ᓄᕙᕐᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᖅ - ᔮᓄᐊᕆ 20, 2022

ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᑦ:

ᐅᓪᓛᒃᑯᑦ,

ᐅᓪᓛᖑᔪᖅ ᓄᓇᕗᒻᒥ 175−ᓂ ᓄᕙᒡᔪᐊᕐᓇᖅ-19−ᖃᖅᑐᖃᓕᖅᑐᖅ.

19−ᓂᑦ ᓄᓇᓕᖕᓂ ᓄᕙᕐᔪᐊᕐᓇᖅᑐᓕᒃ−ᐅᑯᐊ ᐅᓄᕐᓂᖏᑦ:

• 35 ᐊᕐᕕᐊᓂ,
• 35 ᖃᒪᓂ'ᑐᐊᒥ,
• 16 ᐃᖃᓗᒃᑑᑦᑎᐊᒥ,
• ᐊᑕᐅᓯᖅ ᐃᒡᓗᓕᒑᕐᔪᖕᒥ,
• ᑎᓴᒪᑦ ᓴᓪᓕᕐᒥ,
• ᐃᒡᓗᓕᖕᒥ ᐱᑕᖃᙱᑦᑐᖅ
• 16 ᐃᖃᓗᖕᓂ,
• ᐊᑕᐅᓯᖅ ᐅᖅᓱᖅᑑᕐᒥ,
• ᖁᓕᓪᓗ ᑎᓴᒪᑦ ᑭᙵᕐᓂ,
• ᑰᒑᕐᔪᖕᒥ ᐱᑕᖃᙱᑦᑐᑦ,
• ᖁᓕᓪᓗ ᒪᕐᕉᒃ ᓇᐅᔮᓂ,
• ᐸᓐᓂᖅᑑᒥ ᐱᑕᖃᙱᑦᑐᖅ,
• ᒥᑦᑎᒪᑕᓕᖕᒥ ᐱᑕᖃᙱᑦᑐᖅ,
• ᐊᑕᐅᓯᖅ ᕿᑭᖅᑕᕐᔪᐊᕐᒥ,
• 17 ᑲᖏᖅᖠᓂᕐᒥ,
• ᑎᓴᒪᑦ ᓴᓂᕋᔭᖕᒥ,
• ᖁᓕᓪᓗ ᐊᑕᐅᓯᖅ ᓴᓂᑭᓗᐊᕐᒥ,
• ᑕᓪᓕᒪᑦ ᑕᓗᕐᔪᐊᕐᒥ, ᐊᒻᒪᓗ
• ᐱᖓᓱᑦ ᑎᑭᕋᕐᔪᐊᕐᒥ. 

ᐅᓪᓗᒥ 50−ᓂᑦ ᐱᔪᓐᓃᖅᓯᒪᔪᖃᓕᖅᑐᖅ. 428−ᓂᒃ ᑲᑎᖦᖢᒋᑦ ᐱᔪᓐᓃᖅᓯᒪᓕᖅᑐᖅ ᐊᐃᑦᑐᕐᓗᒃᑕᐅᓯᒪᔪᓂᑦ.

ᐅᓪᓗᒥ, ᑭᖑᓪᓕᖅᐹᒥ ᐱᓕᕆᐊᖑᕙᓪᓕᐊᔪᒥᒃ ᑐᓴᖅᑎᑦᑎᓕᕐᒥᔪᒍᑦ ᓄᓇᕗᑦ ᒐᕙᒪᒃᑯᑦ ᓄᕙᕐᔪᐊᕐᓇᖅ-19−ᒧᑦ ᖃᓄᐃᓕᐅᕈᑎᒋᔭᖓᓄᑦ ᐸᕐᓇᐅᑎᒥᒃ. $625,000-ᓂᒃ ᓴᓂᕐᕙᐃᓚᐅᖅᑐᒍᑦ ᑐᕌᖓᔪᓄᑦ ᐊᑐᓂ ᓄᓇᕗᒻᒥ ᐊᖑᓇᓱᒃᑐᓕᕆᔨᒃᑯᓐᓄᑦ.  ᐊᑐᓂ ᐊᖑᓇᓱᒃᑐᓕᕆᔩᑦ $25,000−ᓂᒃ ᐱᑎᑕᐅᓂᐊᖅᐳᑦ. ᑖᒃᑯᐊ ᑮᓇᐅᔭᐃᑦ ᐃᑲᔫᑕᐅᓂᐊᖅᐳᑦ ᓂᕿᒃᓴᖅᓯᐅᖅᑎᓄᑦ ᓂᕿᑦᑎᐊᕙᖕᓂᒃ ᐊᑐᐃᓐᓇᐅᑎᑦᑎᖁᓪᓗᒋᑦ ᓄᕙᕐᔪᐊᕐᓇᖅ-19−ᒥ ᖃᓂᒪᓐᓇᐅᑎᓪᓗᒍ. ᑖᒃᑯᐊ ᑮᓇᐅᔭᐃᑦ ᐊᑐᖅᑕᐅᔪᓐᓇᖅᐳᑦ ᐋᖅᑭᒃᓱᐃᑎᓪᓗᒋᑦ ᐊᑭᓖᔾᔪᑕᐅᓗᑎᒡᓗ ᓂᕿᒃᓴᖅᓯᐅᖅᑎᓄᑦ. ᓇᓗᓇᐃᔭᖅᓯᒪᒃᑲᓐᓂᖅᑐᑦ ᑕᑯᔪᒪᒍᕕᒋᑦ, ᐊᕙᑎᓕᕆᔨᒃᑯᓐᓄᑦ ᖃᐅᔨᒋᐊᕐᓗᑎᑦ. ᐃᕐᙲᖅᓈᖅᑕᐅᒃᑯᑦ ᑎᑎᕋᕐᕕᒋᔪᓐᓇᖅᐸᐃᑦ jaliqatuqtuq@gov.nu.ca ᐅᖄᓚᓗᑎᓪᓘᓐᓃᑦ 867-975-7781−ᒧᑦ.

ᖁᔭᓐᓇᒦᒃ ᒥᓂᔅᑕ ᔪᐊᓇᓯ ᑕᒪᑐᒥᖓ ᐱᓕᕆᓚᐅᕐᒪᑦ.

ᒥᓂᔅᑕ ᑖᔅᓱᒪ ᐱᓕᕆᐊᖑᑎᑕᐅᔫᑉ ᒥᒃᓵᓄᑦ ᐊᐱᖅᑯᑎᒃᓴᓕᖕᓂᑦ ᑭᐅᔪᓐᓇᕐᓂᐊᖅᑐᖅ.

ᓄᓇᕗᒻᒥᐅᑦ ᐃᖅᑲᐃᓯᔪᒪᕙᒃᑲ ᐱᓕᕆᖃᑕᐅᖁᓪᓗᒋᑦ ᓄᓇᓕᑦᑎᓐᓂ ᐊᑦᑕᕐᓇᖅᑕᐃᓕᒪᑎᑦᑎᓗᑎᒃ, ᐱᓗᐊᖅᑐᒥ ᓄᑕᖅᑲᑦ ᐃᓕᓐᓂᐊᕐᕕᖕᒧᑦ ᐅᑎᕐᓂᐊᓕᖅᑎᓪᓗᒋᑦ ᐱᓇᓱᐊᕈᓯᐅᓂᐊᖅᑐᖅ.

ᐅᑯᐊ ᐊᑐᐃᓐᓇᕐᓂᐊᖅᐸᓯᐅᒃ.

• ᐊᖏᕐᕋᖅᓯᒪᕙᒡᓗᑎᑦ ᐊᔪᕐᓇᙱᑦᑕᕌᖓᑦ.
• ᐃᓄᑮᓐᓇᖅᐸᒡᓗᓯ.
• ᑲᐱᔭᐅᓗᑎᑦ ᐋᓐᓂᐊᓕᕇᒃᑯᑎᒧᑦ.
  • ᐱᖓᔪᖓᓂ ᑲᐱᔭᐅᓗᑎᓗ.
• ᒪᑐᐊᖅᓯᒪᓗᑎᑦ.
• ᓄᕙᕐᔪᐊᕐᓇᒧᑦ ᐅᖄᓚᕝᕕᒃᓴᖅ ᑐᓴᖅᑎᓪᓗᒍ ᐊᒻᒪ ᐊᓂᑦᑕᐅᓕᒪᓗᑎᑦ ᖃᓂᒪᑲᑕᓕᕈᕕᑦ.

ᓱᓕᒃᑲᓐᓂᖅ ᐱᑦᑎᐊᖃᑦᑕᕐᓗᑕ−ᐊᑕᐅᑦᑎᒃᑯᑦ ᑕᒪᓐᓇ ᐊᑐᕐᐸᕗᑦ.

ᖁᔭᓐᓇᒦᒃ.

 

ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᑐᓴᒐᒃᓴᖏᑦ:

ᐅᓪᓛᒃᑯᑦ.

ᐅᖃᐅᓯᖃᕈᒪᔪᖓ ᑲᐴᑎᐅᑉ ᐱᒻᒪᕆᐅᓂᖓᓂᒃ ᓄᕙᕐᔪᐊᕐᓇᖅ-19−ᒥᒃ ᓄᖅᑲᖅᑎᑦᑎᓇᓱᒃᑎᓪᓗᑕ.

ᒫᓐᓇᐅᔪᖅ, ᑐᓴᖅᓯᒪᓕᕋᔅᓯᐅᒃ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᑦ−ᓲᕐᓗ ᓘᒃᑖᖅ ᐹᑐᓴᓐ, ᐊᓯᖏᓪᓗ ᐋᓐᓂᐊᓯᐅᖅᑎᒻᒪᕇᑦ−ᐃᓄᖕᓂᒃ ᑲᐱᔭᐅᖁᔨᓪᓗᑎᒃ ᑎᓕᐅᕆᖃᑦᑕᕐᒪᑕ ᓄᕙᕐᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎᒥᒃ. ᐃᓕᖕᓂᑦ ᐊᐱᓗᑎᑦ−ᖃᔅᓰᖅᖢᑎᑦ ᑕᐃᒪᓐᓇ ᑐᓴᓕᖅᐱᑦ: 'ᑲᐱᔭᐅᓗᑎᑦ ᐋᓐᓂᐊᓕᕇᒃᑯᑎᒧᑦ' ᐊᐱᕆᒃᑲᓐᓂᕐᓗᑎᓪᓗ: ᖃᓄᐃᒻᒪᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕇᑦ ᑖᔅᓱᒥᖓ ᐅᖃᐃᓐᓇᖃᑦᑕᖅᐸᑦ?

ᑖᔅᓱᒥᖓ ᑐᓴᖅᑎᑦᑎᖃᑦᑕᖅᐳᑦ, ᑐᓴᖅᑎᑦᑏᓐᓇᖅᐸᒃᖢᑎᒡᓗ, ᓲᖃᐃᒻᒪ ᓱᓕᖕᒪᑦ. Omicron ᓄᑖᖑᓪᓗᓂ ᐊᔾᔨᒋᔭᐅᙱᒃᑲᓗᐊᖅᖢᓂ, ᐊᐃᑦᑐᕐᓘᑕᐅᓴᕋᐃᓐᓂᖅᓴᐅᓪᓗᓂᓗ, ᓱᓕ ᐅᖃᐅᔾᔨᑲᑕᒋᐊᖃᓪᓚᕆᒃᐳᑦ.  ᐅᑯᐊ ᑕᕝᕙ ᓱᓕᔪᑦ. ᓄᕙᕐᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎ ᓱᓕ ᐃᑲᔫᑎᖃᓪᓚᕆᒃᐳᖅ ᑕᐃᒃᑯᓄᖓ ᑲᐱᔭᐅᖃᑦᑕᖅᑐᓄᑦ. ᐋᓐᓂᐊᓕᕇᒃᑯᑎᑦ ᓱᓕ ᐃᓚᑦᑎᓐᓂ, ᐱᖃᓐᓇᕆᔭᑦᑎᓐᓂ ᐊᒻᒪ ᓴᓇᖃᑎᑦᑎᓐᓂ ᐊᑦᑕᕐᓇᙱᑦᑐᒦᑎᑦᑎᕗᖅ.

ᑖᓐᓇᑦᑕᐃᓐᓇᖅ ᐅᖃᐅᓯᐅᑲᑕᒃᑲᓗᐊᖅᑎᓪᓗᒍ, ᐃᓱᒫᓘᑎᖃᖅᐳᖓ ᓱᓕ ᐅᓄᓗᐊᖅᑐᑦ ᓄᓇᕗᒻᒥᐅᑦ ᑲᐱᔭᐅᓯᒪᙱᒻᒪᑕ, ᐅᕝᕙᓘᓐᓃᑦ ᐃᓚᐃᓐᓇᖓᓂ ᑲᐱᔭᐅᓯᒪᖕᒪᑕ. ᑕᐃᒪᐃᒻᒪᑦ ᐅᓪᓗᒥ ᐊᔪᐃᓐᓇᕆᐊᒃᑲᓐᓂᕈᒪᕗᖓ ᐃᓚᒌᓄᑦ ᐱᖃᓐᓇᕆᔭᐅᔪᓄᓪᓗ. ᑭᓇᑐᐃᓐᓇᕐᒥᒃ ᖃᐅᔨᒪᒍᕕᑦ ᑲᐱᔭᐅᔭᕆᐊᓕᖕᒥᒃ−ᐊᑏ ᐅᖃᓪᓚᒡᕕᒋᓂᐊᖅᐸᑎᑦ, ᐃᓱᒫᓘᑎᒋᔭᖏᑦ ᓈᓚᒡᓗᒋᑦ. ᐃᑲᔪᕐᓗᒋᓪᓗ ᐊᑐᕈᓐᓇᖅᑎᓪᓗᒋᑦ ᖃᐅᔨᒋᐊᕈᑎᒃᓴᑦᑎᐊᕙᖕᓂ ᑲᐴᑎᐅᑉ ᒥᒃᓵᓄᑦ. ᐃᑲᔪᕐᓗᒋᑦ ᐃᓂᒃᓴᓕᐅᖅᑎᓪᓗᒋᑦ. ᖃᐅᔨᒪᔪᖓ ᑲᐴᑎᐅᑉ ᒥᒃᓵᓄᑦ ᐃᓱᒪᒋᔭᐅᔪᑦ ᓲᖑᔪᓐᓇᕐᒪᑕ, ᐊᑲᖅᓴᕈᓐᓃᕐᓇᖅᖢᓂᓗ ᐃᓛᓐᓂᒃᑯᑦ, ᑭᓯᐊᓂ ᓴᐱᓕᖅᑕᐃᓕᒋᑦ.

ᑭᖑᓪᓕᖅᐹᒥ, ᖁᔭᓐᓇᒦᕈᒪᕙᒃᑲ ᒪᐃᔭ ᑲᑎᒪᔨᖏᓪᓗ ᕼᐋᒪᓚᒃᑯᓐᓂ ᐊᕐᕕᐊᓂ, ᑲᖏᖅᖠᓂᕐᒥ ᐊᒻᒪ ᓄᓇᓕᐸᐅᔭᒃᑯᑦ ᐃᖃᓗᖕᓂ ᑕᒪᕐᒥᒃ ᐋᖅᑭᒃᓯᔪᓐᓇᖅᓯᓚᐅᕐᒪᑕ ᐊᑐᓕᖅᑎᑦᑎᔪᒪᓪᓗᑎᒃ ᑲᐱᔭᐅᓯᒪᔭᕆᐊᖃᓪᓚᕆᒃᑐᓂᑦ ᐃᒡᓗᖁᑎᖏᓐᓄᑦ ᐃᓯᕐᓂᐊᕈᑎᒃ. ᓯᕗᓕᐅᖅᑎᐅᓪᓗᓯ ᐃᑲᔪᖅᐳᓯ ᑲᑐᔾᔨᓗᑕ ᐱᓇᔪᒍᑎᒋᔭᑦᑎᓐᓂ ᓄᓇᕗᒻᒥᐅᑦ ᓴᐳᔾᔭᐅᖁᓪᓗᒋᑦ ᓄᕙᕐᔪᐊᕐᓇᖅ−19−ᒧᑦ. ᒪ'ᓇ ᓄᓇᕗᒻᒥᐅᓂᒃ ᐅᓄᕐᓂᖅᓴᓂᒃ ᑎᓕᐅᕆᓂᐊᕋᔅᓯ ᓄᕙᕐᔪᐊᕐᓇᖅ-19−ᒥ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᖁᓗᒋᑦ.

 

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᑐᓴᒐᒃᓴᖏᑦ ᓄᑖᙳᕆᐊᖅᓯᒪᔪᑦ:

ᐅᓪᓛᒃᑯᑦ.

ᑕᒪᑐᒪᓂ ᐱᓇᓱᐊᕈᓯᕐᒥ ᐅᖃᐅᓯᐅᓚᐅᕐᒪᑦ, ᐊᑕᐅᓯᕐᒥᒃ ᓄᓇᕗᒻᒥᐅᑕᒥᒃ ᐃᓅᔪᓐᓃᖅᑐᖃᓚᐅᕐᒪᑦ ᓄᕙᕐᔪᐊᕐᓇᖅ-19−ᒥ ᖃᓂᒪᔪᒥᑦ ᓇᒡᒐᔾᔭᐅᑎᓪᓗᒍ ᐅᓐᓄᐊᒃᑯᑦ. ᐱᕕᖃᕈᒪᕗᖓ ᐃᓚᖏᑦ ᕿᒪᒃᑕᐅᔪᒃ ᐃᒃᐱᒍᓱᖃᑎᒋᔪᒪᓪᓗᒋᑦ. ᑕᐃᓐᓇ ᐃᓅᔪᓐᓃᖅᑐᖅ ᑲᐱᔭᐅᓯᒪᓚᐅᙱᑉᐳᖅ 70 ᐅᖓᑖᓂ ᐅᑭᐅᖃᖅᖢᓂ.

ᐱᓇᓱᐊᕈᓯᐅᓵᖅᑐᒥᑦ,ᐅᓄᖅᓯᒋᐊᑳᓪᓚᓚᐅᖅᐳᑦ ᖃᓂᒻᒪᒃᑐᑦ ᐃᓄᐃᑦ ᖃᒪᓂ'ᑐᐊᕐᒥ. ᑕᐃᒪᐃᒻᒪᑦ, ᐃᓕᓐᓂᐊᕐᕖᑦ ᖃᒪᓂᑦᑐᐊᕐᒥ ᐃᓐᓄᒍᓐᓇᕐᓂᖓᑕ ᓇᑉᐸᖓᓂ ᐃᓄᖃᕐᓂᐊᖅᐳᑦ ᒪᒃᐱᖅᐸᑕ ᐱᓇᓱᐊᕈᓯᐅᓂᐊᖅᑐᖅ.  ᓯᕗᒻᒧᐊᒡᓗᖓ ᓱᓕ ᖃᐅᔨᓴᑲᑕᒃᐳᒍᑦ ᐊᑐᓂ ᓄᓇᓕᖕᓂ ᐱᓇᓱᐊᕈᓯᑕᒫ ᐱᔭᕆᐊᖃᕌᖓᑦ ᐃᓕᓐᓂᐊᕐᕖᑦ ᐃᓄᖃᕈᓐᓇᕐᓂᖏᑦ ᐅᓄᕈᓐᓃᕆᐊᖅᑕᐅᑲᑕᖕᓂᐊᖅᐳᑦ, ᐱᓇᓱᐊᕈᓯᕐᒥ ᐊᑕᐅᓯᕐᒥᒃ ᒪᕐᕉᖕᓄᑦ. ᑐᕌᒐᖃᖅᐳᒍᑦ ᐊᐃᑦᑐᕐᓗᒃᑕᐅᑎᑦᑎᑦᑕᐃᓕᒪᓪᓗᑕ ᐊᔾᔨᒌᒥᒃ, ᑐᖔᓂᓪᓘᓐᓃᑦ, ᐊᐃᑦᑐᕐᓗᒃᑕᐅᑐᐃᓐᓇᕆᐊᓕᖕᓂᑦ ᐊᓯᖏᓐᓂ ᐱᓕᕆᔪᓂᑦ ᓄᓇᓕᖕᓂ.

ᐊᑕᐅᓯᖅ ᐸᐃᕆᕝᕕᒃ ᐃᖃᓗᖕᓂ ᒪᑐᔭᐅᓚᐅᖅᐳᖅ ᓄᕙᕐᔪᐊᕐᓇᖅ-19−ᖃᖅᑐᖃᕐᓂᖓᓂ ᑕᐃᑲᓂ. ᖃᐅᔨᓴᖅᐳᑦ ᐊᐃᑦᑐᕐᓗᒃᑕᐅᓯᒪᑐᐃᓐᓇᕆᐊᓕᖕᓂᓪᓗ ᖃᐅᔨᓴᖅᖢᑎᒃ.

 

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓄᓇᕗᒥᐅᓂᒃ ᓴᐳᔾᔨᓯᒪᓇᓱᒃᖢᑎᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᖅᑎᖏᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ:
https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: 
https://www.gov.nu.ca/health/information/nunavuts-path

ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᖅᑐᓂᑦ ᐅᕗᙵᕐᓗᑎᑦ:
https://gov.nu.ca/health/information/covid-19-vaccination

 

ᓄᕙᒃᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ: ᔮᓄᐊᓕ 20, 2022

ᑲᑎᖦᖢᒋᑦ ᖃᐅᔨᓴᖅᑕᐅᓯᒪᔪᑦ	ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ	ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ	ᑲᑎᖦᖢᒋᑦ ᐊᓂᒍᐃᓯᒪᔪᑦ	ᐃᓅᔪᓐᓃᖅᑐᑦ	ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᓯᕗᓪᓕᖅᐹᖓᓐᓂᑦ ᓄᓇᕗᒻᒥ	ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᒪᕐᕉᓐᓂᒃ ᓄᓇᕗᒻᒥ
27,614	1277	175	1097	5	31,623	25,197

ᓄᕙᒡᔪᐊᕐᓇᖅ-19−ᒧᑦ ᓄᓇᓕᖕᓂ ᖃᓂᒻᒪᒃᑐᑦ ᑭᒡᓕᓯᓂᐊᖅᑕᐅᓯᒪᔪᑦ: ᔭᓄᐊᕆ 20, 2022

ᓄᓇᓕᒃ	ᓄᕙᒡᔪᐊᕐᓇᖅ-19 ᖃᓄᐃᓕᖓᓂᖓ	ᖃᖓᒃᑯᑦ	ᑭᒃᑯᑐᐃᓐᓇᐃᑦ ᓇᐃᓴᖅᑕᐅᓯᒪᔪᑦ ᐃᑉᐸᒃᓴᖅ (ᑲᑎᖦᖢᒋᑦ)	ᑭᒃᑯᑐᐃᓐᓇᐃᑦ ᓇᐃᓴᖅᑕᐅᓯᒪᔪᑦ ᐅᓪᓗᒥ (ᑲᑎᖦᖢᒋᑦ)	ᐊᓯᔾᔨᕐᑐᑦ ᐃᑉᐸᒃᓴᕐᓂᑦ (ᐱᖃᖅᑐᑦ)	ᑲᑎᖦᖢᒋᑦ ᖃᓄᐃᑦᑐᓐᓃᖅᑐᑦ	ᐊᓯᔾᔨᖅᑐᑦ ᐃᑉᐸᒃᓴᕐᓂᑦ (ᐱᖃᖅᑐᑦ)	ᑲᑎᖦᖢᒋᑦ ᐱᖃᕐᓂᖏᑦ
ᓇᐅᔮᑦ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 15 ᔭᓄᐊᕆ 2022−ᒥ	12	12	0	0	0	12
ᑰᒑᔪᒃ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 14 ᔭᓄᐊᕆ 2022−ᒥ	2	2	0	2	2	0
ᐅᖅᓱᖅᑑᖅ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 14 ᔭᓄᐊᕆ 2022−ᒥ	2	2	0	1	1	1
ᑕᓗᕐᔪᐊᖅ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 11 ᔭᓄᐊᕆ 2022−ᒥ	5	5	0	0	0	5
ᓴᓪᓕᖅ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 9 ᔭᓄᐊᕆ 2022−ᒥ	14	15	1	11	10	4
ᑎᑭᕋᕐᔪᐊᖅ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 7 ᔭᓄᐊᕆ 2022−ᒥ	12	13	1	9	0	3
ᓴᓂᑭᓗᐊᖅ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 4 ᔭᓄᐊᕆ 2022−ᒥ	14	17	3	6	4	11
ᑭᙵᐃᑦ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 1 ᔭᓄᐊᕆ 2022−ᒥ	47	48	1	34	7	14
ᒥᑦᑎᒪᑕᓕᒃ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 1 ᔭᓄᐊᕆ 2022−ᒥ	1	1	0	1	1	0
ᐃᒡᓗᓕᒑᕐᔪᒃ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 1 ᔭᓄᐊᕆ 2022−ᒥ	6	6	0	5	0	1
ᐃᖃᓗᒃᑑᑦᑎᐊᖅ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 30-ᑎᓯᐱᕆ	43	51	8	35	3	16
ᐃᒡᓗᓕᒃ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 29-ᑎᓯᐱᕆ	18	18	0	18	0	0
ᖃᒪᓂ'ᑐᐊᖅ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 29-ᑎᓯᐱᕆ	40	45	5	10	9	35
ᐊᕐᕕᐊᑦ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 29-ᑎᓯᐱᕆ	115	119	4	84	2	35
ᓴᓂᕋᔭᒃ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 29-ᑎᓯᐱᕆ	20	21	1	17	0	4
ᕿᑭᖅᑕᕐᔪᐊᖅ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 28-ᑎᓯᐱᕆ	7	8	1	7	0	1
ᑲᖏᖅᖠᓂᖅ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 23-ᑎᓯᐱᕆ	76	79	3	62	6	17
ᐸᓐᓂᖅᑑᖅ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 23-ᑎᓯᐱᕆ	26	26	0	26	0	0
ᐃᖃᓗᐃᑦ	ᐱᓕᕆᐊᖑᐃᓐᓇᖅᑐᖅ	ᑕᐃᒪᙵᓂ 04-ᓄᕕᐱᕆ	109	116	7	100	5	16
ᑲᑎᖦᖢᒋᑦ			569	604	35	428	50	175

*ᖃᐅᔨᒪᖁᔭᐅᕗᑎᑦ: ᖃᔅᓯᐅᓂᖏᑦ ᐊᓯᔾᔨᖅᑕᖃᑦᑕᖅᐳᑦ. ᖃᓄᑐᐃᓐᓇᓕᒫᑦᑎᐊᖅ ᐱᓇᔪᒃᑐᖃᖃᑦᑕᖅᐳᖅ ᑖᒃᑯᐊ ᑎᑎᕋᖅᑕᐅᕙᓪᓕᐊᕙᒃᑐᑦ ᓄᑖᖑᐃᓐᓇᖁᓪᓗᒋᑦ ᐱᐊᓂᑦᑎᐊᖅᓯᒪᖁᓪᓗᒋᓪᓗ, ᑭᓯᐊᓂ ᑕᒪᐃᓂᒃ ᐃᓄᖕᓂᒃ ᒪᓕᒃᑕᐅᔪᓂᑦ ᖃᐅᔨᓴᖅᑕᐅᓯᒪᔪᓂᓪᓗᓐᓂᑦ  ᓴᖅᑭᔭᖅᑎᑦᑎᙱᑐᐃᓐᓇᕆᐊᓕᒃ.

**ᔮᓄᐊᕆ 17, 2022−ᒥ ᐱᒋᐊᕐᓗᓂ, ᓇᓗᓇᐃᖅᑕᐅᔪᑦ ᓄᕙᕐᔪᐊᕐᓂᕋᖅᑕᐅᓪᓗᑎᒃ ᐱᖃᓯᐅᔾᔨᕗᑦ ᑕᐃᒃᑯᐊ ᒪᓕᒃᑐᑦ ᐋᖅᑭᒋᐊᖅᓯᒪᔪᓂᑦ ᓄᓇᕗᒻᒥ ᐱᖃᕐᓂᕋᖅᑕᐅᔪᑦ ᑐᑭᖏᓐᓂ. ᐅᑯᐊ ᐱᖃᓯᐅᑎᓪᓗᒋᑦ ᓄᕙᕐᔪᐊᕐᓇᖅ-19−ᒥ ᖃᐅᔨᔭᐅᓯᒪᔪᑦ ᓇᓗᓇᐃᖅᑕᐅᓪᓗᑎᒃ (PCR) ᐅᕝᕙᓘᓐᓃᑦ ᐱᖃᕋᓱᒋᔭᐅᓪᓗᑎᒃ (ᓱᒃᑲᔪᒥᒃ) ᖃᐅᔨᓴᖅᑕᐅᔪᑦ.

***ᑭᖑᕙᓯᒃᑐᖃᑐᐃᓐᓇᕆᐊᓕᒃ ᐅᖃᐅᓯᖃᕐᓂᐊᕐᓗᓂ  ᖃᓄᐃᓕᖓᓂᖏᓐᓄᑦ ᑭᒡᓕᓯᓂᐊᖅᑕᐅᓯᒪᔪᓂᓪᓗ ᐱᔭᐅᔪᓂᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥᑦ. ᖁᓕᓪᓗ ᒪᕐᕉᒡᓗ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒥᐅᑕᐅᓂᕋᖅᑕᐅᓪᓗᑎᒃ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.

ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᔭᓄᐊᕆ 17, 2022

ᑐᑭᓯᒋᐊᒐᒃᓴᑦ/ᑭᒡᓕᒋᑎᑕᐅᔪᑦ:

ᐅᑯᐊ ᑐᑭᓯᒋᐊᒐᒃᓴᑦ ᑕᑯᒃᓴᐅᑎᑦᑎᕗᑦ ᓈᓴᐅᑎᓂᒃ ᓄᓇᖅᑲᑎᒌᑦ ᑲᐱᔭᐅᔪᑦ ᓇᓗᓇᐃᖅᑕᐅᕙᓪᓕᐊᔪᓂᒃ ᐱᒋᐊᖅᖢᒍ ᔭᓄᐊᕆ 17, 2022. ᐳᓴᓐᑎᖓ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐃᒪᐃᑉᐳᖅ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐊᕕᒃᓯᒪᓪᓗᑎᒃ ᓄᓇᕗᒥᐅᑦ ᐃᓄᒋᐊᓐᓂᖏᑕ ᓇᓚᐅᑦᑖᖅᑕᐅᓯᒪᓂᖏᑦ 18-ᓂ ᐅᖓᑖᓂᓪᓗ ᐅᑭᐅᓖᑦ.

ᓄᓇᕘᓕᒫᒥ ᑲᑎᖦᖢᒋᑦ ᑲᐱᔭᐅᔪᑦ ᑕᒻᒪᖅᓯᒪᙱᖦᖢᑎᒃ ᓇᐃᒡᓕᒋᐊᖅᓯᒪᔪᑦ. ᓄᓇᓖᑦ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᑦ ᕿᒥᕐᕈᔭᐅᕙᓪᓕᐊᑐᐃᓐᓇᖅᐳᑦ ᖃᐅᔨᒪᔪᒪᓪᓗᑎᒃ ᓈᒻᒪᒃᑲᓗᐊᕐᒪᖔᑕ ᓇᓗᓇᐃᖅᓯᔾᔪᑎᑦ. ᓄᓇᓕᖕᓂ ᑲᑎᖦᖢᒋᑦ ᐋᖅᑭᒋᐊᖅᑕᐅᖃᑦᑕᕐᓂᐊᖅᐳᑦ ᐱᔭᕆᐊᖃᕌᖓᑦ.  ᑐᕌᖓᑐᐃᓐᓇᕆᐊᖃᖅᑐᖅ ᐊᓯᔾᔨᒐᓚᒋᐊᖃᕋᔭᖅᑐᓄᑦ ᐳᓴᓐᑎᖏᑦ ᓄᓇᓖᑦ ᒪᓕᒡᓗᒋᑦ.

ᑲᐴᑎᑦ ᓇᓗᓇᐃᖅᑕᐅᖃᑦᑕᖅᐳᑦ ᓄᓇᓕᖕᓄᑦ ᐊᐅᓚᑦᑎᕝᕕᒋᔭᐅᔪᓄᑦ.

ᑲᑎᖦᖢᒋᑦ ᑲᐱᔭᐅᔪᑦ ᐅᑯᐊᖑᓂᐊᖅᐳᑦ ᓄᓇᖃᖅᑐᑦ ᓄᓇᖃᙱᑦᑑᒐᓗᐊᓪᓗ, ᐃᓚᓕᐅᔾᔭᐅᓪᓗᑎᒃ ᐅᓐᓄᐊᖅᓯᐅᑕᐅᓕᖅᐸᒃᑐᑦ ᐃᖅᑲᓇᐃᔭᖅᑏᑦ.

ᖃᔅᓯᑲᓪᓚᑦ ᓄᓇᓖᑦ ᐃᓄᒃᑕᖃᖅᑐᑦ ᑲᐱᔭᐅᓂᑯᓂᒃ ᒪᕐᕉᖕᓂ ᐊᔾᔨᒌᙱᑦᑑᖕᓂ ᓄᓇᓕᖕᓂ, ᐅᕝᕙᓘᓐᓃᑦ ᓄᓇᒋᙱᑕᒥᓂᒃ ᑲᐱᔭᐅᖃᑕᐅᓯᒪᔪᖃᖅᑐᖅ.

ᐃᓄᖕᒥᒃ ᑲᐱᔭᐅᓯᒪᔪᖃᑐᐃᓐᓇᕆᐊᖃᖅᐳᖅ ᓯᕗᓪᓕᕐᒥᒃ ᐊᒻᒪ/ᐅᕝᕙᓘᓐᓃᑦ ᐊᐃᑉᐸᖓᓂᒃ ᓄᓇᒋᙱᑕᒥᓂᒃ ᑲᐱᔭᐅᔪᓂᒃ.

ᑖᓐᓇ ᐱᔾᔪᑎᖃᙱᑦᑐᖅ ᐃᓄᖕᓄᑦ ᑲᐱᔭᐅᓚᐅᖅᑐᓄᑦ ᐃᓚᐃᓐᓇᖓᓂᒃ ᑕᒪᐃᓐᓂᒡᓘᓐᓃᑦ ᓄᓇᕘᑉ ᓯᓚᑖᓂ.

ᖁᑦᑎᒃᐸᑦ ᐳᓴᓐᑎᖓ ᐊᑕᐅᓯᕐᒥᒃ ᓄᓇᓕᖕᓂ ᓇᓕᒧᙱᒻᒪᑦ ᐃᓄᒐᓴᒡᔪᐊᓄᑦ ᑲᐳᖅᓴᖅᑕᐅᔪᓄᑦ.  ᐋᖅᑭᒃᑕᐅᔪᖃᖅᓯᒪᙱᑦᑐᖅ ᓇᓗᓇᐃᖅᑕᐅᓯᒪᔪᖃᙱᑦᑐᕐᓘᓐᓃᑦ ᐳᓴᓐᑎᖓᓐᓂᒃ ᖃᓄᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᔪᓂᒃ ᓄᕙᕐᔪᐊᕐᓇᖅ-19−ᒧᑦ. ᖃᓄᒥᐊᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᒐᓗᐊᖅᐸᑕ ᒫᓐᓇ ᑲᐴᑎᓄᑦ ᐊᖏᖅᑕᐅᓯᒪᔪᓄᑦ (ᓲᕐᓗ ᓄᑕᖅᑲᑦ 12 ᑐᖔᓂ ᐅᑭᐅᖃᑐᐊᖅᐸᑕ ᑲᐱᔭᐅᔪᓐᓇᙱᑦᑐᑦ).

ᓇᑭᙶᕐᓂᖏᑦ:

ᑲᓇᑕᒥ ᑭᒡᓕᓯᓂᐊᖅᑎᒃᑯᑦ, ᓄᓇᓖᑦ ᐃᓄᖏᑦᑕ ᖃᓄᐃᓕᕙᓪᓕᐊᓂᖏᓐᓄᑦ ᐱᓕᕆᕝᕕᒃ, ᑎᑎᖅᑲᙳᖅᑎᑕᐅᔪᒃᓴᑦ. ᐱᕙᒌᔭᖅᑕᐅᔪᖅ ᐅᑯᓄᖓ: ᓄᓇᕗᒻᒥ ᑭᒡᓕᓯᓂᐊᖅᑎᒃᑯᑦ, ᔭᓄᐊᕆ 27, 2021.

ᑲᐱᔭᐅᓯᒪᔪᑦ ᖃᔅᓯᐅᓂᖏᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᓐᓂᐊᕕᓕᐊᖅᑐᓄᑦ ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎᓃᖔᖅᑐᖅ.

ᐊᔪᙱᑦᑐᑦ ᐃᓐᓇᐃᑦ ᓄᓇᓕᖕᓂ ᓇᓗᓇᐃᖅᑕᐅᓯᒪᕗᑦ ᖃᔅᓯᐅᓂᖏᓐᓄᑦ ᐃᓄᐃᑦ ᐅᑭᐅᓖᑦ 18-ᓂᒃ ᐅᖓᑖᓂᓪᓗ ᒪᓕᒡᓗᒍ 2020-ᒥ ᐃᓄᐃᑦ ᖃᔅᓯᐅᓇᓱᒋᔭᐅᓂᖏᑦ.

ᓄᓇᖅᑲᑎᒌᑦ ᐃᓄᒋᐊᖕᓂᖏᑦ ᒥᒃᓴᐅᑦᑎᓯᒪᔪᑦ "ᐊᒃᑐᐊᓂᖃᙱᑦᑐᑦ" ᑐᙵᕕᖃᙱᓐᓂᖏᓐᓄᑦ ᐃᓗᓕᖅᑕᓄᑦ ᐃᓄᒋᐊᒃᓯᕙᓪᓕᐊᔪᓄᑦ (ᐃᓅᕙᓪᓕᐊᔪᑦ, ᑐᖁᕙᓪᓕᐊᔪᑦ ᐊᒻᒪ ᐊᓯᐊᓂᒃ ᓄᓇᓂᙶᖅᑐᑦ ᓄᒃᑕᖅᐸᒃᑐᑦ).  ᑲᒪᒋᔭᐅᑦᑎᐊᕐᓗᑎᒃ ᐊᑐᖅᑕᐅᔭᕆᐊᓖᑦ.

 

ᐊᓂᑦᑕᐃᓕᕕᖕᒦᑦᑐᑦ ᐃᓄᐃᑦ:

ᐊᐅᓪᓚᕐᓂᐊᖅᑐᖅ ᖃᓄᐃᑦᑑᓂᖓ	ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᔭᓄᐊᕆ 19-ᖑᓕᕐᑎᓪᓗᒍ
ᐋᓐᓂᐊᕐᕕᓕᐊᖅᑐᑦ	6
ᑭᒃᑯᑐᐃᓐᓇᑦ	2
ᑐᐊᕕᕐᓇᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᑦ ᐊᓂᑦᑕᐃᓕᓂᕐᓗ	4
ᐃᒡᓗᓕᐅᕐᑎᑦ	0
ᑲᑎᖦᖢᒋᑦ	8

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᓇᐃᓈᕐᓯᒪᔪᖅ:

ᐊᐅᓪᓚᕐᕕᒃᓴᖓᑕ ᐅᓪᓗᐊ	ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐊᓂᑦᑕᐃᓕᕕᖕᒥᙶᖅᑐᑦ
ᔭᓄᐊᕆ 20 2022	7
ᔭᓄᐊᕆ 21 2022	2
ᔭᓄᐊᕆ 22 2022	0
ᔭᓄᐊᕆ 23 2022	1
ᔭᓄᐊᕆ 24 2022	2
Total	12

 

 

ᐃᓄᓕᕆᔨᒃᑯᓐᓄᑦ

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:

ᐃᓚᒌᓂᑦ ᖃᓄᐃᙱᑦᑎᐊᖅᑐᓕᕆᔨᑦ ᓱᓕ ᐅᓪᓗᓕᒫᖅ ᐊᑐᐃᓐᓇᐅᖃᑦᑕᖅᐳᑦ. CSSWs−ᑯᑦ ᐊᑐᐃᓐᓇᐅᖃᑦᑕᖅᐳᑦ ᓄᓇᓕᖕᓂ ᑕᒪᐃᓐᓂ ᐅᓪᓗᒃᑯᑦ, ᐱᖃᑕᐅᙱᖦᖢᑎᑦ ᑭᙵᕐᓂ ᐊᒡᓚᕝᕕᖓ ᐃᓯᑐᐃᓐᓇᖃᑦᑕᖅᑐᓄᑦ ᒪᑐᓯᒪᓪᓗᓂ ᑐᐊᕕᕐᓇᙱᑦᑐᓄᓪᓗ ᐊᑐᐃᓐᓇᐅᓪᓗᑎᒃ ᐅᖃᓘᑎᒃᑯᑦ ᖃᕆᓴᐅᔭᒃᑯᓪᓘᓐᓃᑦ. ᑐᐊᕕᕐᓇᖅᑐᑦ ᑭᙵᕐᓂ ᑲᒪᒋᔭᐅᖃᑦᑕᖅᐳᑦ ᐅᐸᒍᑎᓪᓗᑎᒃ, ᓄᕙᕐᔪᐊᕐᓇᖅ−19−ᒥ ᐊᑐᖅᑕᐅᒋᐊᓖᑦ ᒪᓕᒃᖢᒋᑦ.

ᐱᔨᑦᑎᕋᖅᑕᐅᖏᓐᓇᖅᑐᑦ:

ᓱᓕ ᒪᓕᒋᐊᓕᖕᓂᑦ ᒪᓕᒃᑐᑦ ᐱᔨᑦᑎᕋᖅᑎᑦ ᐅᓪᓗᓕᒫᑦᑎᐊᖅ ᐅᖄᓚᕝᕕᐅᓪᓗᑎᒃ.      (867) 222-0795  

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐅᐸᒍᑎᔪᑦ ᐃᓯᑐᐃᓐᓇᖃᑦᑕᖅᑐᑦ ᓄᖅᑲᖅᑎᑕᐅᓯᒪᓕᖅᑐᑦ ᑐᐊᕕᕐᓇᙱᑦᑐᓄᑦ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᐅᓚᐅᑲᒃᑐᖅ ᐱᔨᑦᑎᕋᐅᑏᑦ:

ᑭᙵᕐᓂ ᐊᒡᓚᒡᕕᒃ ᒪᑐᓯᒪᔪᖅ.

 

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᒃ ᐅᖃᐅᔾᔭᐅᓪᓗᑎᒃ, ᐃᓕᓐᓂᐊᕐᕖᑦ ᐃᓕᓐᓂᐊᖅᑎᓄᑦ ᒪᑐᐃᒃᑲᓐᓂᕐᓂᐊᓕᖅᐳᑦ 100−ᐳᓴᖓᓂ ᐅᕝᕙᓘᓐᓃᑦ 50−ᐳᓴᖓᓂ ᐃᓄᖃᕈᓐᓇᕐᓂᖓᑕ, ᓄᕙᕐᔪᐊᕐᓇᖅ-19−ᖃᖅᑐᑦ ᒪᓕᒃᑕᐅᓗᑎᒃ ᐊᑐᓂ ᓄᓇᓕᖕᓂ.

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ ᐅᓪᓗᒥ ᐅᖃᐅᓯᐅᖅᑲᐅᓪᓗᓂ, ᔮᓄᐊᕆ 24−ᒥ ᐱᒋᐊᕐᓗᓂ:

• ᐃᓕᓐᓂᐊᕐᕖᑦ ᐃᖃᓗᖕᓂ, ᑭᙵᕐᓂ, ᐊᕐᕕᐊᓂ, ᑲᖏᖅᖠᓂᕐᒥ, ᐃᖃᓗᒃᑑᑦᑎᐊᒥ, ᐊᒻᒪ ᖃᒪᓂ'ᑐᐊᕐᒥ ᒪᑐᐃᕐᓂᐊᓕᖅᐳᑦ 50−ᐳᓴᖓᓂ ᐃᓄᖃᕈᓐᓇᕐᓂᖓᓂ ᐅᖃᐅᓯᐅᒃᑲᓐᓂᖅᐸᑦ ᑭᓯᐊᓂ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.
• ᐃᓕᓐᓂᐊᕐᕖᑦ ᐊᓯᓕᒫᖏᓐᓂ ᓄᓇᓕᖕᓂ ᒪᑐᐃᖓᓂᐊᖅᐳᑦ 100−ᐳᓴᓐ ᐃᓄᖃᕈᓐᓇᕐᓂᖓᓂ.
• ᐃᓕᓐᓂᐊᕐᕖᑦ ᐃᓕᓐᓂᐊᖅᑎᓄᑦ ᖃᑕᙳᑎᖏᓐᓂᓪᓗ ᑐᓴᐅᒪᑎᑦᑎᓂᐊᖅᐳᑦ ᐃᓕᓐᓂᐊᕐᕕᐅᑉ ᖃᓄᐃᓕᖓᓂᖓᓂ ᐊᒻᒪᓗ ᐱᓕᕆᖃᑎᒌᓂᑦ ᐸᕐᓇᒃᑕᐅᔪᓂᑦ.
• ᐊᖓᔪᖅᑳᕆᔭᐅᔪᑦ ᑐᑭᓯᐅᒪᑦᑎᐊᙱᑉᐸᑕ ᖃᖓ ᐃᓕᓐᓂᐊᖅᑏᑦ ᐅᑎᓛᕐᒪᖔᑕ, ᐃᓕᓴᐃᔨᓄᑦ ᖃᐅᔨᒋᐊᕆᐊᖃᖅᐳᑦ.

ᐱᔨᑦᑎᕋᖅᑕᐅᖏᓐᓇᖅᑐᑦ:

ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ

ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᖅᑎᑦᑎᔨᑦ ᐊᒡᓚᕝᕕᖓ ᓱᓕ ᐊᑭᓕᖅᓱᐃᕙᓪᓕᐊᔪᑦ ᐃᓕᓐᓂᐊᖅᑎᓄᑦ ᑎᑎᕋᕆᐊᓕᖕᒥᒃ ᓇᒃᓯᐅᔾᔨᓚᐅᖅᑐᓄᑦ.

ᐊᐱᖅᑯᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐱᔾᔪᑎᒋᓗᒋᑦ ᓇᒃᓯᐅᔾᔭᐅᔪᓐᓇᖅᑐᑦ ᐅᕗᖓ fans@gov.nu.ca.

ᐃᓕᓐᓂᐊᖅᑎᑦ ᐊᐱᖅᑯᑎᒃᓴᓕᑦ ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᖃᖓᑦᑕᐅᓯᖅᑕᐅᔪᓐᓇᕐᒪᖔᑦ ᖃᐅᔨᒋᐊᕈᓐᓇᖅᑐᑦ ᐅᕗᖓ fanstravel@gov.nu.ca ᑐᑭᓯᒋᐊᒃᑲᓐᓂᒐᒃᓴᓂ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐸᐃᕆᕝᕖᑦ ᒪᒃᐱᒃᑲᓐᓂᕈᓐᓇᖅᑎᑕᐅᕗᑦ ᔮᓄᐊᕆ 17−ᒥ ᓄᑕᖅᑲᓄᑦ ᑕᒪᐃᓐᓄᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

• ᑭᐅᔭᐅᓇᓵᖃᑦᑕᑐᐃᓐᓇᕆᐊᖃᕐᓂᐊᖅᐳᓯ ᑎᑎᕋᕐᕕᖕᒥ ᓄᕙᒡᔪᐊᕐᓇᖅ-19−ᒧᑦ ᖃᓂᒪᔪᖃᐅᕐᓂᖓᓄᑦ ᐊᕐᕕᐊᓂ.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᔭᓄᐊᕆᒥ ᐱᔭᕇᕈᓯᐊᕐᒧᑦ ᖃᐅᔨᓴᕈᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᓄᖅᑲᖅᑎᑕᐅᓯᒪᓕᖅᑐᑦ. ᐃᓕᓐᓂᐊᖅᑎᑦ ᑎᑎᕋᕆᐊᖃᓚᐅᖅᑐᑦ ᐱᔭᕇᕈᓯᐊᖏᑦᑕ ᖃᐅᔨᓴᕈᓯᖏᓐᓂᒃ ᔭᓄᐊᕆ 2022−ᒥ ᐱᑎᑕᐅᖔᓛᖅᑐᑦ ᐃᓱᒪᖅᓲᑎᒃᓴᒥᓂᒃ ᐃᓕᓐᓂᐊᕐᕕᖕᒥᓪᓗ ᓇᓗᓇᐃᒃᑯᑕᖏᑦ ᐋᖅᑭᒃᑕᐅᓯᒪᖃᑦᑕᕐᓂᐊᖅᖢᑎᒃ 100%−ᒧᑦ ᐊᑕᖏᖅᑕᐅᓗᑎᒃ ᓇᓗᓇᐃᒃᑯᑕᖅᑖᕆᖃᑦᑕᕐᓂᐊᖅᑕᖏᓐᓄᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᓄᑖᓂᒃ ᑐᓴᒐᒃᓴᖃᙱᑦᑐᖅ.

 

 

ᓄᓇᕗᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.