ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᑦ:
ᐅᓪᓛᒃᑯᑦ,
ᐅᓪᓛᖑᔪᖅ ᓄᓇᕗᒻᒥ 279−ᓂ ᓄᕙᒡᔪᐊᕐᓇᖅ-19−ᖃᖅᑐᖃᓕᖅᑐᖅ.
16−ᓂᑦ ᓄᓇᓕᖕᓂ ᓄᕙᕐᔪᐊᕐᓇᖅᑐᓕᒃ−ᐅᑯᐊ ᐅᓄᕐᓂᖏᑦ:
- 18 ᐊᕐᕕᐊᓂ,
- 28 ᖃᒪᓂ'ᑐᐊᒥ,
- 31 ᐃᖃᓗᒃᑑᑦᑎᐊᒥ,
- ᐊᑕᐅᓯᖅ ᐃᒡᓗᓕᒑᕐᔪᖕᒥ,
- ᖁᓕᓪᓗ ᑕᓪᓕᒪ ᓴᓪᓕᕐᒥ,
- 55 ᐃᒡᓗᓕᖕᒥ;
- 33 ᐃᖃᓗᖕᓂ,
- ᐅᖅᓱᖅᑑᕐᒥ ᐱᑕᖃᖏᑦᑐᖅ,
- ᑭᒻᒥᕈᒻᒥ ᐱᑕᖃᙱᑦᑐᖅ
- ᖁᓕᓪᓗ ᐊᕐᕕᓂᓖᑦ ᑭᙵᕐᓂ,
- ᑰᒑᕐᔪᖕᒥ ᐱᑕᖃᙱᑦᑐᖅ,
- ᒪᕐᕉᒃ ᖁᕐᓗᖅᑑᕐᒥ
- ᑕᓪᓕᒪᑦ ᓇᐅᔮᓂ,
- ᐸᓐᓂᖅᑑᒥ ᐱᑕᖃᙱᑦᑐᖅ,
- 7 ᒥᑦᑎᒪᑕᓕᖕᒥᑦ,
- ᕿᑭᖅᑕᕐᔪᐊᕐᒥ ᐱᑕᖃᙱᑦᑐᖅ,
- 18 ᑲᖏᖅᖠᓂᕐᒥ,
- ᑕᓪᓕᒪᑦ ᓴᓂᕋᔭᖕᒥᑦ,
- 28 ᓴᓂᑭᓗᐊᕐᒥ,
- ᖁᓕᓪᓗ ᐊᑕᐅᓯᖅ ᑕᓗᕐᔪᐊᕐᒥ, ᐊᒻᒪᓗ
ᐊᕐᕕᓂᓖᑦ ᑎᑭᕋᕐᔪᐊᕐᒥ.
ᐅᓪᓗᒥ 73−ᓂᑦ ᐱᔪᓐᓃᖅᓯᒪᔪᖃᓕᖅᑐᖅ. ᐅᓪᓗᒥᒧᑦ ᑎᑭᔅᖢᒍ 591 ᐋᓐᓂᐊᕈᓐᓃᖅᓯᒪᓕᖅᑐᑦ ᓇᓗᓇᐃᖅᑕᐅᓚᐅᖅᓯᒪᔪᑦ ᓄᕙᒡᔪᐊᕐᓇᖅᑐᖃᓚᐅᖅᑐᑦ.
ᖁᕕᐊᓱᒃᐳᖓᑦᑕᐅᖅ ᑐᓴᖅᑎᑦᑎᔭᕆᐊᒃᓴᖅ ᓴᓂᕐᕙᐃᓚᐅᕋᑦᑕ ᐃᑲᔪᖅᑐᐃᔾᔪᑎᒃᓴᒃᑲᓐᓂᕐᓂᒃ ᐊᒃᑐᖅᑕᐅᓴᕋᐃᓐᓂᖅᓴᓄᑦ ᓄᓇᕗᒻᒥᐅᓄᑦ ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᓄᕙᕐᔪᐊᕐᓇᖅ-19−ᒧᑦ ᖃᓄᐃᓕᐅᕈᑎᖓᓄᑦ ᐸᕐᓇᐅᑎᒧᑦ. $3.25−ᒥᓕᐊᓐᑲᓐᓃᑦ ᐊᑐᐃᓐᓇᕈᖅᑎᑦᑎᓂᐊᖅᐳᑦ ᐊᔾᔨᒌᙱᑦᑐᓂᒃ ᓄᓇᓕᖕᓂ ᐱᓕᕆᐊᖑᑎᑕᐅᔪᓂᑦ ᐊᑐᕐᓗᑎᒃ. ᐃᓄᓕᕆᔨᒃᑯᑦ ᓴᓂᕐᕙᒃᓯᒃᑲᓐᓂᖅᓯᒪᔪᑦ $1.25 ᒥᓕᐊᓐᒥᑦ ᐊᑐᐃᓐᓇᐅᑎᑦᑎᓗᑎᒃ ᓄᓇᓕᖕᓄᑦ ᓂᕿᓄᑦ ᑲᑐᔾᔨᖃᑎᒌᓂᑦ ᐅᕝᕙᓘᓐᓃᑦ ᓄᓇᓖᑦ ᑮᓇᐅᔭᖃᖅᑎᑕᐅᓗᑎᒃ ᐃᑲᔪᖅᓱᐃᔪᓐᓇᖁᓪᓗᒋᑦ ᓂᕿᖃᖅᑎᑦᑎᓂᕐᒧᑦ ᐱᓕᕆᐊᕆᔭᐅᕙᓪᓕᐊᔪᒪᔪᑦ. ᐱᓕᕆᕝᕖᑦᑕᐅᖅ ᖓᑐᐃᓐᓇᕈᖅᑎᑦᑎᓚᐅᕐᒥᔪᑦ $1-ᒥᓕᐊᒃᑲᓐᓂᕐᓂᒃ ᐃᑯᕐᕋᖅ ᐃᒡᓗᕋᓛᓕᐅᖅᑎᑦᑎᓂᐊᖅᑐᓂᒃ.
ᐊᒻᒪᐃᓛᒃ, ᑐᑭᓯᒋᐊᕐᕕᒃ, ᐃᓕᑕᖅᓯᓂᖅ, ᐃᓕᓴᖅᓯᕕᒃ ᐊᒻᒪ ᐃᓴᒃᓯᒪᒋᑦ ᐃᓅᓯᕐᒥ ᑲᑎᒪᔨᖏᑦ ᐊᑐᓂ $250,000−ᓂᒃ ᐱᑎᑕᐅᓂᐊᖅᐳᑦ ᑲᔪᓯᑎᑦᑎᖁᓪᓗᒋᑦ ᐱᔨᑦᑎᕋᐅᑎᖏᓐᓂᒃ ᐱᓕᕆᐊᖏᓐᓂᒡᓗ ᓄᓇᕗᒻᒥᐅᓄᑦ ᐱᔭᕆᐊᓕᖕᓄᑦ. ᑖᒃᑯᐊ ᐱᓕᕆᐊᖑᑎᑕᐅᔪᑦ ᐊᐅᓚᑕᐅᓲᖑᓪᓗᑎᒃ ᐃᓄᓕᕆᔨᒃᑯᓐᓂ.
ᖁᔭᓐᓇᒦᒃ ᒥᓂᔅᑕ ᓇᑲᓱᒃ ᑖᔅᓱᒥᖓ ᐱᒋᐊᖅᑎᑦᑎᓚᐅᕋᕕᑦ.
ᒥᓂᔅᑕ ᑖᔅᓱᒪ ᐱᓕᕆᐊᖑᑎᑕᐅᔫᑉ ᒥᒃᓵᓄᑦ ᐊᐱᖅᑯᑎᒃᓴᓕᖕᓂᑦ ᑭᐅᔪᓐᓇᕐᓂᐊᖅᑐᖅ.
ᓄᓇᕗᒻᒥᐅᑦ ᐃᖅᑲᐃᓯᔪᒪᕙᒃᑲ ᓄᕙᕐᔪᐊᕐᓇᖅ-19−ᒧᑦ ᐃᑲᔫᑎᒃᓴᐃᑦ ᐅᖄᓚᕝᕕᐅᔪᓐᓇᖅᐳᑦ ᐅᑯᓇᓂ. ᐊᓂᑦᑕᐃᓕᔭᕆᐊᖃᕈᕕᑦ ᓄᕙᕐᔪᐊᕐᓇᖅ-19 ᐱᔾᔪᑎᒋᓪᓗᒍ, 1-888-902-0872−ᒧᑦ ᐅᖄᓚᔪᓐᓇᖅᑐᑎᑦ ᐃᕐᖐᓐᓈᖅᑕᐅᒃᑯᓪᓘᓐᓃᑦ ᑎᑎᕋᕐᓗᑎᑦ isolationsupports@gov.nu.ca−ᒧᑦ ᓄᓇᕗᑦ ᒐᕙᒪᒃᑯᑦ ᐊᓂᑦᑕᐃᓕᔪᓄᑦ ᓂᕆᔭᒃᓴᖅᑖᕈᒪᒍᕕᑦ. ᕿᓄᐃᓵᖃᑦᑕᕐᓂᐊᖅᐳᑎᑦ−ᐃᖅᑲᓇᐃᔭᖅᑎᖏᑦ ᐅᓄᖅᑐᓂᒃ ᑲᒪᔭᕆᐊᖃᖃᑦᑕᕐᒪᑕ.
ᑕᐃᒃᑯᐊ ᐊᐅᓪᓚᕐᓂᐊᖅᑐᑦ ᐊᐱᖅᑯᑎᒃᓴᖃᖅᑐᑦ ᓄᓇᕗᑦ ᒐᕙᒪᒃᑯᑦ ᐊᐅᓪᓚᕐᓂᐊᖅᑐᓄᑦ ᐅᖄᓚᕝᕕᒃᓴᖓᓄᑦ ᐊᑭᖃᙱᑦᑐᒧᑦ ᐅᖄᓚᓗᑎᒃ 1-833-524-0735−ᒧᑦ. ᐊᐅᓚᑦᑎᔩᑦ ᐃᖅᑲᓇᐃᔭᖅᑏᓪᓗ ᐊᑐᐃᓐᓇᐅᕗᑦ ᐃᑲᔪᕈᓐᓇᖅᑐᑦ ᐅᖃᐅᓯᕐᓂ ᑎᓴᒪᓂᒃ ᐅᖃᐅᓯᕐᓂ ᑕᒪᐃᓐᓂᒃ.
ᐊᑏ ᑲᐱᔭᐅᓂᐊᖅᐳᑎᑦ, ᕿᑐᙵᑎᑦ ᑲᐱᔭᐅᑎᓪᓗᒋᑦ, ᐊᒻᒪᓗ ᐱᖓᔪᖓᓂ ᑲᐱᔭᐅᖕᒥᓗᑎᑦ. ᖃᐅᔨᒪᔪᖓ ᐅᓄᖅᑐᑎᒍᑦ ᐅᖁᒪᐃᑦᑐᖅᓯᐅᕋᑦᑕ ᖃᓂᒪᓐᓈᓗᖕᒧᑦ, ᓱᓕ ᐅᔾᔨᖅᓱᐃᓐᓇᕆᐊᖃᖅᐳᒍᑦ.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᓐᓂᒃ ᒪᓖᓐᓇᕆᐊᖃᖅᐳᒍᑦ.
- ᐊᖏᕐᕋᖅᓯᒪᕙᒡᓗᑎᑦ ᐊᔪᕐᓇᙱᑦᑕᕌᖓᑦ.
- ᐃᓄᑮᓐᓇᖅᐸᒡᓗᓯ.
- ᒪᑐᐊᖅᓯᒪᓗᑎᑦ.
- ᓄᕙᕐᔪᐊᕐᓇᒧᑦ ᐅᖄᓚᕝᕕᒃᓴᖅ ᑐᓴᖅᑎᓪᓗᒍ ᐊᒻᒪ ᐊᓂᑦᑕᐃᓕᒪᓗᑎᑦ ᖃᓂᒪᑲᑕᓕᕈᕕᑦ.
ᕿᓄᐃᓵᙱᓐᓇᕐᓗᑕᓗ ᐊᒻᒪ ᐱᑦᑎᐊᕐᓗᑕ.
ᖁᔭᓐᓇᒦᒃ.
ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᑐᓴᒐᒃᓴᖏᑦ:
ᐅᓪᓛᒃᑯᑦ
ᐅᖃᐅᓯᖃᕈᒪᕗᖓ ᓄᕙᕐᔪᐊᕐᓇᖅ−19−ᒥ ᑐᑭᓯᐅᒪᑦᑎᐊᙱᓐᓂᖅ ᐅᓗᕆᐊᓇᕈᓐᓇᕐᓂᖓᓂ. ᐊᐃᑦᑖᖑᒐᓗᐊᖅ, ᐃᓚᖏᑦ ᓄᓇᕗᒻᒥᐅᑦ ᓈᓚᐅᑎᒃᑰᖃᑦᑕᖅᐳᑦ ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑐᓴᖅᑎᑦᑎᔾᔪᑎᒃᑯᑦ ᑲᐴᑎᐅᑉ ᒥᒃᓵᓄᑦ ᓱᓕᙱᑦᑐᓂᒃ ᐅᖃᐅᓯᖃᖅᖢᑎᒃ. ᐊᔪᕐᓇᖅᑐᖅᓯᐅᖅᑎᓪᓗᑕ ᓄᓇᕘᒥ, ᓱᓕᙱᑦᑐᓂᑦ ᐅᒃᐱᕈᓱᓕᕆᐊᖃᙱᑉᐳᒍᑦ.
ᐅᖃᒃᑲᓐᓂᕐᓗᒍ−ᓄᕙᕐᔪᐊᕐᓇᒧᑦ ᑲᐴᑎᑦ ᐊᑦᑕᕐᓇᙱᑉᐳᖅ. ᒪᒃᑯᒃᑐᖁᑎᕗᑦ ᑕᑯᔾᓗᒋᑦ ᐊᓯᖏᓪᓗ ᑲᐱᔭᐅᔪᑦ, ᓂᕆᐅᖕᓂᖃᑦᑎᐊᖃᑦᑕᖅᐳᖓ ᓯᕗᓂᒃᓴᒧᑦ. ᐃᓄᐃᑦ ᐅᓄᕐᓂᖅᓴᐃᑦ ᑲᐱᔭᐅᒍᑎᒃ ᐃᓅᓯᕆᓚᐅᖅᑕᑦᑎᓐᓄᑦ ᐅᑎᒃᑲᓐᓂᕈᓐᓇᖅᓯᓛᖅᐳᒍᑦ. ᐃᒪᓐᓇᖔᕐᓗ, ᑲᐴᑎᐅᑉ ᒥᒃᓵᓄᑦ ᑐᑭᓯᑦᑎᐊᙱᖦᖢᓂ ᓄᓇᕗᒻᒥᐅᑦ ᐅᓗᕆᐊᓇᖅᑐᒦᓕᕈᓐᓇᖅᐳᑦ. ᑐᑭᓯᐅᒪᑦᑎᐊᙱᓐᓂᖅ ᑲᑉᐱᐊᓱᓕᕈᑕᐅᑐᐃᓐᓇᖅᐳᖅ ᐊᒻᒪ ᐅᒃᐱᕈᓱᒍᓐᓇᐃᓪᓕᓐᓇᖅᖢᓂ.
ᑕᐃᒃᑯᐊ ᑲᐱᔭᐅᓯᒪᙱᑦᑐᑦ ᐅᓗᕆᐊᓇᖅᑐᒦᓐᓂᖅᓴᐅᕗᑦ ᓄᕙᕐᔪᐊᕐᓇᖅ-19−ᒧᑦ ᖃᓂᒻᒪᕐᔪᐊᕆᐊᒃᓴᖅ ᐃᓅᔪᓐᓃᕐᓗᑎᒡᓘᓐᓃᑦ. ᑲᐱᔭᐅᓂᖅ ᓇᖕᒥᓂᖅ ᓂᕈᐊᕆᕚ. ᐅᒃᐱᕈᓱᒃᑯᕕᑦ
ᑲᐴᑎᒥᒃ, ᐊᓯᑎᑦ ᐅᓗᕆᐊᓇᖅᑐᒦᑎᑦᑕᐃᓕᒃᑭᑦ ᓱᓕᙱᑦᑐᓂᒃ ᑐᓴᖅᑎᓪᓗᒋᑦ.
ᖃᐅᔨᒪᑦᑎᐊᙱᒃᑯᕕᑦ ᑲᐴᑎᐅᑉ ᒥᒃᓵᓄᑦ, ᐊᐱᖅᑯᑎᒃᓴᖃᕈᕕᓪᓗ−ᖃᓄᐃᙱᑦᑐᖅ. ᐋᓐᓂᐊᓯᐅᖅᑎᒻᒪᕆᑦ ᓈᓚᒡᓗᒋᑦ. ᓘᒃᑖᖅ ᐹᑐᓴᓐ ᓈᓚᒡᓗᒍ. ᐃᖢᐊᖅᓴᐃᔨᒧᑦ ᐅᖃᓪᓚᖃᑎᖃᕆᑦ ᐅᒃᐱᕆᔪᓐᓇᖅᑕᕐᓂᑦ. ᖃᕆᓴᐅᔭᒃᑯᑦ ᑐᓴᖅᑎᑦᑎᔾᔪᑎᑦ ᓈᓚᙱᓪᓗᒋᑦ ᐅᕝᕙᓘᓐᓃᑦ ᓄᓇᖅᑲᑎᑦᑎᑦ ᐋᓐᓂᐊᖃᕐᓇᙱᑦᑐᓕᕆᔨᐅᙱᑦᑐᑦ.
ᐅᖃᐅᓯᖃᕈᒪᕗᖓ ᖃᓄᖅ ᐱᒻᒪᕆᐅᑎᒋᖕᒪᖔᑦ ᐃᒃᐱᒋᑦᑎᐊᕐᓗᒋᑦ ᓄᓇᕗᒻᒥ ᐋᓐᓂᐊᕕᖕᒥ ᐃᖅᑲᓇᐃᔭᖅᑎᒋᔭᕗᑦ ᐊᒃᓱᕈᕐᓇᖅᑐᖅᓯᐅᖅᑎᓪᓗᑕ. ᒫᓐᓇ, ᖃᐅᔨᒪᔪᖓ ᐃᓚᖏᑦ ᐃᓄᐃᑦ ᐊᑲᒃᓴᕈᓐᓃᕐᒪᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᓐᓂᒃ. ᑭᓯᐊᓂ ᐊᑲᕐᕆᔪᓐᓃᖃᑦᑕᖅᑕᐃᓕᓯᐅᒃ ᐋᓐᓂᐊᕐᕕᖕᒥ ᐃᖅᑲᓇᐃᔭᖅᑎᒋᔭᐅᔪᑦ. ᐃᓚᖏᑦ ᐋᓐᓂᐅᓯᐅᖅᑏᑦ ᐱᑦᑎᐊᖅᑕᐅᖃᑦᑕᙱᒻᒪᑕ ᐅᖃᐱᓗᒡᕕᐅᕙᒃᖢᑎᒡᓗ. ᐋᓐᓂᐊᓯᐅᖅᑏᑦ ᐃᑲᕐᕋᒐᓴᖕᓄᑦ ᐃᖅᑲᓇᐃᔭᖃᑦᑕᖅᐳᑦ. ᐃᑲᔪᕈᓐᓇᖅᑐᑦ. ᐊᐅᓚᑦᑎᙱᖦᖢᑎᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᓐᓂᒃ ᐊᒃᓱᕈᑦᑎᐊᖅᖢᑎᒡᓗ ᐱᓕᕆᖃᑦᑕᖅᖢᑎᒃ ᓄᓇᓕᖕᓂ ᐊᑲᐅᓂᖅᐹᒥ ᑲᒪᓇᓱᒃᖢᑎᒃ.
ᐊᑏ ᐱᓕᕆᖃᑎᒌᙱᓐᓇᓚᐅᖅᑕ ᓄᕙᕐᔪᐊᕐᓇᖅ-19−ᒥ ᓄᖅᑲᖅᑎᑦᑎᓇᓱᒡᓗᑕ. ᐊᔪᕐᓇᖅᑐᖅᓯᐅᕈᕕᑦ ᐊᓂᑦᑕᐃᓕᑎᓪᓗᑎᑦ, ᑭᒡᓕᖃᖅᑎᑕᐅᔪᓂᑦ, ᐅᕝᕙᓘᓐᓃᑦ ᑕᖃᒍᕕᑦ ᓄᕙᕐᔪᐊᕐᓇᖅ-19 ᐱᔾᔪᑎᒋᓪᓗᒍ, ᐊᒥᓱᑎᒍᑦ ᑕᐃᒪᐃᒃᑲᑦᑕ, ᐃᑲᔪᖅᑕᐅᔪᓐᓇᖅᐳᑎᑦ. ᓄᓇᕗᒻᒥᐅᑦ ᑎᓕᐅᖅᐸᒃᑲ ᐃᓱᒪᓕᕆᔨᒥᒃ ᐊᑐᖁᓪᓗᒋᑦ ᐊᒻᒪ ᐅᖄᓚᕝᕕᒃᓴᓄᑦ ᓇᓂᑐᐃᓐᓇᖅ ᓄᓇᕘᒥ ᐊᑐᐃᓐᓇᐅᓪᓗᑎᒃ. ᓄᓇᕗᒻᒥ ᑲᒪᑦᓯᐊᖅᑐᑦ ᐅᖄᓚᐅᑎᖓ: 1-800-265-3333 ᐊᒻᒪᓗ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐃᓚᖏᓐᓄᓪᓗ ᐃᑲᔪᖅᑕᐅᕕᒃ 1-800-663-1142
ᐳᐃᒍᖅᑕᐃᓕᒋᑦ ᑕᒪᑦᑕ ᑲᑐᔾᔨᖃᑎᒌᒃᐳᒍᑦ ᐱᓕᕆᑦᑎᐊᕋᓱᒃᑐᐃᓐᓇᐅᕗᒍᓪᓗ. ᑕᒪᑦᑕ ᐱᓕᕆᐊᒃᓴᖃᖅᐳᒍᑦ ᖃᓂᒪᓐᓇᒥ ᐊᓂᒍᐃᓇᓱᒡᓗᑕ ᖃᓄᐃᓕᐅᕐᓂᓯᓗ ᑭᒃᑯᑐᐃᓐᓇᓂᒃ ᓴᐳᔾᔨᔪᓐᓇᖅᐳᖅ ᖃᓄᐃᙱᑦᑐᓂᑦ.
ᖁᔭᓐᓇᒦᒃ.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᑐᓴᒐᒃᓴᖏᑦ:
ᐅᓪᓛᒃᑯᑦ,
ᐅᓪᓗᓂ ᐅᓄᙱᑦᑐᓂᑦ ᐊᓂᒍᖅᑐᓂᑦ, ᐊᐱᕆᔭᐅᖃᑦᑕᖅᓯᒪᒐᑦᑕ ᖃᓄᖅ ᐊᓯᔾᔩᔪᒪᓕᖃᑦᑕᖅᐱᑕ ᐋᓐᓂᐊᕐᓇᙱᑦᑐᓕᕆᔨᒃ ᑭᒡᓕᖃᖅᑎᑕᖏᓐᓂᒃ ᖃᓄᐃᒻᒪᓪᓗ ᐊᑕᐅᓯᖅ ᓄᓇᓕᖕᓂ ᑭᒡᓕᖃᖅᑎᑕᐅᓂᖅᓴᐅᖃᑦᑕᖅᐸᑦ ᐊᓯᖏᓐᓂ.
ᐱᒻᒪᕆᐅᕗᖅ ᑐᑭᓯᐅᒪᑦᑎᐊᕐᓗᓂ ᓄᕙᕐᔪᐊᕐᓇᖅ-19−ᖃᖅᑐᑦ ᐅᓄᕐᓂᖏᑦ ᓄᓇᓕᖕᓂ ᑭᒡᒐᖅᑐᐃᓪᓚᑦᑖᙱᓚᑦ ᐊᐃᑦᑐᕐᓗᐃᖃᑦᑕᐃᑎᓂᖏᓐᓂᒃ ᐅᕝᕙᓘᓐᓃᑦ ᐅᓗᕆᐊᓇᖅᑐᒦᓐᓂᖏᓐᓂ. ᐊᓯᖏᓐᓂᒃᑕᐅᖅ ᐱᔾᔪᑎᖃᖃᑦᑕᕆᕗᑦ ᐃᓱᒪᒋᔭᐅᔭᕆᐊᓕᖕᓂᒃ ᑕᒪᐃᓐᓄᑦ ᓄᓇᓕᖕᓂ ᐅᓗᕆᐊᓇᕐᓂᖓᓂ ᖃᐅᔨᓴᓕᕌᖓᑦᑕ. ᐅᑯᐊ ᐱᖃᓯᐅᑎᓪᓗᒋᑦ ᐃᒡᓗᒥᐅᖃᑎᒌᑦ ᐃᓚᒋᔭᐅᔪᑦ ᖃᔅᓯᐅᓂᖏᑦ; ᖃᓄᑎᒋ ᐊᐃᑦᑐᕐᓗᐃᑎᒋᓂᖏᑦ; ᐋᓐᓂᐊᓯᐅᖅᑎᑦ ᐊᙳᒻᒪᑎᔪᓐᓇᕐᒪᖔᑦ ᐊᖑᒻᒪᑎᔪᓐᓇᙱᒻᒪᖔᓪᓗ ᖃᓂᒋᔭᐅᓚᐅᖅᑐᕕᓂᕐᓂᒃ ᖃᐅᔨᓴᖅᑎᓪᓗᒋᑦ, ᐊᒻᒪ ᖃᔅᓯᑦ ᐳᓴᖏᑦ ᓄᓇᓕᖕᓂ ᑲᐱᔭᐅᓯᒪᓕᕐᓂᖏᑦ. ᑖᒃᑯᐊᓕᒫᖅ ᐃᓱᒪᒋᖃᑦᑕᖅᐸᕗᑦ ᐊᑐᖅᑕᐅᔭᕆᐊᓕᖕᓂᒃ ᐋᖅᑭᒃᓱᐃᓕᕌᖓᑦᑕ.
ᐅᑯᐊ ᐊᑲᐅᓛᖑᔪᑦ ᓄᓇᓕᖕᓂ ᐅᓗᕆᐊᓇᖅᑐᒦᑎᑦᑎᑦᑕᐃᓕᓗᓂ:
- ᐊᖏᕐᕋᖅᓯᒪᑐᐃᓐᓇᕐᓗᑎᑦ ᖃᓂᒪᒍᕕᑦ.
- ᐋᓐᓂᐊᖃᕐᓇᙱᑦᑐᓕᕆᔨᑦ ᐊᑐᖁᔭᖏᑦ ᒪᓕᒡᓗᒋᑦ.
- ᒪᑐᐊᖅᓯᒪᕙᒡᓗᑎᑦ.
- ᑲᑎᙵᔭᕆᐊᖃᙱᑎᓪᓗᒋᑦ ᑲᑎᙵᓗᐊᖅᐸᙱᓪᓗᓯ.
- ᐊᓂᑦᑕᐃᓕᒪᔪᑦ ᒪᓕᒐᖏᑦ ᒪᓕᒡᓗᒋᑦ.
- ᑲᐱᔭᐅᓗᑎᑦ.
ᖁᔭᓐᓇᒦᒃ.
ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓄᓇᕗᒥᐅᓂᒃ ᓴᐳᔾᔨᓯᒪᓇᓱᒃᖢᑎᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᖅᑎᖏᑦ
ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ:
https://www.gov.nu.ca/health/information/covid-19-novel-coronavirus
ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ:
https://www.gov.nu.ca/health/information/nunavuts-path
ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᖅᑐᓂᑦ ᐅᕗᙵᕐᓗᑎᑦ:
https://gov.nu.ca/health/information/covid-19-vaccination
ᓄᕙᕐᔪᐊᕐᓇᖅ-19−ᒥ ᑭᒡᓕᓯᓂᐊᖅᑕᐅᓯᒪᔪᑦ: ᔭᓄᐊᕆ 27, 2022
| ᑲᑎᖦᖢᒋᑦ ᖃᐅᔨᓴᖅᑕᐅᓯᒪᔪᑦ | ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ | ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ | ᑲᑎᖦᖢᒋᑦ ᐊᓂᒍᐃᓯᒪᔪᑦ | ᐃᓅᔪᓐᓃᖅᑐᑦ | ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᓯᕗᓪᓕᖅᐹᖓᓐᓂᑦ ᓄᓇᕗᒻᒥ | ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᒪᕐᕉᓐᓂᒃ ᓄᓇᕗᒻᒥ | ᑲᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᐱᖓᓱᓂᑦ ᓄᓇᕗᒻᒥ |
| 30,696 | 1544 | 279 | 1260 | 5 | 31,855 | 25,367 | 11,123 |
ᓄᕙᒡᔪᐊᕐᓇᖅ-19−ᒧᑦ ᓄᓇᓕᖕᓂ ᖃᓂᒻᒪᒃᑐᑦ ᑭᒡᓕᓯᓂᐊᖅᑕᐅᓯᒪᔪᑦ: ᔭᓄᐊᕆ 27, 2022
| ᓄᓇᓕᒃ | ᓄᕙᒡᔪᐊᕐᓇᖅ-19 ᖃᓄᐃᓕᖓᓂᖓ | ᖃᖓᒃᑯᑦ | ᑭᒃᑯᑐᐃᓐᓇᐃᑦ ᓇᐃᓴᖅᑕᐅᓯᒪᔪᑦ ᐃᑉᐸᒃᓴᖅ (ᑲᑎᖦᖢᒋᑦ) |
ᑭᒃᑯᑐᐃᓐᓇᐃᑦ ᓇᐃᓴᖅᑕᐅᓯᒪᔪᑦ ᐅᓪᓗᒥ (ᑲᑎᖦᖢᒋᑦ) |
ᐊᓯᔾᔨᕐᑐᑦ ᐃᑉᐸᒃᓴᕐᓂᑦ (ᐱᖃᖅᑐᑦ) | ᑲᑎᖦᖢᒋᑦ ᖃᓄᐃᑦᑐᓐᓃᖅᑐᑦ |
ᐊᓯᔾᔨᖅᑐᑦ ᐃᑉᐸᒃᓴᕐᓂᑦ (ᐱᖃᖅᑐᑦ) |
ᑲᑎᖦᖢᒋᑦ ᐱᖃᕐᓂᖏᑦ |
|
ᖁᕐᓗᖅᑐᖅ |
ᐱᓕᕆᐊᖑᐃᓐᓇᖅᑐᖅ | ᑕᐃᒪᙵᓂ 23 ᔭᓄᐊᕆ 2022−ᒥ | 3 | 3 | 0 | 1 | 1 | 2 |
|
ᑭᒻᒥᕈᑦ |
ᐱᓕᕆᐊᖑᐃᓐᓇᖅᑐᖅ | ᑕᐃᒪᙵᓂ 22 ᔭᓄᐊᕆ 2022−ᒥ | 1 | 1 | 0 | 1 | 1 | 0 |
| ᓇᐅᔮᑦ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 15 ᔭᓄᐊᕆ 2022−ᒥ | 15 | 15 | 0 | 10 | 6 | 5 |
| ᑰᒑᔪᒃ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 14 ᔭᓄᐊᕆ 2022−ᒥ | 2 | 2 | 0 | 2 | 0 | 0 |
| ᐅᖅᓱᖅᑑᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 14 ᔭᓄᐊᕆ 2022−ᒥ | 4 | 4 | 0 | 4 | 0 | 0 |
| ᑕᓗᕐᔪᐊᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 11 ᔭᓄᐊᕆ 2022−ᒥ | 10 | 15 | 5 | 4 | 0 | 11 |
| ᓴᓪᓕᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 9 ᔭᓄᐊᕆ 2022−ᒥ | 30 | 31 | 1 | 16 | 1 | 15 |
| ᑎᑭᕋᕐᔪᐊᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 7 ᔭᓄᐊᕆ 2022−ᒥ | 19 | 19 | 0 | 12 | 0 | 6 |
| ᓴᓂᑭᓗᐊᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 4 ᔭᓄᐊᕆ 2022−ᒥ | 45 | 45 | 0 | 18 | 6 | 28 |
| ᑭᙵᐃᑦ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 1 ᔭᓄᐊᕆ 2022−ᒥ | 59 | 64 | 5 | 48 | 2 | 16 |
| ᒥᑦᑎᒪᑕᓕᒃ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 1 ᔭᓄᐊᕆ 2022−ᒥ | 6 | 8 | 2 | 1 | 0 | 7 |
| ᐃᒡᓗᓕᒑᕐᔪᒃ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 1 ᔭᓄᐊᕆ 2022−ᒥ | 6 | 6 | 0 | 5 | 0 | 1 |
| ᐃᖃᓗᒃᑑᑦᑎᐊᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 30-ᑎᓯᐱᕆ | 76 | 77 | 1 | 46 | 5 | 31 |
| ᐃᒡᓗᓕᒃ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 29-ᑎᓯᐱᕆ | 50 | 75 | 25 | 20 | 2 | 55 |
| ᖃᒪᓂ'ᑐᐊᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 29-ᑎᓯᐱᕆ | 59 | 62 | 3 | 34 | 14 | 28 |
| ᐊᕐᕕᐊᑦ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 29-ᑎᓯᐱᕆ | 122 | 123 | 1 | 105 | 7 | 18 |
| ᓴᓂᕋᔭᒃ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 29-ᑎᓯᐱᕆ | 26 | 26 | 0 | 21 | 1 | 5 |
| ᕿᑭᖅᑕᕐᔪᐊᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 28-ᑎᓯᐱᕆ | 8 | 8 | 0 | 8 | 1 | 0 |
| ᑲᖏᖅᖠᓂᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 23-ᑎᓯᐱᕆ | 90 | 97 | 7 | 79 | 8 | 18 |
| ᐸᓐᓂᖅᑑᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 23-ᑎᓯᐱᕆ | 26 | 26 | 0 | 26 | 0 | 0 |
| ᐃᖃᓗᐃᑦ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 04-ᓄᕕᐱᕆ | 157 | 163 | 6 | 130 | 18 | 33 |
| ᑲᑎᖦᖢᒋᑦ | 814 | 871 | 57 | 591 | 73 | 279 |
*ᖃᐅᔨᒪᖁᔭᐅᕗᑎᑦ: ᖃᔅᓯᐅᓂᖏᑦ ᐊᓯᔾᔨᖅᑕᖃᑦᑕᖅᐳᑦ. ᖃᓄᑐᐃᓐᓇᓕᒫᑦᑎᐊᖅ ᐱᓇᔪᒃᑐᖃᖃᑦᑕᖅᐳᖅ ᑖᒃᑯᐊ ᑎᑎᕋᖅᑕᐅᕙᓪᓕᐊᕙᒃᑐᑦ ᓄᑖᖑᐃᓐᓇᖁᓪᓗᒋᑦ ᐱᐊᓂᑦᑎᐊᖅᓯᒪᖁᓪᓗᒋᓪᓗ, ᑭᓯᐊᓂ ᑕᒪᐃᓂᒃ ᐃᓄᖕᓂᒃ ᒪᓕᒃᑕᐅᔪᓂᑦ ᖃᐅᔨᓴᖅᑕᐅᓯᒪᔪᓂᓪᓗᓐᓂᑦ ᓴᖅᑭᔭᖅᑎᑦᑎᙱᑐᐃᓐᓇᕆᐊᓕᒃ.
**ᔮᓄᐊᕆ 17, 2022−ᒥ ᐱᒋᐊᕐᓗᓂ, ᓇᓗᓇᐃᖅᑕᐅᔪᑦ ᓄᕙᕐᔪᐊᕐᓂᕋᖅᑕᐅᓪᓗᑎᒃ ᐱᖃᓯᐅᔾᔨᕗᑦ ᑕᐃᒃᑯᐊ ᒪᓕᒃᑐᑦ ᐋᖅᑭᒋᐊᖅᓯᒪᔪᓂᑦ ᓄᓇᕗᒻᒥ ᐱᖃᕐᓂᕋᖅᑕᐅᔪᑦ ᑐᑭᖏᓐᓂ. ᐅᑯᐊ ᐱᖃᓯᐅᑎᓪᓗᒋᑦ ᓄᕙᕐᔪᐊᕐᓇᖅ-19−ᒥ ᖃᐅᔨᔭᐅᓯᒪᔪᑦ ᓇᓗᓇᐃᖅᑕᐅᓪᓗᑎᒃ (PCR) ᐅᕝᕙᓘᓐᓃᑦ ᐱᖃᕋᓱᒋᔭᐅᓪᓗᑎᒃ (ᓱᒃᑲᔪᒥᒃ) ᖃᐅᔨᓴᖅᑕᐅᔪᑦ.
***ᑭᖑᕙᓯᒃᑐᖃᑐᐃᓐᓇᕆᐊᓕᒃ ᐅᖃᐅᓯᖃᕐᓂᐊᕐᓗᓂ ᖃᓄᐃᓕᖓᓂᖏᓐᓄᑦ ᑭᒡᓕᓯᓂᐊᖅᑕᐅᓯᒪᔪᓂᓪᓗ ᐱᔭᐅᔪᓂᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥᑦ. ᖁᓕᓪᓗ ᒪᕐᕉᒡᓗ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒥᐅᑕᐅᓂᕋᖅᑕᐅᓪᓗᑎᒃ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.
ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᔭᓄᐊᕆ 25, 2022
ᑐᑭᓯᒋᐊᒐᒃᓴᑦ/ᑭᒡᓕᒋᑎᑕᐅᔪᑦ:
ᐅᑯᐊ ᑐᑭᓯᒋᐊᒐᒃᓴᑦ ᑕᑯᒃᓴᐅᑎᑦᑎᕗᑦ ᓈᓴᐅᑎᓂᒃ ᓄᓇᖅᑲᑎᒌᑦ ᑲᐱᔭᐅᔪᑦ ᓇᓗᓇᐃᖅᑕᐅᕙᓪᓕᐊᔪᓂᒃ ᐱᒋᐊᖅᖢᒍ ᔭᓄᐊᕆ 25, 2022. ᐳᓴᓐᑎᖓ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐃᒪᐃᑉᐳᖅ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐊᕕᒃᓯᒪᓪᓗᑎᒃ ᓄᓇᕗᒥᐅᑦ ᐃᓄᒋᐊᓐᓂᖏᑕ ᓇᓚᐅᑦᑖᖅᑕᐅᓯᒪᓂᖏᑦ 18-ᓂ ᐅᖓᑖᓂᓪᓗ ᐅᑭᐅᓖᑦ.
ᓄᓇᕘᓕᒫᒥ ᑲᑎᖦᖢᒋᑦ ᑲᐱᔭᐅᔪᑦ ᑕᒻᒪᖅᓯᒪᙱᖦᖢᑎᒃ ᓇᐃᒡᓕᒋᐊᖅᓯᒪᔪᑦ. ᓄᓇᓖᑦ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᑦ ᕿᒥᕐᕈᔭᐅᕙᓪᓕᐊᑐᐃᓐᓇᖅᐳᑦ ᖃᐅᔨᒪᔪᒪᓪᓗᑎᒃ ᓈᒻᒪᒃᑲᓗᐊᕐᒪᖔᑕ ᓇᓗᓇᐃᖅᓯᔾᔪᑎᑦ. ᓄᓇᓕᖕᓂ ᑲᑎᖦᖢᒋᑦ ᐋᖅᑭᒋᐊᖅᑕᐅᖃᑦᑕᕐᓂᐊᖅᐳᑦ ᐱᔭᕆᐊᖃᕌᖓᑦ. ᑐᕌᖓᑐᐃᓐᓇᕆᐊᖃᖅᑐᖅ ᐊᓯᔾᔨᒐᓚᒋᐊᖃᕋᔭᖅᑐᓄᑦ ᐳᓴᓐᑎᖏᑦ ᓄᓇᓖᑦ ᒪᓕᒡᓗᒋᑦ.
ᑲᐴᑎᑦ ᓇᓗᓇᐃᖅᑕᐅᖃᑦᑕᖅᐳᑦ ᓄᓇᓕᖕᓄᑦ ᐊᐅᓚᑦᑎᕝᕕᒋᔭᐅᔪᓄᑦ.
ᑲᑎᖦᖢᒋᑦ ᑲᐱᔭᐅᔪᑦ ᐅᑯᐊᖑᓂᐊᖅᐳᑦ ᓄᓇᖃᖅᑐᑦ ᓄᓇᖃᙱᑦᑑᒐᓗᐊᓪᓗ, ᐃᓚᓕᐅᔾᔭᐅᓪᓗᑎᒃ ᐅᓐᓄᐊᖅᓯᐅᑕᐅᓕᖅᐸᒃᑐᑦ ᐃᖅᑲᓇᐃᔭᖅᑏᑦ.
ᖃᔅᓯᑲᓪᓚᑦ ᓄᓇᓖᑦ ᐃᓄᒃᑕᖃᖅᑐᑦ ᑲᐱᔭᐅᓂᑯᓂᒃ ᒪᕐᕉᖕᓂ ᐊᔾᔨᒌᙱᑦᑑᖕᓂ ᓄᓇᓕᖕᓂ, ᐅᕝᕙᓘᓐᓃᑦ ᓄᓇᒋᙱᑕᒥᓂᒃ ᑲᐱᔭᐅᖃᑕᐅᓯᒪᔪᖃᖅᑐᖅ.
ᐃᓄᖕᒥᒃ ᑲᐱᔭᐅᓯᒪᔪᖃᑐᐃᓐᓇᕆᐊᖃᖅᐳᖅ ᓯᕗᓪᓕᕐᒥᒃ ᐊᒻᒪ/ᐅᕝᕙᓘᓐᓃᑦ ᐊᐃᑉᐸᖓᓂᒃ ᓄᓇᒋᙱᑕᒥᓂᒃ ᑲᐱᔭᐅᔪᓂᒃ.
ᑖᓐᓇ ᐱᔾᔪᑎᖃᙱᑦᑐᖅ ᐃᓄᖕᓄᑦ ᑲᐱᔭᐅᓚᐅᖅᑐᓄᑦ ᐃᓚᐃᓐᓇᖓᓂᒃ ᑕᒪᐃᓐᓂᒡᓘᓐᓃᑦ ᓄᓇᕘᑉ ᓯᓚᑖᓂ.
ᖁᑦᑎᒃᐸᑦ ᐳᓴᓐᑎᖓ ᐊᑕᐅᓯᕐᒥᒃ ᓄᓇᓕᖕᓂ ᓇᓕᒧᙱᒻᒪᑦ ᐃᓄᒐᓴᒡᔪᐊᓄᑦ ᑲᐳᖅᓴᖅᑕᐅᔪᓄᑦ. ᐋᖅᑭᒃᑕᐅᔪᖃᖅᓯᒪᙱᑦᑐᖅ ᓇᓗᓇᐃᖅᑕᐅᓯᒪᔪᖃᙱᑦᑐᕐᓘᓐᓃᑦ ᐳᓴᓐᑎᖓᓐᓂᒃ ᖃᓄᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᔪᓂᒃ ᓄᕙᕐᔪᐊᕐᓇᖅ-19−ᒧᑦ. ᖃᓄᒥᐊᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᒐᓗᐊᖅᐸᑕ ᒫᓐᓇ ᑲᐴᑎᓄᑦ ᐊᖏᖅᑕᐅᓯᒪᔪᓄᑦ (ᓲᕐᓗ ᓄᑕᖅᑲᑦ 12 ᑐᖔᓂ ᐅᑭᐅᖃᑐᐊᖅᐸᑕ ᑲᐱᔭᐅᔪᓐᓇᙱᑦᑐᑦ).
ᓇᑭᙶᕐᓂᖏᑦ:
ᑲᓇᑕᒥ ᑭᒡᓕᓯᓂᐊᖅᑎᒃᑯᑦ, ᓄᓇᓖᑦ ᐃᓄᖏᑦᑕ ᖃᓄᐃᓕᕙᓪᓕᐊᓂᖏᓐᓄᑦ ᐱᓕᕆᕝᕕᒃ, ᑎᑎᖅᑲᙳᖅᑎᑕᐅᔪᒃᓴᑦ. ᐱᕙᒌᔭᖅᑕᐅᔪᖅ ᐅᑯᓄᖓ: ᓄᓇᕗᒻᒥ ᑭᒡᓕᓯᓂᐊᖅᑎᒃᑯᑦ, ᔭᓄᐊᕆ 27, 2021.
ᑲᐱᔭᐅᓯᒪᔪᑦ ᖃᔅᓯᐅᓂᖏᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᓐᓂᐊᕕᓕᐊᖅᑐᓄᑦ ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎᓃᖔᖅᑐᖅ.
ᐊᔪᙱᑦᑐᑦ ᐃᓐᓇᐃᑦ ᓄᓇᓕᖕᓂ ᓇᓗᓇᐃᖅᑕᐅᓯᒪᕗᑦ ᖃᔅᓯᐅᓂᖏᓐᓄᑦ ᐃᓄᐃᑦ ᐅᑭᐅᓖᑦ 18-ᓂᒃ ᐅᖓᑖᓂᓪᓗ ᒪᓕᒡᓗᒍ 2020-ᒥ ᐃᓄᐃᑦ ᖃᔅᓯᐅᓇᓱᒋᔭᐅᓂᖏᑦ.
ᓄᓇᖅᑲᑎᒌᑦ ᐃᓄᒋᐊᖕᓂᖏᑦ ᒥᒃᓴᐅᑦᑎᓯᒪᔪᑦ "ᐊᒃᑐᐊᓂᖃᙱᑦᑐᑦ" ᑐᙵᕕᖃᙱᓐᓂᖏᓐᓄᑦ ᐃᓗᓕᖅᑕᓄᑦ ᐃᓄᒋᐊᒃᓯᕙᓪᓕᐊᔪᓄᑦ (ᐃᓅᕙᓪᓕᐊᔪᑦ, ᑐᖁᕙᓪᓕᐊᔪᑦ ᐊᒻᒪ ᐊᓯᐊᓂᒃ ᓄᓇᓂᙶᖅᑐᑦ ᓄᒃᑕᖅᐸᒃᑐᑦ). ᑲᒪᒋᔭᐅᑦᑎᐊᕐᓗᑎᒃ ᐊᑐᖅᑕᐅᔭᕆᐊᓖᑦ.
ᐊᓂᑦᑕᐃᓕᕕᖕᒦᑦᑐᑦ ᐃᓄᐃᑦ:
| ᐊᐅᓪᓚᕐᓂᐊᖅᑐᖅ ᖃᓄᐃᑦᑑᓂᖓ | ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᔭᓄᐊᕆ 26-ᖑᓕᕐᑎᓪᓗᒍ |
| ᐋᓐᓂᐊᕐᕕᓕᐊᖅᑐᑦ | 54 |
| ᑭᒃᑯᑐᐃᓐᓇᑦ | 0 |
| ᑐᐊᕕᕐᓇᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᑦ ᐊᓂᑦᑕᐃᓕᓂᕐᓗ | 0 |
| ᐃᒡᓗᓕᐅᕐᑎᑦ | 0 |
| ᑲᑎᖦᖢᒋᑦ | 54 |
ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᓇᐃᓈᕐᓯᒪᔪᖅ:
| ᐊᐅᓪᓚᕐᕕᒃᓴᖓᑕ ᐅᓪᓗᐊ | ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐊᓂᑦᑕᐃᓕᕕᖕᒥᙶᖅᑐᑦ |
| ᔭᓄᐊᕆ 27 2022 | 7 |
| ᔭᓄᐊᕆ 28 2022 | 2 |
| ᔭᓄᐊᕆ 29 2022 | 5 |
| ᔭᓄᐊᕆ 30 2022 | 5 |
| ᔭᓄᐊᕆ 31 2022 | 10 |
| Total | 29 |
ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ
ᐱᔨᑦᑎᕋᖅᑕᐅᖏᓐᓇᖅᑐᑦ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
ᐃᒡᓗᓕᒃ ᐱᙱᖦᖢᓂ, ᐃᓕᓐᓂᐊᕐᕖᑦ ᐃᓕᓐᓂᐊᖅᑎᓄᑦ ᒪᑐᐃᒃᑲᓐᓂᕐᓂᐊᓕᖅᐳᑦ 100−ᐳᓴᖓᓂ ᐅᕝᕙᓘᓐᓃᑦ 50−ᐳᓴᖓᓂ ᐃᓄᖃᕈᓐᓇᕐᓂᖓᑕ, ᓄᕙᕐᔪᐊᕐᓇᖅ-19−ᖃᖅᑐᑦ ᒪᓕᒃᑕᐅᓗᑎᒃ ᐊᑐᓂ ᓄᓇᓕᖕᓂ.
- ᐃᓕᓐᓂᐊᕐᕖᑦ ᐃᖃᓗᒃᑑᑦᑎᐊᕐᒥᑦ, ᐊᕐᕕᐊᑦ, ᖃᒪᓂᑦᑐᐊᖅ ᑲᖏᖅᖠᓂᖅ, ᐃᖃᓗᐃᑦ, ᕿᙵᐃᑦ, ᐊᒻᒪᓗ ᓴᓂᑭᓗᐊᖅ ᒪᑐᐃᖅᑕᐅᓚᐅᖅᑐᖅ 50% ᐃᓄᒋᐊᒍᓐᓇᕐᒥᑦ.
- ᐃᓕᓐᓂᐊᕐᕖᑦ ᐊᓯᓕᒫᖏᓐᓂ ᓄᓇᓕᖕᓂ ᒪᑐᐃᖓᓂᐊᖅᐳᑦ 100−ᐳᓴᓐ ᐃᓄᖃᕈᓐᓇᕐᓂᖓᓂ.
- ᐃᓕᓐᓂᐊᕐᕖᑦ ᐃᓕᓐᓂᐊᖅᑎᓄᑦ ᖃᑕᙳᑎᖏᓐᓂᓪᓗ ᑐᓴᐅᒪᑎᑦᑎᓂᐊᖅᐳᑦ ᐃᓕᓐᓂᐊᕐᕕᐅᑉ ᖃᓄᐃᓕᖓᓂᖓᓂ ᐊᒻᒪᓗ ᐱᓕᕆᖃᑎᒌᓂᑦ ᐸᕐᓇᒃᑕᐅᔪᓂᑦ.
- ᐊᖓᔪᖅᑳᕆᔭᐅᔪᑦ ᑐᑭᓯᐅᒪᑦᑎᐊᙱᑉᐸᑕ ᖃᖓ ᐃᓕᓐᓂᐊᖅᑏᑦ ᐅᑎᓛᕐᒪᖔᑕ, ᐃᓕᓴᐃᔨᓄᑦ ᖃᐅᔨᒋᐊᕆᐊᖃᖅᐳᑦ.
ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ
- ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᖅᑎᑦᑎᔨᑦ ᐊᒡᓚᕝᕕᖓ ᓱᓕ ᐊᑭᓕᖅᓱᐃᕙᓪᓕᐊᔪᑦ ᐃᓕᓐᓂᐊᖅᑎᓄᑦ ᑎᑎᕋᕆᐊᓕᖕᒥᒃ ᓇᒃᓯᐅᔾᔨᓚᐅᖅᑐᓄᑦ.
- ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᑦ ᓱᓕ ᐱᓕᕆᓚᐅᙱᑦᑐᑦ ᓇᒃᓯᐅᔾᔨᔭᕆᐊᖃᓕᖅᐳᑦ FANS SEF−ᒥᓂᒃ (A−ᖓ ᑎᑎᕋᕐᓗᒍ) ᐊᒻᒪ ᓄᓇᕗᒻᒥ ᓯᓚᑦᑐᖅᑕᕝᓴᕐᕕᖕᒧᑦ ᑎᑎᕋᖅᑕᐅᓯᒪᔭᔾᔪᑎᖓ ᓇᓗᓇᐃᖅᓯᒪᔪᖅ ᑎᑎᖅᑲᖅ FANS−ᑯᑦ ᐊᒡᓚᕝᕕᖓᓄᑦ.
- ᐃᓕᓐᓂᐊᖅᑏᑦ ᐱᕕᖃᖅᑎᑦᑎᔭᕆᐊᓕ 15ᓂ ᐃᖃᓇᐃᔭᕐᓇᐅ ᐅᓪᓗᓂᑦ ᑐᓂᓯᓚᐅᖅᑎᓪᓗᒋᑦ ᐃᓕᓐᓂᐊᖅᑎᓄᑦ ᐊᑎᓕᐅᕆᐊᓖᑦ ᑕᑕᑎᕆᐊᓖᑦ ᓄᓇᕗᒻᒥᑦ ᐃᓕᓐᓂᐊᖅᑏᑦ ᑭᓇᐅᔭᖃᖅᑎᑕᐅᓂᖏᓐᓄᑦ ᐃᑲᔪᑎᓄᑦ ᑮᓇᐅᔭᑦ ᐃᓕᔭᐅᕝᕕᒃᓴᖓᓄᑦ ᑮᓇᐅᔭᒃᑯᕕᖕᒧᑦ.
- 15 ᐃᖃᓇᐃᔭᕐᓇᐅ ᐅᓪᓗᖓᓄᑦ ᖄᖏᖅᐸᑦ ᐃᓕᓐᓂᐊᖅᑏᑦ ᑮᓇᐅᔭᒃᓴᖅᑖᓚᐅᖏᑉᐸᑦ ᑮᓇᐅᔭᖃᕐᕕᐊᓄᑦ, ᐃᕐᒌᓐᓇᖅᑐᐊᒃᑯᑦ ᑎᑎᕋᕈᓐᓇᖅᑐᑦ fans@gov.nu.ca ᖃᐅᔨᒃᑲᐃᓗᑎᑦ. ᐃᓕᓐᓂᐊᖅᑏᑦ ᐃᓚᓕᐅᑎᓗᑎᑦ ᐊᔾᔨᖓᓂ ᑮᓇᐅᔭᒃᑯᕕᐅ ᓇᐃᓴᐅᑎᖓᓂ ᐱᒋᐊᕐᓗᓂ ᔭᓄᐊᕆ 1ᒥᑦ ᒫᓐᓇᒧᑦ.
- ᐊᐱᖅᑯᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐱᔾᔪᑎᒋᓗᒋᑦ ᓇᒃᓯᐅᔾᔭᐅᔪᓐᓇᖅᑐᑦ ᐅᕗᖓ fans@gov.nu.ca.
- ᐃᓕᓐᓂᐊᖅᑎᑦ ᐊᐱᖅᑯᑎᒃᓴᓕᑦ ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᖃᖓᑦᑕᐅᓯᖅᑕᐅᔪᓐᓇᕐᒪᖔᑦ ᖃᐅᔨᒋᐊᕈᓐᓇᖅᑐᑦ ᐅᕗᖓ fanstravel@gov.nu.ca ᑐᑭᓯᒋᐊᒃᑲᓐᓂᒐᒃᓴᓂ.
- ᐃᓕᓐᓂᐊᖅᑎᑦ ᖃᖓᑦᑕᐅᑎᒥᓂᒃ ᐊᓯᔾᔨᖅᑕᐅᒍᔾᔨᔪᑦ ᖃᖓᑦᑕᕐᕕᒃᓴᖓᓂᑦ ᐃᕐᖐᓐᓇᖅᑐᐊᒃᑯᑦ ᑎᑎᕋᖁᔭᐅᕗᑦ fanstravel@gov.nu.ca ᐃᖃᓇᐃᔭᕐᓇᒃᑯᑦ ᐅᕝᕙᓘᓐᓃᑦ, ᐃᖃᓇᐃᔭᕐᓇᐅᖏᑉᐸᑦ, ᐃᖃᓇᐃᔭᕐᓇᐅᖏᑎᓪᓗᒍ ᐅᖃᓗᒍᓐᓇᖅᐳᑎᑦ ᖃᖓᑦᑕᐅᓯᓕᕆᔨᒃᑯᓐᓄᑦ ᐅᕗᖓ 1-867-857-6950.
ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:
ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ
ᑎᐅᓕᐅᖅᑐᖅᑕᐅᔪᖅ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᐅ, ᐃᒡᓗᓕᖕᒥᑦ ᐸᐃᕆᕝᕖᑦ ᒪᑐᐃᖓᐃ8ᓴᕐᓂᐊᖅᑐᑦ ᐃᖃᓇᐃᔭᕆᐊᖃᓪᓚᕆᒃᑐᓄᑐᐊᖅ.
ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ
- ᖁᑦᑎᒃᓯᓯᒪᑎᓪᓗᒍ ᓄᓇᕗᒻᒥᑦ ᐃᓕᓐᓂᐊᖅᑏᑦ ᑮᓇᐅᖃᖅᑎᑕᐅᓂᕐᖏᓐᓄᑦ ᐃᑲᔫᑎᓄᑦ ᑎᑎᕋᕐᕕᒃ, ᒨᕐᓗ ᓄᑖᒥᑦ ᐃᓕᓐᓂᐊᒐᒃᓴᓕᕆᑎᓪᓗᒋᑦ, ᐱᔨᑦᑎᕋᐅᑎᓄᑦ ᒪᓕᒃᑕᐅᔭᕆᐊᓖᑦ ᑭᐅᔾᔪᑕᐅᔪᓄᑦ ᐃᕐᖐᓐᓇᖅᑐᐊᒃᑯᑦ 3−5 ᐃᖃᓇᐃᔭᕐᓇᐅ ᐅᓪᓗᓄᑦ. ᑭᐅᔭᐅᓇᓵᖃᑦᑕᑐᐃᓐᓇᕆᐊᖃᕐᓂᐊᖅᐳᓯ ᑎᑎᕋᕐᕕᖕᒥ ᓄᕙᒡᔪᐊᕐᓇᖅ-19−ᒧᑦ ᖃᓂᒪᔪᖃᐅᕐᓂᖓᓄᑦ ᐊᕐᕕᐊᓂ.
- ᒫᓐᓇ, FANS−ᑯᓐᓂ ᐃᖅᑲᓇᐃᔭᖅᑎᑦ ᖃᕆᓴᐅᔭᒃᑯᑦ ᐱᓕᕆᑲᑕᒃᐳᑦ, FANS−ᑯᓐᓄᓪᓗ ᐅᖄᓚᕝᕕᐅᕙᒃᑐᖅ ᖃᐅᔨᒋᐊᖅᑕᑲᑕᙱᖦᖢᓂ.
- ᐊᑲᐅᓛᖑᕗᖅ ᐃᕐᙲᓐᓈᖅᑕᐅᒃᑯᑦ ᖃᐅᔨᒋᐊᖅᐸᒡᓗᓂ ᐅᕗᖓ fans@gov.nu.ca.
ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
ᐅᖃᐅᔾᔭᐅᓚᐅᖅᑎᓪᓗᑕ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᐅᑉ, ᐃᒡᓗᓕ ᐃᓕᓐᓂᐊᕐᕖᑦ ᒪᑐᔭᐅᓯᒪᔪᑦ ᐃᓕᓐᓂᐊᖅᑎᓄᑦ ᐃᖃᓇᐃᔭᖅᑎᓄᓪᓗ.
- ᐃᓕᓐᓂᐊᕐᕖᒃ ᐃᒡᓗᓕᖕᒥᑦ ᓇᓗᓇᐃᔭᐃᓂᐊᖅᑐᑦ ᐃᓕᓐᓂᐊᖅᑎᓄᑦ ᐱᔾᔪᑎᒋᓪᓗᒋᑦ ᐊᖏᕐᕋᒥᑦ ᐃᓕᓐᓂᐊᕈᑎᒃᓴᓂᑦ ᐱᓇᓱᐊᕈᓯᐅᓂᐊᖅᑐᒥᑦ.
ᔭᓄᐊᕆᒥ ᐱᔭᕇᕈᓯᐊᕐᒧᑦ ᖃᐅᔨᓴᕈᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᓄᖅᑲᖅᑎᑕᐅᓯᒪᓕᖅᑐᑦ. ᐃᓕᓐᓂᐊᖅᑎᑦ ᑎᑎᕋᕆᐊᖃᓚᐅᖅᑐᑦ ᐱᔭᕇᕈᓯᐊᖏᑦᑕ ᖃᐅᔨᓴᕈᓯᖏᓐᓂᒃ ᔭᓄᐊᕆ 2022−ᒥ ᐱᑎᑕᐅᖔᓛᖅᑐᑦ ᐃᓱᒪᖅᓲᑎᒃᓴᒥᓂᒃ ᐃᓕᓐᓂᐊᕐᕕᖕᒥᓪᓗ ᓇᓗᓇᐃᒃᑯᑕᖏᑦ ᐋᖅᑭᒃᑕᐅᓯᒪᖃᑦᑕᕐᓂᐊᖅᖢᑎᒃ 100%−ᒧᑦ ᐊᑕᖏᖅᑕᐅᓗᑎᒃ ᓇᓗᓇᐃᒃᑯᑕᖅᑖᕆᖃᑦᑕᕐᓂᐊᖅᑕᖏᓐᓄᑦ.
ᓄᓇᕗᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.