Uqaqtittiiji,
Hivuliqtiuplunga quviahuktunga ikhivagama katimadjutini tamaita Kanatap hivuliqtiinni. Uqaqtittijii, Taaqhivaliavia11mi 12milu, Katimajiit Timiqutikkut katitiqpaktun ukiuq tamaat katimadjutikharnik turaanganikkut havagutiptiknik hakugiktunik nunallaangit piangaijarnikkullu naunirnik ukununga Kanadamun.
Uqaqtitiyi, hapkua malruk ubluk katimanikkut uqautigivakhimajut pihimayut iglutigut, akiliruminaqtunik, Ukiuqtaqtumilu ataniudjutinik uvalu munaridjutikhanik niuvaanikkut aulaviit, aghut uyagakhiuqtut, uvalu hilap hulidjutainun.
Talvuuna katimadjutikharnik, Kanatam hivuliqtingit hivayaliqtun katimadjutikharnik Kanatam Angayuqqaryuaq hivumuugianganik hanaqidjutikharnik iglukpakharnik upalungairutikharnik taima ihuaqhaidjutikharnik himautikharnik auladjutikharniklu, akhurhaidjutikharnik nunalaani maniliurutikharnik, napaqtitiyaangatlu nunalaani mahulingainikkut. Takuvaktugut nalunaqtunik akiturjuummiutikhanik akitujunut havaakhanut, imaalu maniqutingit imaaluuniit kinguvaktitpalliajut nappaqtiqtaujukhat hivitujumut ihuaqhautikhat — ukualluat nunarjuami atuqpaktait ikiglivalliadjutait pidjutigiplugu napaaqtunik ikualaarnikkut.
Akhurnaqtuq naunaiyaiyaangat hamani Uqaqtittiyi, Hivuliqtiit atanguyauniaqtun angirutikharnik taima iglukpakharnik akuktauvakhimayut talvani Kanatangit Ukiuktaqtuni Ukiuktaqtuniituniklu avikturviangani pigiaqangitun. Nunavunmi, takuvaktugut kavamatuqatkut maniliurutikhanik Kanadami qajagijaujukhanik talvuuna malruuk-aturnirmik aulapkaidjutikhanik, imaittunik tuhapkaidjutikhat imaalu ingilradjutikhat. Hapkua uqautigiyaangani anguyaktit uvalu munagidjutikkut ayuqhautit ikayuqhugit Ukiuqtaqtumiut uvalu katitiqtitijaangat nunallaavut ilanginun Kanatami.
Uvani auyami katimaqatigivakhimayait Hivuliqtiit naunaitkuhiqhimayuq 20nik ukiunganik talvanga Katimayiinga Havaqatigiiktumik aulatitivakhimayuq. Niriuktunga aulahimmaaqtunik paannariigutikhanik avikturhimanirni ukiuqtaqtunilu hivuliqtiptikni.
Quana, Uqaqtittiji.