ᒥᓂᔅᑐ ᓚᐃᑦᓯᑑᓐ ᓴᒃᑯᑦᑎᕗᖅ ᐱᓕᕆᐊᒥᓂᒃ

ᒫᑦᓯ 28, 2022

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᒥᓂᔅᑐ ᓚᐃᑦᓯᑑᓐ ᓴᒃᑯᑦᑎᕗᖅ ᐱᓕᕆᐊᒥᓂᒃ

ᐃᖃᓗᐃᑦ, ᓄᓇᕗᑦ (ᒫᑦᓯ 28, 2022) – ᐅᓪᓗᒥ ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ ᐃᖅᑲᓇᐃᔭᖅᑐᓕᕆᔨᒃᑯᓐᓄᓪᓗ ᐋᑕᒻ ᓚᐃᑦᓯᑑᓐ ᓴᓂᕐᕙᐃᓂᐊᓕᕐᒪᑦ ᐱᓕᕆᐊᒥᓂ ᒫᓐᓇᑲᐅᑎᒋᑦ ᓴᖅᑭᑕᐅᓚᐅᕐᑎᓪᓗᒍ ᐅᓂᒃᑳᑦ ᓱᓕᔪᒥᒃᑎᒃᓯᓂᕐᒥᒃ ᑲᒥᓯᓇ ᐅᖃᖅᑎᒧᑦ ᒪᓕᒐᓕᐅᕐᕕᖕᒥᑦ ᐱᔾᔪᑎᖃᕐᖢᓂ ᐃᒻᒥᒃᑯᑦ ᐊᒡᕕᐊᕈᑎᖃᕐᓂᖃᑐᐃᓐᓇᕆᐊᖃᕐᓂᖓᓂ ᑎᒃᑯᐊᕐᑕᐅᔪᖃᕐᑎᓪᓗᒍ ᒥᓂᔅᑕᐅᑉ ᑐᖏᕆᑲᐃᓐᓇᕐᑕᖓᓄ ᐃᖅᑲᓇᐃᔭᕐᑐᓕᕆᔨᒃᑯᓐᓄᑦ.

ᒫᑦᓯ 8, 2022−ᖑᑎᓪᓗᒍ, ᓯᕗᓕᖅᑎ ᐊᕿᐊᕈᖅ ᑐᓴᖅᑎᑦᑎᓚᐅᕐᐳᖅ ᒪᓕᒐᓕᐅᕐᕕᖕᒥᑦ ᑐᓴᕋᓱᖕᓂᐊᕐᓂᕋᕐᖢᓂ ᓱᓕᔪᒥᒃᑎᒃᓯᓂᕐᒥᒃ ᑲᒥᓯᓇᒥ ᐱᔾᔪᑎᖃᕐᖢᓂ ᑎᒃᑯᐊᕐᑕᐅᔪᖃᓚᐅᕐᓂᖓᓂ ᒥᓂᔅᑕᐅᑉ ᑐᒡᓕᕆᑲᐃᓐᓇᕐᑕᖓᓂ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᑎᓯᐱᕆ 2021−ᖑᑎᓪᓗᒍ. ᑭᖑᓪᓕᕐᐹᒥ ᐅᓂᒃᑳᓕᐊᖅ ᓴᖅᑭᑕᐅᖅᑲᐅᕗᖅ ᐅᓪᓗᒥ ᐅᖃᖅᑎᑎᔨᒧᑦ ᒪᓕᒐᓕᐅᕐᕕᖕᒥᑦ, ᑑᓂ ᐋᑯᐊᒃ.

“ᖁᔭᓕᔪᒪᕙᕋ ᓱᓕᔪᒥᒃᑎᒃᓯᓂᕐᒥᒃ ᑲᒥᓯᓇ ᐱᓕᕆᐊᖃᑲᐅᖅᑐᓚᐅᕐᒪᑦ ᑐᓴᕈᒪᔭᓐᓂᒃ, ᐃᓱᒪᒃᓴᕐᓯᐅᑦᑎᐊᕐᓂᖓᓗ ᑕᒪᑐᒧᖓ,” ᐅᖃᖅᑐᖅ ᓯᕗᓕᖅᑎ ᐸᐅᓗᓯ ᐊᕿᐊᕈᖅ, “ᒥᓂᔅᑕ ᓚᐃᑦᓯᑑᓐ ᓴᓂᐊᓄᐊᓚᐅᑲᒃᑐᖅ ᒪᓕᒐᓕᐅᕐᕕᒃ ᐱᕕᖃᓚᐅᕐᑎᓪᓗᒋᑦ ᐋᖅᑭᑦᑎᐊᕐᓂᐊᕐᓗ ᑕᒪᓐᓇ ᒪᓕᒃᓗᓂ ᑎᑎᕋᕐᓯᒪᔪᒥ ᓱᓕᓂᖕᒧᑦ ᐱᖁᔭᒃᑯᑦ.”

ᒫᓐᓇᑲᐅᑎᒋ, ᒥᓂᔅᑕ ᖁᐊᓴ ᑯᓱᒐᖅ ᐱᓕᕆᐊᖃᕐᓂᐊᕐᓕᕐᑐᖅ ᑮᓇᐅᔭᓕᕆᔨᒃᑯᓐᓂᑦ, ᒥᓂᔅᑕ ᓇᑲᓱᒃ ᐱᓕᕆᐊᖃᓕᕐᓗᓂ ᐃᖅᑲᓇᐃᔭᖅᑐᓕᕆᔨᓄᑦ ᐊᒻᒪᓗ ᐃᖅᑲᓇᐃᔭᕐᑎᑦ ᓇᓪᓕᐅᒃᑯᒻᒫᓄ ᐊᑦᑕᕐᓇᖅᑕᐃᓕᒪᓂᖕᒧᓪᓗ ᑲᑎᒪᔨᖏᓐᓄᑦ.

ᐃᓗᑦᑑᓕᖓᔪᓂ ᒥᓂᔅᑕᐅᖃᑎᒌᑦ ᐱᓕᕆᐊᖏᓐᓂ ᐃᓚᓕᐅᑎᓯᒪᔪᖅ ᐆᒧᖓ ᓴᖅᑭᑕᐅᔪᒧᑦ.

ᐊᔾᔨᖏᓐᓂ ᐅᓂᒃᑳᑉ ᓄᒥᒃᑎᕐᑕᐅᔪᓐᓇᕐᑐᑦ ᒪᓕᒐᓕᐅᕐᕕᐅᑉ ᐃᑭᐊᖅᑭᕕᐊᓂᑦ.

###

ᑐᓴᒐᒃᓴᓕᕆᔨᓄᑦ ᖃᐅᔨᒋᐊᕐᕕᒃᓴᖅ:

ᓰᒪ ᓴHᐊᐅ ᔨᕆHᐃ,
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᐊᕿᐊᕈᖕᒧᑦ
867-222-5344
867-975-5059
szerehi6@gov.nu.ca