Uqaqtitiiji, quviahuktunga tunihijaami maligaliqatitkanut ublumimut tuhaadjutiqhanik Nunavutim ilaudjutainnik Ukiuqtaqtumi Hivuliqtiit’ Katimadjutaannit Uataanilu Hivuliqtiit’ Katimadjutaatigun atulihaaliqtumi uvani ukiumi.
Uqaqtittiiji, Nunattiap Kavamanga tun’ngahuktittijut katimadjutinik pinggahuni Ukiuqtaqtumi hivuliqtiit Inuvik mi Qiqaijaluarviami.
Nunavut, Nunattiaq, Yukonlu tuhaqtipkaiqattaqpaktut amigaittunik aqhuugutigijainnik piviqhaqarniitlu aadlanggajut Ukiuqtaqtumun, alianaqhunilu havaqatigijaami ajuirhaqhunilu Hivuliqtimin Cochrane Hivuliqtilu Pillai talvuunatigut Katimadjuti uvani ukiumi.
Atauttimun, hivumuugutigijavut kituni aqhuugutaujunut Ukiuqtaqturmiutanut, taaffumamiklu Ukiuqtaqtumi amiqhinirmik aulapkaidjutiqhatigunlu, ihumaliutqiqtaujuqhaq aulapkaidjutinut pihuqviqhat, havaani maniliqidjutit aulariamilu.
Uqaqtittiiji, iqatigijatka aadlat uataani hivuliqtiit talvani Uataani Hivuliqtiit’ Katimadjutaanni Whistler, British Columbia, Juun mi. Uataani hivuliqtiit kivraqtuutigijait amigaitut inugiangnirit atuqtait aadjikiiktumik aadlan’ngajunik ihumagijainnik ihumaaluutaujuniklu. Katimadjutivut uqautigijavut turaaqhimajavut ihumaliutqiqtaujuqhanik pihuqviqhainnut, ihumakkutigunlu ipiralimaittuqaqtunutlu ikajuutiqhait.
Tamaita uataani hivuliqtiit an’ngiqhimajut pitqulugit havaktivut havaqatigiiklutikhavaklugit maniliurnikkut pihugviit upalungaijautiniq, imaalu uqautigilugitkangiqhidjutit uvalu nakuutqiatigut atuqtaujuqhat avatini ihumakkut aaniaqtailinikkut uvalu ipiralimaittuqaqtut mamihaidjutiqhainnik atugaqhaqlu.
Uqaqtittiiji, hapkua kavamaliqidjutit katimadjutait ihariagijaujut naupkaudjutaungmata iqatigiingnikkut tahapkunanit kanatap avikturviinnutukiuqtaqtumilu avikturviit. Hakugiktugut atauttikkut, niriuktun’ngalu havaqatigihimmaaqlugit hivuliqtiqatitka aqhuuqhaipluta piumajaujut uataani Ukiuqtaqtumilu Kanatian kanatami.
Quana, Uqaqtittiiji.