25, ᑲᓇᑕᐅᑉ ᒐᕙᒪᒃᑯᖏᑦ, ᓄᓇᕗᑦ ᒐᕙᒪᒃᑯᖏᑦ, ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐱᓕᕆᖃᑎᒌᒃᓯᒪᕗᑦ ᖃᓂᒌᒃᖢᑎᒃ ᖃᐅᔨᓇᓱᒃᖢᑎᒃ ᑎᑭᑕᐅᓇᓱᒃᑐᑦ ᑮᓇᐅᔭᓕᐅᕋᓱᓐᓂᕐᒧᑦ, ᐃᓄᓕᕆᓂᖕᓄᑦ, ᐊᒻᒪᓗ ᐃᓕᖅᑯᓯᐅᑉ ᖃᓄᐃᙱᑦᑎᐊᕐᓂᖓ ᓄᓇᕗᒻᒥᑦ ᓇᖕᒥᓂᕐᓱᖕᓂᒃᑯᑦ.
ᐅᓪᓗᒥ, ᑲᓇᑕᐅᑉ ᐊᖓᔪᖅᑳᕐᔪᐊᖓ, ᔭᔅᑎᓐ ᑐᓘᑑ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ, ᑖᓐ ᕚᓐᑎᐅᓪᓗ, ᓯᕗᓕᖅᑎ ᓄᓇᕗᒻᒧᑦ, ᐲ.ᔭᐃ. ᐊᕿᐊᕗᖅ, ᐊᖓᔪᖅᑳᕐᓗ ᓄᓇᕗᑦ ᑐᙵᕕᒃᑯᑦ ᑎᒥᖁᑖᓄᑦ, ᐊᓗᑭ ᑰᑦᑎᖅ, ᐊᑎᓕᐅᓚᐅᕐᐳᑦ ᓄᓇᕗᑦ ᓄᓇᓄᑖᓄ ᐱᔾᔪᑎᒃᓴᓄᓪᓗ ᓇᖕᒥᓂᕐᓱᕐᓂᖕᒧᑦ ᐊᖏᕈᑎᒥᑦ − ᐱᕐᔪᐊᒻᒪᕆᒃ ᐊᑐᕐᑕᐅᔪᒥᑦ ᓄᓇᕗᒻᒥᑦ ᑕᐅᑐᒃᑕᐅᓚᐅᕐᑐᖅ ᐃᓄᖕᓂᑦ ᓯᕗᓕᖅᑎᐅᔪᓂᑦ, ᑎᓕᔭᐅᓯᒪᔪᓂᑦ, ᓄᓇᓕᖕᒥᐅᓂᓪᓗ ᐃᓄᖕᓂᑦ.
ᑖᓐᓇ ᐊᖏᕈᑎ ᐊᖏᓂᕐᐹᖑᕗᖅ ᓄᓇᒥ ᓅᑕᐅᔪᒥᑦ ᑲᓇᑕᐅᑉ ᐊᑐᕐᓯᒪᔭᖏᓐᓂᑦ. ᐊᖏᕈᑎᒥᑦ, ᓄᓇᕗᑦ ᓄᓇᕗᒻᒥᐅᓪᓗ ᐃᓱᒪᓕᐅᕆᔪᓐᓇᕐᓂᐊᓕᕐᐳᑦ ᖃᓄᖅ ᐃᓄᐃᑦ ᓄᓇᖁᑎᖏᑦ, ᐃᒪᖁᑎᖏᑦ, ᑭᖑᕝᕕᒃᑲᓐᓂᕈᓐᓇᖏᑦᑐᑦ ᐊᑐᕐᑕᐅᔪᑦ ᓄᓇᕗᒻᒥᑦ, ᐊᑐᑦᑎᐊᕐᓗᒋᑦᓪᓗ ᐃᑲᔫᑎᑦ ᑲᒪᒋᔭᒃᓴᑦ ᐊᑐᒃᑲᓐᓂᕈᓐᓇᕐᓂᖕᒧᓪᓗ ᐱᕙᓪᓕᐊᓂᖅ. ᓇᖕᒥᓂᕐᓱᖕᓂᖅ ᓴᖅᑭᑎᑦᑎᓂᐊᕐᐳᖅ ᐅᑭᐅᖅᑕᖅᑐᒥ−ᐃᖅᑲᓇᐃᔮᓂᑦ, ᐱᕕᒃᓴᓂᑦ, ᐱᕈᕐᓴᐃᓂᖕᓂᑦ, ᐊᒻᒪᓗ ᐊᒥᓱᓂ ᐱᕙᓪᓕᐊᓂᖕᓂᑦ ᓄᓇᕗᒻᒧᑦ ᐃᓄᖏᓐᓄᓪᓗ, ᑭᖑᕚᒃᓴᖏᓐᓄᓪᓗ.
ᐊᖏᕈᑎ ᓴᖅᑭᔮᕐᑎᑦᑎᕗᖅ ᐃᑲᔪᖅᑐᐃᓪᓗᓂᓗ ᓯᕗᓪᓕᐅᔾᔭᒃᓴᓂᑦ ᓄᓇᕗᒻᒧᑦ. ᑲᑐᔾᔨᓪᓗᑎᒃ ᐊᖏᕈᑕᐅᓯᒪᔪᓂ ᑕᐅᑐᖅᑰᖅᑕᖓᑦ ᓇᖕᒥᓂᕐᓱᖕᓂᕐᒧᑦ, ᐱᓕᕆᖃᑎᒌᓐᓇᕐᓂᐊᕐᐸᒍ ᐱᓕᕆᖃᑎᕗᑦ ᐊᕐᕌᒍᓄᑦ ᐱᖓᓱᓄᑦ ᐊᑐᓕᕐᑎᓐᓂᐊᕐᓗᒍ ᓅᑕᐅᓂᖓ ᑲᒪᒋᔭᒃᓴᑦ, ᐱᐊᓂᒃᑕᐅᓛᕐᑐᖅ ᐊᐃᕆᓕ 1, 2027-ᒥᑦ.
ᓇᖕᒥᓂᕐᓱᕐᐸᓪᓕᐊᓂᖅ ᐱᒻᒪᕆᐅᕗᖅ ᐊᑐᕐᓂᐊᕐᓗᒍ ᒐᕙᒪᓕᕆᓂᖕᓂᑦ ᐱᕙᓪᓕᐊᓂᖕᒥᓪᓗ ᓄᓇᕗᑦ ᐊᒻᒪᓗ ᑲᑐᔾᔨᓗᑎᒃ ᐊᖅᑯᑖᓂ ᐋᕿᒋᐊᕐᓂᒃᑯᑦ. ᐱᓕᕆᖃᑎᒌᓐᓇᕐᓂᐊᕐᑕᕗᑦ ᓴᙱᒃᑎᑉᐹᓪᓕᕐᑎᓪᓗᒍ ᓄᓇᕗᑦ ᑮᓇᐅᔭᓕᐅᕋᓱᖕᓂᖕᒧᑦ ᓯᕗᓂᑦᑎᓐᓂᑦ, ᓴᙱᒃᑎᑉᐹᓪᓕᕐᓗᒋᑦ ᐃᓄᐃᑦ−ᑯᐃᓐᓇ ᑭᒡᒐᖅᑐᖅᑎᖏᓐᓂᑦ ᐱᓕᕆᖃᑎᒌᖕᓂᖅ, ᐱᐅᓂᕐᓴᒥᓪᓗ, ᓯᕗᓂᒃᓴᑦᑎᐊᕙᖕᒥᓪᓗ ᑕᐃᒃᑯᓄᖓ ᓄᓇᕗᒻᒥᑦ ᐊᖏᕐᕋᖃᕐᓂᕋᕐᑐᑦ.
ᐅᖃᐅᓯᐅᓯᒪᔪᑦ
“ᐅᓇ ᓯᕗᓪᓕᖅᐹᑦᑎᐊᖅ ᐅᓪᓗᖓ ᓄᓇᕗᒻᒧᑦ ᐊᒻᒪᓗ ᑲᓇᑕᒧᑦ. ᐃᓱᒋᔭᖓ ᓴᙱᔪᒃᑯᑦ, ᐱᓕᕆᖃᑎᒌᑦᑎᐊᕐᓂᒃᑯᑦ ᓴᖅᑭᑦᑎᓚᐅᕐᐳᒍ ᓄᓇᕗᒻᒥᑦ ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᑎᒥᖁᑖ ᐃᖅᑲᓇᐃᔮᒃᓴᓕᐅᕐᖢᑎᒃ, ᐱᕈᕐᓴᐃᓪᓗᑎᒃ, ᐊᓯᔾᔩᓂᖕᒧᓪᓗ ᐱᕕᒃᓴᖃᕐᑎᑦᑎᓪᓗᑎᒃ ᓄᓇᕗᒻᒥᐅᓂᑦ. ᑕᒪᐅᓈᕐᑎᓪᓗᑕ ᐋᖅᑭᒋᐊᖃᑎᒌᖕᓂᖕᒧᑦ, ᐱᒻᒪᕆᐅᓛᖅ ᐃᓱᒪᓕᐊᖑᔪ ᐊᒃᑐᐃᓂᐊᕐᑐᖅ ᓄᓇᕗᒻᒥᑦ ᓴᓇᔭᐅᓂᐊᕐᑐᖅ ᓄᓇᕗᒻᒥᑦ, ᐃᓄᖏᑎᒍ,ᑦ ᐃᓄᖁᑎᖏᓐᓄᓪᓗ.
— The Rt. ᐅᐱᓐᓇᕐᑐᖅ ᔭᔅᑎᓐ ᑐᕉᑑ, ᓯᕗᓕᖅᑎᕐᔪᐊᖅ ᑲᓇᑕᒥᑦ“ᓇᖕᒥᓂᖅᓱᕐᓂᖅ, ᐅᕝᕙᓘᓐᓃᑦ ᓇᖕᒥᓂᖅᓱᕐᓂᖅ, ᐊᑕᐅᓯᐅᕗᖅ ᐊᑐᕆᐊᓕᑦ ᑕᐅᑐᖅᑰᖅᑕᑦᑎᓐᓄ ᓇᖕᒥᓂᕐᓱᖕᓂᖅ ᓄᓇᕗᒻᒥᑦ. ᐊᑎᓕᐅᕐᑕᐅᑎᓪᓗᒍ ᐅᓇ ᐊᖏᕈᑎ, ᐃᓱᒪᓕᐅᕆᔪᓐᓇᕐᓯᕗᒍ ᓄᓇᖁᑎᑦᑎᓐᓄᑦ ᐃᒪᖁᑎᑦᑎᓐᓄᓪᓗ. ᑕᐃᒪᓕ ᐅᕙᒍᑦ, ᐃᓄᐃᑦ ᐱᕈᕐᓴᐃᓯᒪᕗᑦ ᓄᓇᑦᑎᓐᓂᑦ, ᐊᐅᓚᑦᑎᓂᐊᕐᐳᒍᑦ ᓄᓇᒥᐅᑕᐃᑦ ᐊᑐᖅᑐᒃᓴᖁᑎᑦᑎᓐᓂᑦ. ᑭᖑᕚᕇᑲᓪᓚᐃᑦ ᓯᕗᓕᖅᑎᑦ ᐱᓇᓱᐊᕐᓯᒪᓚᐅᕐᑐᑦ ᑕᒪᑐᒥᖓ, ᐅᓪᓗᒥ ᐊᑎᓕᐅᕆᓂᖅ ᓇᖕᒥᓂᖅᓱᓕᖅᐸᓪᓕᐊᓂᕐᒧᑦ ᐊᖏᖃᑎᒌᒍᑎᒥ ᒪᒃᑯᒃᑐᓅᖓᕗᖅ ᓄᓇᕗᒻᒥᐅᓄ ᓄᓇᕗᒻᒥᑦ.”
− ᒪᓕᒐᓕᐅᖅᑎ ᐲᔾᔭᐃ ᐊᕿᐊᕈᖅ, ᓯᕗᓕᖅᑎ ᓄᓇᕗᒻᒧᑦ“ᓄᓇᕗᑦ, ᐃᓄᒃᑎᑐᑦ, ᑐᑭᖃᖅᑐᑦ ‘ᓄᓇᕗᑦ’. ᓴᖅᑭᑕᐅᑎᓪᓗᒍ, ᓄᓇᕗᑦ ᐊᖏᕈᑎᐊᒍᑦ, ᐱᒻᒪᕆᐅᓚᐅᕐᐳᖅ ᓯᕗᒧᐊᒃᓗᓂ ᐃᓄᖕᓄᑦ ᑐᑭᓕᖕᒥᑦ ᐊᐅᓚᑦᑎᓂᐊᕐᓗᑎᒃ ᓄᓇᖁᑎᑦᑎᓐᓂᑦ. ᐊᕐᕌᒍ 25−ᖑᓕᕐᑐᑦ, ᓄᓇᕗᑦ ᑐᙵᕕᒃᑯᑦ ᑎᒥᖁᑖ ᐱᓕᕆᓯᒪᒻᒪᕆᒃᑐᑦ ᖃᐅᔨᓇᓱᒃᖢᑎᒃ ᑎᑭᑕᐅᓇᓱᐊᕐᑐᒥᑦ, ᐅᓪᓗᒥᓗ ᖁᕕᐊᓲᑎᒋᕙᕗᑦ ᐱᒻᒪᕆᐊᓗᒃ ᐊᑐᕐᑕᐅᔭᕆᐅᕐᑐᑦ ᑐᕌᖅᑕᐅᓪᓗᓂ ᑎᑭᓇᐅᓇᓱᐊᖅᑐᖅ. ᓂᕆᐅᒃᐳᒍᑦ ᐱᓕᕆᖃᑎᖃᕆᐊᒃᓴᖅ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂᑦ ᐊᑐᓕᕐᑎᑕᐅᓂᐊᕐᓂᖓᓂ ᐱᒻᒪᕆᐊᓗᒃ ᐊᖏᕈᑎ, ᐃᓚᐅᓪᓗᓂ ᐃᖅᑲᓇᐃᔭᖅᑐᓕᕆᓂᖕᒧᑦ ᐱᕙᓪᓕᐊᓂᖕᒧᑦ ᐅᐸᓗᖓᐃᔭᐅᑎ, ᑲᔪᓯᓗᑕᓗ ᓇᖕᒥᓂᕐᓱᖅᐸᓪᓕᐊᓂᖕᒧᑦ ᓄᓇᕗᒻᒥᑦ ᐃᓄᖏᓐᓄᑦ.” −ᐊᓗᑭ ᑰᑦᑎᖅ, ᐊᖓᔪᖅᑳᖅ, ᓄᓇᕗᑦ ᑐᙵᕕᒃᑯᑦ ᑎᒥᖓᑦ
“ᐊᑎᓕᐅᕐᑕᐅᓂᖓ ᓄᓇᒻᒥᑦ ᓇᖕᒥᓂᖅᓱᓕᖅᐸᓪᓕᐊᓂᕐᒧᑦ ᐊᖏᖃᑎᒌᒍᑦ ᓄᑖᖑᕗᖅ ᓄᓇᕗᒻᒧᑦ, ᐃᓱᒪᓕᐅᕆᓂᖅ ᐱᓯᒪᔭᐅᓂᐊᕐᓗᓂ ᓄᓇᕗᒻᒥᐅᓄᑦ, ᐃᓕᖅᑯᓯᖏᑦ, ᑮᓇᐅᔭᓕᐅᕈᑎᖏᑦ, ᐱᔪᒪᔭᖏᓪᓗ ᑲᓱᕐᓯᒪᖕᒪᑕ ᖃᓂᒌᒃᖢᑎᒃ ᓄᓇᒧᑦ ᐊᕙᓗᖏᓐᓂᑦ. ᐅᓇ ᓯᕗᓪᓕᖅᐹᖅ ᐊᖏᕈᑎ ᓴᖅᑭᑎᑦᑎᕗᖅ ᐃᑲᔪᖅᑐᐃᓪᓗᓂᓗ ᐱᔭᐅᔭᕆᐊᓕᖕᓂᑦ ᓯᕗᓪᓕᐅᔾᔭᒃᓴᓂᓪᓗ ᐊᒻᒪᓗ ᐱᖃᕐᑎᑦᑎᓇᓱᒃᖢᑎᒃ ᑮᓇᐅᔭᓕᐅᕈᑎᒃᓴᓂ ᐊᓯᖏᓐᓂᓪᓗ ᐃᑲᔫᑎᒃᓴᓂᑦ ᐃᑲᔫᑕᐅᔪᓐᓇᖅᑐᓄᑦ ᐱᕚᓪᓕᖅᑎᑦᑎᓂᖕᓂᑦ ᐊᕕᒃᑐᕐᓯᒪᔪᒥ ᑲᑐᔾᔭᐅᔪᑦ ᐃᓄᖕᓂᑦ ᐊᒻᒪᓗ ᓄᓇᕗᒻᒥᐅᓕᒫᓄᑦ.
−ᓂᕈᐊᖅᑕᐅᓯᒪᔪᖅ ᑖᓐ ᕚᓐᑖᓪ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ