ᖁᕕᐊᒋᔭᖃᖅᐱᑦ ᑎᑎᕋᕐᓂᖅᒥᒃ ᐃᙱᐅᑎᓂᒃ ᐊᒻᒪ ᐃᙱᕆᐊᒃᓴᖅ ᐊᓕᐊᓇᐃᒋᕕᐅᒃ ᐃᓄᒃᑐᑦ? ᐊᑏᓕ ᐱᓇᔫᔭᙳᐊᖤᕆᑦ ᓄᓇᕗᒻᒥ ᐊᕐᕌᒍᑕᒫᖅ ᓵᓚᒃᓴᐅᓯᐊᖑᓇᓱᒃᐸᒃᑐᖅ ᐃᓄᒃᑐᑦ ᐃᖏᐅᓯᓕᐅᕐᓂᕐᒥᒃ.
ᕿᓚᐅᑦ 2025-ᒧᑦ ᑐᓂᔪᓐᓇᖅᐸᐃᑦ, ᓄᓇᕗᒻᒥ ᐊᕐᕌᒍᑕᒫ ᐃᓄᒃᑐᑦ ᐃᙱᐅᓯᐅᖅᑐᓂᒃ ᓵᓚᒃᓴᖅᑎᑦᑎᓇᓱᒃᐸᒃᑐᑦ. ᑕᒪᑐᒪᓂ ᐊᕐᕌᒍᒥ ᐱᓕᕆᐊᖑᓂᐊᓚᐅᖅᑐᑦ ᐱᕈᓴᓪᓗᖓ ᐊᒻᒪ ᐃᓄᐃᑦ ᓴᓇᓯᒪᔮᖏᑦ.
2025−ᒥ ᓇᓗᓇᐃᒃᑯᑕᐅᒋᕗᖅ ᕿᓚᐅᑦᒧᑦ ᖁᓕᒋᓕᖅᑕᖓᓂᒃ ᓇᓪᓕᐅᓐᓂᖅᓯᐅᕈᑕᐅᓂᖓᓄᑦ ᑕᐃᒪᙵᑦ ᐱᒋᐊᖅᑕᐅᓚᐅᖅᑎᓪᓗᒍ. ᐅᑭᐅᑦ ᖁᓕᑦ ᐊᓂᒍᖅᑐᓂᒃ, ᑖᓐᓇ ᓵᓚᒃᓴᕋᓱᖕᓂᖅ ᓄᓇᕗᒻᒥ ᐃᙱᐅᓯᐅᖅᑎᓂᒃ ᐱᕕᖃᖅᑎᑦᑎᓯᒪᕗᖅ ᐃᓕᓴᕆᔭᐅᓂᕐᒥᒃ ᐃᙱᕈᓐᓇᖅᓯᓪᓗᑎᒃ ᑎᑎᕋᕐᓂᑯᒥᓂᒃ ᐃᓄᒃᑐ ᐃᙱᐅᑎᓂᒃ. ᒫᓐᓇᒧᑦ ᑎᑭᖦᖢᒍ, 81 ᐃᙱᐅᑎᑦ ᐊᒻᒪ 11−ᓂᒃ ᑐᓴᕐᓈᒐᒃᓴᓂᒃ ᓂᐱᓕᐅᖅᑕᐅᓯᒪᓕᖅᑐᑦ ᓴᖅᑭᑕᐅᓪᓗᑎᒡᓗ. ᓄᓇᕗᒻᒥ ᓴᖅᑭᔮᖅᑎᑦᑎᓯᒪᕗᖅ ᐆᒻᒪᕆᒃᑐᓂᒃ ᐃᓄᒃᑐᑦ ᐃᙱᐅᓯᓕᕆᖃᑦᑕᕐᓂᖓᓂᒃ ᓴᙱᒃᑎᒋᐊᕈᑕᐅᓯᒪᓪᓗᓂᓗ ᐃᓄᒃᑐᑦ ᐊᑐᖅᑕᐅᓂᖓᓂᒃ. ᓵᓚᒃᓴᕋᓱᖕᓂᒃᑯᑦ ᑕᕝᕘᓇ, ᓄᓇᕗᒥᐅᑦ ᐃᑲᔪᖅᑐᐃᕗᑦ ᐆᒻᒪᕆᖕᓂᖓᓂ, ᐊᑐᖅᑕᐅᒃᑲᓐᓂᓕᕐᓂᖓᓂ, ᐆᒪᑎᑕᐅᓂᖓᓗ ᐃᓄᐃᑦ ᐃᓕᖅᑯᓯᖓᑦ ᐅᖃᐅᓯᖓᓪᓗ.
ᑕᒪᑐᒪᓂ ᐊᕐᕌᒍᒥ ᓵᓚᒃᓴᐅᓯᐊᖑᓛᖅᑐᑦ ᐅᑯᐊᖑᕗᑦ:
ᓯᕗᓪᓕᖅᐹᖅ ᓵᓚᒃᓴᒐᒃᓴᖅ $5000
ᐊᐃᑉᐸᖓᑦ ᓵᓚᒃᓴᒐᒃᓴᖅ $2,500
ᐱᖓᔪᖓᑦ ᓵᓚᒃᓴᒐᒃᓴᖅ $1,500
7−ᓂᒃ ᐱᐅᓛᓕᐅᖃᑕᐅᔪᑦ: $500 ᐊᑐᓂ
ᓵᓚᖃᖅᑐᑦ ᑐᓐᓂᖅᑯᑕᐅᔪᑦ ᓂᐱᓕᐅᖅᑕᐅᓂᐊᖅᑐᑦ ᓂᐱᓕᕆᔨᓪᓚᕆᖕᒧᑦ 2025−ᒥ ᓴᖅᑭᑕᐅᓗᓂᓗ ᐊᒻᒪᓗ ᐱᕕᖃᓕᕐᓂᐊᕐᒥᔪᑦ ᓄᓇᕗᒻᒥ ᐃᙱᖅᑎᓪᓗᒋᑦ ᖁᙱᐊᖅᑕᐅᔪᓐᓇᕐᓗᑎᒃ ᐱᖓᓱᐃᕐᓗᑎᒃ.
ᑕᑯᒋᐊᕈᓐᓇᖅᐳᑎᑦ ᓵᓚᑦᓴᕋᓱᒃᑐᓄᑦ ᒪᓕᒃᑕᐅᔭᕆᐊᓕᖕᓂᒃ, ᐊᑐᕆᐊᓕᓐᓂᒃ ᐱᓇᓱᐊᖅᑐᓄᑦ ᖃᐅᔨᓂᐊᕋᕕᑦ ᑕᕝᕙᓂ ᐃᑭᐊᖅᑭᕕᖓᓂ ᒐᕙᒪᒃᑯᑦ ᓄᓇᕗᒻᒥ. ᓇᒃᓯᐅᑎᓗᒋᑦ ᐃᙱᐅᓯᓕᐊᑎᑦ ᐅᕗᖓ qilaut@gmail.com. ᐱᓇᓱᐊᕈᒪᔪᓄᑦ ᐃᓱᓕᕝᕕᒃᓴᖃᖅᑐᖅ 11:59-ᒥ ᐅᓐᓄᐊᒃᑯᑦ ᑲᓇᓐᓂᕐᒥᑦ ᒪᐃ 5, 2025.