Ilinniaqtuliqijitkut Nutarannuanun Iliharniit Nutaqqiqiviinullu (ELCC) havagvia piliqtait manikhanun tukhiutit pihimajunun amigairjuumilugit laisiqaqtun nutaqqiqiviit najugakhainun tamaat nunami. Amigaitqijaanin $6 million kanadaup manikharijainni hailijun ikajuutigijaami havaktaujakhanun hakugikhidjutaujanun pivikhanun pipkalirianginnun nutarannuanun iliharnitigun nutaqqiqivkhainun nutaqqanun ukiuqaqtunun 0-6.
Una pinahuarut piliurutaujuq naunaittumik pidjutikhamun Nunavunmi. Nutaaq angiklijuumihimajuq Iqalungni Inuktitut nutaqqivik Tumikuluit Saipaaqivik Apex-mi piliuqtun 16-nik aallanik inikhanik nutaqqanun ikajuutigivlugu una pinahuarut. Imaalu, manikhanik tunihihimajun ikajuutikhamik havaktaujamun nutaanguqtiqhugu niriuktaujuaqhimajumun nutaamik laisiqaqtumik nutaqqiqivingmik ukununga 20-nun nutaqqanun Ausuittumi.
Havagvik havakpiarniaqtun piliurlutik 238-nik nutaanik laisiqaqtunun nutaqqiqivingnik najugakhainun tikitpan Qiqaijalirvia 2026. Sainiqtaungman una Kanadami tamaat ELCC angirut, Nunavut piliuqtait 181-nik nutaanik laisiqaqtunun nutaqqiqivingni najugakhanik, pidjutigivlugu tamaat pivlugit 104-nin, taimaa ilangit najugakhat ittun tadja hailijungnaiqtun. Piqaraluaqhuni amihunik inikhanik pinialiqtainun pihimmaaqtilluta amigairjuumivlugit pivikhainnun ilagiiktunun.
Una pinahuarut ikajuqtaaqtait havaktaujakhat taimaa ittunun:
• Pilirlugit havaktakhaujat angmaqhijaami nutaanik laisiqaqtunun nutaqqiqivingnik.
• Nutaanguqtirlugit ittun nutaqqiqiviit amigairjuumijaami nutaqqiqivingmi inikhainun.
• Angiklijuumilugit havaktaujun tadja havaktaujunun.
Kitkut Uuktuqtaaqqat:
• Laisiqaqtun Nutaqqiqiviit.
• Kitkun angmaqtiliqtun laisiqaqtumik ilagiiktuni aihimaviani nutaqqiqivingmik.
• Nunallaani ilinniaqtulirijitkut katimajiit unalu Commission scolaire francophone du Nunavut.
• Haamlatkut/Haamlagiit
• Maniliungitut ukualu kavamaungitut timiujut.
Manikhat hailijun pivlugu hivulliujun upautijunun, hivulliulugit ikajurlugit pivlugu pihimmaarlugu taimaa manikhat nungutpata, pilluarlugit ikajuqtaujuittun nunallaat.
Uukturiami naunaijariamiluuniin, qaritaujakkut titiqqilugit ELCCAdmin@gov.nu.ca uqarvigiluguluuniin avikturvingni Nutarannuinnun Havakti. Tammat naunaitkutait hailijun talvani Ilinniaqtuliqijitkut qaritaujakkuurutaani.