Uqaqtittiji, Uqatigijumajara una Ministaa hapkua Northern Affairs, Nan'ngarijaujuq Daniel Vandal’s qanganuaq pulaaqtuq Iqalungnun.
Uvani Qitiqqautijuq 12 unalu 13 katimaqatigijara Minista Vandal Iqalungmungaungman uqautigijaangani Manikhat 2022mi maniliurutit Nunavunmi.
Uqaqtittiji, pulaaqhimatilugu Iqalungnun, Minista Vandal qungiariaqtuqtaqquk qanganuaq napaqtiqhimajuq Kavamatkut Nunavunmi inuit iglughait. Igluqpak pijaarnirmun ihuaqhaqhimajuq atauhirmun timiminun ajuqhautiqaqtumun, Inirnighatut. Igluqpak ilaujuq avatqumajunun 100 nutaat napaqtaujut iglughat Nunavunmi, havaqatigiblugit Kanadap Kavamait.
Malikhugu igluqpangnik qungiaqtut, ilaujugut tuhaqtitinirmun hulidjutinun kitut ilaujuq Aluki Kotierk, Angijuqaanga ukua Nunavut Tunngavik Inc. unalu Kenny Bell, Miijaat Iqaluit. Tamna hulidjut tutqighaidjutaujuq pijariaqaqtugut havaqatigiikluta avatiini aktilaangitigut kavamatkut, havaqatigilugit ukua Inuit Timingnit, pijaangini pitqujaujut napaqtirlugit 1,000 nutaat igluqpait Nunavunmi.
Pulaaqtiluni Minista Vandal tutqighaqtaat angirutini aulahimaaqtumik havaqatigilugit Nunavunmiut uqautigijaangani iglughailiuniq imaa ikajuqluta naunaijaidjutinun aalanik pijaghanik havaqatigiingnikkut.
Uqaqtittiji, Uvanga niriuktunga aulahimaaqtumik uqaqatigilugit havaqativut Kanadap Kavamait, Inuit Timingnit, haamlatkullu mighijuumiriangani Nunavunmi iglutigut ajuqhautit.
Quana, Uqaqtittijii.