Hivuliqtip tuhaqtidjutaa:
Ullakkut,
Hapi Nuuyaaqugut.
Ublaamin Nunavunmi 74nguqtut tutqighaqhimayut aanniarutiqaqtut qalagyuarnirmik COVID-74. Aulahimaaqtut aanniarutit iini nunallaani:
- 6 Arviani.
- 1 Qamanittuaq
- 1 Igloolingmi
- 25 Iqalngni.
- 9 Pangnirtuumi
- 1 Qikiqtarjuami.
- 22 Kangiqliniq:
- 9 Sanirajak
Tuniniaqtatka naunaiyautait hapkua aanniarutit haffumunga Dr. Pattersonmun, Nunallaani Aanniaqtailinikkut Havaktianun.
Kiudjutigiblugit amigaiqyuumiqtut qaffiuniit aanniarutiniktut, Dr. Patterson pitquiyuq tapkua hivituqyuumiqlugu anitailidjutit hamunga Upluqtuhivia 17mun. Una naunaiyautaa iliharviit umikhimaniaqtut ihariagiyauyuinait Kavamatkut Havaktiit havangniaqtut havagvingni.
Amigaiqyuumiqtut qaffiuniit aanniarutiniktut hiamitiqtut avatiini amigaitut nunallaat naunaiyautaa tapkua hivungani havaktit havaghaanikpalaaqtut anginirhamik. Munaqhit, daaktit, nunallaanilu aanniaqtailinirmun kivgaqtuqtut havaliqtut ubluqhiutit kaiviiqhugit munariyaangani qalagyuarniq COVID ihivriurutait havakhugillu aktungnirmun naunaiyautit. Qilamiuruiqlutit. Havaliqtut nakuutqiatigut kiudjutigiblugu qilamik.
Ilihimayunga havaktit havaktut qalagyuarnirmun COVID kiudjutainun taitai haladiiqatigingitait ilatik havangnirmun munaridjutighanun aanniarutiniktailinirmun nunallaat. Quyagiyumayatka aghut havakpauhiinun aghuuqhutiklu.
Ilihimayatka tapkua Nunavummiut mahulingaitut, pitiaqtullu. Ihariagiyavut nunallaanun-ihumagiblugit hiamitiqtailiblugu aanniarut aviktuqhimayumi.
Quyagiyumayatka tamaita kitut pihimayut inmi ikayuutainun qayangnautiptingnun. Quyagiyatka tapkua kitut taimaaqhugit inmi Quviahugvingmi niriqatigiigutit haladiirnarnirmilu katimadjutitik. Quyagiyumayatka tamaita kitut taimaaqhugit inmi tingmidjutighamingnun upalungaiyautitik ihumablutiklu aihimaluaqlutik.
Tingminiq hiamitirutauvaktuq qalagyuarnirmun COVID-19. Taki, ilvit IHARIAGIYAQANGITKUVIN tingmilutit – tingmihuiqlutit. Pingahunik kapuqhiqhimagaluaqlutit. Tingmihuiqlutit iluani Nunavut tingmihuiqlutit hivuraanunlu. Aihimaniq nakuutqiaq nutqaqtitaangani hiamitirnira aaniarutip.
Niriuktunga tamaffi hulidjutiffingnun ilauluhi pihimalugu Nunavut aanniarutiniktailinirmun qalagyuarnirmun Omicrinmik.
Ilauyut:
- Aihimaluhi katimatailuhi kitunun iglumiutaungitunun.
- Kapuqhirluhi aghuuqhalugillu piqpagiyatit kapuqhirlutiklu.
- Kapuqhiutit ikayuutighanik piyaaqqat .
- Atimalugit ivyarutit.
- Ihivriuqtaulutit uvalu avaliingaaqlutit quyaginaq qalagyuarnirmun COVID mihingnautiqaliruvin.
Tamapta maligahaqqut haffuma Dr. Patterson’s pitquyainun. Aulahimaaqtut aanniarutit iini nunallaani, upautiliqtugut havakpalaarnirmun aanniaqtailinirmun havaktinun amigaiqpalaarnirmun.
Havaqatigiyatka havaktit iniqtiqhimaitut apirhuutit ikayuqtauyaaptingni kanatap kavamainin.
- Nunavut ihariagiyaqangniaqtut amigaitunik munaqhinik aanniaqtailinirmunlu ayuitiaqhimayunik.
- Ikayuqlugit havaktit hakugikhiyuumiqlugu havaqatigiit.
- Aktungnirmun naunaiyaiyut kitut ikayuqtut ungahiktumin.
- Aanniaqtailidjutighat tamayat imaatut N95 ivyarutit.
- Tamainun, aviktuqhimayuq aghut ihariagiyaqaqtuq iglughanik tamaita ilagiit Nunavunmi qayangnaitumik avaliingaariangini iglumingni.
Una aghuungnaqtuq ihumagivlugu hunat Pangnirtuumin humi tiibiinirmun hiamitiqtumun unalu qalagyuarniq COVID-19 hiamitiqtuq.
Nunavut havaliqtullu pilugit qilamik ihivriurutit naunaiyainirmun. Niriuktugut tapkua ihivriurutit tunihiniaqtut aalamik ikayuutighamik munariyaangani hiamitirnira nunallaaptingni. Tunihiniaqtugut naunaiyaqhimayunik naunaiyautinik qaiyuni ubluni
Hapkua ayungnaqtut tamaptingnun, munaritiaqluhi.
Pulaalimaiqhugit Inirnighat, aulahimaaqtumik ikayuqtaaqtavut qanuqtut qanuriliurutinun. Hivayaqataqlugit Inirnighat piqpagiyatit – titiraqvigilugit. Agitilugit niqighainik piyaaqqat.
Kinguliqpaaq, tamaita inuit Haapinuuyiaqatka. Itqaumalutit, quviahukluta qayagiyumik katimahimaitumik. Pitiaqluhi qayagiluhilu.
Qujannamiik.
Atanilluaq Inungnun Aanniaqtailinikkut Havaktia Tuhaqtidjutaa:
Ublaakkut,
Takuyugut qalagyuarnirmun COVID-19 aanniarutinik aulahimaaqtumik amigaiqyuumiqtunik aviktuqhimayumi ilihimayugullu ilangit aanniarutit turaaqhimayut pulaarnirmun iglunun. Aghut aghuuqhaiyunga maliklugit inungnun aanniaqtailinirmun maligahat. Ilihimayunga ayungnaqtuq atuqtilugu haladiirniq, kihimi tadja katimahuiqluhi. Kapuqhiqhimagaluaqlutit kapuqhimangitkuvin, pulaaqtughaungiqtut iglunun katimalutikluuniin. Tadja, ilihimangitavut aanniarut Nunavunmi imaituq Omicron, kihimi talvaukpat, ilihimayugut tamna hiamitiqtaaqtuq qilamik aalanin aanniarutinin qalagyuarnirmin COVID-19. Talvanga Ubluiqtirvia 21, pihimayugut aanniarutiqangitumik qalagyuarnirmun COVID-19 aviktuqhimayumi hamunga 74nik aanniarutiniktunik iini aalakiini nunallaani. Una ihumaalungnaqtuq amigaiqyuuminiq aanniarutinik aghuvalaaq ayuqhautauliqtuq aanniaqtailinirmun auladjutainun, ilauyut piyaarnirmun munaridjutinun aktungnirmun naunaiyainirmun naunaiyainirmunlu ihivirurutinun.
Ilaiutihimayut ihumaaluutinun qaffiuniit haladiiqtut tingmiyut kitut tuirniaqtut nunamingnun qaiyuni havainirmi. Pidjutigiblugu anginirhakkut hiamitirnira amigainira aanniarutip Omicron, piqaliqtuq anginirharmun qayangnautinik tapkua takuyaqqut ilautiniaqtut aanniarutit qalagyuarnirmun COVID-19 aanniarutiqaqtut tapkua tingmiyut utiqrahuat hivuraanin. Taimaali inuit tapkua tingmininahuat nunamingnun, kitut pinghunik kapuqhiqhimangitut, avaliingaaliqlutik 14ni ubluni tikitkumik. Tamna nakuutqiaq munaridjutighaq aanniaqtailinirmun nunallaat hiamitirniranun. Aghuungnaqtuqlu tapkua kituli mihingnautiqaliqtut, mikigaluaqtilugu, qilamik avaliingaaliqlutik hivayaqlugulu una 1-888-975-8601. Aanniaruvit, aihimalutit Pihuiqlutit qayangnarnirmik aanniarutaungituq qalagyuarnirmun COVID-19. Una tamainun inungnun inuuhiinun. Qilamiungilutit hivayaruvit hivayagahamun, nutaqiuniq hivituniaqtuq ikaarniq naaniaqtuq tadja.
Aghuurut ikayuutighat naunaiyariangini aanniarutit qilamik, tunihiniaqtugut agidjiyaghanik qalagyuarnirmun COVID-19 ilikkut-ihivriurutinik tapkununga tingmiyunun utirahuanun Nunavunmun tuhaqtiniaqtaqqut aularutighaanun ubluya qilamik tutqighikpat. Atautit piriyauniaqtut ihivriuqlutik inmingnik uvani kinguaniluuniin ublut 6sit 7luuniin ihivriuffaaqlutik ubluini 12 14lu. Imaaluuniin, aannialiruvin, uuktuqlutit qilamik. Kinali pihimayuq aanniarutiqarnirmik uuktuunminik hivayaqlugit hivayarvighat hivayautaa. Aghuurutigiyara tapkua uuktuutit himautaungitut avaliingaarnirmun. Aanniarutiqanginirmun uuktuutit naunaiyautigingitaa avaliingaaruinirmun qilamik. Piqangniaqtuq aanniarut hakugikpalaanginami ilituriyaangani kihimi hiamitirniaqtuq aalanun inungnun. Ilikku-ihivriurutit ikayuutauniaqtut naunaiyariangini munariliriangani aannirut qilamik atuqtaugumik ilaliutihimayunik hilaruaqaqtumik aanniaqtailijdutihgamik. Qilamik ihivriurutit himautaungitut aalanun atuqtauyunun aanniarutit munaridjutainun.
Aghuungnaqtuq tapkua tamaita inuit kangiqhimalugit tapkua hilavruangit aanniaqtailidjutighat aghuungnaqtut. Avaliingaaliqlutik apiriyaugumik aannialirumiklu, atimalugit ivyarutit, iqaiyangnikkut ungahiktilaaqarniq, kapuqhiqlutiklu ikayuutighamik, ihivriuqtaulutik aihimalutik, tamaita atautimun munaridjutauyut uvaptingnun nunallaanunlu qalagyuarnirmin COVID-19. Hilaruaqangitkupta, angikliyuumiqtuq hiamitirnira aannirut avatiinun aviktuqhimayup. Maliklugit maligahat, tamaat.
Uqariiqtara amigaiqyuumiqtut aanniarutit ayuqhautigiliqtaat aanniaqtailinirmun auladjutinun, kitut hivituqpalaaqtut haladiirnarnirmi. Takuyavullu aalat aviktungniit aviktuqhimayullu ikiklivaliayait kivgaqtuutitik piyaarnirnillu aanniaqtailinirmun munaridjutit qalagyuarnirmun COVID-19. Nutqaqtiriqaqtavut una aanniarut hiamitirnira kikliqaliqlugit Nunavunmiut piyaarnirmun aanniaqtailinirmun munaridjutinun.
Maliklugit inungnut aanniaqtailinikkut maliktakhait. Avaliingaaquyauguvin, avaliingaaliqlutit. Qanyangnautait angiklivalaamata tadja hiamitiqtailidjutait munariyaulutik hapkua hiamitiqtut ikayuqtauluta havaqatigiiklutalu tamaita Nunavunmiunt.
Quana.
Ilaujut hapkununga Kavamatkut Nunavunmi (GN) akhuurutait munarilugit Nunavunmiun qajangnarnirmin COVID-19 qalagjuarnirmin, GN-kut Havagviit atuliqtait hapkua:
Aanniaqtailinirmut Havagvia
Tamainnun nutaanik naunaitkutinik ikajuutiqhallu talvuuna qalagjuarnirmun COVID-19 Nunavunmi, hamungaulutit:
https://www.gov.nu.ca/health/information/covid-19-novel-coronavirus
Nutaanik kangiqhidjutikhanik tadjamin inungnun aanniaqtailinikkut kiklikhainnik, hamungaulutin:
https://www.gov.nu.ca/health/information/nunavuts-path
Naunaittiarutikhat kapurhirvikhatigut talvungaulutit:
https://gov.nu.ca/health/information/covid-19-vaccination
COVID-19 qalagjuarnirmun aannialiqtut qanurinniit: Ubluirvia 29, 2021
| Atauttimun ihivriuqtaujut | Attautimut naunaiqtauhimajut aannialaqihimajun | Attautimut aannialaqihimajun | Atauttimut nakuuhijut aanniaruiqtun | Tuqujut | Qaffiujun inuit kapuqtauhimajun atauhiinnarmik kapurutimik Nunavunmi | Qaffiujun inuit kapuqtauhimajun malruungnik kapurutinik Nunavunmi |
| 24,179 | 746 | 70 | 672 | 4 | 30,484 | 24,746 |
* Ilitturijauhimajun aanniaqtun ilaujun taapkuat angummadjutiqaqtun Kanadami aanniarutikkut tukihidjutinik. Inuit munarijaujut ilaujut atautit kitunik mihingnautiqaqtut aktuqhiutllu aallalu kitut inmingnik-munarijut inmingnikluuniin-avaliingaaqtut. Tamatqiutingittun hapkunani inungni piqaqtun mihingnarutinik pijariaqangittullu ihivriuqhiqtaunirmun.
*Piqarniarungnarhijuq kinguvaqtinkkut unniutinikkut ilaliutijauhimanikkut kihitirutiniklu taapkunannga aannialaqidjutinik pihimajunin Hivuraanin Kanadami. 12 aannialaqihimajun iliturijaujut hilataani nunaptiknin ilaliutijauhimajun Nunavunmun. Ukuallu ilaujut pingahut (3) tuquhimajut. Tamaitaungittut Nunavunmiutat NU nunaqaqtut aannialiqhimajut COVID-19 qalagjuarnirmun naunaiqtauhimajut ahianiititlutik avikturnianit angilraqtitaujut Nunavunmut.
COVID-19 qalagjuarniq nunallaani aanniaqtut qaffiutilangit: Ubluirvia 29, 2021
| Nunallaaq |
Qalagyuarniq COVID-19 qanuriniit |
UbluitInuit aanniarutiqaqtut ipaghaq (ATAUTIMUN) | Inuit aanniarutiqaqtut ipaghaq (ATAUTIMUN) | Aalangunirit ipaghamin (aanniaqtut) | Atautimun Naamakhiyut | Atauttimut aulajut aanniaqtut | |
| Qamanittuaq | Aulahimaaqtut |
Talvanga 12/29/2021 |
0 | 1 | 1 | 0 | 1 |
| Igloolik | Aulahimaaqtut | Talvanga 12/29/2021 | 0 | 1 | 1 | 0 | 0 |
|
Arviat |
Aulahimaaqtut | Talvanga 12/29/2021 | 0 | 6 | 6 | 0 | 6 |
| Sanirajak | Aulahimaaqtut |
Talvanga 12/29/2021 |
0 | 8 | 8 | 1 | 8 |
| Qikiqtarjuaq | Aulahimaaqtut |
Talvanga 12/28/2021 |
1 | 1 | 0 | 0 | 1 |
| Kangiqliniq | Aulahimaaqtut |
Talvanga 12/23/2021 |
10 | 22 | 12 | 0 | 22 |
| Pangnirtung | Aulahimaaqtut |
Talvanga 12/23/2021 |
3 | 7 | 4 | 0 | 7 |
| Iqaluit | Aulahimaaqtut | Talvanga 11/04/2021 | 22 | 27 | 5 | 2 | 25 |
| Atauttimun | 37 | 73 | 37 | 2 | 70 |
COVID-19 Kapurhiqtun qaffiutilangit: Ubluirvia 21, 2021
(Nutaanguqtuqangitut haladiirnaman una havainiq umikhimangmata)
Naunaiyautit/Kiklighallu:
Una kangiqhidjut tautungnaqtut qaffiuniit kapuqhiqtut nunallaani talvunga Ubluiqtirvia 21, 2021. Pusantinga kapurhiqhimajut kapputit kapurhiqtut aviktuqhimajuq Nunavunmi inugingningagut itqurniaqhugit 18-nik ukiuqaqtunut avatqumajunikluuniit.
Aviktuqhimajumi atauttimun kapuqhiqtut ihuaqpiaqtut naunaijautit. Nunallaat aktilaangitigut naunaijautit havaktauliqtut pijaangini ihuaqtunik tunijaangini. Nunallaatigut atautimut ihuaqhaqtauniaqtut pijariaqaqata. Una pidjutiqangniaqtuq aalangadjutinun pusatiinun nunallaatigut.
Kapuutit tunijaujut nunallaanun kitut munarijaujut.
Atautimun kapuqhiqtut nunaqaqtut nunaqangitullu, ilaujut himauhiqataaqtut havaktit.
Amigaittunit nunallaanit inuit kapurhiqhimajut kapuutimik malrungni aallatqiiktungni nunallangni, imaaluuniit nunagingitamingni.
Atauhiq inuk kapuqhiqhuni 1 hivulirmik imaalu/imaaluuniit2 tuglirmikluuniin hilataani inmi nunallaamingnin.
Una pidjutiqangituq inungnun kitut kapuqhiqhimajut ilanganik tamangnikluuniin hilataani aviktuqhimajup.
Anginirhaq pusatinga atauhirmi nunallaami aadjikutaringitaa katitiqlugit aannialaqilimaitunun aanniaqtailidjutighainik. Piqangituq havaktauhimayunik naunaijaqhimayuluuniin pusatingit hunat Katitiqlugit aannialaqilimaitunun aaniaqtailidjutighainik qalagjuarnirmun COVID-19. Hunaungmangaata Katitiqlugit aannialaqilimaitunun aaniaqtailidjutighainik piyaulimaitut tadjamin kapuqhirnikkut angurutinik (imaatun kapuutighaqangitut nutaqanun ukiuqaqtunun tualunik).
Pittaarvia:
Pittaarvia: Naunaijainiq Kanatami, Inugiangniitigut Havagvia, Taijauhimajut ihuaqhafaaqtauhimajut naunaijautit. Upaulgaijaqtaat ukuat: Nunavunmi Havagviat Kihititiliqijunik, Ubluqtuhivia 27, 2021.
Kapuutit amigaitilangit pihimajut uvanga Havagviata Aanniaqtailinirmut Meditech atuqtakhanit.
Kapuqhiqtaaqtut inirnirit nunallaani naunaijaqtaujut qaffiuniit atautit 18mik avatuqumajumikluuniin ukiuqaqtut talvanga 2020 inugiangnirit itqungniarutait.
Nunallaat inugiangnirit itungniarutait "iniqtauhimangitut" pihimanginmata iluaniitut amigaiqjuminirit (inuujut, huiqtut, nuutiqtullu). Atuqtaujukhat qajagilugit.
Ihivriuqtaunikkut amigaitilaanginni tamainni nunallaani: Dissaippa 21
| Nunallaaq |
Ihivriuqtauyut |
Ihivriurutit aanniarutiqaqtut | Ihivriurutit Aanniarutiqangitut |
| Qamanittuaq (Talvanga 29 Disaipa) | 5 | 1 | 4 |
| Igloolik (Talvanga 29 Disaipa) | 9 | 1 | 8 |
| Arviat (Talvanga 29 Disaipa) | 43 | 6 | 37 |
| Sanirajak (Talvanga 29 Disaipa) | 42 | 8 | 34 |
| Qikiqtarjuaq (Talvanga 29 Disaipa) | 5 | 1 | 4 |
| Pangnirtung (Talvanga 29 Disaipa) | 61 | 7 | 54 |
| Iqaluit (Talvanga 29 Disaipa) | 367 | 25 | 342 |
| Kangiqliniq (Talvanga 29 Disaipa) | 165 | 21 | 144 |
Avaliingaaqtut amigaitilaangit:
| Aullaaqtun Qanurittun | Inuit Avaliingaaqtitaujut talvannga Disaipa 28 |
| Daaktiliaqtut | 56 |
| Inuit | 0 |
| EMTI | 0 |
| Havaktut | 0 |
| Atautimun | 56 |
Aullarhimajun utiqtun naunaijautaa:
| Aullarvikhaa Ublua | # Amigaitilaangit Aullaaqtun Avaliingaarvingnit Avaliingaaqtut |
| 29-Disaipa, 2021 | 7 |
| 30-Disaipa, 2021 | 2 |
| 31-Disaipa, 2021 | 0 |
| Jan. 1, 2021 | 0 |
| Jan. 1, 2021 | 0 |
| Total | 9 |
Aulahimaaqtut kivgaqtuutit:
Munaqhitkut angmaumayut tamainun kivgaqtuutinun:
- Ausuittuq
- Kimmirut
- Qikiqtarjuaq
- Igluligaarjuk
- SalliqCoral Harbour
- Kangiqliniq
- Tikirajuaq
Ihuaqhaqtauhimayut kivgaqtuutit:
Pidjutigiblugu qalagyuarniq COVID-19 maligahat, inuit apiriyauyut hivayaqlugit munaqhitkut upautitinatik fluuniqtut itunun mihingnautinun.
Munaqhitkut qilamiuqniinakkut kivgaqtungniaqtut:
- Igloolik
- Kangiqtugaapik
- Kinngait
- Mittimatalik
- Pangnirtung
- Qausuittuq
- Sanirajak
- Arviat
- Sanikiluaq
- Uqhuqtuuq
- Kugaaruk
- Kugluktuk
- Taloyoak
Munaqhitkut ikikliyuumiqlutik kivgaqtuutait (ikiliyuumiqtut kivgaqtuutait qanuriniitigut havaktughat piinarialiktigut):
- Iqaluktuuttiaq
- Najuaat
- Qamanittuaq
- Ikpiarjuk
Kavamaliqijitkut
Aulahimaaqtut kivgaqtuutit:
Ukua EIA qitqaniinmata havagviit, kivgaqtuutait ihuaqhagaungitut aalangungitullu. Una qalagyuarniq COVID Titiraqtia Tuhaqtidjutinun aulahimaaqtumik ikayungniaqtait quyaginaq GNkut tuhaqtidjutighainun nutaanguqhimayullu.
Havagvia Maligaliqiyitkut
Aulahimaaqtut kivgaqtuutit:
Nunallaani Maligaliqijitkut
Inungmik katimaqatiqaqtukhat Iqalungni Maligaliqinikkut pittailijaujut amigaqhuutaujunut kihianik inuk hivajautaitpat imaalu qajangnaittumik najuganik hivajarvikhanik kivagaqtuijunut hivajautikkut. Inuit apirijaujut hivajaquplugit upalungaikhimajumut Ilagiiktut Pimmarlungnikkut Hattumiarutikhainut Maligaq (FAIA) hivajautaanut apiqqutikhaqarumik ikajuqtikhailiurumnikluuniit aturlugu tamna hivajautaa nampaa 1-844-534-1038. Hivajautaa ihivriuqtauqattaqpangniaqtuq naunaittumik ikajuqtaujumajut tunijauniaqtut Nunallaani Maligaliqijikkut Ajuiqhattiaqhimajumut ikajuqtaaktumut titiqqanik titiraqtakhainnik imaalu atuqtakhainnik.
Nunallaami Itiqtauvingit
Tamaita Nunamingni Itiqtauviit havagviat umikhimaliqtut inungnut tuhaqtitauniaqtuhi. Tamaita Nunallaani Itiqtaliqivikkut ikajuqtaujukhat unniqtukhat hivajautikkut atuqlugin hapkuat hivajaqtakhat:
- Hivuraa Qikiqtaaluk: 867-899-1380
- Tunungani Qikiqtani: 867-899-1380
- Kilvalliq: 867-645-6779
- Kitikmeot: 867-391-0130
Itiqtaliqinikkut Igluqpait
Itiqtaliqiviit atuqtipkainiqtuq qajangnaittaami maliktakhanik nutqaqtinniarhimanikkut COVID-19 Qalagjuarniq pingittaami igluqpaptingnun ingattaataangittaanganilu qajangnarniq hiamitirnia tahamaniiliqqat. Qanuriliurutikhat ittun ilaujullu nutqaqtirniq tamainnik hilami pulaarutinik ukuningalu ihariagijaungittuni upautinik. Quyagiyavut utaqqigaffi imaalu ikayuutiffingnik tuniyauyunik itiqtauhimayunit ilagiiktunillu maliqangmagit maliquyauyut qauyimagaptallu ayurnaittungittuq.
Pitjutaanin qulvahiktijuummiqtumin qajangnarnirnun pihimajun itiqtaliqivikkut, tunilimaittugun kitunik naunaitkutinik mighaagun naliinni itiqtauvingni hivunikhaliurutainnik. Kihimi, tunihiniaqtugut hapkuninga naunaitkutikhanik pidjutigiplugit atuqtakhaliurutikhangit imaatut:
- Tamaita itiqtauyukhat tikitkaikpata piyariaqaqtuhivituniqaqtumik imaatut 14-ni ubluni itiqtauyarangata.
- Itiqtauviit iliuraiyut aallanik algangnut uaqhitikhanik haluummaqtirutikhanik upaktauqattaqtunni nayugainni.
- Kiudjutikhait/pihimayakhainniklu puukhimayut iliuraiviuyut algakhanik, ivjarutikhanik, akuliangnut pittailitikhanik qalakhuqtuqaqat, aannuranut qaliqtakhanik imaalu maliktakhanik naunaitkutikhanik aturnikhanut.
- Munaqhit akhuuktut ihivriuqhiplutik itiqtauhimajunik tikittarangata itiqtauvingmut mihingnautiqariakhainnik aanniarunmik COVID-19.
- Amigaigyuumilugit halummaqtirutikhainnik amaliktaujariaqaqtut halummattiaqtauvagianginni qanngit amihuiqturalugillu ubluraaluk.
Havaktuliqinirmut Atuqtakhainut Katimayiit
Havaktuliqinirmut Atuqtakhainut Havagvia hivayaqlugit ukua1-867-975-6322, akiitukkut 1-877-806-8402 kayumiktukuluuniin 1-867-975-6367.
Havagvik hailijuq huli kiulugit apiqqutainnik Nunavummiut pidjutiqaqtunik talvuuna Havaktuliqinirmut Atuqtakhainut Maligaq imaalu Maliruagakait.
Apiqhuiviit Havagutit
Nunavunmi Apiqhuirvirjuat Maligaliqijitkut tadja umikhimayut inungnun pitquidjutaanun Apiqhuiyit. Una ihumaliurut ihivriuffaaqtauniaqtuq uvani Ubluqtuhivia 17, 2022.
Ajuqhaqtitauhimajunun Ikajuutiit
Ajuqhaqtitauvakhimajut Havagvia umikhimajuq inungnut tadja. Kihimi, Nunavummiut hivajariaqaqtut havagvianut hivajainnariaqaqtut Akiitukkut hivajaugtanut 1-866-456-5216 qaritaujakkut titirarvigilugit victimservices@gov.nu.ca. Ikajuutikhat tunijauttaaqtut qanurinniitigut.
Akilikhivikhat Havakti
Aturnikkut Havagvik umikhimaniaqtuq inungnun. Uqarvigijumagungni Havagvik, hivajadjavan 867-975-6314 qaritaujakkut titiqqiqiluguluunniit una Rentaloffice@gov.nu.ca.
Havagviat Inungnun Munaqtiuyunut Munagiyutlu Tamayangnik Manigingniklu
Havagviat uumannga Munaqtiujunun Munagijullu Tamajanik umikhimajut inungnut. Atuqlugin hapkuat uqaqatigivikhakkut naunaitkutit ikajuqtaujaami.
- Piqutinut pidjutiqaqtunik uqarvigilugut1-867-222-4039 qaritaujakkut titirarvikhat Public.Trustee@gov.nu.ca
- Nutaqqanik pidjutiqaqtunut hivajarlutit 1-867-222-1805 qaritaujakkut titirarvikhat Publicguardian@gov.nu.ca
Inuliqijikkut Ikajurutikkut
Inuliqijikkut Ikajurutikkut havagutin aulahimmaaqtun. Havagvik umikhimaniaqtuq inungnun. Naunaitkutikhanik pidjutiqaqtunut titraqarvikkut, uqarvigilugu 867-975-6112 akiitukkut 1-800-792-4183, qaritaujakkut titirarvigiluguluunniitfsp@gov.nu.ca.
Inulirijitkut
Aulahimaaqtut kivgaqtuutit:
Ilaqatigiiktunut Inuuhittiarutikhat
Ihumaaluutiqaruvit qajangnaittumik inuuhiringnaqtumiklu nutaranik imaalu/imaaluuniit inulramiinik hivajarlugu Nunalaani Inulirijitkut Havaktinun.
- Nunavunmi-tamaini hivajautait nampangit: 1-844-FW-CHILD (1-844-392-4453)
- Tunungani Qikiqtani: Northbaffinintake@gov.nu.ca.
- Hivuraa Qikiqtaaluk: Northbaffinintake@gov.nu.ca.
- Kivalliq: Kivalliqintake@gov.nu.ca.
- Kitikmeot: Kitikmeotintake@gov.nu.ca.
Ihumaalutiqaguvit ikajuktiujunik nutarangnik inulramiinikluuniit pihimaaqtun uqagiaqaruvitluuniit ihuaruhungitumikluuniit iliqatigijaangat, hivajarluta uvani 1-855-522-5201 qaritaujakkutluuniit titirarluta uvani PublicRelationsFS@gov.nu.ca.
Ikajuuhialiqijitkut Palihimatkutlu hivajautait naunairutit tamangni nunalaani nalvaaqtaugiaqaqtun talvani Inulirijitkut Inuuhiringnikkut havagviani talvani qaritauyaliqidjutainik uvani https://www.gov.nu.ca/family-services/information/child-protection.
Havaaghanun Pivallianirmun
Inirniit Ilihaqtut unalu Ajuiqhautikhanut Ikajuutikhat (ALTS) ilihaqtut atiliuqhimajut ilihaqtakhani akiliuhiaqhimmaarniaqtut iliharnikkut ikajuhiakhamingnik nunguanut maniliurnirmut ukiungani.
Ihuaqhaqtauhimayut kivgaqtuutit:
Ikayuuhialiqiyiit
Ikajuuhialiqijikkut upautivikhangit ihuaqhaqtauniaqtut hivjautikkut pijuminaqqan inungmik takuvangniaqtut havagvingmingni pijukhaukpata.
Upautidjutighaqaruvin, hivayaqlugit nunangni havagvia ihuaqhaqtauyaangani. Nipiliurunmun uqaqlutit kiuyuqangitpat, ilituripkaqtauniaqtutit upautilutit hivayautikuluuniin Hivayautiqangitkuvin, upautilutit Ikayuuhialiqiyit havagvianun upautidjutigharni, kihimi avaliingaaquyauhimaguvin hapkunanga inungnun aanniaqtailinirmun. Ivyarutit iqaiyangnikullu aghuuqhutik pitquyauyut. Pidjutigiblugu qalagyuarniq COVID-19, atauhiilaaqtarniaqtut Ikayuuhiariaqtut havagingmi.
Manikhaliulimaitut atuqtilugu Inungnun Aanniaqtailainirmun Amigaqhuutaujut nunallaami. Piumayarnun qitqani iliiyauluni maniqarvingnun niuvaavingmunluuniin piyaghanun. Tunihilutit maniliqinimrun naunaitkutinik Ikayuuhialiqiit Havaktianun
- Tununiq Qikiqtaaluk 1-800-567-1514
- Hivuraq Qikiqtaaluk 1-855-975-6580
- Kivalliq: 1-800-953-8516
- Kitikmeot: 1-800-661-0845
Ilinniaqtuliqijikkut Havagvia
Nutaat piliurningat ilihautikhanik/ kivgaqtuidjutikhangit:
K-12 Iliharviit
- Tamaita Kmin-12mun iliharviit umikhimaniaqtut hamunga Ubluqtuhivia 17, 2022 uqaudjaugumikluuniin haffumanga Atanilluaq Nunalaani Aanniaqtailinikkut Havaktianin (CPHO).
- Iliharvingni hivuliqhuqtut iliharviit igluqpainun ihivriuqhiyaamingni qanurinmangaata igluqpait.
- Iliharviit umikhimanirmun hulaqutiyunaitut havaktit akiliuhiaghainun.
- Ilihaqtut kitut atugahaqaqtut titiraqlugit ilihaidjutitik uvani Ubluqtuhivia 2022mi hivayaqlugit iliharvitik kangiqhidjutinun.
- DEA-kut havaktingit maliktukhat pitqujainnik CPHO-mitas pidjutiqaqtunik havagiakturvikhanut havagvingmingnut.
- Maniliqtuutikhangit DEA-kut ajurnautiqalimaittut, ukuallu DEA-kut akhuuqhaqtaujut akiliqtuqhimmaarlugit havaktitik pidjuhimiktut.
Ilihalihaaqtut Nutaqqat Nutaqqaniklu Munaqhiviit
- Tamaita nutaqiqiviit Nunavunmi umiktut.
- Ilangit nutaqqiqiviit igluqpait angmaniarunaqhijut angmayaangini nutarainun tapkua ihariagiyauyut havaktit.
- Kavamatkut Nunavunmi maniliqtuiyut laisiqaqtunun nutaqiqivingnun igluqpangnun aulahimaaniaqtuq.
Manikkut Ikajuutikhat Nunavunmi Ilihaqtunut (FANS)
- Ilihaqtun ihuarhaijun FANSkut-pitaaqtukkut aullaarutikhamingnik maliktakhait inungnun aanniaqtailinikkut qanuriliurutikhat pitquidjutaillu CPHOmin.
- Ilihaqtut apirhuutighaqarumik tingmidjutighamingnun, ilituripkaqlugit FANSkut havagvia kangiqhidjutinun uvani fanstravel@gov.nu.ca.
Aulahimaaqtut kivgaqtuutit:
- Ilihaqtut apirhuutighaqaqtut inmi FANStigut tingmiyaaqtut ilituripkaqlugit ukuafanstravel@gov.nu.ca for information.
- Havagviat Ilinniaqtuliqiyit nutaanguqtiqtait iliharvingni inuuhiit qayangnautinun upalungaiyautait ikayuutighaillu paqinaqtut uvani: https://gov.nu.ca/education/information/2021-22-opening-plan-nunavut-sch....
Umikhimaniaqtun/Nutqaqtitauniaqtun/Taimaaqtitaujut ikajuutikhat:
K-12 Iliharviit
- Tamaita Kmin-12mun iliharviit umikhimaniaqtut hamunga Ubluqtuhivia 17, 2022 uqaudjaugumikluuniin haffumanga Atanilluaq Nunalaani Aanniaqtailinikkut Havaktianin (CPHO).
Ilihalihaaqtut Nutaqqat Nutaqqiqiviillu
- Tamaita nutaqiqiviit Nunavunmi umiktut.
- Ilangit nutaqqiqiviit igluqpait angmaniarunaqhijut angmayaangini nutarainun tapkua ihariagiyauyut havaktit.
Pivalliayuliqiyitkut Ingilrayuliqiyitkullu Havagutainni Havagvia
Aulahimaaqtut kivgaqtuutit:
Nunavunmi Tingmitiqarviit
- Pijaarningit timitiqarvingmun kikliqaqtuq havaktinun, tingmijunun, inungnullu tuniutijunun ikajurutinik tingmijunun.
- Ivjarutit atuqtauraanginnaqtukhaq iluani tingmitiqarvingmi.
- Tamaita tingmijun havaktiillu maliktakhait inungnun aanniaqtailinikkut maliktakhat.
Ihuaqhaqtauhimayut kivgaqtuutit:
Nunavunmi Tingmitiqarviit
- Tingmitailiyauyut hapkununga Pangnirtung, Kangiqliniq, Iqaluitlu. Tingmijut nunallaamun nunallaamin pihimajuinaq ihariagijaujunun pijainun tahapkunungalu utiliqtut aihimavingmingnun nunallaamun tingmijulluuniin Hivuraanun Kanatamun.
- Ihariagijaungittunun tingmijunun, ukualluat akungani nunallaani Nunavunmi, akhut pitqungitait.
Aghaluutiliqiyitkut
- Uvani Ubluqtuhivia 4, 2022, Motor Aghaluutiliqiyitkut havagviit ungahiktukkut havaktauniaqtut ikayuutait.
- Ungahiktukkut ikajurutikhat hailihimajun qaritaujakkut titiqqiluni uvunga MotorVehicles@gov.nu.ca hivajaqluguluunniit 1-888-975-5999.
- Nunavunmiut takujaaqtaalu una gov.nu.ca/motorvehicles pijaami:
- Akhaluutituriami Laisikhanik Nutaanguqtirnikkut.
- Nunavunmin Naunaitkutikhaq Ilitaridjutikharnik Piannannuat Nutannguqtiutikhat.
- Akhaluutinut Atiliurutikhanik Nutannguqtiutikhat.
- Tukhiutit Apqutip Aqudjutainnik Naunaitkutinik, Akhaluutinik Qiniqhiadjutit, imaalu Ihuinaarnirmun Unniudjutit.
Nunallaami Auladjutit
- Uvani Ubluqtuhivia 4, 2022, Nunallaami Auladjutit Havagviit havalirniaqtut iglumingni tunihiyaamingnik ungahiktukkut ikayuutighanik Nunavunmiunun.
- EDT inuit tamaini nunallaani aghuuqhayauyut tuhaqtitilutik inmi nunamingnun Nunalingnit Havaktuliqiniq Pivallianingit Pilirijit Havaktiit ukualuuniin aviktungniitigut Nunalingnit Havaktuliqiniq Pivallianingit Pilirijit havaktiit.
Nunallaani auladjutikkut Aviktungniitigut Havagviita Hivayautait:
Kitikmeot
Atanguyaq, Nunallaani Pivalliayuliqiyikkut
Akiituq hivayarvighat: 1-844-475-1166
Hivajautaa: (867) 982-7445
Kayumiktukkut: (867) 982-3204
Qaritauyakkut: jcase@gov.nu.ca
Kivalliq
Atan'ngujaq, Nunallaani Pivalliajuliqijitkut
Akiituq hivayarvighat: 1-844-737-8627
Hivajautaa: (867) 645-8451
Kayumiktukkut: (867) 645-8455
Qaritauyakkut: dfredlund@gov.nu.ca
Tunungani Qikiqtaaluup
Colin Saunders, Atanguyaq, Nunallaani Pivalliayuliqiyikkut
Akiituq hivayarvighat: 1-888-899-7338
Hivayaut: (867) 899-7344
Kayumiktukkut: (867) 899-7348
Qaritauyakkut: csaunders@gov.nu.ca
Hivuraani Qikiqtaaluk
Michael Peterloosie, Ataniulaktuq, Nunallaani Pivalliayuliqiyikkut
Akiituq hivayarvighat: 1-888-899-7338
Hivayaut: (867) 899-7346
Kayumiktukkut: (867) 899-7348
Qaritauyakkut: mpeterloosie@gov.nu.ca
Umikhimajut/Taimaaqtihimajut/Nutqaqtihimajut hulidjutit:
- Pivalliajuliqijikkut Ingilrajuliqijitkullu (EDT) havaktiit havaliqlutik iglumingni auladjutait uvani Ubluqtuhivia 4, 2022.
- Katimadjutit upautiyulluuniin iliharnirmun ilihaidjutit taimaaqtauyut.
- Tamaita amigahuutaungitut Akhaluuhiliqinikkut hanaqidjutait ilaujullu akhaluuhiliqinikkut uuktuutit nutqarhimajun.
- Nunavut Pulaaqtarviit umiktut tuhaqtitaugumik kihimi.
Havagviat Avatiliqiyitkut Kivgaqtuutikhait
Aulahimaaqtun kivgaqtuutit:
Havagvia Avatiliqiyitkut aulahimaarniaqtun kiudjutikharnik ayungnautiqaqtunik uumajunik kuvihimajuniklu: Tamaita kuvijuqaqqan unniqtaujukhat taffumunga Nunavunmi Kuvijuqaqqan Hivajautaanut uvani 867-920-8130, 24 ikarniinni ublumi: https://www.gov.nu.ca/environment/documents/spill-response
Umikhimaniaqtun/Nutqaqtitauniaqtun/Taimaaqtitaujut ikajuutikhat
Tamaita uumajuliqijikkut havagviit Kivallirmi avikturnianni umiktaujut inungnut kihiani qakugu ilitturipkaqtaugumik. Uumaljuliqinikkut kiudjutikhat 24 ikaartniinni ublurmi, hivajarlutit:
| Nunallaaq |
Tigumianga Hivajautaa Nampaa |
| Ikpiarjuk | 867-975-7780 (*) |
| Arviat | 867-857-6944 |
| Qamanittuaq | 867-793-1692 |
| Iqaluktuuttiaq | 867-222-2165 |
| Igluligaarjuk | 867-222-0330 |
| Kangiqtugaapik | 867-975-7780 (*) |
| Salliq | 867-222-0058 |
| Uqhuqtuuq | 867-982-1872 (*) |
| Ausuittuq | 867-975-7780 (*) |
| Igloolik | 867-975-7780 (*) |
| Iqaluit | 867-975-7780 |
| Kimmirut | 867-975-7780 (*) |
| Kinngait | 867-975-7780 (*) |
| Kugaaruk | 867-982-1872 (*) |
| Kugluktuk | 867-982-1872 |
| Naujaat | 867-222-1437 |
| Pangnirtung | 867-975-7780 (*) |
| Mittimatalik | 867-899-1885 |
| Qikiqtarjuaq | 867-975-7780 (*) |
| Kangiqliniq | 867-645-6447 |
| Qausuittuq | 867-222-3899 |
| Sanikiluaq | 867-975-7780 (*) |
| Sanirajak | 867-975-7780 (*) |
| Taloyoak | 867-982-1872 (*) |
| Tikirajuaq | 867-341-0388 |
Havagviat Havaktuliqijitkut
Nutaat piliurningat ilihautikhat/ kivgaqtuutillu:
Tamaita GNkut havagviit umikhimaniaqtut inungnun. Ihariagiyauyuinait havaktit havagiaqtuqlutik havagvingnun.
Aulahimaaqtut kivgaqtuutit:
Ukua GNkut ihariagiyaungitut inungnun kivgaqtuqtut havaliqlutik iglumingnik atulirniaqtuq Ubluqtuhivia 4 – 14, 2022. Ihariagiyauyut kivgaqtuutinik havaaqaqtut aulahimaaqtumik havaklutik-havagvingni havagiaqarumik, kikliqaqlugit qaffiuniit. GNkut havaktiit havaqatiginiaqtait atanguyatik qanuqtut havagiangini havaaghat havaatigullu piyaghat havagviilrumi.
Ihuaqhaqtauhimayut kivgaqtuutit:
Tamaita havagviit/kuapaliisit (ilauyut HRkut) ihumaliuniaqtut hunat ihariagiyauyut kivgaqtuutit/havaktaulutik imaa "Havaklutik Iglumingni" havauhighaat. Una tuliirutauniaqtut kiudjutinun kivgaqtuutinunluuniin kivgaqtuqtamingnun.
Umiktun/Nutqaqtaujun/Taimaaqtitaujut ikajuutikhat:
HRkut havagviit umikhimaniaqtut inungnun hamunga Ubluqtuhivia 14, 2022. Ilihaidjutinun pinahuarutinun ilihaidjutit havaaghanunlu apirhuutit ihuaqhaqtauyut hamunga Ubluqtuhivia 4 - 14 ihivriuqtauniaqtut pidjutaitigut ilihaidjutit ilauyughallu ilauyaangini qaritauyakkut havaktilugit iglumingni.
Nunalingni Kavamatkunillu Pivikhaqautikkut Havagvia havagutit
Nutaat piliurningat ilihautikhat/ kivgaqtuutillu:
Atulihaaliqqat Ubluqtuhivia CGSkut havangniaqtait ungahiktukkut katimadjutit haamlanun tigumidjutiqaqtununlu ihivriuriangini nutaanguqtirlugillu Nunallaat Qilamiunikkut Kiudjutinun Upalungaiyautit ilauyut qalagyuarnirmun COVID-19 Inungnut Aanniaqtailidjutikhaq Qilamiurutauyut.
CGS ihuaqhainiaqtut “ungahiktukkut” katimadjutighanik hapkununga haamlani atanguyainun uqautigiyaangini pinahuarutit piyaghallu qaiyumi ukiumi.
Aulahimaaqtut kivgaqtuutit:
CGSkut aulahimaaqtumik tunihiniaqtut ikayuutikkut kivgaqtuutinik haamlatkunun havagvingnunlu, taimaangualuaq hapkua kivgaqtuutit tuniyaulutik ungahiktukkut.
Ihuaqhaqtauhimayut kivgaqtuutit:
- CGSkut Qilamiunikkut Munaridjutit ukualu Haamlatkut Havaaghait havaqatiginiaqtait ukua Municipal Ilihaidjutinun Katimayiit naunaiyariangini ahiagut ilihaidjutinun ilihaqtitinirmun piyaghanik ilihariangini iliharnirmun piyaghatik atuqtilugu qalagyuarniq COVID maligahat.
- CGSkut Ulapqinikkun hulilukaarutikhanunlu nuutirniaqtait ukiuni Ulapqidjutinun Aituutit imaa "hivayautikkut" upautingilutik" hulidjutit ihuaqhaqtauhimayut Iqalungni uvani Ubluqtuhivia 22, 2022.
Umikhimajut/Taimaaqtihimajut/Nutqaqtihimajut hulidjutit:
CGSkut Ulapqinikkun hulilukaarutikhanunlu aituutit ihuaqhaqtauffaarniaqtut piyaulutik hivayautikkut.
Ilihaidjutit ilihaqtitiyut hapkunuuna CGSkutigut, ukualu tuniyaulutik haffumuuna MTO hivuvaniaqtut inungnun aanniaqtailinirmun maligahatigut “upautiyut” ilihaqtut ihuaqtukuluuniin qaritauyakkut aadjikiiktumik havaktauniaqtut.
Nunavunmiutat aanniaqtailidjutait atauttikkut munriyaat! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.