ᐃᖃᓗᐃᑦ, ᓄᓇᕗᑦ (ᒪᐃ 29, 2024) − ᓯᕗᓕᖅᑎ ᐲᔭᐃ ᐊᕿᐊᕈᖅ ᐅᓪᓗᒥᑦ ᑐᓴᖅᑎᑦᑎᖃᐅᕗᖅ ᑎᒃᑯᐊᖅᑕᐅᔪᖃᕐᓂᖓᓂᒃ ᑖᓂᐊᓕ ᔭᖕᒥ ᒥᓂᔅᑕᒧᑦ ᑐᒡᓕᕆᔭᐅᓕᖅᖢᓂ ᑮᓇᐅᔭᓕᕆᔨᒃᑯᓐᓄᑦ, ᐊᑐᓕᖅᑎᑕᐅᔪᖅ ᒪᐃ 27, 2024.
ᔭᖕ ᐱᔨᑦᑎᕋᖃᑦᑕᖅᓯᒪᔪᖅ ᐃᖅᑲᓇᐃᔮᒥᓄᑦ ᐊᑐᓚᐅᐱᓪᓚᖕᓂᐊᖅᑐᓂᒃ ᐃᓄᒋᐊᓄᑦ ᑭᒃᑯᑐᐃᓐᓇᕐᓄᑦ ᐃᖅᑲᓇᐃᔮᖅᑖᕋᓱᒃᑐᓄᑦ ᐃᓇᖏᖅᓯᔪᒪᓪᓗᒋᑦ ᐊᑯᓂᐅᔪᒧᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎ ᔭᕝ ᓇᐅᓐ, ᐃᓐᓇᐅᓕᕐᓂᕐᒧᑦ ᓄᖃᖅᓯᒪᓕᖅᑐᖅ ᔭᓄᐊᕆᒥᑦ.
“ᖁᕕᐊᓱᒃᐳᖓ ᔭᖕ ᐊᖏᖅᓯᓚᐅᕐᒪᑦ ᐱᒻᒪᕆᐅᔪᒥᑦ ᐃᖅᑲᓇᐃᔮᒥᑦ ᓄᓇᕗᑦ ᒐᕙᒪᖓᓂ,” ᐅᖃᖅᑐᕕᓂᖅ ᐊᕿᐊᕈᖅ.
“ᐱᒻᒪᕆᐅᒋᔭᕗᑦ ᐊᒻᒪ ᐃᒃᐱᒋᑦᑎᐊᖅᖢᑎᒍᓪᓗ ᔭᖕ ᓯᕗᓕᖅᑎᐅᓕᕐᓂᖓᓄᑦ ᐊᒻᒪ ᐊᑲᐅᓈᑦᑎᐊᖅᐳᖅ ᑲᔪᓯᓚᐅᕐᒪ ᐱᓇᔪᒃᖢᓂ ᐊᔪᙱᑕᖏᓐᓂᖅ ᖃᐅᔨᒪᓂᕆᔭᖏᓪᓗ ᒐᕙᒪᖁᑎᑦᑕ ᐊᐅᓚᑕᖏᓐᓂᑦ. ᐊᒃᓱᕉᑕᐅᔪᑦ ᐊᐅᓚᑦᑎᓂᕐᒧᑦ ᑮᓇᐅᔭᓕᕆᔨᑦᑎᓐᓂᑦ ᐱᒻᒪᕆᐅᔪᑦ ᐱᓕᕆᐊᒃᓴᐅᔪᓂᑦ ᐱᔨᑦᑎᕋᐅᑎᓄᓪᓗ ᓴᖅᑭᑕᐅᕙᒃᑐᓂᑦ.”
ᔭᖕ ᐱᕈᖅᓴᓯᒪᕗᖅ ᓄᓇᕗᒻᒥᑦ ᐊᒻᒪ ᐅᑭᐅᓄᑦ 16ᓂᑦ ᓄᓇᕗᑦ ᒐᕙᒪᒃᑯᓐᓃᓕᖅᓯᒪᔪᖅ, ᐃᖅᑲᓇᐃᔮᖃᖅᖢᓂ ᐱᖃᓯᐅᑎᔪᓂᒃ ᐊᖓᔪᖄᒻᒪᕆᖓᑦ ᓇᓪᓕᐅᒃᑯᒫᓕᕆᔨᒃᑯᓐᓂᑦ, ᑐᑭᒧᐊᖅᑎᑦᑎᔨ ᐊᕐᕌᒍᑕᒫᖅ ᐊᑐᐊᒐᓕᕆᓂᕐᒧᑦ, ᑐᑭᒧᐊᖅᑎᑦᑎᔨ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᑦ, ᐱᖃᓯᐅᑎᓗᒋᑦ ᒥᓂᔅᑕᐅᑉ ᑐᖏᓕᖓᑕ ᐃᑲᔪᖅᑎᖓ ᓯᕗᓕᖅᑎᐅᓪᓗᓂ ᐊᕐᕌᒍᒥᑦ ᐊᐅᓚᑦᑎᕕᖕᒥᑦ.
“ᔭᖕ ᐃᓚᒋᔭᐅᕐᔪᐊᖅᐳᖅ ᐱᓕᕆᖃᑎᒋᔭᑦᑎᓐᓂᑦ, ᐱᓕᕆᐊᒃᓴᖃᖅᐸᒃᖢᓂ ᑲᒪᒋᔭᖃᕐᓂᕐᒧᑦ ᑲᑐᔾᔨᓪᓗᑕ ᐱᓕᕆᐊᒃᓴᒥᑦ.” ᐅᖃᓚᐅᖅᐳᖅ ᓯᕗᓕᖅᑎ ᐊᕿᐊᕈᖅ.