Iqaluit, Nunavut (Ubluirvia 6, 2024) – Kavamatkut nunavunmi, havaqatigiblugit ukua Microsoftkut, quviahungnikkut tuhaqtitijut aularutaagut Inuktitut titiraqhimajunun-uqaqtaujut nipiliurutikkut aulapkaininga hamani Azure AI Speech kivgaqtuutaini. Titiraqhimajunun-uqaqtaujut nipiliurutikkut piinarialaqijut uvani Edge qiniqhiaviani, atuqhugit Taiguaqniq Nipiquqtujumik, unalu Microsoft Numiktirutaa uvani Bingmi, aalaniklu Microsoft uuktuutaini ilaliutijukhat uvani 2025mi. Una iniqtirninga, ilaujuq tamaqtailinirmun Akhuurutiginirmun Inuktut Qaritaujakkut Havaakhaq, hivuliqhuqtaujuq ukunanga Havakvianin Pituqhiliqijitkut, takunaqtuq amigaituni ukiuni akhuurutit, nunallaanin-pihimajuq akhuurutit uqauhiq piinarialaqijaangani ilaujuqlu ubluni inuunirmun inuuhiq Nunavunmi.
“Una havaqatigiingniq naunaijautaujuq hakugingnirmik havaqatigiingnirmun ukualu akhuurutit ihuaqhainiq pitquhirmun ajungnaqtukkullu. Uqauhiq pidjutaujukhaq pihimaniq Inuktut atuqhimaarnira akhuungnaqtuq atugahaq tamaqtailinirmun pituqhiqqut, ingilraanin ukpirijaujut," uqaqtuq Hivuliqti P.J. Akeeagok, Ministaa Pitquhiliqijitkut. “Una havaakhaq pijaaqtuq taimaali akhut havakpauhiit akhuurutaillu Nunavunmiut avatiini aviktuqhimajup, amigaitut kitut tunihijut inmi ilihimajamingnik ajuitamingniklu pijaangani una uuktuut atuliqtaujaangani. Akhuurutit naunaijautaujuq aulahimaaqtumik pijaarniq Inuktut qaritaujaliqijut-ajuitut nutaqqat inulramiillu."
Havakhugit nakuunikkut hivuani quviahuutit—ilaujut ilituqhaidjutit haffuminga titiraqhimajunun-uqaqtaujut nipiliurutikkut Inuktitut qaniujaqpait uvani 2021 unalu Qaliujaaqpait ukualu Inuinnaqtun uvani 2022—Roman orthography aulapkaininga amigaiqjuumirutijuq pijaarnirmun uqauhiq. Atuqhugit nipiliuqhimajut uqadjariktunin nunallaani, Microsoftmi uqauhiq atuqtaujuq ilihaqtitaujuq uqariangani Inuktitut. Atuqhugit hivumuuqhimajut AI ajungnaqtuliqutit, malruk nipik havaktauhimajuk uvani Azure Speech AI family, Siqiniq (atnaq) unalu Taqqiq (angut). Aularutaa titiraqhimajunun-uqaqtaujut nipiliurutikkut aulapkaininga Inuinnaqtun niriuktaujuq uvani 2025mi.
“Hacaqatigiingnikkut, attautimuktavut nutaat ukua, AI technology ukununga pitquhikkut Inuit uqauhiinun,” uqaqtuq Chris Barry, angijuqaanga hapkua Microsoft Canada. “Una havaaq ilituridjutaujuq arlingaqtumik hakugingnirmik havaqatigiingnirmun havagiangani kangiqhijuminaqtuq, nuutiqtaaqtuq ihuaqhaidjutit. Nan'ngaruhuktugut havaqatigilugit Kavamatkut Nunavunmi nunallaallu avatiini Nunavut pijaangani Inuktut pijaarnira qaritaujakkut."
Taimaangugaluaq una nutaaq aulapkaininga turaangajuq ihuaqhijuumirnirmun ubluni havaqatigiigutit tunihijuqlu pijaarnirmun, himmautaungituq ajuittiaqtunin uqaqtiliqtuijunun numiktirijununluuniin. Kihimi, kivgaqtuutaujuq tuhaqtitinirmun, angiklinirmun atungninga Inuktut avatiini aalangajut ihuaqhaidjutit ajungnairutijut ilaunirmun ubluqtamaat inuuhiptingni.
Atuqtut atungniaqtaat Inuktitut ikajuutauniaqtuq unipkaanik unipkaarnirmun, pituhikkut, ajuittiaqtullu tuhaqtidjutainun. Nutaqqat tuhaalutik pitquhikkut unipkaanik uqauhirmigut, inirnikhat uqautigiblugit ilihimajatik nukaqhiinun, aanniaqtailinirmun havaktinun atungnirmun Inuktitut akhuungnaqtunun tuhaqtidjutinun, una ikajuutaujuq atanirmun nutaqqanun havakvingnunlu.
Kangiqhittiarumaguvin mikhaanun havaap qungiaqnirmunluuniin piksasiungit, takulugu: Uqauhinik Tammaqtailinirnut Akhuurutiillu Talvuuna Qaritaujaliqidjutikkuurutikkut: MS Numiktirinikkut Havaakhaq | Nunavut Kavamanga.