Uqaqtittiiji,
Uvani ukiumi, quviahuktunga ilaugama Nunavut Ubluani Qaumajuq uvani Winnipegmi Hunaliukhimayunik Tutqumaviani. Nutaaq Tutqumaviani angilrauvik angitqiyanut inungnut katitiqni tadja Inuit hanauyat hilaqyuaptingni.
Nunavut, Kivallirmi avikturnianni, ilauttiaqpaktun Manitoba-mun. Quvianaqpiaqtuq atuqpaktuq nunaptikni haalatiirutiptikni Winnipeg-mi July 9-mi. Aullaqhimajunga ilaugama ukiuq tamaat katimaqatigiirnikkut Kanadaup hivuliqtiit.
Quviahuktunga ilaugama sainiutimi titiraqmik tukihimaqatigiigutimik ukunani Manitobami Inuit Katimajiinni uvanilu Winnipeg Hanaujanik Takujaqtuqvingmi. Una iliqatigiikharnik pigiaqtitiniaqtun nuutaani hanaqidjutikharnik, ilauyut qunngiaktitiyunik Inuktut, nunalaani katimadjutikharnik Inuit talvani Manitobami, ilihimayainiklu iliqatigiiktukharnik. Pillahipkarniaqtaillu havaaniktut ajiuqharnikkut uuktuqvighanik Inuinnarnut, qanittumiklu havaqatigiplugit Manitoba Inuit Katimajiit Inuit Ilihaqtut Ajuiqharnikkut Pinahuaruti.
Uqaqtittijii, qujagijumajatka katimajiit ukuallu tutqumaviangit ingilraarnitarnik katimapkaivakamik hulidjutainnik July 9mi.
Quana, Uqaqtittiji.