Hivuliqtip ublumimut tuhaqtipkaidjutaa:
Ublaakkut,
Ihumagivlugillu quviahuutigijatka Inirniqhaat qun’ngiaqtun.
Uvani ublaami Nunavunmi 352-ngujut aanniarutiqaqtut qalagjuarnirmun COVID-19 mik.
Piqaqtugut aanniarutiqaqtunik 16 ni nunallaani – unniqtauyut hapkua nampait:
- Atauhiq Ikpiarjungmi
- 18 Arviani,
- 12 Qamanittuarmi,
- 15 Ikaluktuutiami,
- Piqangittuq Igluligaarjungmi,
- 9 Sallirmi,
- 39 Iglulingmi
- 113 Iqalungni,
- Piqangittuq Uqhuqtuumi,
- Piqangittuq Kimmirunmi
- 13 Kinngaini,
- 15 Kugaarjungmi,
- Piqangittuq Kugluktumi
- Malruk Naujaami,
- 9 Pangniqtuumi,
- Piqangittuq Mittimatalingmi,
- Piqangittuq Qikiqtarjuarmi,
- 45 Kangiqlinirmi,
- 11 Qausuittumi
- 13 Sanirajarmi,
- 12 Sanikiluarmi,
- 25 Taloyoakmi, uvanilu
- Piqangittuq Tikirarjuami.
154 nik uniqtaujunik nakuuhijut ublumi. 1,237 nik atauttimun uniudjutauyut naamakhiyut uvanin hiamitirniangani.
Talvanga Iidjirurvia 10, Havagviat Pivalliajuliqijikkut Ingilrajuliqijitkullu tuniuqhailiqtun ukuninga Qilamik Naunaihakpaktut Ihivriurutit ihariagijaujunun nanminiqaqtunun havagvingnun Iqalungni. Tuniuqhaijakhat ukuninga Qilamik Naunaihakpaktut Ihivriurutit ihariagijaujunun nanminiqaqtuni havaktinun aallani tamainni Nunavunmi nunallaani tuniuqhailiqtsit havaknaitillugu haavainirmi tuniuqhaihimmaaqtullu uumani havainirmi.
Ihariagijaujun naminiqaqtuni havagvingni pinialiqtait ukuat Qilamik Naunaihakpaktut Ihivriurutit ilaujun:
Taaksit.
- Niqinik niuvvaavingmi havaktit.
- Qilamiurutinun aihimavingmi ihuaqhaijit havaktit.
- Niqainanun iqalungnullu niuviktakhanun niqiliqivingmi havaktit.
- Hunavalungnik uhijaujanun aulapkaijit.
- Tingmitiqarviit Hanajingit.
Tikiliqtumi havainirni aihunik piffaarniiaqtugun Qilamik Naunaihakpaktut Ihivriurutit Kanataup Kavamanganin, aallanun tuniuqhainiaqtugun tamainnun nanminiqaqtunun pijumajunun.
Itqaumatqujatka Nunavunmiut qalagjuarnirmun COVID-19 ikajurnikkut hivajautiqaqtut piinarialik. Mihingnautiqaliruvin imaatun – kakiliqtarnirmik, kalakhungnirmik, igiaqliurnirmik, kidjakuvin ajuqhaliruvinluuniin aniqhaaktarnirmun – hivayaqlugu qalagyuarnirmun hivayautaaCOVID-1-888-975-8601.
Avaliingaaqtitauguvin qalagyuarnirmun COVID-19, hivayainnariaqaqtutin hamunga 1-888-902-0872 qaritauyaqvigilugitluunniit uvani isolationsupports@gov.nu.ca pijaarni Kavamatkut Nunavunmi avaliingaaqtitaunirmun niqigharnik.
Tapkununga tingmidjutikkut apirhuutiqaqtut hivayaqlugit Kavamatkut Nunavunmi akiitukkut hivayautaa 1-833-524-0735.
Taimaattauk kapurhiqpaklutin pilugulu ikajuutikhaq kapurhidjuti qilamik pijaarnirnun. Ihuatqianguyuq munagidjutikharnik nutaqqapyingnik, Inirniqhaanik aanniaqtaaqtunullu nunalaamiutavun pijukhat kapukhirlutik.
Taimaa ilaa, aulahimaaqtumik maliklugit inungnun aanniaqtailinirmun maligahat.
- Aihimanahuanginaqlutit.
- Iglumiutainait iqatigilugit.
- Atimalutit ivyarunmik.
Quana.
Minista Maligaliqijitkunun:
Ublaakkut. Uqarumajunga nutaanguqtirutinik itiqtauvingni mamihaiviinni havagviit. Pingahut havagviit aanniarutiqaliqtut Qalagjuarnirmun COVID-19.
Aaqqigiravik Correctional Healing Facility piqaqtuq 8-nik nutaanik aanniaqtunik unalu 79-ngujun naammakhijun itiqtauvingmiittut havaktillu atauttimun.
Mamihaivik Kangiqlinirmi Rankin Inlet Healing Facility unalu arnanun itiqtauvik Women’s Correctional Center havaktiit aannialiqtun taimaa malruk aanniaqtuk malruklu naammakhijun tsdjsmun.
Tadja qiniqhiajugun kinamiklikaak itiqtauvikkut ajuiqhaqhimajun piqaqtumik havaakhanik havagviptingni pitquvluhilu hivajarluhi uumunga 867-979-8120 pijumaguvin havaqatigiluta.
Quana.
Atanilluaq Inungnut Aanniaqtailinirmun Havaktia Ublumimut Kangiqhipkaidjutaa:
Ublaakkut,
Naunaijaihuingmata aanniaqtunun nunami, mikhilaarniaqtavun inungnut aanniaqtailinikkut maliktakhait ukunani amihuni nunallaani pilirianginni amigaitqijaulutik katittaanginnik amihuniklu pulaaqtaaqtunun aihimaviinni. Niriviit ukuallu laisiqaqtun nanminiqaqtun angmainnarialgit mikhilaarlugit inugiatilaanginnun. Ukuat aallan’nguqtirniaqtun talvani Iidjirurvia 21.
Aadjikkutaani ubluani, maliqujauhimajun Iglulingmi ikikhilaarniaqtun, pulaalirianginni akun’ngani aihimaviinni.
Pidjutaanun ihumagijauhimmaaqtainn nunallaami hiamitirnikkut Qalagjuarnirmun COVID-19, maliqujaujun ukunani Ikpiarjuk, Pangniqtuuq, Iqaluit, Kangiqłiniq, Salliq, Sanikiluaq, Iqaluktuuttiaq, Kugaarjuk, Qausuittuq, Taloyoak aulahimmaarniaqtun tadja pitqujainik.
Tamaita naunaitkutit tadjamun pitquingitainun piinnarialgit talvani GN-kut qaritaujakkut takujakturviani talvani www.gov.nu.ca.
Aallan’nguqtiqtavullu qanuq pivaktaptingnun naunaijaidjutikhainnik qaniklihimajainnik aanniaqtumut uuktuqhuta nakuutqijanun aturianginnik aanniaqtunun ikajuutikhanun.
Naunaitkutigilugu qanurinnia Qalagjuarnirmun COVID-19 nunallaami, inuit naunairiiqhimajun Qalagjuarnirmun COVID-19 piniaqtut, amihuni pidjutini, apirijaulutik naunaiqtittijukhat inmik aanniarutinikniaqtunun hanianiihimavaktaminun; taapkuanginnain hanianiihimajun aanniarutiqaliqtun uqaudjauniaqtun hivajaqulugin hivajarvingmun naunaijaiffaarutikhamingnun ihivriurutigijakhainulluuniin.
Aanniaqtaaqtun qajangnaqtun hanianiihimajun ukuat inuit hanianiihimaqatigijatin malrungni ubluni naunaiqtautinnatit aanniarutiqaliqtumik nakuuhuiliharvingnilluuniin, kitulikaak hivulliujumun.
Naunaitkutit aannialihaktaaqtunun haniahiihimajanun ilagijait:
- Kinalikaak hanianiiqatigihimajatin malrungnin metres-nik amigaitqijaanin 15 minutes-nin ivjarutaittumik.
- Kinalikaak iglumiuqatigijan pulaaqhimajurluuniin hiniktaqhimajurluuniin iglungni malrungni ubluni nakuuhuiliqtinnatit naunaiqhimajulluuniin aanniarunmik ihivriuqtauvlutik.
- Kinalikaak havaqatigihimajat haniani.
- Kinalikaak atuqatigijat akhaluutimik taimaa ilvit tamaptikluuniin ivjarutiqangitkuvihi.
Naunaiqtauhimaguvin qajangnaqtumik hanianiihimajumik, avaliihimalutin qulini ubluni, qanurlikaak kapuqhiqhimaguvin kapuqhiqhimaitkuvinluuniin. Aaanniarutiniguvin, hivajarlutin hivajarvingmun hivunngani pitqujumajainun qanuq pijaami.
Kingullikpaak, uumanga havainirmin, tamaita Nunavunmiut qaangiutihimajun tallimanin ukiunin pittaarutiqaqtun malrungnik kapuqhiutikhanik Qalagjuarnirmun COVID-19 kapuutinik. Kangiqhidjutaa taimaa kapuutikhat piinnarialgin naavjakhugu 90 pusat inugiatilaaptingnun. Inuit tamaita pitqujatka uumunga pidjutikhamun. Kapuuta ikayuutiginiaqtavut talvamit QALAGAJUARNIQ COVID-19.
Quana.
Ilauyuq hapkununga Kavamatkunun Nunavunmi (GN) aghuurutait munarilugit Nunavunmiut qalagjuarnirmuin COVID-19, GNkut Havagviit atuliqtait hapkua:
Havagviat Munaqhiliqijikkut
Tamainun nutaanun kangiqhidjutinun ikayuutinunlu mighaagun COVID-19 Nunavunmi, hamungaulutin:
https://www.gov.nu.ca/health/information/covid-19-novel-coronavirus
Nutaanun kangiqhidjutinun haffumunga nutaanun inungnun aanniaqtailinirmun maligahat hamungaulutit:
https://www.gov.nu.ca/health/information/nunavuts-path
Kangiqhidjutinun qaijunun kapuqhirutighat hamungaulutit:
https://gov.nu.ca/health/information/covid-19-vaccination
QALAGYUARNITIGUT-19 aanniaqtunik qanurinmanggaat: Iidjirurvia 15, 2022
| Atauttimun ihivriuqtaujut | Attautimut naunaiqtauhimajut aannialaqihimajun | Attautimut aannialaqihimajun | Atauttimut nakuuhijut aanniaruiqtun | Tuqujut | Qaffiujun inuit kapuqtauhimajun atauhiinnarmik kapurutimik Nunavunmi | Qaffiujun inuit kapuqtauhimajun malruungnik kapurutinik Nunavunmi | Atauttimun inuit kapuqhiqhimayut pingahunik Nunavunmi | |
| 32,416 | 2263 | 352 | 1906 | 5 | 32860 | 27289 | 13182 |
QALAGYUARNIQ-19 nunallaami aanniaqtut qaffiutilaanggit: Iidjirurvia 15, 2022
| Nunallaaq |
Qalagyuarniq COVID-19 qanuriniit |
Ubluit | Inuit aanniarutiqaqtut ipaghaq (ATAUTIMUN) | Inuit aanniarutiqaqtut ipaghaq (ATAUTIMUN) | Aalangunirit ipaghamin (aanniaqtut) | Atautimun Naamakhiyut | Aalangunirit ipakhamin (aanniarutaiqhimaliktun) | Atauttimut Aulajut Aanniaqtut |
| Ikpiarjuk | Aulahimmaaqtut | Talvanga 2/12/2022 | 1 | 1 | 0 | 0 | 0 | 1 |
| Qausuittuq | Aulahimmaaqtut | Talvanga 2/8/2022 | 15 | 15 | 0 | 4 | 4 | 11 |
| Kugluktuk | Aulahimmaaqtut | Jaanuiali 23, 2022 | 18 | 18 | 0 | 18 | 2 | 0 |
|
Kimmirut |
Aulahimmaaqtut | Talvanga 1/22/2022 | 1 | 1 | 0 | 1 | 0 | 0 |
| Naujaat | Aulahimmaaqtut | Talvanga 1/15/2022 | 18 | 18 | 0 | 16 | 0 | 2 |
| Kugaaruk | Aulahimmaaqtut | Talvanga 1/14/2022 | 18 | 20 | 2 | 5 | 3 | 15 |
| Uqhuqtuuq | Aulahimmaaqtut | Talvanga 1/14/2022 | 5 | 5 | 0 | 5 | 0 | 0 |
| Taloyoak | Aulahimmaaqtut | Talvanga 1/11/2022 | 77 | 78 | 1 | 53 | 19 | 25 |
| Salliq |
Aulahimmaaqtut |
Talvanga 1/9/2022 | 56 | 56 | 0 | 47 | 4 | 9 |
| Tikirarjuaq | Aulahimmaaqtut | Talvanga 1/7/2022 | 20 | 20 | 0 | 19 | 0 | 0 |
| Sanikiluaq | Aulahimmaaqtut | Talvanga 1/4/2022 | 54 | 54 | 0 | 42 | 0 | 12 |
| Kinngait | Aulahimmaaqtut | Talvanga 1/2/2022 | 85 | 85 | 0 | 72 | 2 | 13 |
| Mittimatalik | Aulahimmaaqtut | Talvanga 1/1/2022 | 19 | 19 | 0 | 19 | 0 | 0 |
| Igluligaarjuk | Aulahimmaaqtut | Talvanga 1/1/2022 | 7 | 7 | 0 | 7 | 0 | 0 |
| Iqaluktuuttiaq | Aulahimmaaqtut | Talvanga 12/30/2021 | 123 | 123 | 0 | 108 | 9 | 15 |
| Igloolik | Aulahimmaaqtut |
Talvanga 12/29/2021 |
167 | 170 | 3 | 131 | 6 | 39 |
| Qamanittuaq | Aulahimmaaqtut | Talvanga 12/29/2021 | 104 | 104 | 0 | 92 | 11 | 12 |
|
Arviat |
Aulahimmaaqtut | Talvanga 12/29/2021 | 134 | 134 | 0 | 116 | 0 | 18 |
| Sanirajak | Aulahimmaaqtut |
Talvanga 12/29/2021 |
42 | 42 | 0 | 29 | 3 | 13 |
| Qikiqtarjuaq | Aulahimmaaqtut |
Talvanga 12/28/2021 |
13 | 13 | 0 | 13 | 3 | 0 |
| Kangiqliniq | Aulahimmaaqtut |
Talvanga 12/23/2021 |
158 | 160 | 2 | 115 | 10 | 45 |
| Pangnirtung | Aulahimmaaqtut |
Talvanga 12/23/2021 |
45 | 45 | 0 | 36 | 2 | 9 |
| Iqaluit | Aulahimmaaqtut | Talvanga 11/04/2021 | 381 | 402 | 21 | 289 | 76 | 113 |
| Atauttimun | 1560 | 1590 | 29 | 1237 | 154 | 352 |
*Ilihimalugu: Hapkua qaffiuniit aalanguqataaqtut. Aghut havaktauyut pihimajaangini hapkua kangiqhidjutit nutaanguqhimanirmun iniqtiqhugillu, kihimi pidjutiqangitut tamainun inungnun maliktut ihivriuqtaujuluuniin.
**Aulaarniaqtuq 17 Ubluqtuhirvia 2022mi, tutqighihimayut aanniarutiqaqtut ilaujut tapku pidjutigijait ihuaqhaqtauhimajut Nunavunmi aanniarutikkut naunaijautit. Una ilauyuq Qalagjuarniq COVID-19 aanniarutiqaqtun ihumagijauyut tutqighijauyuluuniin (PCR) ihumagijauyullu (qilamik) ihivriurutait.
***Tuuliivjangniaqtut uniudjutit tuniuhaiqdjutillu qanuriniit aanniarutiqaqtunin pihimajut Hivuraani Kanadap. 12 aannialaqihimayun iliturijaujut hilataani nunaptingnin ilaliutihimajun Nunavunmun. Ukuallu ilauyut pingahut huiqtut. Tamaitaungitut NU inuit qalagyuarnirmik COVID-19 iliturijauyut hilataani aviktuqhimajup ilauniaqtut hamunga Nunavunmun.
QALAGYUARNIQ COVID-19 kapuqhingnikkut qanurinmanggaat: Iidjirurvia 15, 2022
Naunaijautit/Kiqlighaillu:
Una kangiqhidjut tautungnaqtut qaffiuniit kapuqhiqtut nunallaani talvunga Iidjirurvia 15, 2022. Pusatnga kapuutaanik kapuqhiqhimajut kapuunmik aviktuqhugit imaa Nunavunmi inugiangnirit ituqniarutait hapkua 18nik avatqumajullu ukiungit.
Nunavunmi atautimun kapuqhiqhimajut ihuaqtut naitumi naunaijautini. Nunallaani aktilaangit naunaijautait ihivriuqtauliqtut pijaangini ihuaqtumik tunijaangini. Nunallaami atautimuutait ihuaqhaqtauniaqtut pijariaqaqata. Una pidjutiginiaqtaa mikijumik ihuaqhainirmun pusatingillu nunallatigut.
Kapuutit tunijauyut nunallaanun kitut munarijamingnun.
Atautit kapuutit tunijaujut ilaujut nunaqaqtut nunamiutaungitut inuit, ilaujut himautaujut havaktit.
Amigaitut nunallaani pidjutiqaqtut atautit kitut kapuqhiqtut malrungnik nunallaani, nunallaaniluniin nayugamingni.
Atauhiqlu kapuqhiqhimajuq atauhirmik/malrungnikluuniin kapuutinik hilataani inmi nunamingnin.
Una pidjutiqangituq inungnun kitut kapuqhiqhimayut ilanganik tamaanikluuniin aviktuqhimajumi.
Anginirhaq pusatinga atauhiup nunallaap aadjikiingitut hungiutivaktunun aanniarutinun. Piqangituq havaktauhimayumik naunaijaqhimayunikluuniin pusatinginik hunat hungiutivaktunun aanniarutinun qalagjuarnirmun COVID-19. Hunaungmanaat hungiutivaktunun aanniarutinun pijaulimaitpata tadjamin kapuqhirnirmun angirutit (imaa kapuuutighaqangitut nutaqqanun ataani ukiuqaqtut tualunik).
Pittaarvia:
Katitiriniqmut Kanata, Kitittiyit Havakviat, Taijauhimayut ihuaqhaidjutait. Upalun’ngaiyaqtaat hapkua: Nunavut Havagvia Kititirinirmun, Ubluqtuhivia 27, 2021.
Kapuutit amigaitilangit pihimajut uvanga Havagvianin Aanniaqtailinirmut Meditech auladjutainin.
Pittaaqtut inirnirit nunallaani naunaijaqhimayut qaffiuniit atautit 18min angajuhiillu hamanga 2020min inugianirit itqungniarutainin.
Nunallaat inugiangnirinun itqungniarutait"iniqtiqhimangitut" taimaali pihimangitut ilaujuni amigaiqjuuminirmun (inuujut, huiqtut, nuutiqtullu). Atuqtaujuqhat qajagilugit.
Avaliingaaqtut amigaitilaangit:
| Aullaaqtun Qanurittun | Pulaaqhimajut Avaliingaaqtitaujut uvanga Iidjirurvia-14 |
| Daaktiliaqtut | 73 |
| Inuit | 1 |
| EMTI | 2 |
| Havaktut | 0 |
| Atautimun | 76 |
Aullarhimajun utiqtun naunaijautaa:
| Aullarvikhaa Ublua | # Amigaitilaangit Aullaaqtun Avaliingaarvingnit Avaliingaaqtut |
| Iidjirurvia 15, 2022 | 8 |
| Iidjirurvia 16, 2022 | 3 |
| Iidjirurvia 17, 2022 | 7 |
| Iidjirurvia 18, 2022 | 0 |
| Iidjirurvia 19, 2022 | 3 |
| Total | 22 |
Ilinniaqtuliqijikkut Havagvia
Nutaat piliurningat ilihautikhanik/ kivgaqtuidjutikhangit:
K-12 Iliharviit
Uqaudjigijainun Atanilluaq Nunalaani Aanniaqtailinikkut Havaktia (CPHO), talvani Hivulliq, Iidjirurvia 21, 2022, Qamanittuaq, Iglulik, unalu Kinngait iliharviit angmarniaqtut taimaa 100 pusat amigaitilaanganun.
- Qamani’tuaq, Iglulik, unalu Kinngait iliharviit malingniaqtait tamaita aanniaqtailinirmun qajangnautinullu hivuragilutik maliklugit havagviup maliqujainik.
- Ilihaqtut havaktiillu itqaumatqujaujut atimalutik ivjarutinik iliharvingni ilihaqtuluuiin aghaluutaani.
Ilihalihaaqtut Nutaqqat Nutaqqiqiviillu
Uqaudjiutigijainun Atanilluaq Nunalaani Aanniaqtailinikkut Havaktia (CPHO), talvani Hivulliq, Iidjirurvia 21, 2022, Iglulik nutaqqiqiviit angmaqtaaqtun tamainnun nutaqqanun.
Aulahimaaqtun kivgaqtuutit:
K-12 Iliharviit
Uqaudjigijainun Atanilluaq Nunalaani Aanniaqtailinikkut Havaktia (CPHO), talvani Hivulliq, Iidjirurvia 21, 2022, Qamanittuaq, Iglulik, unalu Kinngait iliharviit angmarniaqtut taimaa 100 pusat amigaitilaanganun.
- Qamani’tuaq, Iglulik, unalu Kinngait iliharviit malingniaqtait tamaita aanniaqtailinirmun qajangnautinullu hivuragilutik maliklugit havagviup maliqujainik.
- Ilihaqtut havaktiillu itqaumatqujaujut atimalutik ivjarutinik iliharvingni ilihaqtuluuiin aghaluutaani.
Taloyoak pidjutingittut, tamaita aallat Nunavunmi iliharviit ammaffaangniaqtut ilihaqtunut talvani 50 pusan inuqarniatigut imaaluunniit 100 pusanmik inuqarniatigut, naunaiyautigilugu QALAGJUARNIQ COVID-19 qanurinmanggaatigut tamaita nunallaangginni.
- Iliharviit Iqaluktuuttiami Sanikiluarmilu angmaqtut imaa 50 pusat amigaitilaangit.
- Iliharviit tamaini aalat nunallaani angmaumajut 100 pusanmik amigaitilaangit.
- Iliharviit tuhaqtitiniaqtut ilihaqtunun ilainunlu mighaagun inmi qanuriniit ilihaidjutikullu.
- Angajuqaat nalugumik mighaagun inmi ilihaqtut ilihaidjutighaitigut, hivajaqlugit inmi ilihaqtut ilihaijiit.
MANILIQTUUTIT ILIHARIAQTUQTUNUT
Maniliqtuutit ilihariaqtuqtunut havagvia aulahimaaqtumik akiliqtuijut ilihaqtunun kitut tujuqhimayatik inmi FANS ilihaqtut Atiliurutinun Titiqqat (SEF). Nunavunmi Inirnirit Ilihaaqpaalirviit (NAC) ilihaqtut havangitait tuyuqtaghait inmi FANS SEF (unalu Ilanga A iniqtiqhimajuq) unalu inmi NAC tailiurutitik tutqighaqhimajut titiqqat ukununga FANSkut havagvianun.
Ilihaqtut utaqqiuqtuqhat 15ni havangnaqtuni ubluni ubluanin tjungniranun inmi pijariaqaqtut atiliurnirmun titiqqat hapkununga FANSkunun ubluanun takuniaqtait manikhatik ilijauyut maniqarviinun. Kinguani 15 havangnaqtut ublut pijaungitut manikhatik maniqarviinun, qaritauyakuuqtitilutik fans@gov.nu.ca ilitturipkaiyaami. Ilihaqtut ilaliutilugit aadjiliuqhimayut maniliqinirmun naunaitkutitik hamanga Ubluqtuhivia 1 ublumimun ublua.
Apirhuutit mighaanun FANS ikayuutaitigut tujuqlugit hamunga fans@gov.nu.ca. Ilihaqtut apirhuutiqaqtut mighaanun inmi FANSkutigut pijaarnirmun tingmidjutighatik ilituripkaqlugu fanstravel@gov.nu.ca kangiqhidjutinun. Ilihaqtut kitut ayuqhaqtut tingmitighatik aalanguqtirnirmun qaritaujakuuqtitilutik hamunga fanstravel@gov.nu.ca havangnaqtilugit ikaarnirit, havangnaiqaluuniin, hivajaqlugu 1-867-857-6950.
Ihuaqhaqtauhimayut kivgaqtuutit:
MANILIQTUUTIT ILIHARIAQTUQTUNUT
Havangnaitilugu FANSkut havagvia, imaatun nutaat ilihaidjutighat, kivgaqtuutit atugahat kiudjutinun qaritaujakuuqhimajut imaa 3-5 havangnaqtilugu ublut. Kiudjutait FANS havagvia nutaqiuniaqtut aulahimaarnirmun qalagjuarniq COVID-19 aanniarutiqaqtunun Arviani.
Hadja, FANSkut havaktiit havaliqtut ungahiktukkut, unalu hivajautaa FANSkut munarijaungituq. Uqarumaguvin FANSkut havaktiinun, qaritujakkut titiraqlutit ihuaqhariangani tkujaangini ukua fans@gov.nu.ca.
Nakuutqiaq uqaqvigijaami FANS kut qaritauyakuuqlugu hamunga fans@gov.nu.ca.
Umiqhimaniaqtun/Nutqaqtitauniaqtun/Taimaaqtitauyut ikayuutiqhat:
K-12 Iliharviit
Uqaudjaungmata CPHOmin, Iliharviit Taloyoami umiqhimaniaqtut ilihaqtunut havaktiinunlu.
- Iliharviit Taloyoami uqarvigiliqtain ilihaqtun angajuqqaangillu pidjutikhamun ahinin iliharnirmun.
Nunavunmiutat aanniaqtailidjutait atauttikkut uvagut munarijaqhavut! Itqaumalugu: uaqlugit algatit, kapuqhirlutin, un’ngahiqtilaaqarlutit inungnit, naalaqlugit uqautigijait munaqhiliqiiyini havaktiit, aihimalutinlu aanniaruvit.