ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᙳᕆᐊᖅᓯᒪᔪᑦ:
ᐅᓪᓛᒃᑯᑦ,
ᖁᕕᐊᓱᒋᑦ ᐊᕐᕌᒍᒥᑦ ᓄᑖᒥᑦ.
ᐅᓪᓛᖑᔪᖅ ᓄᓇᕗᑦ 74−ᓂ ᓄᕙᒡᔪᐊᕐᓇᖅ-19−ᖃᓕᕐᑐᖅ. ᐱᑕᖃᕐᐳᖅ 8−ᓂᑦ ᓄᓇᓕᖕᓂᑦ:
- 6 ᐊᕐᕕᐊᓂ.
- 1 ᖃᒪᓂ'ᑐᐊᒥᑦ.
- 1 ᐃᒡᓗᓕᖕᒥᑦ.
- 25 ᐃᖃᓗᖕᓂ.
- 9 ᐸᖕᓂᖅᑑᒥᑦ.
- 1 ᕿᑭᖅᑕᕐᔪᐊᒥᑦ.
- 22 ᑲᖏᖅᖠᓂᖕᒥᑦ.
- 9 ᓴᓂᕋᔭᖕᒥᑦ.
ᓇᓗᓇᐃᔭᐃᓂᐊᕐᐳᖅ ᐅᑯᓂᖓ ᓘᒃᑖᖅ ᐹᑐᓴᓐ, ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖁᑎᕗᑦ.
ᑲᒪᒋᓇᓱᒃᖢᒋᑦ ᐊᒥᓱᕈᖅᐸᓪᓕᐊᔪᑦ ᐱᑕᓕᑦ, ᓘᒃᑖᖅ ᐹᑐᓴᓐ ᐅᖓᕙᕋᐊᖁᔨᕗᖅ ᐅᒃᑯᐊᕐᓯᒪᓂᖅ ᔮᓄᐊᕆ 17−ᖑᕋᓱᖕᓂᖓᓂᑦ. ᑕᐃᒪᓕ ᐃᓕᓐᓂᐊᕐᕕᑦ ᒪᑐᓯᒪᐃᓐᓇᕐᓂᐊᕐᐳᑦ ᐊᒻᒪᓗ ᐃᖅᑲᓇᐃᔭᕆᐊᖃᓪᓚᕆᒃᑯᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖕᓂᐊᕐᐳᑦ ᑎᑎᕋᕐᕕᖕᓂᑦ.
ᐊᒥᓱᙳᖅᐸᓪᓕᐊᓂᖏᑦ ᓄᕙᒡᔪᐊᕐᑐᑦ ᓯᐊᒻᒪᖕᓂᖓ ᐊᒥᓱᓄ ᓄᓇᓕᖕᓄᑦ ᑐᑭᖃᕐᑐᖅ ᐃᓄᓕᕆᓲᑦ−ᐃᖅᑲᓇᐃᔭᕐᑎᖁᑎᕗᑦ ᐃᓱᓕᑦᑎᐊᕐᖢᑎᒃ ᐱᓕᕆᓕᕐᒪᑕ. ᐋᓐᓂᐊᓯᐅᑎᕗᑦ, ᓘᒃᑖᕗᑦ, ᓄᓇᓕᖕᓂᓪᓗ ᐋᓐᓂᐊᓯᐅᑎᓕᕆᔨᐅᔪᐃᑦ ᐱᓕᕆᓕᖕᒪᑕ ᑕᐃᒪᙵᑕᒫᑦ ᖃᐅᔨᓴᕐᐸᒃᖢᑎᒃ ᓄᕙᒡᔪᐊᒧᑦ ᑲᑎᙵᔭᐅᕙᒃᑐᕕᓂᖕᓂᓪᓗ ᖃᐅᔨᓴᕐᐸᒃᖢᑎᖑᒃ. ᐊᑏ ᕿᓄᐊᓵᕆᑦ. ᐱᓕᕆᔪᓐᓇᖕᓂᓕᒫᒥᓂ ᐱᓕᕆᔪᑦ ᑕᒡᕙᖓᑲᐅᑎᒋ.
ᖃᐅᔨᒪᔪᖓ ᐃᖅᑲᓇᐃᔭᕐᑎ ᓄᕙᒡᔪᐊᖕᓂᓕᕆᔨᐅᔪᑦ ᐋᓯᑦ ᕿᑲᖃᑕᐅᓚᐅᙱᑦᑐᑦ ᐃᓚᒥᓂᒃ ᐱᓕᕆᐊᖃᕐᖢᑎᒃ ᓴᐳᔾᔨᓪᓗᑎᒃ ᓄᓇᓕᑦᑎᓐᓂᑦ. ᖁᔭᓕᒃᑲᓐᓂᕈᒪᕙᒃᑲᐃᓛᒃ ᐊᒃᓱᕈᕐᖢᑎᒃ ᐱᓕᕆᖕᒪᑕ ᐃᒻᒥᓂ ᖁᔭᓈᕐᖢᑎᒃ.
ᖃᐅᔨᒪᔪᖓ ᓄᓇᕗᒻᒥᐅᑦ ᖁᓚᓕᖅᓴᕋᐃᙱᒻᒪᑕ, ᐃᓄᑦᑎᐊᕙᐅᓪᓗᑎᒃᓗ. ᑕᒪᑦᑕ ᓄᓇᓕᖕᓂ−ᐃᓱᒪᖃᕐᔫᒥᔭᕆᐊᖃᕐᑐᒍ ᓯᐊᒻᒪᖁᓇᒍ ᓄᓇᕐᔪᐊᒥ ᖃᓂᒪᓂᖅ ᓄᓇᕗᒻᒥᑦ.
ᖁᔭᓕᔪᒪᕙᒃᑲ ᑭᒃᑯᓕᒫᑦ ᐊᑐᕐᑐᑦ ᖃᓄᐃᓕᐅᕆᐊᓕᖕᒥᓂᒃ ᐅᓗᕆᐊᓇᖅᑐᒦᖁᓇᑕ. ᖁᔭᓐᓇᒦᒃ ᑕᐃᒃᑯᐊ ᐅᐸᒍᓐᓃᓚᐅᕐᑐᑦ ᖁᕕᐊᓱᒡᕕᖕᒥᑦ ᓂᕆᔭᖅᑐᕐᑐᓂᑦ ᑲᑎᓐᓂᐅᔪᓂᓪᓗ ᕿᑲᖕᓂᖕᒧᑦ. ᖁᔭᓐᓇᒦᒃ ᑕᐃᒃᑯᐊ ᐊᐅᓪᓚᕈᓐᓃᓚᐅᕐᑐᑦ ᐊᐃᓯᒪᑐᐃᓐᓇᕈᒪᓕᕐᖢᑎᒃᓗ.
ᐊᐅᓪᓚᖃᑦᑕᕐᓂᖅ ᐱᔾᔪᑕᐅᕗᖅ ᓯᐊᒻᒪᒍᑕᐅᓪᓗᓂ ᓄᕙᒡᔪᐊᕐᓇᖅ-19−ᒥᑦ. ᐊᑏ, ᐊᐅᓪᓚᕆᐊᖃᙱᒃᑯᕕᑦ – ᐊᐅᓪᓚᖅᑕᐃᓕᒋᑦ. ᐱᖓᓱᐃᕐᓱᕐᓯᒪᓗᑎᑦ ᑲᐱᔭᐅᓯᒪᒐᓗᐊᕈᕕᓪᓘᓐᓂᑦ. ᓄᓇᕗᑦ ᐃᓗᐊᓂ ᐊᐅᓪᓚᑲᑕᙱᓪᓗᓯ ᖃᓪᓗᓈᓕᐊᕐᑕᐃᓕᓗᓯᓗ. ᐊᐅᓯᒪᓗᓂ ᐊᑲᐅᓛᖑᔪᖅ ᓄᖅᑲᕐᑎᓐᓂᐊᕐᓗᒍ ᓯᐊᒻᒪᒃᐸᓪᓕᐊᓂᖅ ᖁᐱᕐᕈᐊᕐᔪᒃ.
ᑕᐃᒪᑦᑐᖅ ᑕᒪᔅᓯ ᐱᓕᕆᖃᑕᐅᓂᐊᖅᐳᓯ ᓄᓇᕗᒻᒥ ᐋᒥᒃᕌᓐᒥᑦ ᐊᑦᑕᕐᓇᖅᑕᐃᓕᒪᑎᑦᑎᓗᓯ.
ᐅᑯᐊ ᐱᖃᓯᐅᔾᔭᐅᔪᑦ:
- ᐊᐃᓯᒪᓗᓂ ᑲᑎᑦᑕᐃᓕᒪᓗᓂᓗ ᑭᓇᑐᐃᓐᓇᒥ ᐃᒡᓗᒥᐅᖃᑎᒋᙱᑕᕐᓂᑦ.
- ᑲᐱᔭᐅᓗᑎᑦ ᓇᒡᓕᒋᔭᑎᓪᓗ ᑎᓕᐅᕐᓗᒋᑦ ᑲᐱᔭᐅᖁᓗᒋᑦᑕᐅᖅ.
- ᐱᖓᔪᖓᓂ ᑲᐱᔭᐅᓗᑎᑦ ᐊᔪᕐᓇᙱᑉᐸᑦ.
- ᒪᑐᐊᖅᓯᒪᓗᑎᑦ.
- ᖃᐅᔨᓴᕐᑕᐅᓗᑎᑦ ᐊᓂᑦᑕᐃᓕᓗᑎᓪᓗ ᓄᕙᒡᔪᐊᕐᓇᒧᑦ ᖃᓄᐃᒃᑯᕕᑦ.
ᑕᒪᑦᑕ ᒪᓖᓐᓇᕆᐊᖃᕐᑐᒍᑦ ᓘᒃᑖᖅ ᐹᑐᓴᓐ ᐅᖃᐅᔾᔪᖅᓱᐃᓂᖓᓂ. ᐱᑕᖃᕐᑎᓪᓗᒍ 8−ᓂ ᓄᓇᓕᖕᓂᑦ, ᑎᑭᓕᕋᑦᑕ ᐊᒃᓱᕈᕐᓇᖅᑐᒻᒪᕆᐊᓗᖕᒧᑦ ᐋᓐᓂᐊᓯᐅᑎᓕᕆᔨᖁᑎᑦᑎᓐᓄᑦ.
ᐱᓕᕆᖃᑎᒋᔭᒃᑲ ᐃᖅᑲᓇᐃᔭᕐᑎᑦ ᑐᒃᓯᕋᐅᑎᓕᐅᕆᓂᖕᒥᑦ ᐃᑲᔫᑎᒃᓴᓂ ᒐᕙᒪᑐᖃᒃᑯᓐᓂᑦ.
- ᓄᓇᕗᑦ ᐋᓐᓂᐊᓯᐅᑎᑖᕐᑐᕆᐊᖃᒃᑲᓐᓂᕐᑐᑦ ᐋᓐᓂᐊᓯᐅᓕᕆᔨᒻᒪᕆᖕᓂᓪᓗ.
- ᐃᑲᔪᖅᑎᑦ ᐃᖅᑲᓇᐃᔭᕐᑎᑦ ᖁᕝᕙᕆᐊᕐᑕᐅᓂᐊᕐᓗᑎᒃ ᐱᓕᕆᖃᑎᒌᒃᑐᖁᑎᕗᑦ ᐃᓄᖕᓂᑦ.
- ᑲᑎᙵᔭᐅᔪᕕᓂᖕᓂᑦ ᖃᐅᔨᓴᕐᑎᑦ ᐃᑲᔪᕈᓐᓇᕐᑐᑦ ᐅᖓᓯᒃᓗᑎᒃ.
- ᓇᖕᒥᓂᖅ ᓴᐳᒻᒥᔾᒧᑎᑦ ᐱᖁᑎᑦ ᓲᕐᓗ N95 ᒪᑐᐊᑦ.
- ᐱᓗᐊᕐᑐᒥᐅᓛᖅ, ᓄᓇᕗᑦ ᑐᐊᕕᖕᓇᕐᑐᒥ ᐃᒡᓗᑖᖅᑐᕆᐊᖃᒻᒪᕆᒃᑐᓪᓛᓗᐃᑦ ᐃᓚᒌᑦ ᓄᓇᕗᒻᒥᑦ ᐅᓗᕆᐊᓇᙱᑦᑐᒥ ᐊᓂᑦᑕᐃᓕᖁᓪᓗᒋ ᐊᐃᓯᒪᓗᑎᒃ.
ᑕᒪᓐᓇ ᐱᒻᒪᕆᐅᓗᐊᕐᑐᖅ ᐃᓱᒪᒋᓪᓗᒍ ᖃᓄᐃᓕᖓᓕᕐᓂᖓ ᐸᖕᓂᖅᑑᒥ ᐳᕙᒃᓗᖕᓂᖅ ᓯᐊᒻᒪᒃᐸᓪᓕᐊᑎᓪᓗᒍ ᑭᖑᓂᐊᓂᓪᓗ ᓄᕙᒡᔪᐊᕐᓇᖅ-19 ᓯᐊᒻᒪᓕᕐᖢᓂ.
ᓄᓇᕗᑦ ᐱᓕᕆᖕᒥᔪᑦᑕᐅᖅ ᓂᐅᕕᕋᓱᖕᓂᖕᓂᑦ ᓱᒃᑲᔪᓂ ᖃᐅᔨᓴᕈᑎᓂᑦ. ᓂᕆᐅᒃᐳᒍᑦ ᑖᒃᑯᐊ ᖃᐅᔨᓴᕈᑎᑦ ᐱᓕᕆᔾᔪᑕᐅᒃᑲᓐᓂᕐᓂᐊᕐᒪᑕ ᐊᐅᓚᑦᑎᓂᖕᒧᑦ ᓯᐊᒻᒪᒃᐸᓪᓕᐊᔪᓂ ᓄᓇᓕᖁᑎᑦᑎᓐᓂᑦ. ᓇᓗᓇᐃᔭᐃᒃᑲᓐᓂᕐᓂᐊᕐᐳᒍ ᐊᒡᒋᖅᑐᓂ ᐅᓪᓗᓂᑦ.
ᑕᒪᓐᓇ ᐊᒃᓱᕈᕐᓇᖅᑐᒻᒪᕆᐊᓗᒃ ᐅᕙᑦᑎᓐᓄᓕᒫᖅ, ᐸᖅᑭᑦᑎᐊᖃᑎᒌᒋᑦᑎ.
ᐳᓛᕈᓐᓇᙱᒃᑲᓗᐊᕐᑎᓪᓗᑎᒍ ᐃᓐᓇᖁᑎᒍᕗ, ᐃᑲᔪᕐᓱᕈᓐᓇᕐᑕᕗ ᐊᓯᐊᒍᑦ. ᐅᖄᓚᒋᑦ ᐃᓐᓇᕐᓄ ᓇᒡᓕᒋᔭᕐᓄᑦ − ᑎᑎᕋᕐᕕᒋᒃᑭᑦ. ᓂᕿᓂ ᐊᒡᔭᖅᓯᒋᕙᒃᓗᒋᑦ ᐊᔪᕐᓇᙱᒃᑳᖓᑦ.
ᑭᖑᓪᓕᕐᐹᒥ, ᑭᒃᑯᓕᒫᑦ ᖁᕕᐊᓱᖁᕙᒃᑲ ᓄᑖᒥ ᐊᕐᕌᒍᒥᑦ. ᐃᖅᑲᐅᒪᒋᑦ, ᖁᕕᐊᓲᑎᖃᕆᐊᖃᕋᑦᑕ ᐅᓗᕆᐊᓇᙱᑦᑐᒃᑯᑦ ᑲᑎᙱᓪᓗᑕ ᐋᓯᓐ. ᐱᑦᑎᐊᖃᑦᑕᐅᑎᓗᓯ ᐊᑦᑕᕐᓇᖅᑐᒦᑦᑕᐃᓕᓗᓯᓗ.
ᖁᔭᓐᓇᒦᒃ.
ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:
ᐅᓪᓛᒃᑯᑦ,
ᑕᑯᓕᕋᑦᑕ ᓄᕙᒡᔪᐊᕐᓇᖅ-19 ᐊᒥᓱᙳᖅᐸᓪᓕᐊᔪᑦ ᓄᓇᕗᒻᒥᑦ ᖃᐅᔨᒪᓪᓗᑕᓗ ᐃᓚᖏᑦ ᓴᖅᑭᑦᑐᑦ ᐳᓚᕋᖃᑦᑕᕐᓂᒃᑯᑦ ᐃᒡᓗᖏᓐᓄᑦ. ᐅᖃᒃᑲᓐᓂᕈᓐᓇᙱᓐᓇᒪ ᐱᒻᒪᕆᐅᓂᖓᓂ ᓈᓚᒃᑕᐅᓗᑎᒃ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᓕᑦ. ᖃᐅᔨᒪᔪᖓ ᑕᒪᓐᓇ ᐊᒃᓱᕈᕐᓇᖅᑐᖅ ᕿᑲᕐᓇᐅᑎᓪᓗᒍ, ᑭᓯᐊᓂᓕ ᒫᓐᓇᐅᔪ ᐃᓅᖃᑎᒌᑦ ᑲᑎᑦᑕᕆᐊᖃᙱᒻᒪᑕ. ᑲᐱᔭᐅᓯᒪᒍᕕᑦ ᐋᒃᑲᓘᓐᓃᑦ, ᑭᓇᑐᐃᓐᓇᖅ ᐳᓛᕆᐊᖃᙱᑦᑐᖅ ᐃᓅᖃᑎᒌᓪᓘᓐᓃᑦ ᑲᑎᑦᑕᕆᐊᖃᙱᑦᑐᑦ. ᒫᓐᓇᐅᔪᖅ, ᖃᐅᔨᒪᙱᑦᑐᒍ ᖃᓄᐃᑦᑑᖕᒪᖔᑦ ᓄᓇᕗᒻᒦᑦᑐᑦ ᐆᒪᒃᕌᙳᖕᒪᖔᑦ, ᑭᓯᐊᓂ ᑖᓐᓇᐅᒍᓂ, ᖃᐅᔨᒪᔪᒍᑦ ᓱᒃᑲᔪᒥᑦ ᓯᐊᒻᒪᒍᓐᓇᕐᒪᑦ ᐊᓯᖏᓐᓂ ᐊᔾᔨᒌᙱᑦᑑᑎᓂᑦ ᓄᕙᒡᔪᐊᕐᓇᖅ-19−ᓂᑦ. ᑎᓯᐱᕆ 21−ᒥᓂᓂᑦ, ᐱᑕᖃᙱᓚᐅᕐᖢᓂ ᓄᕙᒡᔪᐊᕐᓇᖅ-19−ᒥ ᓄᓇᕗᒻᒥᑦ 74−ᖑᓕᕐᖢᑎᒃ ᐱᖃᕐᑐᑦ 8−ᓂᑦ ᐊᔾᔨᒌᙱᑦᑐᓂᑦ ᓄᓇᓕᖕᓂᑦ. ᑕᒪᓐᓇ ᐃᓱᒫᓗᖕᓇᕐᑐᖅ ᐊᒥᓱᙳᕐᐸᓪᓕᐊᓪᓗᑎᒃ ᐊᒃᓱᕈᕐᓇᒻᒪᕆᓕᕐᖢᓂᓗ ᐋᓐᓂᐊᖅᑕᐃᓕᒪᑎᑦᑎᔨᖁᑎᑦᑎᓐᓄᑦ, ᐃᓚᐅᓪᓗᓂ ᐊᐅᓚᑦᑎᔪᓐᓇᕐᓂᕗᑦ ᑲᑎᙵᔭᐅᕙᒃᑐᓂ ᖃᐅᔨᓴᕐᓂᖕᓂᑦ ᖃᐅᔨᓴᖃᑎᒌᖕᓂᓪᓗ ᓄᕙᒡᔪᐊᒥᑦ.
ᐃᓚᓪᓗᒍ ᐃᓱᒫᓘᑕᐅᔪᖅ ᐊᒥᓲᓂᖏᑦ ᕿᑲᕆᐊᕐᓯᒪᓪᓗᑎᒃ ᐊᐅᓪᓚᓚᐅᕐᑐᑦ ᐅᑎᕐᓂᐊᓕᕐᑐᑦ ᐊᖏᕐᕋᒥᓄ ᐱᓇᓱᐊᕈᓯᐅᓂᐊᕐᑐᒥᑦ. ᓯᐊᒻᒪᒃᐸᓪᓕᐊᕌᓚᖕᓂᖓᓄ ᐆᒥᒃᕌᓐ, ᐊᑦᑕᕐᓇᒃᑲᓐᓂᓕᕐᑐᖅ ᐊᒥᓱᙳᒃᑲᓐᓂᕐᓂᐊᕐᒪᑕ ᓄᕙᒡᔪᐊᕐᓇᖅ-19 ᓴᖅᑭᑦᑐ ᐊᐅᓪᓚᕐᓯᒪᔪᓂ ᐅᑎᓕᕐᑐᑦ ᖃᓪᓗᓈᓂᑦ. ᑕᐃᒪᐃᒻᒪᑦ ᐱᕕᒡᔪᐊᖑᕗᖅ ᐃᓄᐃᑦ ᐊᖏᕐᕋᐅᓕᕐᑐᑦ, ᐱᖓᓱᐃᕐᓗᑎᒃ ᑲᐱᔭᐅᓯᒪᙱᑦᑐᐃᑦ, ᐊᓂᑦᑕᐃᓕᒪᓗᑎᒃ ᐅᓪᓗᓄ 14−ᓄ ᑎᑭᑉᐸᑕ. ᑕᒪᓐᓇ ᐊᑲᐅᓛᖑᔪ ᓴᐳᒻᒥᓂᐊᕐᓗᑎᒍ ᓄᓇᓕᖁᑎᕗᑦ ᓯᐊᒻᒪᖕᓂᕐᒥᑦ. ᐱᒻᒪᕆᐅᖕᒥᔪᕐᑕᐅᖅ ᑭᓇᑐᐃᓐᓇ ᖃᓄᐃᓕᕈᓂ, ᖃᓄᐃᕌᕐᔪᒃᑲᓗᐃᓗᑎᒃ, ᐊᓂᑦᑕᐃᓕᓯᑲᐅᑎᒋᓗᑎᒃ ᐅᖃᓗᒃᓗᑎᒃᓗ ᐅᖄᓚᕕᖕᒧᑦ ᐅᕗᖓ 1-888-975-8601. ᖃᓂᒪᒍᕕᑦ, ᐊᐃᓯᒪᓗᑎᑦ. ᐊᑦᑕᕐᓇᕐᑐᒧᐊᕐᑕᐃᓕᒋᑦ ᓄᕙᒡᔪᐊᕐᓇᖅ-19−ᖑᙱᓪᓗᓂ. ᑕᒪᓐᓇ ᑭᒃᑯᑐᐃᓐᓇᕐᓄ ᖃᓄᐃᙱᑦᑎᐊᕐᓂᖏᓐᓄᑦ. ᐅᑕᖅᑭᑦᑎᐊᖃᑦᑕᕆᑦᑎ ᐅᖃᓗᓕᕌᖓᓯ ᐅᖄᓚᕕᖕᒧᑦ, ᐃᓛᓐᓂᒃᑯᑦ ᐅᑕᖅᑭᓐᓇᕐᑐᖅ ᐃᑲᕐᕋᒥ ᒫᓐᓇᐅᔪᖅ.
ᐃᑲᔪᕋᓱᐊᕐᓗᒋᑦ ᓇᓗᓇᐃᕐᓯᑲᐅᕐᑐᕐᐸᒃᓗᓂ, ᑐᓂᓯᖃᑦᑕᕐᓂᐊᕐᑐᒍ ᐊᖏᕐᕋᐅᑎᔭᒃᓴᒥ ᓄᕙᒡᔪᐊᕐᓇᖅ-19−ᒧᑦ ᐃᒻᒥᓂ ᖃᐅᔨᓴᕈᑎᓂ ᐊᐅᓪᓚᓚᐅᕐᑐᓄᑦ ᐅᑎᓕᕐᑐᑦ ᓄᓇᕗᒻᒧᑦ ᑐᓴᖅᑎᑦᑎᓛᕐᖢᑕᓗ ᐱᒋᐊᕐᕕᒃᓴᖓᑕ ᐅᓪᓗᖓᓂ ᓇᓗᓇᐃᕐᑕᐅᑐᐊᕐᐸᑦ. ᐃᓄᐃᑦ ᖃᐅᔨᓴᖃᑦᑕᖁᔭᐅᓂᐊᕐᑐᑦ ᐃᒻᒥᓂᒃ ᐅᓪᓗᑦ 6 7−ᓘᓐᓃᑦ ᑭᖑᓂᐊᓂᓪᓘᓐᓃᑦ ᐊᒻᒪᒃᑲᓐᓂᕐᓗ ᐅᓪᓗᖓᓂ 12 14−ᓘᓐᓃᑦ. ᐅᕝᕙᓘᓐᓃᑦ, ᐋᓐᓂᐊᓕᕈᕕᑦ, ᖃᐅᔨᓴᑲᐅᑎᒋᓗᑎᑦ. ᑭᓇᑐᐃᓐᓇᖅ ᓄᕙᒡᔪᐊᓕᕐᐸᑦ ᐅᖃᓗᑲᐅᑎᒋᔭᕆᐊᓕᒃ ᐅᖄᓚᕕᖕᒧᑦ. ᐅᖃᒃᑲᓐᓂᕆᐊᖃᕐᐳᖓ ᐅᑯᐊ ᖃᐅᔨᓴᕈᑎᑦ ᐃᓇᖏᐅᑎᐅᙱᑦᑐᑦ ᐊᓂᑦᑕᐃᓕᒪᓂᖕᒧᑦ. ᖃᐅᔨᓴᕈᑎ ᐱᖃᙱᓐᓂᕋᐅᓂᖅ ᑐᑭᖃᙱᓚᖅ ᐊᓂᑦᑕᐃᓕᔪᓐᓃᕐᓵᓕᔪᓐᓇᕋᕕᑦ. ᖁᐱᕐᕈᐊᒃᔪᒃ ᓴᙱᓗᐊᙱᑐᐃᓐᓇᕆᐊᖃᕐᑐᖅ ᖃᐅᔨᔭᐅᔭᕆᐊᒃᓴᖅ ᓱᓕ ᑭᓯᐊᓂᓕ ᓱᓕ ᓯᐊᒻᒪᒍᓐᓇᕐᑐᖅ ᐃᓄᖕᓄᑦ. ᑖᒃᑯᐊ ᐃᒻᒥᓂ−ᖃᐅᔨᓴᕈᑎᑦ ᓇᓗᓇᐃᕐᓯᔾᔪᑕᐅᓂᐊᕐᑐᑦ ᓄᖅᑲᕐᑎᑕᐅᑲᐅᕐᑐᕐᓗᓂᓗ ᖁᐱᕐᕈᐊᕐᔪᒃ ᐊᑐᕐᑕᐅᒍᑎᑦ ᖄᒃᑲᓐᓂᐊᓄ ᓴᐳᒻᒥᔾᔪᑎᐅᓗᓂ. ᓱᒃᑲᔪᑦ ᖃᐅᔨᓴᕈᑎᑦ ᐃᓇᖏᐅᑎᐅᙱᑦᑐᑦ ᐊᓯᖏᓐᓄᑦ ᓯᐊᒻᒪᒃᑐᓂ ᐊᐅᓚᑦᑎᓂᖕᓂᑦ.
ᐱᒻᒪᕆᐅᕗᖅ ᑭᒃᑯᓕᒫᑦᑎᐊᖅ ᑐᑭᓯᐅᒪᓗᑎᒃ ᖄᒃᑲᓐᓂᐊᓂ ᓴᐳᒻᒥᓯᒪᓂᖅ ᐱᒻᒪᕆᐅᖕᒪᑦ. ᐊᓂᑦᑕᐃᓕᓗᑎ ᐊᓂᑦᑕᐃᓕᖁᔭᐅᒍᕕᑦ ᐋᓐᓂᐊᕈᕕᓪᓗ, ᒪᑐᐊᕐᓯᒪᓗᑎᑦ, ᐅᖓᓯᒃᓗᑎᑦ ᐃᓅᖃᑎᖕᓂᑦ, ᑲᐱᔭᐅᓗᑎᑦ ᑲᐱᔭᐅᒃᑲᓐᓂᕐᓗᑎᓪᓗ, ᖃᐅᔨᓴᕐᓗᑎᑦ ᐊᐃᓯᒪᓗᑎᓪᓗ, ᑕᒪᖕᒥᒃ ᑲᑎᖦᖢᒋᑦ ᓴᐳᒻᒥᔾᔪᑎᓕᐅᕐᑐᑦ ᓴᐱᑎᓂᐊᕐᓗᑕ ᐅᕙᑦᑎᓐᓂᑦ ᓄᓇᓕᖁᑎᕗᓪᓗ ᓄᕙᒡᔪᐊᕐᓇᖅ-19−ᒥᑦ. ᑕᐃᒪᙵᑕᒫᑦ ᑭᑭᑦᑎᒍᑦᑕ ᐊᑕᐅᓯᕐᒥᑦ ᑖᒃᑯᓇᙵᑦ ᐃᓚᖓᓂᑦ, ᓯᐊᒻᒪᒃᑎᕆᔪᓐᓇᕐᓂᕐᓴᐅᕗᒍᑦ ᖁᐱᕐᕈᐊᕐᔪᖕᒥᑦ ᓄᓇᕗᒻᒥ. ᐊᑏ ᓈᓚᐃᓐᓇᖃᑦᑕᕐᓗᒋᑦ ᒪᓕᖁᔭᐅᔪᓕᒫᑦ, ᑕᐃᒪᙵᑕᒫᑦ.
ᐅᖃᖅᑲᐅᒐᒪ, ᐊᒥᓱᕈᙳᖅᐸᓪᓕᐊᔪᑦ ᓄᕙᒡᔪᐊᕐᑐᐃᑦ ᐊᒃᓱᕈᕐᓇᕈᑕᐅᓕᕐᒪᑦ ᐋᓐᓂᐊᖅᑕᐃᓕᒪᑎᑦᑎᔨᖁᑎᑦᑎᓐᓄᑦ, ᐱᓕᕆᔪᒻᒪᕆᐅᕌᓂᒃᖢᑎᒃᓗ ᑕᐅᕗᖔᓗ ᕿᑲᕐᓇᒥᑦ. ᑕᑯᓯᒫᓂᓕᕐᑐᒍ ᐊᓯᖏᓐᓂᑦ ᑲᓇᑕᒥ ᐊᕕᒃᑐᕐᓯᒪᔪᓂ ᐅᑭᐅᖅᑕᕐᑐᒥᐅᓂᓪᓗ ᓄᖅᑲᕐᑎᑦᑎᔪᑦ ᐱᔨᑦᑎᕋᐅᑎᓂᑦ ᐊᑐᒐᒃᓴᓂᓪᓗ ᐋᓐᓂᐊᓯᐅᑎᓄᑦ ᓄᕙᒡᔪᐊᕐᓇᖅ-19 ᐱᓪᓗᒍ. ᓄᖅᑲᖅᑎᑦᑕᕆᐊᖃᕋᑦᑎᒍ ᑕᒪᓐᓇ ᖁᐱᕐᕈᐊᕐᔪᒃ ᓯᐊᒻᒪᖕᓂᖕᒧᑦ ᑭᒡᓕᖃᓕᖁᓇᒍ ᓄᓇᕗᒻᒥᐅᑦ ᐊᑐᕈᓐᓇᕐᓂᖏᓐᓂᑦ ᐋᓐᓂᐊᕐᑕᐃᓕᒪᓂᖕᒧᑦ.
ᐊᑏ, ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᑐᖁᔭᐅᔪᑦ ᒪᓕᒡᓗᒋᑦ. ᐊᓂᑦᑕᐃᓕᖁᔭᐅᒍᕕᑦ, ᐊᓂᑦᑕᐃᓕᒋᑦ. ᐊᑦᑕᕐᓇᓗᐊᕐᒪᑦ ᒫᓐᓇ ᓄᖅᑲᖅᑎᑦᑐᓐᓇᑐᐃᓐᓇᕐᖢᑎᒍᓪᓗ ᓯᐊᒻᒪᒃᐸᓪᓕᐊᓂᖅ ᐃᑲᔪᕐᑕᐅᓗᑕ ᐱᓕᕆᖃᑎᒌᒃᓗᑕᓗ ᓄᓇᕗᒻᒥᐅᓕᒫᑦ.
ᖁᔭᓐᓇᒦᒃ.
ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓄᓇᕗᒻᒥᐅᓂᒃ ᓴᐳᔾᔨᓯᒪᓇᓱᒃᖢᑎᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ:
https://www.gov.nu.ca/health/information/covid-19-novel-coronavirus
ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ:
https://www.gov.nu.ca/health/information/nunavuts-path
ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᖅᑐᓂᑦ ᐅᕗᙵᕐᓗᑎᑦ:
https://gov.nu.ca/health/information/covid-19-vaccination
ᓄᕙᒡᔪᐊᕐᓇᖅ−19−ᖃᖅᑐᑦ ᖃᓄᐃᓕᖓᓂᖏᑦ: ᑎᓯᐱᕆ 29, 2021
| ᑲᑎᖦᖢᒋᑦ ᖃᐅᔨᓴᖅᑕᐅᓯᒪᔪᑦ | ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ | ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ | ᑲᑎᖦᖢᒋᑦ ᐊᓂᒍᐃᓯᒪᔪᑦ | ᐃᓅᔪᓐᓃᖅᑐᑦ | ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᓯᕗᓪᓕᖅᐹᖓᓐᓂᑦ ᓄᓇᕗᒻᒥ | ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᒪᕐᕉᓐᓂᒃ ᓄᓇᕗᒻᒥ |
| 24,179 | 746 | 70 | 672 | 4 | 30,484 | 24,746 |
*ᓇᓗᓇᐃᖅᑕᐅᓯᒪᔪᑦ ᐊᒻᒪ ᑕᐃᒪᐃᑦᑐᖃᑐᐃᓐᓇᕆᐊᓕᑦ ᐱᖃᓯᐅᔾᔨᕗᑦ ᑲᓇᑕᓕᒫᒥ ᖃᓂᒪᓇᓱᒋᔭᐅᔪᑦ ᖃᐅᔨᓴᖅᑕᐅᓯᒪᔪᓂᑦ. ᐅᑯᐊ ᐃᓄᐃᑦ ᖃᐅᔨᓴᖅᑕᐅᖃᑕᐅᔪᑦ ᓇᓗᓇᐃᖅᑕᐅᔪᑦ ᐋᓐᓂᐊᑲᑕᖕᓂᖏᓐᓂᒃ ᐊᒻᒪ ᐊᑦᑕᕐᓇᖅᑐᒦᓚᐅᖅᑐᑦ ᐊᓯᖏᓪᓗ ᓇᖕᒥᓂᖅ ᓇᐅᑦᑎᖅᓱᖅᑐᑦ ᐅᕝᕙᓘᓐᓃᑦ ᐅᐸᒃᑕᐅᑦᑕᐃᓕᔪᑦ. ᑖᒃᑯᐊᓕᒫᖅ ᐋᓐᓂᐊᑲᑕᒐᔭᙱᑦᑐᑦ ᐅᕝᕙᓘᓐᓃᑦ ᖃᐅᔨᓴᖅᑕᐅᔪᐃᓐᓇᐅᔭᕆᐊᖃᙱᑦᑐᑦ.
*ᑭᖑᕙᕆᐊᖅᓯᒪᑐᐃᓐᓇᕆᐊᓕᑦ ᐅᖃᐅᓯᐅᓂᐊᖅᑐᑦ ᖃᓄᐃᓕᖓᓂᖏᑦ ᑭᒡᓕᓯᓂᐊᖅᑕᐅᓯᒪᔪᓪᓗ ᖃᓄᐃᓕᖓᔪᑦ ᐱᔭᐅᓯᒪᔪᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥ. ᖁᓕᓪᓗ ᒪᕐᕉᒡᓗ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒻᒧᑦ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.
ᓄᕙᒡᔪᐊᕐᓇᖅ-19−ᒧᑦ ᓄᓇᓕᖕᓂ ᖃᓂᒻᒪᒃᑐᑦ ᑭᒡᓕᓯᓂᐊᖅᑕᐅᓯᒪᔪᑦ: ᑎᓯᐱᕆ 29, 2021
| ᓄᓇᓕᒃ | ᓄᕙᒡᔪᐊᕐᓇᖅ-19 ᖃᓄᐃᓕᖓᓂᖓ | ᖃᖓᒃᑯᑦ | ᑭᒃᑯᑐᐃᓐᓇᐃᑦ ᓇᐃᓴᖅᑕᐅᓯᒪᔪᑦ ᐃᑉᐸᒃᓴᖅ (ᑲᑎᖦᖢᒋᑦ) | ᑭᒃᑯᑐᐃᓐᓇᐃᑦ ᓇᐃᓴᖅᑕᐅᓯᒪᔪᑦ ᐅᓪᓗᒥ (ᑲᑎᖦᖢᒋᑦ) | ᐊᓯᔾᔨᕐᑐᑦ ᐃᑉᐸᒃᓴᕐᓂᑦ (ᐱᖃᕐᑐᑦ) |
ᑲᑎᖦᖢᒋᑦ ᖃᓄᐃᑦᑐᓐᓃᕐᑐᑦ |
ᑲᑎᖦᖢᒋᑦ ᐱᖃᕐᓂᖏᑦ |
| ᖃᒪᓂ'ᑐᐊᖅ | ᑲᔫᓰᓐᓇᖅᑐᖅ | ᑕᐃᒪᙵᓂ 29-ᑎᓯᐱᕆ | 0 | 1 | 1 | 0 | 1 |
| ᐃᒡᓗᓕᒃ | ᑲᔫᓰᓐᓇᖅᑐᖅ | ᑕᐃᒪᙵᓂ 29-ᑎᓯᐱᕆ | 0 | 1 | 1 | 0 | 0 |
| ᐊᕐᕕᐊᑦ | ᑲᔫᓰᓐᓇᖅᑐᖅ | ᑕᐃᒪᙵᓂ 29-ᑎᓯᐱᕆ | 0 | 6 | 6 | 0 | 0 |
| ᓴᓂᕋᔭᒃ | ᑲᔫᓰᓐᓇᖅᑐᖅ | ᑕᐃᒪᙵᓂ 29-ᑎᓯᐱᕆ | 0 | 8 | 8 | 0 | 8 |
| ᕿᑭᖅᑕᕐᔪᐊᖅ | ᑲᔫᓰᓐᓇᖅᑐᖅ | ᑕᐃᒪᙵᓂ 28-ᑎᓯᐱᕆ | 1 | 1 | 0 | 0 | 1 |
| ᑲᖏᖅᖠᓂᖅ | ᑲᔫᓰᓐᓇᖅᑐᖅ | ᑕᐃᒪᙵᓂ 23-ᑎᓯᐱᕆ | 10 | 22 | 12 | 0 | 22 |
| ᐸᓐᓂᖅᑑᖅ | ᑲᔫᓰᓐᓇᖅᑐᖅ | ᑕᐃᒪᙵᓂ 23-ᑎᓯᐱᕆ | 3 | 7 | 4 | 0 | 7 |
| ᐃᖃᓗᐃᑦ | ᑲᔫᓰᓐᓇᖅᑐᖅ | ᑕᐃᒪᙵᓂ 04-ᓄᕕᐱᕆ | 22 | 27 | 5 | 2 | 25 |
| ᑲᑎᖦᖢᒋᑦ | 37 | 73 | 37 | 2 | 70 |
ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᑎᓯᐱᕆ 21, 2021
(ᑐᓴᕆᐊᖅᑎᑦᑎᓂᖃᓚᐅᙱᑦᑐᑦ ᑕᒪᑐᒪᓂ ᐱᓇᓱᐊᕈᓯᖕᒥᑦ ᕿᑲᖕᓇᒧᑦ ᒪᑐᓯᒪᓂᖓᓂ)
ᑐᑭᓯᒋᐊᒐᒃᓴᑦ/ᑭᒡᓕᒋᑎᑕᐅᔪᑦ:
ᐅᑯᐊ ᑐᑭᓯᒋᐊᒐᒃᓴᑦ ᑕᑯᒃᓴᐅᑎᑦᑎᕗᑦ ᓈᓴᐅᑎᓂᒃ ᓄᓇᖅᑲᑎᒌᑦ ᑲᐱᔭᐅᔪᑦ ᓇᓗᓇᐃᖅᑕᐅᕙᓪᓕᐊᔪᓂᒃ ᐱᒋᐊᖅᖢᒍ ᑎᓯᐱᕆ 21, 2021−ᖑᓕᕐᑎᓪᓗᒍ. ᐳᓴᓐᑎᖓ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐃᒪᐃᑉᐳᖅ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐊᕕᑦᓯᒪᓪᓗᑎᒃ ᓄᓇᕘᒥᐅᑦ ᐃᓄᒋᐊᓐᓂᖏᑕ ᓇᓚᐅᑦᑖᖅᑕᐅᓯᒪᓂᖏᑦ 18-ᓂ ᐅᖓᑖᓂᓪᓗ ᐊᕐᕌᒍᓖᑦ.
ᓄᓇᕘᓕᒫᒥ ᑲᑎᖦᖢᒋᑦ ᑲᐱᔭᐅᔪᑦ ᑕᒻᒪᖅᓯᒪᙱᖦᖢᑎᒃ ᓇᐃᒡᓕᒋᐊᖅᓯᒪᔪᑦ. ᓄᓇᓖᑦ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᑦ ᕿᒥᕐᕈᔭᐅᕙᓪᓕᐊᑐᐃᓐᓇᖅᐳᑦ ᖃᐅᔨᒪᔪᒪᓪᓗᑎᒃ ᓈᒻᒪᒃᑲᓗᐊᕐᒪᖔᑕ ᓇᓗᓇᐃᖅᓯᔾᔪᑎᑦ. ᓄᓇᓕᖕᓂ ᑲᑎᖦᖢᒋᑦ ᐋᖅᑭᒋᐊᖅᑕᐅᖃᑦᑕᕐᓂᐊᖅᐳᑦ ᐱᔭᕆᐊᖃᕌᖓᑦ. ᑐᕌᖓᑐᐃᓐᓇᕆᐊᖃᖅᑐᖅ ᐊᓯᔾᔨᒐᓚᒋᐊᖃᕋᔭᖅᑐᓄᑦ ᐳᓴᓐᑎᖏᑦ ᓄᓇᓖᑦ ᒪᓕᒡᓗᒋᑦ.
ᑲᐴᑎᑦ ᓇᓗᓇᐃᖅᑕᐅᖃᑦᑕᖅᐳᑦ ᓄᓇᓕᖕᓄᑦ ᐊᐅᓚᑦᑎᕝᕕᒋᔭᐅᔪᓄᑦ.
ᑲᑎᖦᖢᒋᑦ ᑲᐱᔭᐅᔪᑦ ᐅᑯᐊᖑᓂᐊᖅᐳᑦ ᓄᓇᖃᖅᑐᑦ ᓄᓇᖃᙱᑦᑑᒐᓗᐊᓪᓗ, ᐃᓚᓕᐅᔾᔭᐅᓪᓗᑎᒃ ᐅᓐᓄᐊᖅᓯᐅᑕᐅᓕᖅᐸᒃᑐᑦ ᐃᖅᑲᓇᐃᔭᖅᑏᑦ.
ᖃᔅᓯᑲᓪᓚᑦ ᓄᓇᓖᑦ ᐃᓄᒃᑕᖃᖅᑐᑦ ᑲᐱᔭᐅᓂᑯᓂᒃ ᒪᕐᕉᖕᓂ ᐊᔾᔨᒌᙱᑦᑑᖕᓂ ᓄᓇᓕᖕᓂ, ᐅᕝᕙᓘᓐᓃᑦ ᓄᓇᒋᙱᑕᒥᓂᒃ ᑲᐱᔭᐅᖃᑕᐅᓯᒪᔪᖃᖅᑐᖅ.
ᐃᓄᖕᒥᒃ ᑲᐱᔭᐅᓯᒪᔪᖃᑐᐃᓐᓇᕆᐊᖃᖅᐳᖅ ᓯᕗᓪᓕᕐᒥᒃ ᐊᒻᒪ/ᐅᕝᕙᓘᓐᓃᑦ ᐊᐃᑉᐸᖓᓂᒃ ᓄᓇᒋᙱᑕᒥᓂᒃ ᑲᐱᔭᐅᔪᓂᒃ.
ᑖᓐᓇ ᐱᔾᔪᑎᖃᙱᑦᑐᖅ ᐃᓄᖕᓄᑦ ᑲᐱᔭᐅᓚᐅᖅᑐᓄᑦ ᐃᓚᐃᓐᓇᖓᓂᒃ ᑕᒪᐃᓐᓂᒡᓘᓐᓃᑦ ᓄᓇᕘᑉ ᓯᓚᑖᓂ.
ᖁᑦᑎᒃᐸᑦ ᐳᓴᓐᑎᖓ ᐊᑕᐅᓯᕐᒥᒃ ᓄᓇᓕᖕᓂ ᓇᓕᒧᙱᒻᒪᑦ ᐃᓄᒐᓴᒡᔪᐊᓄᑦ ᑲᐳᖅᓴᖅᑕᐅᔪᓄᑦ. ᐋᖅᑭᒃᑕᐅᔪᖃᖅᓯᒪᙱᑦᑐᖅ ᓇᓗᓇᐃᖅᑕᐅᓯᒪᔪᖃᙱᑦᑐᕐᓘᓐᓃᑦ ᐳᓴᓐᑎᖓᓐᓂᒃ ᖃᓄᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᔪᓂᒃ ᓄᕙᒡᔪᐊᕇᒃᑯᑎᓂᒃ. ᖃᓄᒥᐊᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᒐᓗᐊᖅᐸᑕ ᒫᓐᓇ ᑲᐴᑎᓄᑦ ᐊᖏᖅᑕᐅᓯᒪᔪᓄᑦ (ᓲᕐᓗ ᓄᑕᖅᑲᑦ 12 ᑐᖔᓂ ᐅᑭᐅᖃᑐᐊᖅᐸᑕ ᑲᐱᔭᐅᔪᓐᓇᙱᑦᑐᑦ).
ᓇᑭᙶᕐᓂᖏᑦ:
ᓇᑭᙶᕐᓂᖏᑦ: ᑲᓇᑕᒥ ᑭᒡᓕᓯᓂᐊᖅᑎᒃᑯᑦ, ᓄᓇᓖᑦ ᐃᓄᖏᑦᑕ ᖃᓄᐃᓕᕙᓪᓕᐊᓂᖏᓐᓄᑦ ᐱᓕᕆᕝᕕᒃ, ᑎᑎᖅᑲᙳᖅᑎᑕᐅᔪᒃᓴᑦ. ᐱᕙᒌᔭᖅᑕᐅᔪᖅ ᐅᑯᓄᖓ: ᓄᓇᕗᒻᒥ ᑭᒡᓕᓯᓂᐊᖅᑎᒃᑯᑦ, ᔭᓄᐊᕆ 27, 2021.
ᑲᐱᔭᐅᓯᒪᔪᑦ ᖃᑦᓯᐅᓂᖏᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᓐᓂᐊᕕᓕᐊᖅᑐᓄᑦ ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎᓃᖔᖅᑐᖅ.
ᐊᔪᙱᑦᑐᑦ ᐃᓐᓇᐃᑦ ᓄᓇᓕᖕᓂ ᓇᓗᓇᐃᖅᑕᐅᓯᒪᕗᑦ ᖃᔅᓯᐅᓂᖏᓐᓄᑦ ᐃᓄᐃᑦ ᐅᑭᐅᓖᑦ 18-ᓂᒃ ᐅᖓᑖᓂᓪᓗ ᒪᓕᒡᓗᒍ 2020-ᒥ ᐃᓄᐃᑦ ᖃᔅᓯᐅᓇᓱᒋᔭᐅᓂᖏᑦ.
ᓄᓇᖅᑲᑎᒌᑦ ᐃᓄᒋᐊᖕᓂᖏᑦ ᒥᒃᓴᐅᑦᑎᓯᒪᔪᑦ "ᐊᒃᑐᐊᓂᖃᙱᑦᑐᑦ" ᑐᙵᕕᖃᙱᓐᓂᖏᓐᓄᑦ ᐃᓗᓕᖅᑕᓄᑦ ᐃᓄᒋᐊᒃᓯᕙᓪᓕᐊᔪᓄᑦ (ᐃᓅᕙᓪᓕᐊᔪᑦ, ᑐᖁᕙᓪᓕᐊᔪᑦ ᐊᒻᒪ ᐊᓯᐊᓂᒃ ᓄᓇᓂᙶᖅᑐᑦ ᓄᒃᑕᖅᐸᒃᑐᑦ). ᑲᒪᒋᔭᐅᑦᑎᐊᕐᓗᑎᒃ ᐊᑐᖅᑕᐅᔭᕆᐊᓖᑦ.
ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ ᑕᒪᐃᓐᓂᒃ ᓄᓇᓕᖕᓂ: ᑎᓯᐱᕆ 21
| ᓄᓇᓕᒃ |
ᖃᐅᔨᓴᖅᑕᐅᕌᓂᒃᓯᒪᔪᑦ |
ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᔪᑦ | ᖃᐅᔨᓴᖅᑕᐅᒐᒥ ᐱᖃᙱᓐᓂᕋᖅᑕᐅᔪᑦ |
| ᖃᒪᓂ'ᑐᐊᖅ (ᑎᓯᐱᕆ 29−ᒥᓂᓂᑦ) | 5 | 1 | 4 |
| ᐃᒡᓗᓕᒃ (ᑎᓯᐱᕆ 29−ᒥᓂᓂᑦ) | 9 | 1 | 8 |
| ᐊᕐᕕᐊ (ᑎᓯᐱᕆ 29−ᒥᓂᓂᑦ) | 43 | 6 | 37 |
| ᓴᓂᕋᔭᒃ (ᑎᓯᐱᕆ 29−ᒥᓂᓂᑦ) | 42 | 8 | 34 |
| ᕿᑭᖅᑕᕐᔪᐊᖅ (ᑎᓯᐱᕆ 29−ᒥᓂᓂᑦ) | 5 | 1 | 4 |
| ᐸᖕᓂᖅᑑᖅ (ᑎᓯᐱᕆ 29−ᒥᓂᓂᑦ) | 61 | 7 | 54 |
| ᐃᖃᓗᐃᑦ (ᑎᓯᐱᕆ 23−ᒥᓂᓂᑦ) | 367 | 25 | 342 |
| ᑲᓕᖅᖠᓂᖅ (ᑎᓯᐱᕆ 23−ᒥᓂᓂᑦ) | 165 | 21 | 144 |
ᐊᓂᑦᑕᐃᓕᕕᖕᒦᑦᑐᑦ ᐃᓄᐃᑦ:
| ᐊᐅᓪᓚᕐᓂᐊᖅᑐᖅ ᖃᓄᐃᑦᑑᓂᖓ | ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᑎᓯᐱᕆ 28−ᒥᓂᓂᑦ |
| ᐋᓐᓂᐊᕐᕕᓕᐊᖅᑐᑦ | 56 |
| ᑭᒃᑯᑐᐃᓐᓇᑦ | 0 |
| ᑐᐊᕕᕐᓇᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᑦ ᐊᓂᑦᑕᐃᓕᓂᕐᓗ | 0 |
| ᐃᒡᓗᓕᐅᕐᑎᑦ | 0 |
| ᑲᑎᖦᖢᒋᑦ | 56 |
ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᓇᐃᓈᕐᓯᒪᔪᖅ:
| ᐊᐅᓪᓚᕐᕕᒃᓴᖓᑕ ᐅᓪᓗᐊ | ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐊᓂᑦᑕᐃᓕᕕᖕᒥᙶᖅᑐᑦ |
| 29−ᑎᓯᐱᕆ 2021 | 7 |
| 30−ᑎᓯᐱᕆ 2021 | 2 |
| 31−ᑎᓯᐱᕆ 2021 | 0 |
| 1−ᔮᓄᐊᕆ, 2021 | 0 |
| 2−ᔮᓄᐊᕆ, 2021 | 0 |
| Total | 9 |
ᐱᔨᑦᑎᕋᖅᑕᐅᖏᓐᓇᖅᑐᑦ:
ᐋᓐᓂᐊᕕᑦ ᐅᒃᑯᐃᖓᔪᑦ ᐱᔨᑦᑎᕋᐅᑎᖃᑦᑎᐊᕐᑐᑦ ᑕᒪᐃᓐᓂ:
- ᐊᐅᓱᐃᑦᑐᖅ
- ᑭᒻᒥᕈᑦ
- ᕿᑭᖅᑕᕐᔪᐊᖅ
- ᐃᒡᓗᓕᒑᕐᔪᒃ
- ᓴᓪᓕᖅ
- ᑲᖏᖅᖠᓂᖅ
- ᑎᑭᕋᕐᔪᐊᖅ
ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:
ᓄᕙᒡᔪᐊᕐᓇᖅ-19−ᒧᑦ ᖃᓄᐃᓕᐅᕐᑕᐃᓕᒪᑎᑕᐅᓂᖕᒧᑦ, ᐃᓄᐃᑦ ᐋᓐᓂᐊᕕᖕᒧᑦ ᐅᖄᓚᖃᑦᑕᖁᔭᐅᔪᑦ ᐅᐸᓚᐅᙱᓐᓂᕐᒥᓂ ᓄᕙᖅᑰᔨᓗᑎᒃ.
ᐋᓐᓂᐊᕕᑦ ᑐᐊᕕᖕᓇᖅᑐᐃᓐᓇᒃᑯᑦ ᐱᔨᑦᑎᕋᕐᑐᑦ:
- ᐃᒡᓗᓕᒃ
- ᑲᖏᖅᑐᒑᐱᒃ
- ᑭᙵᐃᑦ
- ᒥᑦᑎᒪᑕᓕᒃ
- ᐸᓐᓂᖅᑑᖅ
- ᖃᐅᓱᐃᑦᑐᖅ
- ᓴᓂᕋᔭᒃ
- ᐊᕐᕕᐊᑦ
- ᓴᓂᑭᓗᐊᖅ
- ᐅᖅᓱᖅᑑᖅ
- ᑰᒑᔪᒃ
- ᖁᕐᓗᒃᑑᖅ
- ᑕᓗᕐᔪᐊᖅ
ᐊᓐᓂᐊᕕᑦ ᐱᔨᑦᑎᕋᐅᑎᑭᒃᓴᓕᕐᑐᑦ (ᐱᔨᑦᑎᕋᐅᑎᑭᒃᓴᓕᕐᑐᑦ ᐊᔾᔨᒌᙱᑦᑐᑦ ᒪᓕᒃᖢᑎᒃ ᐃᖅᑲᓇᐃᔭᕐᑎᑦ ᐊᑐᐃᓐᓇᐅᓂᖏᓐᓂᑦ):
- ᐃᖃᓗᒃᑑᑦᑎᐊᖅ
- ᓇᐅᔮᑦ
- ᖃᒪᓂ'ᑐᐊᖅ
- ᐃᒃᐱᐊᕐᔪᒃ
ᒐᕙᒪᓕᕆᔨᒃᑯᑦ
ᐱᔨᑦᑎᕋᖅᑕᐅᖏᓐᓇᖅᑐᑦ:
ᒐᕙᒪᓕᕆᔨᒃᑯᑦ ᑐᑦᑕᕕᓪᓗᐊᑕᐅᓪᓗᑎᒃ ᐱᓕᕆᕝᕕᐅᕗᑦ, ᐱᔨᑦᑎᕋᐅᑎᑦ ᐋᖅᑭᒋᐊᕐᑕᐅᓯᒪᙱᑦᑐᑦ ᐊᓯᔾᔨᕐᑕᐅᓯᒪᓇᑎᒃᓗ. ᓄᕙᒡᔪᐊᕐᓇᒧᑦ ᑐᖅᑲᖅᑕᕐᕕᐊ ᑐᓴᐅᒪᔪᓕᕆᔨᒃᑯᓪᓗ ᑲᔪᓰᓐᓇᕐᓂᐊᕐᑐᑦ ᐃᑲᔪᕐᓂᐊᕐᓗᑎᒃ ᓄᓇᕗᑦ ᒐᕙᒪᒃᑯᖏᓐᓂ ᓴᖅᑭᑕᐅᕙᓪᓕᐊᔪᓕᒫᓂ ᑐᓴᖅᑎᑦᑎᒃᑲᓐᓂᕈᑎᓂᓪᓗ.
ᒪᓕᒐᓕᕆᔨᒃᑯᓐᓂᑦ ᐱᔨᑦᑎᕋᐅᑎᑦ
ᐱᔨᑦᑎᕋᖅᑕᐅᖏᓐᓇᖅᑐᑦ:
ᓄᓇᓕᖕᓂ ᒪᓕᒐᓕᕆᔨᑦ
ᐊᐴᑎᓯᒪᓗᑎᒃ ᑲᑎᒪᓃᑦ ᑭᓯᐊᓂ ᑐᐊᕕᕐᓇᖅᑐᓄᑦ ᐊᔪᕐᓇᙱᑎᑕᐅᕗᑦ, ᑕᐃᓐᓇ ᐱᓕᕆᖃᑎᒋᔭᐅᔪᖅ ᐅᖄᓚᐅᑎᖃᕈᓐᓇᙱᑉᐸᑦ ᑯᐊᖅᓵᕐᓇᙱᑦᑐᒥᓘᓐᓃᑦ ᐃᓂᖃᕈᓐᓇᙱᓪᓗᓂ ᐱᓕᕆᔨᑦᑎᓐᓄᑦ ᖃᐅᔨᒋᐊᕆᐊᒃᓴᖅ ᐅᖄᓚᐅᑎᒃᑯᑦ. ᐃᓄᐃᑦ ᐊᐱᕆᔭᐅᕗᑦ ᖃᐅᔨᒋᐊᖁᔭᐅᓪᓗᑎᒃ ᐃᓚᒌᓂᑦ ᐱᓂᕐᓗᒃᑕᐃᓕᒪᑎᑦᑎᓂᕐᒧᑦ ᐱᖁᔭᕐᒥᑦ (FAIA) ᐅᖄᓚᕝᕕᐅᔪᓐᓇᖅᑐᒧᑦ ᐊᐱᖅᑯᑎᒃᓴᖃᕐᓂᕈᑎᒃ ᐃᑲᔪᖅᑕᐅᔭᕆᐊᖃᕈᑎᒡᓘᓐᓃᑦ ᐅᕗᖓ ᓈᓴᐅᑎᒧᑦ, 1-844-534-1038. ᑕᒪᓐᓇ ᐅᖄᓚᓂᖅ ᖃᐅᔨᓴᖅᑕᐅᓂᐊᖅᐳᖅ ᖃᐅᔨᒪᓕᕈᒪᓂᕐᒧᑦ ᐃᑲᔪᖅᑕᐅᔭᕆᐊᖃᕐᓂᕐᒧᑦ ᐱᔭᐅᔭᕆᐊᓕᖕᒧᑦ ᑐᕌᖅᑎᑕᐅᓗᓂ ᓄᓇᓕᖕᓂ ᐱᑐᐃᓐᓇᐅᙱᑦᑐᓕᕆᓂᕐᒧᑦ ᑖᓐᓇᓗ ᐃᑲᔪᕈᓐᓇᖅᖢᓂ ᐱᓇᔫᑎᒋᔭᐅᔪᓄᑦ ᐊᑐᖅᑕᐅᔪᓐᓇᖅᑐᓂᒡᓗ ᓇᓗᓇᐃᖅᓯᔪᓐᓇᖅᖢᓂ.
ᓄᓇᓕᖕᓂ ᐃᑲᔪᖅᑕᐅᕕᑦ
ᓄᓇᓕᖕᓂ ᑎᒍᔭᐅᓯᒪᔪᓕᕆᔨᑦ ᐊᒡᓚᕝᕕᖏᑦ ᑭᒃᑯᑐᐃᓐᓇᓄᑦ ᒪᑐᓯᒪᔪᑦ ᑭᓯᐊᓂ ᑐᓴᖅᑎᑦᑎᔾᔪᑕᐅᒃᑲᓐᓂᖅᐸᑦ. ᓄᓇᓕᖕᓂ ᑎᒍᔭᐅᓯᒪᕝᕕᖕᓂ ᑲᒪᒋᔭᐅᖃᑦᑕᖅᑐᓕᒫᑦ ᐅᖃᓘᑎᒃᑯᑦ ᐅᖃᐅᓯᐅᖃᑦᑕᕆᐊᖃᖅᐳᑦ ᐅᑯᐊ ᖃᐅᔨᒋᐊᕐᕕᒃᓴᑦ ᐊᑐᕐᓗᒋᑦ:
- ᕿᑭᖅᑖᓘᑉ ᓂᒋᐊᓂ: 867-899-1380
- ᕿᑭᖅᑖᓘᑉ ᐅᐊᖕᓇᖓᓄᑦ: 867-899-1380
- ᑭᕙᓪᓕᖅ: 867-645-6779
- ᕿᑎᕐᒥᐅᑦ: 867-391-0130
ᐃᑲᔪᖅᑕᐅᕝᕖᑦ
ᐃᑲᔪᖅᑕᐅᕝᕖᑦ ᐊᑐᓕᖅᑎᑦᑎᓂᐊᖅᐳᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒋᐊᓕᖕᓂᒃ ᓄᕙᒡᔪᐊᕐᓇᖅ-19 ᐃᒡᓗᖁᑎᖏᓐᓄᐊᖅᑎᑦᑕᐃᓕᒪᓗᒋᑦ ᐊᒻᒪ ᐅᓗᕆᐊᓇᙱᓐᓂᖅᓴᐅᑎᓪᓗᒍ ᐊᐃᑦᑐᕐᓗᐃᓇᔭᖅᑐᑦ ᑕᐃᒪᐃᓐᓇᔭᕐᓂᖅᐸᑦ. ᐊᑐᖅᑕᐅᓕᖅᑐᑦ ᐃᓕᔭᐅᓯᒪᕙᖐᖅᑐᑦ ᐅᑯᐊᖑᕗᑦ ᓄᖅᑲᖅᑎᑕᐅᓪᓗᑎᒃ ᑕᒪᕐᒥᒃ ᑕᒫᓂᕐᒥᐅᑕᐅᙱᑦᑐᑦ ᐳᓛᕆᐊᖃᑦᑕᖅᑐᑦ ᐱᔭᕆᐊᖃᓪᓚᕆᙱᑦᑐᓪᓗ ᐃᖏᕐᕋᕙᒃᑐᑦ. ᖁᔭᓕᕗᒍᑦ ᐅᑕᖅᑭᑦᑎᐊᖃᑦᑕᕐᓂᖏᓐᓄᑦ ᐃᑲᔪᖅᑐᐃᖃᑦᑕᕐᓂᖏᓐᓄᓪᓗ ᑎᒍᔭᐅᓯᒪᔪᓂᑦ ᐃᓚᖏᓐᓂᓪᓗ ᑕᐃᒪᐃᓕᐅᓕᕐᓂᖏᓐᓄᑦ ᖃᐅᔨᒪᓪᓗᑕᓗ ᑕᒪᓐᓇ ᐱᔭᕆᑐᓚᐅᕐᓂᖓᓂ.
ᖁᕝᕙᕆᐊᖅᓯᒪᓕᕐᓂᖏᓐᓄᑦ ᖁᐊᖅᓵᕐᓇᑐᐃᓐᓇᕆᐊᓖᑦ ᐊᒃᑐᐊᓂᓖᑦ ᑎᒍᔭᐅᓯᒪᕝᕕᖕᓄᑦ, ᒫᓐᓇ ᓇᓗᓇᐃᔭᖅᓯᒪᑦᑎᐊᖅᑐᓂᒃ ᐱᑎᑦᑎᔪᓐᓇᖅᓯᕗᒍᑦ ᐱᔾᔪᑎᒋᓪᓗᒍ ᐃᓛᒃᑰᖅᑐᑦ ᑎᒍᔭᐅᓯᒪᕝᕕᖕᓄᑦ ᐸᕐᓇᐅᑎᑦ. ᑭᓯᐊᓂ, ᐅᑯᓂᖓ ᑐᓴᖅᑕᐅᔪᒃᓴᓂᒃ ᐱᑎᑦᑎᔪᓐᓇᖅᐳᒍᑦ ᖃᓄᐃᓕᐅᖅᑕᐅᕙᓪᓕᐊᓕᖅᑐᓂᒃ ᐱᔾᔪᑎᓕᖕᓂᒃ:
- ᑕᒪᕐᒥᑦᑎᐊᖅ ᑕᐃᑯᙵᖅᑎᑕᐅᔪᑦ ᐅᐸᒃᑕᐅᑦᑕᐃᓕᒪᕗᑦ ᐅᓪᓗᓄᑦ 14-ᓄᑦ ᑕᐃᑯᙵᕌᖓᒥᒃ.
- ᑎᒍᔭᐅᓯᒪᕖᑦ ᐃᓚᔨᐅᔾᔨᕗᑦ ᐊᒡᒐᓄᑦ ᐆᒪᔪᐃᔭᐅᑎᓂᒃ ᐊᖅᑯᓵᖅᑕᐅᒐᔪᖕᓂᖏᓐᓂᒃ.
- ᑭᐅᓂᕐᒧᑦ/ᐊᑕᐅᓰᓐᓇᕐᒦᑎᑦᑎᓂᕐᒧᑦ ᐊᑐᖅᑕᐅᔪᓐᓇᖅᑐᑦ ᐃᓪᓕᖅᓱᖅᑕᐅᕗᑦ ᐊᒡᒑᖕᓂᒃ, ᒪᑐᐊᕐᓂᒃ, ᑮᓇᒧᑦ ᓴᐴᓗᑕᕐᓂᒃ, ᐊᑕᔪᕐᓂᒃ ᐊᔪᕆᖅᓲᔾᔨᓯᒪᔪᓂᓪᓗ ᑖᒃᑯᓂᖓ ᐊᑐᕐᓂᐊᖅᑐᓄᑦ.
- ᐃᓗᐊᖅᓴᐃᔩᑦ ᖃᐅᔨᓴᖃᑦᑕᓪᓚᕆᒃᐳᑦ ᑎᒍᔭᐅᓯᒪᔪᓂᒃ ᑎᒍᔭᐅᒑᖓᑕ ᓄᕙᒡᔪᐊᖅᑐᑦ-19-ᒥᒃ ᖃᓂᒪᙱᒃᑲᓗᐊᕐᒪᖔᑦ.
- ᐊᖏᒡᓕᒋᐊᖅᓯᒪᔪᓂᒃ ᓴᓗᒻᒪᖅᓴᐃᓂᐅᕙᒃᑐᓂᒃ ᖃᐅᔨᒪᑦᑎᐊᕈᒪᓂᕐᒧᑦ ᖄᕆᔭᐅᔪᑦ ᑭᓇᑐᐃᓐᓇᖅᓯᐅᑏᑦ ᓴᓗᒪᒐᓗᐊᕐᒪᖔᑕ ᐊᖏᔨᓕᒋᐊᖅᓯᒪᔪᒃᑯᑦ ᓴᓗᒻᒪᖅᓴᐃᓂᕆᔭᐅᕙᒃᑐᒃᑯᑦ ᐅᓪᓗᓕᒫᒥ.
ᐃᖅᑲᓇᐃᔭᕐᕕᖕᓂ ᒪᓕᒃᑕᐅᔭᕆᐊᓖᑦ
ᐃᖅᑲᓇᐃᔭᕐᕕᖕᓂ ᒪᓕᒃᑕᐅᔭᕆᐊᓖᑦ ᑎᑎᕋᕐᕕᖓ ᐅᖄᓚᕝᕕᐅᔪᓐᓇᖅᐳᖅ ᐅᕗᖓ 1-867-975-6322, ᐊᑭᖃᙱᑦᑐᒃᑯᑦ 1-877-806-8402 ᓱᒃᑲᔪᒃᑯᓪᓘᓐᓃᑦ ᐅᕗᖓ 1-867-975-6367.
ᑎᑎᕋᕐᕕᖕᒥ ᓱᓕ ᐊᑐᐃᓐᓇᐅᔪᑦ ᐊᐱᖅᑯᑎᓂᑦ ᑭᐅᔪᓐᓇᖅᑐᑦ ᓄᓇᕗᒻᒥᐅᓄᑦ ᐊᐱᖅᑯᑎᒃᓴᖃᖅᐸᑕ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᖁᔭᕐᒥᑦ ᐊᒻᒪ ᒪᓕᒐᖏᑦ.
ᐃᖅᑲᖅᑐᐃᕕᓕᕆᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᑦ
ᓄᓇᕗᒻᒥ ᐃᖅᑲᖅᑐᐃᕕᒃᑯᑦ ᒫᓐᓇ ᐃᓄᖕᓄᑦ ᒪᑐᓯᒪᔪᖅ ᑎᓕᐅᕆᔭᐅᓯᒪᓂᒃᑯᑦ ᐃᖅᑲᖅᑐᐃᕕᖕᒥᑦ. ᐃᓱᒪᓕᐊᖑᓚᐅᕐᑐᖅ ᑲᒪᒋᔭᐅᒃᑲᓐᓂᓛᕐᑐᖅ ᔮᓄᐊᕆ 17, 2022−ᒥᑦ.
ᐱᓂᕐᓗᒃᑕᐅᓯᒪᔪᓄᑦ ᐱᔨᑦᑎᕋᐅᑏᑦ
ᐱᓂᕐᓗᒃᑕᐅᓯᒪᔪᓄᑦ ᐱᔨᑦᑎᕋᐅᑎᑦ ᑎᑎᕋᕐᕕᖏᑦ ᒫᓐᓇ ᑭᒃᑯᑐᐃᓐᓇᓄᑦ ᒪᑐᓯᒪᕗᑦ. ᑭᓯᐊᓂᓗᑦᑕᐅᖅ, ᓄᓇᕗᒻᒥᐊᑦ ᑎᑎᕋᕐᕕᖕᒧᑦ ᐅᖄᓚᔭᕆᐊᓖᑦ ᐅᖄᓚᔪᓐᓇᖅᐳᑦ ᐅᕗᖓ ᐊᑭᓕᕆᐊᖃᙱᑦᑐᒧᑦ, 1-866-456-5216-ᒧᑦ ᐅᕗᖓᓘᓐᓃᑦ ᖃᕆᑕᐅᔭᒃᑯᑦ ᑎᑎᕋᕐᓗᑎᒃ,victimservices@gov.nu.ca. ᐱᔨᑦᑎᕋᕐᓂᕆᔭᐅᔪᑦ ᐱᑎᑕᐅᖃᑦᑕᕐᓂᐊᖅᐳᑦ ᐊᑕᐅᓯᐅᓈᖅᑎᕐᓗᒋᑦ.
ᐊᑐᖅᑐᐊᖅᑎᓄᑦ ᑎᑎᕋᕐᕕᐊ
ᐊᑐᖅᑐᐊᖅᑎᓄᑦ ᑎᑎᕋᕐᕕᒃ ᒪᑐᓯᒪᓂᐊᖅᑐᖅ ᑭᒃᑯᑐᐃᓐᓇᓄᑦ. ᖃᐅᔨᒋᐊᕐᕕᒋᔪᒪᓗᒍ, ᐅᕗᖓ ᐅᖄᓚᔪᖃᕐᓗᓂ, 867-975-6314 ᐅᕗᖓᓘᓐᓃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ Rentaloffice@gov.nu.ca..
ᑎᑎᕋᕐᕕᖓ ᑭᒃᑯᑐᐃᓐᓇᕐᓄᑦ ᐸᖅᑭᔨᐅᑉ ᕿᒪᐃᔪᓄᓪᓗ ᐃᓅᔪᓐᓃᕐᓂᕐᒧᑦ ᐸᐸᑦᑎᔨᐅᑉ
ᑎᑎᕋᕐᕕᖓ ᑭᒃᑯᑐᐃᓐᓇᓄᑦ ᐸᖅᑭᔨᐅᑉ ᒪᑐᓯᒪᓂᐊᖅᑐᖅ ᑭᒃᑯᓕᒫᓄᑦ. ᑎᑎᕋᕐᕕᒃ ᖃᐅᔨᒋᐊᕐᕕᒋᓂᐊᕐᓗᒍ, ᐅᑯᐊ ᐊᑐᕐᓗᒋᑦ ᖃᐅᔨᒋᐊᕐᕕᐅᔪᓐᓇᖅᑐᑦ.
- ᕿᒪᒃᑕᐅᔪᓄᑦ ᐱᔾᔪᑎᖃᕐᓗᓂ, ᐅᕗᖓ ᖃᐅᔨᒋᐊᕈᓐᓇᖅᑐᑦ 1-867-222-4039 ᐅᕝᕙᓘᓐᓃᑦ Public.Trustee@gov.nu.ca.
- ᑲᒪᔨᐅᓂᕐᒧᑦ ᐱᔾᔪᑕᐅᔪᓄᑦ ᐅᕗᖓ ᖃᐅᔨᒋᐊᖅᑐᖃᕐᓗᓂ, 1-867-222-1805 ᐅᕗᖓᓘᓐᓃᑦ Publicguardian@gov.nu.ca.
ᖃᑕᙳᑎᒌᓂᒃ ᐃᑲᔪᖅᑐᐃᔨᑦ
ᖃᑕᙳᑎᒌᓂ ᐃᑲᔪᖅᑐᐃᕙᖕᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᑲᔪᓯᕗᑦ. ᑎᑎᕋᕐᕕᒃ ᒪᑐᓯᒪᓂᐊᖅᑐᖅ ᑭᒃᑯᑐᐃᓐᓇᓄᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᑎᑎᖅᑲᖁᑎᖏᓐᓂᒃ ᐱᔾᔪᑎᖃᕐᓗᑎᒃ, ᐅᕗᖓ ᐅᖄᓚᓗᑎᑦ 867-975-6112 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ 1-800-792-4183, ᖃᕆᑕᐅᔭᒃᑯᓪᓘᓐᓃᑦ ᑎᑎᕋᖃᑦᑕᐅᑎᕝᕕᒃᑯᑦl fsp@gov.nu.ca.
ᐃᓄᓕᕆᔨᒃᑯᓐᓄᑦ
ᐱᔨᑦᑎᕋᖅᑕᐅᖏᓐᓇᖅᑐᑦ:
ᐃᓚᒌᓄᑦ ᖃᓄᐃᙱᑦᑎᐊᕈᓯᑦ
ᐃᓱᒫᓘᑎᖃᕌᖓᔅᓯ ᓄᑕᖅᑲᑦ ᐊᒻᒪ/ᐅᕝᕙᓘᓐᓃᑦ ᒪᒃᑯᒃᑐᑦ ᖃᓄᐃᓕᖓᓂᖏᓐᓂᒃ, ᐅᖃᓗᖃᑦᑕᕆᔅᓯ ᓄᓇᔅᓯᓐᓂ ᐃᓄᓕᕆᔨᓄᑦ.
- ᓄᓇᕗᓕᒫᒥ ᐅᖄᓚᕝᕕᒃᓴᑦ: 1-844-FW-CHILD (1-844-392-4453)
- ᕿᑭᖅᑖᓘᑉ ᐅᐊᖕᓇᖓᓄᑦ: Northbaffinintake@gov.nu.ca.
- ᕿᑭᖅᑖᓘᑉ ᓂᒋᐊᓂ: Southbaffinintake@gov.nu.ca.
- ᑭᕙᓪᓕᕐᒥ: Kivalliqintake@gov.nu.ca.
- ᕿᑎᕐᒥᐅᑦ: Kitikmeotintake@gov.nu.ca.
ᐃᓱᒫᓘᑎᖃᕈᕕᑦ ᓄᑕᖅᑲᑦ ᒪᒃᑯᒃᑐᓪᓗ ᐱᔨᑦᑎᕋᖅᑕᐅᔾᔪᑎᖏᓐᓂᒃ ᐅᖃᐅᓯᒃᓴᖃᕈᕕᓪᓘᓐᓃᑦ ᐅᕝᕙᓘᓐᓃᑦ ᐱᐅᔪᒥᒃ ᐅᖃᐅᔾᔨᔪᒪᒍᕕᑦ, ᐅᕙᑦᑎᓐᓄᑦ ᐅᖄᓚᖃᑦᑕᕆᑦ 1-855-522-5201−ᒧᑦ ᐃᕐᖐᓈᖅᑕᐅᒃᑯᓪᓘᓐᓃᑦ PublicRelationsFS@gov.nu.ca.
ᐃᓄᓕᕆᔨᒃᑯᑦ ᓄᓇᓕᖕᓂᓗ ᐸᓖᓯᒃᑯᑦ ᖃᐅᔨᒋᐊᕐᕕᐅᔪᓐᓇᖅᑐᑦ ᑎᑎᕋᖅᓯᒪᔪᑦ ᑕᒪᐃᓐᓄᑦ ᓄᓇᓕᖕᓄᑦ ᓇᓂᔭᐅᔪᓐᓇᖅᐳᑦ ᐃᑭᐊᖅᑭᕕᑦᑎᓐᓂ ᐅᕙᓂ https://www.gov.nu.ca/family-services/information/child-protection.
ᐃᖅᑲᓇᐃᔭᖅᑎᐅᓂᕐᒧᑦ ᐱᕙᓪᓕᐊᓂᖅ
ᐃᓐᓇᕐᓄᑦ ᐃᓕᓐᓂᐊᖅᑐᓄᑦ ᐱᔭᕆᐅᖅᓴᔪᓄᑦ ᐃᑲᔫᓯᐊᑦ ᐃᓕᓐᓂᐊᖅᑏᑦ ᒫᓐᓇ ᐃᓚᐅᔪᑦ ᑲᔪᓰᓐᓇᕐᓂᐊᖅᐳᖅ ᑐᓂᔭᐅᕙᒡᓗᑎᒃ ᐊᔪᕈᓐᓃᖅᓴᖅᑐᓄᑦ ᐱᔭᐅᕙᒃᑐᓂᒃ ᐊᕐᕌᒍᒧᑦ ᑮᓇᐅᔭᓄᑦ ᐃᓱᐊᓄᑦ ᑎᑭᓪᓗᒍ.
ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:
ᓂᖃᐃᓲᑎᑦ
ᓂᖃᐃᓱᖅᑎᑦ ᑕᑯᔭᐅᕝᕕᒃᓴᓖᑦ ᐅᖄᓚᐅᑎᒃᑯᑦ ᑲᒪᒋᔭᐅᖃᑦᑕᕐᓂᐊᖅᑐᑦ ᐊᔪᕐᓇᖏᑐᐊᖅᐸᑦ ᔮᓄᐊᕆ ᐅᐸᑦᑕᐅᖃᑦᑕᖏᒑᕐᓗᑎᑦ ᐃᓂᒃᓴᓕᐅᖅᓯᒪᔪᓄᑦ ᐱᔭᕆᐊᖃᖅᐸᑕ ᑭᓯᐊᓂ.
ᐃᓂᒃᓴᓕᐅᕐᓯᒫᓂᙱᒃᑯᕕᑦ, ᓄᓇᓕᔅᓯ ᑎᑎᕋᕐᕕᐊᓄ ᐅᖄᓚᒋᑦ ᐃᓂᒃᓴᓕᐅᕐᓗᑎᑦ. ᓂᐱᓕᐅᖃᑦᑕᕐᓗᑎ ᑭᐅᔭᐅᙱᒃᑯᕕᑦ, ᐅᖃᐅᔾᔭᐅᓛᖅᐳᑎᑦ ᑕᑯᔭᐅᕝᕕᒃᓴᓂ ᐅᕝᕙᓘᓐᓃᑦ ᐅᖃᓘᑎᒃᑯᑦ. ᐅᖄᓚᐅᑎᖃᙱᒃᑯᕕᑦ, ᐃᑲᔫᓯᐊᕐᕕᒃᑯᑦ ᑎᑎᕋᕐᕕᐊᓄᙵᐅᓗᑎᑦ ᐃᓂᒃᓴᖃᕐᕕᖕᓄᑦ, ᑭᓯᐊᓂ ᐊᓂᑦᑕᐃᓕᓯᒪᖁᔭᐅᙱᒃᑯᕕ ᐋᓐᓂᐊᖃᕐᓇᙱᑦᓕᕆᔨᒃᑯᓐᓄᑦ ᑭᒃᑯᑐᐃᓐᓇᕐᓄᑦ. ᒪᑐᐊᕐᓯᒪᔭᕆᐊᖃᓪᓚᕆᒃᑐᑦ ᐅᖓᓯᒌᒋᐊᖃᒻᒪᕆᒃᖢᑎᒃᓗ ᐃᓅᖃᑎᒥᓂ. ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ−19, ᐊᑕᐅᓯᕐᒥᑐᐊᖅ ᐅᐸᒃᑐᖃᕈᓐᓇᖅᐳᖅ ᓂᖃᐃᓱᕐᕕᖕᒧᑦ.
ᑮᓇᐅᔭᒃᓴᓂᒃ ᓴᓇᔭᐅᓯᒪᔪᓂᒃ ᑐᓂᓯᔪᖃᖃᑦᑕᔾᔮᙱᑦᑐᖅ ᑕᒪᑐᒪᓂ ᐋᓐᓂᐊᖃᕐᓇᙱᑦᑐᓕᕆᔨᑦ ᑐᐊᕕᕐᓇᖅᑐᓕᕆᔨᖏᓐᓄᑦ ᓄᓇᓕᔅᓯᓐᓂ. ᓇᓕᐊᒃᑰᕈᓐᓇᕐᐳᑎ ᑮᓇᐅᔭᒃᑯᕕᖕᓄᐊᕐᑕᐅᑲᐅᑎᒋᓗᓂ ᐅᕝᕙᓘᓐᓃᑦ ᓂᐅᕕᕐᕕᐅᑉ ᑮᓇᐅᔭᒃᑯᕕᖓᓄᐊᕐᑕᐅᑲᐅᑎᒋᓗᓂ. ᑐᓂᓗᒍ ᑮᓇᐅᔭᒃᑯᕕᒃᐱ ᒥᒃᓵᓅᖓᔪᑦ ᐃᑲᔫᓯᐊᖅᑐᓕᕆᔨᒧᑦ.
- ᕿᑭᖅᑖᓘᑉ ᐅᐊᓐᓇᖓᓂ: 1-800-567-1514
- ᕿᑭᖅᑖᓘᑉ ᐅᐊᓐᓇᖓᓂ: 1-855-975-6580
- ᑭᕙᓪᓕᕐᒥ: 1-800-953-8516
- ᕿᑎᕐᒥᐅᑦ: 1-800-661-0845
ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ
ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
- ᑕᒪᕐᒥᑦᑎᐊᖅ K-12 ᐃᓕᓐᓂᐊᕐᕕᑦ ᒪᑐᓯᒪᔪᑦ ᔮᓄᐊᕆ 17, 2022−ᙳᕋᓱᖕᓂᖓᓂ ᐅᕝᕙᓘᓐᓃᑦ ᐅᖃᐅᔾᔪᖅᑕᐅᓚᐅᕐᑎᓪᓗᑕ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.
- ᐃᓕᓐᓂᐊᕐᕕᖕᓂᑦ ᓯᕗᓕᖅᑎᑦ ᐃᓕᓐᓂᐊᕐᕕᓕᐊᕈᓐᓇᕐᑐᑦ ᐃᓕᓐᓂᐊᕐᕕᖕᓂᑦ ᖃᐅᔨᓴᕆᐊᕐᑐᕐᓗᑎᒃ.
- ᒪᑐᓯᒪᒐᓗᐊᖅᑎᓪᓗᒍ ᐊᒃᑐᐃᔾᔪᑕᐅᔾᔮᙱᑦᑐᖅ ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᔾᔪᑎᓄᑦ.
- ᐃᓕᓐᓂᐊᕐᑎᑦ ᑎᑎᕋᕆᐊᖃᓚᐅᕐᑐᑦ ᐱᔭᕇᕈᓯᐊᓄᑦ ᖃᐅᔨᓴᕐᑕᐅᔾᔪᑎᓂᑦ ᔮᓄᐊᕆ 2022−ᒥᑦ ᖃᐅᔨᒋᐊᓪᓗᐊᕐᑐᑦ ᐃᓕᓐᓂᐊᕐᕕᖕᒥᓄ.
- ᐃᓕᓐᓂᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᒪᓕᓪᓗᐊᖅᐳᑦ ᖃᓄᐃᓕᐅᖁᔭᐅᓂᕐᒥᒃ CPHO-ᑯᓐᓂᑦ ᑕᒪᓐᓇ ᐊᒃᑐᐊᓂᖃᕐᓂᖓᓄᑦ ᐅᐸᖃᑦᑕᕐᓂᕆᔭᖏᓐᓄᑦ ᐃᖅᑲᓇᐃᔭᕐᕕᒋᔭᒥᓄᑦ.
- ᑮᓇᐅᔭᖃᖅᑎᑕᐅᓂᖏᑦ ᐃᓕᓐᓂᐊᖅᑐᓕᕆᔨᒃᑯᑦ ᐊᒃᑐᖅᑕᐅᔾᔮᙱᓚᑦ, ᐃᓕᓐᓂᐊᖅᑐᓕᕆᔨᒃᑯᓪᓗ ᑎᓕᐅᖅᑕᐅᕗᑦ ᑲᔪᓯᐊᖏᓐᓇᖁᔭᐅᓪᓗᑎᒃ ᐊᑭᓕᖅᓱᐃᓂᕐᒥᒃ ᐃᖅᑲᓇᐃᔭᖅᑎᒥᓂᒃ ᐊᑐᖅᐸᒃᑕᒥᑎᑐᑦ.
ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ
- ᐸᐃᕆᕝᕕᓕᒫᓄᑦ ᓄᓇᕗᒻᒥ ᒪᑐᓯᒪᔪᑦ.
- ᑭᓯᐊᓂ, ᐸᐃᕆᕝᕖᑦ ᐃᓱᒪᖅᓱᕐᓗᑎᒃ ᒪᑐᐃᙶᖏᓐᓇᑐᐃᓐᓇᕆᐊᓖᑦ ᐃᖅᑲᓇᐃᔭᕆᐊᖃᓪᓚᕆᒃᑐᑦ ᕿᑐᕐᙵᖏᓐᓂᒃ ᑲᒪᖃᑦᑕᕐᓂᐊᕐᓗᑎᒃ.
- ᓄᓇᕗᑦ ᒐᕙᒪᖓᑕ ᑮᓇᔭᖃᖅᑎᑕᖓ ᓚᐃᓴᓕᖕᓄ ᐸᐃᕆᕝᕕᖕᓄᑦ ᐃᓂᓄᑦ ᑲᔪᓰᓐᓇᕐᓂᐊᖅᐳᖅ ᐊᑐᖅᑕᐅᕙᒃᑐᑎᑐᑦ.
ᑮᓇᐅᔭᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ
- ᐃᓕᓐᓂᐊᕐᑎᑦ ᐃᓂᒃᓴᓕᐅᕐᑐᖅ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᒪᓕᒋᐊᖃᕐᓂᐊᕐᑐᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᓕᖕᓂᑦ ᐊᑐᕐᑕᐅᔭᕆᐊᓕᖕᓂᓪᓗ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ.
- ᐃᓕᓐᓂᐊᕐᑎᑦ ᐊᐱᖅᑯᑎᒃᓴᖃᕈᑎᒃ ᖃᓄᖅ ᐊᐅᓪᓚᕐᓂᕆᓇᔭᕐᑕᖏᑦ ᐊᒃᑐᕐᑕᐅᓇᔭᖕᒪᖔᖏᑦ, ᖃᐅᔨᒋᐊᕈᓐᓇᖅᑐᑦ ᐃᓕᓐᓂᐊᕐᑎᓄᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᑎᑎᕋᕐᕕᐊᓄᑦ ᑐᑭᓯᒋᐊᒃᑲᓐᓂᕐᓂᐊᕐᓗᑎᒃ ᐅᕙᓂ fanstravel@gov.nu.ca.
ᐱᔨᑦᑎᕋᖅᑕᐅᖏᓐᓇᖅᑐᑦ:
- ᐃᓕᓐᓂᐊᕐᑎᑦ ᐊᐱᖅᑯᑎᑦᓴᓕᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᖃᖓᑦᑕᐅᓯᕐᑕᐅᔪᓐᓇᕐᒪᖔᑦ ᖃᐅᔨᒋᐊᕈᓐᓇᕐᑐᑦ fanstravel@gov.nu.ca ᑐᑭᓯᒋᐊᒃᑲᓐᓂᒐᒃᓴᓂ.
- ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᕐᕕᒻᒥ ᖃᓄᐃᖏᑦᓯᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐸᕐᓇᐅᑏᑦ ᐃᑲᔪᖅᑐᖅᑕᐅᓂᕐᒧᓪᓗ ᓇᓂᔭᐅᒍᓐᓇᖅᑐᖅ ᐅᕙᓂ: https://gov.nu.ca/education/information/2021-22-opening-plan-nunavut-sch...
ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
- ᑕᒪᕐᒥᑦᑎᐊᖅ K-12 ᐃᓕᓐᓂᐊᕐᕕᑦ ᒪᑐᓯᒪᔪᑦ ᔮᓄᐊᕆ 17, 2022−ᙳᕋᓱᖕᓂᖓᓂ ᐅᕝᕙᓘᓐᓃᑦ ᐅᖃᐅᔾᔪᖅᑕᐅᓚᐅᕐᑎᓪᓗᑕ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.
ᐃᓕᓐᓂᐊᓕᒻᒪᒃᓴᔪᓕᕆᕝᕕᒃ ᓱᕈᓯᓕᕆᓂᖅ
- ᐸᐃᕆᕝᕕᓕᒫᓄᑦ ᓄᓇᕗᒻᒥ ᒪᑐᓯᒪᔪᑦ.
- ᑭᓯᐊᓂ, ᐸᐃᕆᕝᕖᑦ ᐃᓱᒪᖅᓱᕐᓗᑎᒃ ᒪᑐᐃᙶᖏᓐᓇᑐᐃᓐᓇᕆᐊᓖᑦ ᐃᖅᑲᓇᐃᔭᕆᐊᖃᓪᓚᕆᒃᑐᑦ ᕿᑐᕐᙵᖏᓐᓂᒃ ᑲᒪᖃᑦᑕᕐᓂᐊᕐᓗᑎᒃ.
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᑕ ᐱᔨᑦᑎᕈᑎᖏᑦ
ᐱᔨᑦᑎᕋᖅᑕᐅᖏᓐᓇᖅᑐᑦ:
ᓄᓇᕗᒻᒥ ᒥᑦᑕᕐᕕᓕᕆᔨᑦ
- ᒥᑦᑕᕐᕕᐅᑉ ᐅᑕᖅᑭᕕᖓᓂᒃ ᐃᓚᐃᓐᓇᖏᓐᓄᑦ ᐊᑐᖅᑕᐅᔭᕆᐊᖃᓕᖅᐳᖅ, ᐃᖅᓇᐃᔭᖅᑎᓄᑦ, ᖃᖓᑕᓂᐊᖅᑐᓄᑦ, ᐃᓄᖕᓄᓪᓗ ᐃᑲᔪᖅᑐᓄᑦ ᖃᖓᑕᕙᒃᑐᓂᒃ.
- ᒥᑦᑕᕐᕕᐅᑉ ᐃᓗᐊᓃᑦᑐᑦ ᒪᑐᐊᖅᓯᒪᔭᕆᐊᖃᓪᓚᕆᒃᑐᑦ.
- ᐊᐅᓪᓚᕐᓂᐊᖅᑐᑦ ᐃᖅᑲᓇᐃᔭᖅᑎᓪᓗ ᒪᓕᒋᐊᖃᖅᐳᑦ ᐋᓐᓂᐊᕐᓇᙱᑦᑐᓕᕆᔨᑦ ᒪᓕᒐᖏᓐᓂᒃ.
ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:
ᓄᓇᕗᒻᒥ ᒥᑦᑕᕐᕕᓕᕆᔨᑦ
- ᐊᐅᓪᓚᑲᑕᒋᐊᖃᕈᓐᓃᕐᑐᑦ ᒫᓐᓇ ᐅᑯᓇᓂ ᐸᖕᓂᖅᑑᖅ, ᑲᖏᖅᖠᓂᖅ, ᐃᖃᓗᐃᑦ. ᑎᑭᑦᑐᑦ ᐊᐅᓪᓚᕐᑐᓪᓗ ᐅᑯᓇᙵᑦ ᓄᓇᓕᖕᓂᑦ ᑭᒡᓕᖃᕐᑐᑦ ᐱᔭᕆᐊᖃᓪᓚᕆᒃᑐᓄᑐᐊᖅ ᑕᐃᒃᑯᓄᖓᓗ ᐅᑎᓕᕐᑐᑦ ᐊᖏᕐᕋᒧ ᐊᐅᓪᓚᓕᕐᑐᓄᓪᓘᓐᓃᑦ ᖃᓪᓗᓈᓄ.
- ᐊᐅᓪᓚᕆᐊᖃᓪᓚᕆᙱᑦᑐᑦ, ᐱᓗᐊᕐᑐᒥ ᓄᓇᓕᖕᓄᑦ ᓄᓇᕗᒻᒥᑦ, ᐱᖁᔭᐅᙱᓪᓚᕆᒃᐳᑦ.
ᐃᖏᕐᕋᔪᓕᕆᔨᒃᑯᑦ
- ᔮᓄᐊᕆ 4, 2022−ᖑᕐᐸᑦ, ᐃᖏᕐᕋᔪᓕᕆᔨᒃᑯᑦ ᑎᑎᕋᕐᕕᖏᑦ ᐱᒋᐊᓛᕐᑐᑦ ᐅᖓᓯᒃᑐᒃᑯᑦ ᐃᑲᔪᕐᓂᖕᓂᑦ.
- ᖃᕆᓴᐅᔭᒃᑯᑦ ᐊᑐᐃᓐᓇᐅᔪᐃᑦ ᐃᕐᙲᓐᓈᖅᑕᐅᒃᑰᕈᑖ MotorVehicles@gov.nu.ca ᐅᖄᓚᕝᕕᐅᓗᑎᒡᓘᓐᓃᑦ 1-888-975-5999−ᒧᑦ.
- ᓄᓇᕗᒻᒥᐅᑦ ᐅᕗᖓ ᑕᑯᒋᐊᕈᓐᓇᕐᒥᔪᑦ gov.nu.ca/motorvehicles ᐱᔪᒪᒍᑎᒃ:
- ᐊᖁᑦᑐᓐᓇᐅᑎᓄᑦ ᓄᑖᙳᕆᐊᖅᑎᑦᑎᓂᖅ.
- ᓄᓇᕗᒻᒥᑦ ᓇᓗᓇᐃᒃᑯᑕᕐᓄᑦ ᓄᑖᙳᕆᐊᖅᑎᑦᑎᓂᖅ
- ᓄᓇᒃᑰᕈᑎᓄᑦ ᐊᑎᓕᐅᕐᕕᖕᒧᑦ ᓄᑖᙳᕆᐊᖅᑎᑦᑎᓂᖅ
- ᑐᒃᓯᕋᐅᑏᑦ ᐊᖁᑦᑐᓐᓇᐅᑎᓂᑦ, ᓄᓇᑰᕈᑎᓯᐅᕐᓂᖅ, ᐊᒻᒪᓗ ᐱᕐᕈᓗᐊᕿᔪᓂ ᐅᓂᑳᕐᓂᖅ
ᓄᓇᓕᖕᓂ ᐊᐅᓚᑦᑎᓃᑦ:
- ᔮᓄᐊᕆ 4, 2022−ᒥᑦ, ᓄᓇᓕᖕᓂ ᐊᐅᓚᑦᑎᓃᑦ ᑎᑎᕋᕐᕕᖏᑦ ᐊᖏᕐᕋᒥᑦ−ᐊᐅᓚᓐᓂᖃᓛᕐᑐᑦ ᐅᖓᓯᒃᓗᑎᒃ ᐃᑲᔪᕐᓂᐊᕐᓗᑎᒃ ᓄᓇᕗᒻᒥᐅᓂᑦ.
- ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᔨᑦᑎᕋᕐᑕᖏᑦ ᓄᓇᓕᓕᒫᓂ ᐅᖃᖃᑎᖃᖃᑦᑕᖁᔭᐅᕗᑦ ᓄᓇᓕᖕᓂ ᐱᕙᓪᓕᐊᔪᓕᕆᔨᓂ ᐅᕝᕙᓘᓐᓃᑦ ᐊᕕᒃᑐᓯᕐᒪᔪᓂ ᐱᕙᓪᓕᐊᔪᓕᕆᔨᒃᑯᑦ ᓄᓇᓕᖕᓂᑦ ᐊᐅᓚᑦᑎᓃᑦ ᐃᖅᑲᓇᐃᔭᖅᑎᖏᓐᓂᑦ.
ᓄᓇᓕᖕᓂ ᐊᐅᓚᔾᔪᑎᒋᔭᐅᔪᑦ ᐊᕕᒃᑐᕐᓯᒪᔪᓂ ᑎᑎᕋᕐᕕᖏᑦᑕ ᖃᐅᔨᒋᐊᕐᕕᖏᑦ
ᕿᑎᖕᒥᐅᑦ
ᔮᓇᑕᓐ ᑲᐃᔅ, ᐊᐅᓚᑦᓯᔨ ᓄᓇᓕᓐᓂ ᐱᕙᓪᓕᐊᔪᓕᕆᓂᕐᒧᑦ
ᐊᑭᖃᙱᑦᑐᖅ ᐅᖄᓚᐅᑦ: 1-844-475-1166
ᐅᖄᓚᐅᑎᖓ: (867) 982-7445
ᓱᑲᑦᑐᒃᑯᑦ: (867) 982-3204
ᐃᕐᖐᓈᖅᑕᐅᑎᒃᑯᑦ: jcase@gov.nu.ca
ᑭᕙᓪᓕᖅ
ᔮᓇᑕᓐ ᑲᐃᔅ, ᐊᐅᓚᑦᓯᔨ ᓄᓇᓕᓐᓂ ᐱᕙᓪᓕᐊᔪᓕᕆᓂᕐᒧᑦ
ᐊᑭᖃᙱᑦᑐᖅ ᐅᖄᓚᐅᑦ: 1-844-737-8627
ᐅᖄᓚᐅᑎᖓ: (867) 645-8451
ᓱᑲᑦᑐᒃᑯᑦ: (867) 645-8455
ᐃᕐᖐᓐᓈᖅᑕᐅᑦ: dfredlund@gov.nu.ca
ᕿᑭᖅᑖᓘᑉ ᐅᐊᖕᓇᖓᓂ
ᑳᓕᓐ ᓵᓐᑐᔅ, ᐊᐅᓚᑦᓯᔨ ᓄᓇᓕᓐᓂ ᐱᕙᓪᓕᐊᔪᓕᕆᓂᕐᒧᑦ
ᐊᑭᖃᙱᑦᑐᖅ ᐅᖄᓚᐅᑦ: 1-888-899-7338
ᐅᖄᓚᐅᑖ: (867) 899-7344
ᓱᑲᑦᑐᒃᑯᑦ: (867) 899-7348
ᐃᕐᖐᓈᖅᑕᐅᑎᒃᑯᑦ: csaunders@gov.nu.ca
ᕿᑭᖅᑖᓘᑉ ᓂᒋᐊᓂ
ᒪᐃᑯ ᐲᑦᑐᓘᓯ, ᐊᐅᓚᑦᑎᔨᐅᑲᐃᓐᓇᕐᑐᖅ, ᓄᓇᓕᖕᓂᑦ ᐱᕙᓪᓕᐊᔪᓕᕆᓂᕐᒧᑦ
ᐊᑭᖃᙱᑦᑐᖅ ᐅᖄᓚᐅᑦ: 1-888-899-7338
ᐅᖄᓚᐅᑖ: (867) 899-7346
ᓱᑲᑦᑐᒃᑯᑦ: (867) 899-7348
ᐃᕐᖐᓈᖅᑕᐅᑎᒃᑯ: mpeterloosie@gov.nu.ca
ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᐅᓚᐅᑲᒃᑐᖅ ᐱᔨᑦᑎᕋᐅᑏᑦ:
- ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐃᖅᑲᓇᐱᔭᕐᑎᖏᑦ ᐊᐃᓯᒪᓗᑎᒃ ᐃᖅᑲᓇᐃᔭᓯᓂᐊᕐᑐᑦ ᐱᒋᐸᕐᓗᑎᒃ ᔮᓄᐊᕆ 4, 2022.
- ᑲᑎᒪᖃᑦᑕᖅᑐᑦ ᐅᐸᒍᑎᓪᓗᑎᒡᓘᓐᓃᑦ ᐃᓕᓐᓂᐊᖃᑦᑕᖅᑐᑦ ᐱᓕᕆᕝᕕᖕᒥ ᐊᐅᓚᑕᐅᓪᓗᑎᒃ ᓄᖅᑲᖅᑎᑕᐅᔪᑦ.
- ᑐᐊᕕᕐᓇᙱᑦᑐᑦ ᐃᖏᕐᕋᔪᓕᕆᔨᒃᑯᓐᓄᑦ ᐱᔨᑦᑎᕋᖅᑕᐅᔪᒪᔪᑦ ᐅᑯᐊᓗᐊᖁᑦᑐᓐᓇᐅᑎᒧᑦ ᖃᐅᔨᓴᖅᑕᐅᔪᒪᔪᑦ ᓄᖅᑲᖅᑎᑕᐅᓯᒪᔪᑦ.
- ᓄᓇᕗᒻᒥᑦ ᐳᓚᕋᕐᕕᑦ ᒪᑐᓯᒪᐃᓐᓇᕐᓂᐊᕐᑐᑦ ᑭᓯᐊᓂ ᑐᓴᖅᑎᑦᑎᒃᑲᓐᓂᕐᐸᑕ.
ᐊᕙᑎᓕᕆᔨᒃᑯᑦ ᐱᔨᑦᑎᕋᕐᓂᖏᑦ
ᐱᔨᑦᑎᕋᖅᑕᐅᖏᓐᓇᖅᑐᑦ:
ᐱᓕᕆᕝᕕᖕᒥ ᓱᓕ ᑭᐅᖃᑦᑕᕐᓂᐊᖅᐳᑦ ᐊᑲᐅᙱᓕᐅᕈᑎᖃᖅᑐᖃᖅᐸᑦ ᓂᕐᔪᑎᓂᒃ ᑯᕕᔪᓄᓪᓗ. ᑕᒪᕐᒥᑦᑎᐊᖅ ᑯᕕᔪᑦ ᐅᖃᐅᓯᐅᔭᕆᐊᖃᖅᐳᑦ ᓄᓇᕗᒻᒥ ᑯᕕᔪᓄ ᐅᖄᓚᕝᕕᐅᕙᒃᑐᒧᑦ ᐅᕗᖓ, 867-920-8130, 24−ᓄᑦ ᐃᑲᕐᕋᓄᑦ ᐅᓪᓗᒥ: https://www.gov.nu.ca/environment/documents/spill-response
ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ
ᑕᒪᕐᒥᒃ ᐆᒪᔪᕐᓂᐊᖅᑏᑦ ᐊᒡᓚᕝᕕᖏᑦ ᒥᕐᙳᐃᖅᓯᕐᕕᖕᒧᓪᓗ ᑎᑎᕋᕕᖏᑦ ᑭᕙᓪᓕᕐᒥᑦ ᒪᑐᓯᒪᔪᑦ ᑭᒃᑯᑐᐃᓐᓇᓄᑦ ᑭᓯᐊᓂ ᑐᓴᖅᑎᑦᑎᔾᔪᑕᐅᒃᑲᓐᓂᖅᐸᑦ. ᐆᒻᒪᔪᕐᓂᐊᖅᑎᓄᑦ ᐱᓕᕆᐊᔅᓴᖅᑕᖃᖅᐸᑦ ᒪᑐᐃᖓᐃᓐᓇᕐᓂᐊᖅᑐᑦ ᐊᑐᐃᓐᓇᐅᖏᓐᓇᕐᓂᐊᖅᑐᑦ ᖃᖓᓕᒫᒃᑯᑦ, ᐅᖃᓛᓗᑎᑦ ᐅᑯᓄᖓ:
| ᓄᓇᓕᒃ |
ᐅᖄᓚᐅᑎᕋᓛᑉ ᓈᓴᐅᑖ |
| ᐃᒃᐱᐊᕐᔪᒃ | 867-975-7780 (*) |
| ᐊᕐᕕᐊᑦ | 867-857-6944 |
| ᖃᒪᓂ'ᑐᐊᖅ | 867-793-1692 |
| ᐃᖃᓗᒃᑑᑦᑎᐊᖅ | 867-222-2165 |
| ᐃᒡᓗᓕᒑᕐᔪᒃ | 867-222-0330 |
| ᑲᖏᖅᑐᒑᐱᒃ | 867-975-7780 (*) |
| ᓴᓪᓕᖅ | 867-222-0058 |
| ᐅᖅᓱᖅᑑᖅ | 867-982-1872 (*) |
| ᐊᐅᓱᐃᑦᑐᖅ | 867-975-7780 (*) |
| ᐃᒡᓗᓕᒃ | 867-975-7780 (*) |
| ᐃᖃᓗᐃᑦ | 867-975-7780 |
| ᑭᒻᒥᕈᑦ | 867-975-7780 (*) |
| ᑭᙵᐃᑦ | 867-975-7780 (*) |
| ᑰᒑᔪᒃ | 867-982-1872 (*) |
| ᖁᕐᓗᒃᑑᖅ | 867-982-1872 |
| ᓇᐅᔮᑦ | 867-222-1437 |
| ᐸᓐᓂᖅᑑᖅ | 867-975-7780 (*) |
| ᒥᑦᑎᒪᑕᓕᒃ | 867-899-1885 |
| ᕿᑭᖅᑕᕐᔪᐊᖅ | 867-975-7780 (*) |
| ᑲᖏᖅᖠᓂᖅ | 867-645-6447 |
| ᖃᐅᓱᐃᑦᑐᖅ | 867-222-3899 |
| ᓴᓂᑭᓗᐊᖅ | 867-975-7780 (*) |
| ᓴᓂᕋᔭᒃ | 867-975-7780 (*) |
| ᑕᓗᕐᔪᐊᖅ | 867-982-1872 (*) |
| ᑎᑭᕋᕐᔪᐊᖅ | 867-341-0388 |
(*ᐊᕕᑦᑐᖅᓯᒪᔪᓄᑦ ᐊᓪᓚᕝᕕᖓ)
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:
ᑎᑎᕋᕐᕕᒃ ᒪᑐᓯᒪᓂᐊᖅᑐᖅ ᑭᒃᑯᑐᐃᓐᓇᓄᑦ. ᐃᖅᑲᓇᐃᔭᕆᐊᖃᓪᓚᕆᒃᑐᑦ ᐃᖅᑲᓇᐃᔭᕐᕕᓕᐊᖃᑦᑕᕐᓂᐊᕐᑐᑦ.
ᐱᔨᑦᑎᕋᖅᑕᐅᖏᓐᓇᖅᑐᑦ:
ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᕆᐊᖃᓪᓚᕆᙱᑦᑐᓂ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎ ᐊᐃᓯᒪᓗᑎᒃ ᐃᖅᑲᓇᐃᔭᕐᓂᐊᕐᑐᑦ ᔮᓄᐊᕆ 4 – 14, 2022−ᒥᑦ. ᐃᖅᑲᓇᐃᔭᕆᐊᖃᓪᓚᕆᒃᑐᑦ ᐃᖅᑲᓇᐃᔭᐃᓐᓇᕐᓂᐊᕐᑐᑦ ᑎᑎᕋᕐᕕᖕᓂᑦ ᐱᔭᕆᐊᖃᕐᐸᑕ, ᑭᒡᓕᖃᕐᓗᑎᒃ ᐊᒥᓲᓂᖏᑦ. ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᕐᑎᖏᑦ ᐱᓕᕆᖃᑎᖃᕐᓂᐊᕐᐳᑦ ᐊᖓᔪᖅᑳᖏᓐᓂᑦ ᖃᐅᔨᓇᓱᒃᓗᑎᒃ ᖃᓄᖅ ᐱᓕᕆᓂᐊᕐᒪᖔᖏ ᐱᓕᕆᐊᒃᓴᕆᔭᕆᐊᓕᓪᓗ ᑎᑎᕋᕐᕕᖕᒦᙱᓪᓗᑎᒃ.
ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:
ᐱᓕᕆᕝᕕᓕᒫᑦ/ᑯᐊᐳᕇᓴᓕᒫᑦ (ᐃᓚᐅᓪᓗᑎᒃ ᐃᖅᑲᓇᐃᔭᖅᑐᓕᕆᔨᒃᑯᑦ) ᖃᐅᔨᓇᓱᖕᓄᐊᕐᑐᑦ ᐱᔨᑦᑎᕋᐅᑎᒋᔭᕆᐊᖃᓪᓚᕆᒃᑐᑦ ᑲᒪᒋᔭᐅᔪᓐᓇᕐᒪᖔᑕ/ᑲᒪᓂᐊᕐᒪᖔᑕ "ᐊᐃᓯᒪᓗᓂ ᐃᖅᑲᓇᐃᔭᖕᓂᖅ"−ᒥ. ᑕᒪᓐᓇ ᑭᖑᕙᓯᒍᑕᐅᑐᐃᓐᓇᕆᐊᓕᒃ ᖃᓄᐃᓕᐅᕐᓂᐊᕐᓗᓂ ᐱᔨᑦᑎᕋᐅᑎᓂᓪᓘᓐᓃᑦ ᐱᔨᑦᑎᕋᕐᑕᒥᓄᑦ.
ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᐅᑎᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ ᐃᒡᓗᖁᑎᖏᑦ ᒪᑐᓯᒪᓂᐊᕐᑐᑦ ᐃᓄᖕᓄᑦ ᔮᓄᐊᕆ 14, 2022−ᖑᕋᓱᖕᓂᖓᓂ. ᐱᓕᒻᒪᒐᒃᓴᓕᕆᓂᑦ ᐃᖅᑲᓇᐃᔮᓄᓪᓗ ᐊᐱᖅᓱᕐᑕᐅᓃᑦ ᐋᖅᑭᒃᑕᐅᓯᒪᔪᑦ ᔮᓄᐊᕆ 4 - 14 ᕿᒥᕐᕈᔭᐅᓂᐊᕐᑐᑦ ᐊᑕᐅᓯᐅᑦᑕᕐᑕᐅᓗᑎᒃ ᐃᓕᓐᓂᐊᒐᒃᓴᐃᑦ ᒪᓕᒃᓗᑎᒃ ᐃᓚᐅᓂᐊᕐᑐᑦ ᐃᓚᐅᔪᓐᓇᕐᓂᖏ ᖃᕆᑕᐅᔭᒃᑯᑦ ᐃᖅᑲᓇᐃᔭᐅᔮᕐᔪᒃᓗᑎᒃ ᐊᐃᓯᒪᓗᑎᒃ.
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:
- ᔮᓄᐊᕆᐅᑉ ᐱᒋᐊᕐᓂᖓᓂ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐱᒋᐊᓛᕐᑐᑦ ᐅᖓᓯᒃᓗᑎᒃ ᑲᑎᒪᕙᒃᓗᑎᒃ ᕼᐋᒻᒪᓚᒃᑯᓪᓗ ᐱᖃᖃᑕᐅᔪᓪᓗ ᕿᒥᕐᕈᓂᐊᕐᓗᑎᒃ ᓄᑖᙳᕐᑎᕆᓗᑎᒃᓗ ᓄᓇᓕᖕᓂᑦ ᑐᐊᕕᖕᓇᖅᑐᓕᕆᓂᖕᒧᑦ ᐸᖕᓇᐅᑎᓂᑦ ᐱᔾᔪᑎᓕᑦ ᓄᕙᒡᔪᐊᕐᓇᖅ-19 ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑐᐊᕕᖕᓇᖅᑐᓕᕆᓂᖕᒧᑦ.
- ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐋᖅᑭᒃᓯᓂᐊᕐᑐᑦ “ᐅᖓᓯᒃᓗᑎᒃ” ᑲᑎᒪᕕᒃᓴᓂ ᕼᐋᒻᒪᓚᒃᑯᑦ ᑎᑎᕋᕐᑎᖏᓐᓂᑦ ᐅᖃᐅᓯᖃᕐᓂᐊᕐᓗᑎᒃ ᐱᓕᕆᐊᒃᓴᑦ ᐊᓯᔾᔨᕐᓂᖏᓐᓂᑦ ᐱᕕᒃᓴᓪᓗ ᐊᒡᒋᖅᑐᒥᑦ ᐊᕐᕌᒍᒥᑦ.
ᐱᔨᑦᑎᕋᖅᑕᐅᖏᓐᓇᖅᑐᑦ:
- ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐃᑲᔪᖅᑐᐃᖏᓐᓇᕐᓂᐊᕐᑐᑦ ᕼᐋᒻᒪᓚᒃᑯᓐᓂᑦ ᐱᓕᕆᕝᕕᐅᔪᓂᓪᓗ, ᐱᔨᑦᑎᕋᐅᑎᑦ ᑲᒪᒋᔭᐅᓂᐊᕋᓗᐊᕐᓗᑎᒃ ᐅᖓᓯᒃᓗᑎᒃ.
ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:
- ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᑐᐊᕕᖕᓇᖅᑐᓕᕆᔨᒃᑯᑦ ᕼᐋᒪᓚᒃᑯᓐᓂᓪᓗ ᐱᓕᕆᔨᑦ ᐱᓕᕆᖃᑎᖃᕐᓂᐊᕐᑐᑦ ᕼᐋᒻᒪᓚᒃᑯᓐᓄᑦ ᐃᓕᓐᓂᐊᖅᑕᐅᔪᒃᓴᓕᔩᑦ ᑲᑐᔾᔨᖃᑎᒌᖏᓐᓂᑦ ᖃᐅᔨᓴᕐᓂᐊᕐᓗᑎᒃ ᐊᓯᖏᓐᓂᑦ ᐱᓕᒻᒪᒐᒃᓴᓕᕆᓂᖕᓂᑦ ᓇᓖᕌᒐᒃᓴᒃᓂ ᐊᑐᕐᓂᐊᕐᓗᒋᑦ ᐱᓕᒻᒪᒃᓴᓂᖕᒧ ᑎᑭᑕᐅᓇᓱᐊᖅᑐᑦ ᓄᕙᒡᔪᐊᕐᓇᒧ ᒪᓕᒃᑕᖃᕆᐊᖃᕐᑎᓪᓗᒍ.
- ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᕿᑎᒃᑐᓕᕆᔨᒃᑯᑦ ᐱᙳᐊᕐᕕᓕᕆᔨᒃᑯᓪᓗ ᐊᕐᕌᒍᑕᒫᒧ ᕿᑎᖕᓂᖕᒧᑦ ᑐᓐᓂᖅᑯᓯᐊᕐᑐᓕᕆᔨᒃᑯᖏᑦ “ᖃᕆᑕᐅᔭ”−ᓅᕐᓂᐊᕐᑐᑦ “ᐅᐸᒃᓗᑎ”−ᐅᙱᑦᑐᖅ ᐃᖃᓗᖕᓂᑦ ᔮᓄᐊᕆ 22, 2022−ᒥᑦ.
ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᐅᓚᐅᑲᒃᑐᖅ ᐱᔨᑦᑎᕋᐅᑏᑦ:
- ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᕿᑎᒃᑐᓕᕆᔨᒃᑯᑦ ᐱᙳᐊᖅᑐᓕᕆᔨᒃᑯᓪᓗ ᑐᓐᓂᖅᑯᓯᐊᖅᑎᑦᑎᓂᖏᑦ ᐃᓂᒃᓴᓕᐅᕐᑕᐅᒃᑲᓐᓂᓛᕐᑐᑦ ᖃᕆᑕᐅᔭᒃᑰᕐᓗᑎᒃᓗ.
- ᐱᓕᒻᒪᒃᓴᒐᒃᓴᐃᑦ ᓴᖅᑭᑕᐅᔪᖅ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᑲᒪᒋᔭᐅᓪᓗᑎᒃᓗ ᕼᐋᒻᒪᓚᒃᑯᓐᓄᑦ ᐃᓕᓐᓂᐊᖅᑕᐅᔪᒃᓴᓕᔩᑦ ᑲᑐᔾᔨᖃᑎᒌᖏᓐᓂ ᑭᖑᕙᕆᐊᕐᓯᒪᓂᐊᕐᑐᑦ ᑭᓯᐊᓂ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᓕᖕᓄᑦ ᐊᔪᕈᓐᓃᕐᑎᑦᑎᒃᐸᑕ “ᐅᐸᒃᓗᑎᒃ” ᐃᓕᓐᓂᐊᕐᓂᖅ ᓈᒻᒪᒃᑐᒥᓪᓘᓐᓃᑦ ᖃᕆᑕᐅᔭᒃᑯᑦ ᐊᔾᔨᐸᓗᐊᓂ ᐋᖅᑭᒃᑕᐅᔪᓐᓇᕐᑐᖅ.
ᓄᓇᕗᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.