ᐃᖃᓗᐃᑦ, ᓄᓇᕗᑦ (ᐊᒃᑐᐸ 10, 2024) − ᓯᕗᓕᖅᑎ ᐱᔭᐃ ᐊᕿᐊᕈᖅ ᐅᓪᓗᒥ ᓇᓗᓇᐃᖅᓯᖅᑲᐅᔪᖅ ᐊᓯᔾᔨᖅᑕᐅᓂᖏᓐᓂᒃ ᓄᓇᕗᑦ ᒐᕙᒪᒃᑯᖏᑕ ᐊᖏᔪᖅᑲᐅᑎᖏᑦ, ᒫᓐᓇᑦᓴᐅᑎᒋ ᐱᒋᐊᕐᓗᓂ.
ᓯᕗᓕᖅᑎ ᐊᕿᐊᕈᖅ ᓇᓗᓇᐃᖅᓯᖅᑲᐅᔪᖅ ᐅᑯᓂᖓ:
- ᑯᕆᔅᑏᓐ ᐃᐅᓪᔅᕗᑦ ᒥᓂᔅᑕᐅᑉ ᑐᒡᓕᕆᓂᐊᓕᖅᑕᖓ ᒪᓕᒐᓕᕆᔨᒃᑯᑦ.
- ᐃᐅᓪᒪ ᐸᐅᕗ ᒥᓂᔅᑕᐅᑉ ᑐᒡᓕᕆᓂᐊᓕᖅᑕ ᐃᖅᑲᓇᐃᔭᖅᑐᓕᕆᔨᒃᑯᑦ.
- ᐸᐅᓗᓯ ᓱᕕᐊ ᒥᓂᔅᑕᐅᑉ ᑐᒡᓕᕆᓂᐊᓕᖅᑕ ᐊᕙᑎᓕᕆᔨᒃᑯᑦ.
- ᔅᑏᕙᓐ ᒪᓐᓱᓪ ᐋᔩᖅᑎᓄᑦ ᐊᖏᔪᖅᑳᖅ ᓇᒻᒥᓂᖅᓱᕐᓂᕐᒧᑦ.
- ᔮᑭ ᐳᕋᐃᔅ ᐊᖏᔪᖅᑳᕈᕐᓂᐊᖅᑐᖅ ᓄᓇᕗᑦ ᓯᓚᑦᑐᓴᕐᕕᒃᑯᓐᓄᑦ
ᖄᒃᑲᓐᓂᖓᒍᑦ, ᓇᓗᓇᐃᖅᑕᐅᕋᑖᓚᐅᖅᓯᒪᔪᖅ, ᓄᓇᕗᑦ ᒐᕙᒪᒃᑯᖏᑦ ᐋᖅᑭᑦᓱᐃᒋᐊᖅᑐᑦ ᐋᖅᑭᐅᒪᓂᖏᓐᓂᒃ ᒐᕙᒪᒃᑯᑦ ᐱᓕᕆᕕᖏᑦ ᓄᓇᓗᓐᓂ ᒐᕙᒪᒃᑯᓐᓂᓗ ᐱᔨᑦᓯᕋᖅᑎᒃᑯᑦ, ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐊᒻᒪᓗ ᒐᕙᒪᒃᑯᑦ ᑐᑦᑕᕐᕕᖏᑕ ᐊᓪᓚᕝᕕᖓᑦ ᒐᕙᒪᓕᕆᔨᒃᑯᓐᓂ ᒪᕐᕈᕈᕐᓗᑎᒃ ᐱᓕᕆᕕᒃ − ᓄᓇᓕᓐᓄᑦ ᐱᔨᑦᓯᕋᖅᑎᒃᑯᑦ, ᐊᒻᒪᓗ ᐃᖏᕐᕋᔪᓕᕆᔨᒃᑯᑦ ᐊᑭᑐᔫᑎᓕᕆᔨᒃᑯᓪᓗ ᓄᓇᕗᒻᒥ − ᐊᑐᓕᖅᑎᑕᐅᓛᖅᑐᓂ ᐃᐳᕈ 1, 2025.
- ᑯᕆᔅᑎ ᑯᕈᓂᓐ ᒥᓂᔅᑕᐅᑉ ᑐᒡᓕᕆᓂᐊᓕᖅᑕᖓ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ, ᐱᓕᕆᐊᑦᓴᖃᖅᑎᐅᓗᓂ ᐊᓯᔾᔨᖅᐸᓪᓕᐊᓂᐊᕐᓂᖏᓐᓂᒃ ᓄᑖᒧᑦ ᐱᓕᕆᕕᖓᓄᑦ ᓄᓇᓕᓐᓄᑦ ᐱᔨᑦᓯᕋᖅᑎᒃᑯᑦ.
- ᑲᐃᐅᓪ ᓰᓕ ᓱᓕ ᒥᓂᔅᑕᐅᑉ ᑐᒡᓕᕆᓂᐊᖅᑕᖓ ᓄᓇᓕᓐᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ, ᐱᓕᕆᐊᑦᓴᖃᖅᑎᐅᓗᓂ ᐊᓯᔾᔨᖅᐸᓪᓕᐊᓂᐊᕐᓂᖏᓐᓂᒃ ᓄᑖᒧᑦ ᐱᓕᕆᕕᖓᓄᑦ ᐃᖏᕐᕋᔪᓕᕆᔨᒃᑯᑦ ᐊᑭᑐᔫᑎᓕᕆᔨᒃᑯᓪᓗ ᓄᓇᕗᑦ.
“ᖁᔭᓐᓇᒦᖅᑕᒃᑲ ᑕᐃᕕᑎ ᑯᓄᒃ, ᐃᕚᓐ ᓇᐃᒍ, ᐊᒻᒪᓗ ᕆᐱᑲ ᒨᓐᔅ ᐱᕕᖃᕈᓐᓇᓚᐅᕐᓂᖏᓐᓄᑦ ᑐᓂᓯᒪᓚᐅᕐᓂᖏᓐᓄᓪᓗ ᓄᓇᕗᑦ ᒐᕙᒪᒃᑯᖏᓐᓄᑦ. ᑲᔪᓯᑦᓯᐊᕈᔾᔭᐅᖁᕙᕗᑦ ᓯᕗᓂᑦᓴᑎᓐᓂ ᐱᓕᕆᐊᕆᓂᐊᖅᑕᖏᓐᓂ,” ᐅᖃᖅᓯᒪᔪᖅ ᓯᕗᓕᖅᑎ ᐊᕿᐊᕈᖅ