ᓯᕗᓕᖅᑎᒥᑦ ᑐᓴᒐᒃᓴᑦ:
ᐅᓪᓛᒃᑯᑦ,
ᐃᓐᓇᐃᓪᓗ ᑕᐅᑐᒃᑐᑦ ᑐᙵᓱᑦᑎᐊᖁᕙᒃᑲ.
ᐅᓪᓛᖑᔪᖅ ᓄᓇᕗᒻᒥ 352−ᓂ ᓄᕙᒡᔪᐊᕐᓇᖅ-19−ᖃᖅᑐᖃᓕᖅᑐᖅ.
16−ᓂᑦ ᓄᓇᓕᖕᓂ ᓄᕙᕐᔪᐊᕐᓇᖅᑐᓕᒃ−ᐅᑯᐊ ᐅᓄᕐᓂᖏᑦ:
- ᐊᑕᐅᓯᖅ ᐃᒃᐱᐊᕐᔪᖕᒥ
- 18 ᐊᕐᕕᐊᓂ,
- ᖁᓕᓪᓗ ᒪᕐᕉᒃ ᖃᒪᓂ'ᑐᐊᕐᒥ,
- ᖁᓕᓪᓗ ᑕᓪᓕᒪᑦ ᐃᖃᓗᒃᑑᑦᑎᐊᒥ,
- ᐃᒡᓗᓕᒑᕐᔪᖕᒥ ᐱᑕᖃᙱᑦᑐᖅ,
- 9 ᓴᓪᓕᕐᒥ,
- 39 ᐃᒡᓗᓕᖕᒥ
- 113 ᐃᖃᓗᖕᓂ,
- ᐅᖅᓱᖅᑑᕐᒥ ᐱᑕᖃᙱᑐᖅ,
- ᑭᒻᒥᕈᒻᒥ ᐱᑕᖃᙱᑦᑐᖅ
- ᖁᓕᓪᓗ ᐱᖓᓱᑦ ᑭᙵᕐᓂ,
- ᖁᓕᓪᓗ ᑕᓪᓕᒪᑦ ᑰᒑᕐᔪᖕᒥ,
- ᖁᕐᓗᖅᑐᕐᒥ ᐱᑕᖃᙱᑦᑐᖅ
- ᒪᕐᕉᒃ ᓇᐅᔮᓂ,
- 9 ᐸᓐᓂᖅᑑᒥ,
- ᒥᑦᑎᒪᑕᓕᖕᒥ ᐱᑕᖃᙱᑦᑐᖅ,
- ᕿᑭᖅᑕᕐᔪᐊᕐᒥ ᐱᑕᖃᙱᑦᑐᖅ,
- 45 ᑲᖏᖅᖠᓂᕐᒥ,
- ᖁᓕᓪᓗ ᐊᑕᐅᓯᖅ ᖃᐅᓱᐃᑦᑐᒥ
- ᖁᓕᓪᓗ ᐱᖓᓱᑦ ᓴᓂᕋᔭᖕᒥᑦ,
- ᖁᓕᓪᓗ ᒪᕐᕉᒃ ᓴᓂᑭᓗᐊᕐᒥ,
- ᐊᕙᑎᓪᓗ ᑕᓪᓕᒪᑦ ᑕᓗᕐᔪᐊᕐᒥ, ᐊᒻᒪ
- ᑎᑭᕋᕐᔪᐊᕐᒥ ᐱᑕᖃᙱᑦᑐᖅ.
ᐅᓪᓗᒥ 154−ᓂᑦ ᐱᔪᓐᓃᖅᓯᒪᔪᖃᓕᖅᑐᖅ. 1,237−ᓂᑦ ᐅᖃᐅᓯᐅᓯᒪᔪᓂᑦ ᐊᓂᒍᐃᓯᒪᓕᖅᑐᑦ ᑕᒪᑐᒪᓂ ᓯᐊᒻᒪᒃᓯᒪᔪᒥᑦ.
ᕕᕝᕗᐊᕆ 10−ᒥ ᐱᒋᐊᖅᖢᓂ, ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᑐᓂᐅᖅᑲᐃᓕᓚᐅᖅᐳᑦ ᓱᒃᑲᔪᒥᒃ ᖃᐅᔨᓴᕈᑎᒥᒃ ᓇᖕᒥᓂᓕᖕᓄᑦ ᐱᔨᑦᑎᕋᕆᐊᖃᓪᓚᕆᒃᑐᓄᑦ ᐃᖃᓗᖕᓂ. ᓱᒃᑲᔪᒥᒃ ᖃᐅᔨᓴᕈᑎᓂᑦ ᑐᓂᐅᖅᑲᐃᓯᒋᐊᓚᐅᖅᐳᑦ ᐱᔭᕆᐊᖃᓪᓚᕆᒃᑐᓄᑦ ᓇᖕᒥᓂᓕᑦ ᐃᖅᑲᓇᐃᔭᖅᑎᖏᓐᓄᑦ ᐊᓯᓕᒫᖏᓐᓂ ᓄᓇᕗᒻᒥ ᓄᓇᓕᖏᓐᓂ ᐱᓇᓱᐊᕈᓯᐅᑉ ᓄᙳᐊᓂ ᑕᒪᑐᒪᓂᓗ ᐱᓇᓱᐊᕈᓯᕐᒥ ᑲᔪᓯᓂᐊᖅᖢᑎᒃ.
ᓇᖕᒥᓂᓖᑦ ᐱᔨᑦᑎᕋᕆᐊᖃᓪᓚᕆᒃᑐᑦ ᐅᑯᐊ ᓱᒃᑲᔪᒥᒃ ᖃᐅᔨᓴᕈᑎᒥᒃ ᐱᑎᑕᐅᓂᐊᖅᑐᑦ:
- ᑖᒃᓰᑦ.
- ᓂᐅᕕᕐᕕᖕᓂ ᐃᖅᑲᓇᐃᔭᖅᑏᑦ.
- ᑐᐊᕕᕐᓇᖅᑐᓄᑦ ᐃᒡᓗᒋᔭᐅᔪᓂᑦ ᓱᕋᒃᓯᒪᔪᓕᕆᔨᑦ ᐃᖅᑲᓇᐃᔭᖅᑎᖏᑦ.
- ᓂᕿᓕᕆᕝᕕᑦ ᐃᖃᓗᓕᕆᕝᕕᓪᓗ ᐃᖅᑲᓇᐃᔭᖅᑎᖏᑦ.
- ᐅᓯᑲᖅᑕᖅᑎᑦ ᐊᐅᓚᑦᑎᔨᖏᑦ.
- ᒥᑦᑕᕐᕕᓕᕆᔨᑦ.
ᐱᓇᓱᐊᕈᓯᕐᓂ ᐊᒡᒋᖅᑐᓂᑦ ᓱᒃᑲᔪᒥᒃ ᖃᐅᔨᓴᕈᑎᓂᒃ ᐱᑎᑕᐅᒃᑲᓐᓂᕈᑦᑕ ᑲᓇᑕᐅᑉ ᒐᕙᒪᒃᑯᖏᓐᓂ, ᑐᓂᐅᖅᑲᐃᒃᑲᓐᓂᓛᖅᐳᒍᑦ ᓇᖕᒥᓂᖃᖅᑎᓕᒫᓄᑦ ᐱᔪᒪᔪᓂᑦ.
ᓱᓕᒃᑲᓐᓂᖅ, ᓄᓇᕗᒻᒥᐅᑦ ᐃᖅᑲᐃᓯᔪᒪᕙᒃᑲ ᓄᕙᕐᔪᐊᕐᓇᖅ-19−ᒧᑦ ᐃᑲᔫᑎᒃᓴᐃᑦ ᐊᑐᐃᓐᓇᐅᕗᑦ. ᖃᓂᒪᑲᑕᓕᕈᕕᑦ ᓲᕐᓗ ᑲᒃᑭᓕᑲᑕᒡᓗᑎᑦ, ᖁᐃᖅᓱᑲᑕᒡᓗᑎᑦ, ᐃᒡᒋᐊᕐᓗᒡᓗᑎᑦ, ᐆᓇᑲᑕᒡᓗᑎᑦ, ᐅᕝᕙᓘᓐᓃᑦ ᐊᓂᖅᑎᕆᑦᑎᐊᑲᑕᙱᓪᓗᑎᑦ −ᐅᖃᓗᒋᑦ ᓄᕙᒡᔪᐊᕐᓇᒧᑦ ᐅᖄᓚᐅᑎᖓᓄᑦ 1-888-975-8601.
ᐊᓂᑦᑕᐃᓕᔭᕆᐊᖃᕈᕕᑦ ᓄᕙᕐᔪᐊᕐᓇᖅ-19 ᐱᔾᔪᑎᒋᓪᓗᒍ, 1-888-902-0872−ᒧᑦ ᐅᖄᓚᔪᓐᓇᖅᑐᑎᑦ ᐃᕐᖐᓐᓈᖅᑕᐅᒃᑯᓪᓘᓐᓃᑦ ᑎᑎᕋᕐᓗᑎᑦ isolationsupports@gov.nu.ca−ᒧᑦ ᓄᓇᕗᑦ ᒐᕙᒪᒃᑯᑦ ᐊᓂᑦᑕᐃᓕᔪᓄᑦ ᓂᕆᔭᒃᓴᖅᑖᕈᒪᒍᕕᑦ.
ᑕᐃᒃᑯᐊ ᐊᐅᓪᓚᕐᓂᐊᖅᑐᑦ ᐊᐱᖅᑯᑎᒃᓴᖃᖅᑐᑦ ᓄᓇᕗᑦ ᒐᕙᒪᒃᑯᑦ ᐊᐅᓪᓚᕐᓂᐊᖅᑐᓄᑦ ᐅᖄᓚᕝᕕᒃᓴᖓᓄᑦ ᐊᑭᖃᙱᑦᑐᒧᑦ ᐅᖄᓚᓗᑎᒃ 1-833-524-0735−ᒧᑦ.
ᐊᑏ ᑲᐱᔭᐅᓂᐊᖅᐳᓯ ᐱᖓᔪᖓᓂᓪᓗ ᑲᐱᔭᐅᓗᓯ. ᖃᐅᔨᒪᔪᐃᓐᓇᐅᔪᒍᑦ ᐅᕙᑦᑎᓐᓂ, ᐃᓐᓇᑦᑎᓐᓂ, ᕿᑐᕐᙵᑦᑎᓐᓂ ᐊᒻᒪ ᓄᓇᖅᑲᑎᑦᑎᓐᓂ ᓴᐳᔾᔨᓯᒪᔪᓐᓇᕋᑦᑕ ᑲᐱᔭᐅᓂᒃᑯᑦ.
ᑕᐃᒪᙵᓕᒫᖅ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᓐᓂᒃ ᒪᓖᓐᓇᕐᓗᓯ.
- ᐊᖏᕐᕋᖅᓯᒪᕙᒡᓗᑎᑦ ᐊᔪᕐᓇᙱᑦᑕᕌᖓᑦ.
- ᐃᓄᑮᓐᓇᖅᐸᒡᓗᓯ.
- ᒪᑐᐊᖅᓯᒪᓗᑎᑦ.
ᖁᔭᓐᓇᒦᒃ.
ᒥᓂᔅᑕ ᒪᓕᒐᓕᕆᔨᒃᑯᓐᓄᑦ ᑐᓴᒐᒃᓴᖏᑦ:
ᐅᓪᓛᒃᑯᑦ. ᑐᓴᖅᑎᑦᑎᔪᒪᕗᖓ ᑎᒍᔭᐅᓯᒪᕝᕕᖕᒥ ᒪᒥᓴᕐᕕᖕᓂ. ᐱᖓᓱᑦ ᑎᒍᔭᐅᓯᒪᕝᕖᑦ ᐊᒃᑐᖅᑕᐅᓯᒪᓕᕐᒪᑕ ᓄᕙᕐᔪᐊᕐᓇᖅ-19−ᒧᑦ.
ᐋᖅᑭᒋᐊᕐᕕᒃ ᒪᒥᓴᕐᕕᒃ 8−ᓂᒃ ᓄᕙᕐᔪᐊᖅᑐᖃᖅᐳᖅ 79−ᓗ ᐱᔪᓐᓃᖅᓯᒪᓕᖅᖢᑎᒃ ᑕᐃᑲᓃᑦᑐᑦ ᐃᖅᑲᓇᐃᔭᖅᑎᖏᓪᓗ.
ᑲᖏᖅᖠᓂᕐᒥ ᒪᒥᓴᕐᕕᒃ ᐊᒻᒪ ᐊᕐᓇᐃᑦ ᑎᒍᔭᐅᓯᒪᕝᕕᖓᓂ ᐃᖅᑲᓇᐃᔭᖅᑏᑦ ᐊᒃᑐᖅᑕᐅᓯᒪᓕᖅᐳᑦ ᒪᕐᕉᖕᓂᒃ ᓄᕙᕐᔪᐊᖅᑐᖃᓕᖅᖢᓂ ᒪᕐᕉᖕᓂᓪᓗ ᐱᔪᓐᓃᖅᓯᒪᔪᖃᓕᖅᖢᓂ ᒫᓐᓇᒧᑦ ᑎᑭᖦᖢᒍ.
ᐱᕕᖃᕈᒪᕗᖓ ᑐᒃᓯᕋᕈᒪᓪᓗᖓ ᑭᓇᑐᐃᓐᓇᕐᒥᒃ ᑎᒍᔭᐅᓯᒪᕝᕕᖕᒥ ᐃᓕᓐᓂᐊᖅᓯᒪᔪᒥᒃ ᐃᖅᑲᓇᐃᔮᒃᓴᓂᒃ ᒪᑐᐃᖓᔪᖃᓕᕐᒪᑦ ᑎᒍᔭᐅᓯᒪᕝᕕᖕᓂ ᐅᖄᓚᖁᓪᓗᒋᓪᓗ 867-979-8120−ᒧᑦ ᐅᕙᑦᑎᓐᓂ ᐃᖅᑲᓇᐃᔭᖃᑕᐅᔪᒪᔪᑦ.
ᖁᔭᓐᓇᒦᒃ.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᑐᓴᒐᒃᓴᖏᑦ:
ᐅᓪᓛᒃᑯᑦ,
ᐊᐃᑦᑐᕐᓗᐃᖃᑦᑕᐅᑎᔪᑦ ᖃᐅᔨᓴᓚᐅᖅᖢᒋᑦ ᓄᓇᕘᓕᒫᒥ, ᐋᓐᓂᐊᖃᕐᓇᙱᑦᑐᓕᕆᔨᑦ ᒪᓕᒃᑕᐅᖁᔭᖏᑦ ᐊᑐᓗᐊᕈᓐᓃᖅᐸᓪᓕᐊᓂᐊᓕᖅᐳᑦ ᓄᓇᓕᖕᓂ ᐅᓄᖅᑐᓂᑦ ᐃᓄᒋᐊᖕᓂᖅᓴᐅᔪᓐᓇᖁᓪᓗᒋᑦ ᐃᓄᐃᑦ ᑲᑎᖃᑦᑕᖅᑐᑦ ᐊᒻᒪ ᐳᓛᖅᑕᐅᔪᓐᓇᕐᓂᖅᓴᐅᓕᕐᓗᑎᒃ ᐊᖏᕐᕋᒥᓂ. ᓂᕆᕝᕖᑦ ᐱᔪᓐᓇᐅᑎᖃᖅᑐᓪᓗ ᓇᖕᒥᓂᓖᑦ ᒪᑐᐃᕈᓐᓇᖅᓯᔪᑦ ᐃᓄᒋᐊᓗᐊᙱᓪᓗᑎᒃ. ᐊᓯᔾᔨᖅᑕᐅᔪᑦ ᐊᑐᓕᕐᓂᐊᖅᐳᑦ ᕕᕝᕗᐊᕆ 21−ᒥ.
ᑕᕝᕙᓂᑦᑕᐃᓐᓇᖅ ᐅᓪᓗᕐᒥ, ᐃᒡᓗᓕᖕᒥ ᒪᓕᒃᑕᐅᖁᔭᐅᔪᑦ ᐊᑐᓗᐊᕈᓐᓃᕐᓂᐊᕆᕗᑦ, ᐳᓛᕈᓐᓇᖅᓯᓗᑎᒃ ᐃᒡᓗᓄᑦ.
ᓄᓇᓕᖕᓂ ᐊᐃᑦᑐᕐᓗᐃᖃᑦᑕᐅᑎᔪᑦ ᓄᕙᕐᔪᐊᕐᓇᖅ-19−ᒥ ᓱᓕ ᐃᓱᒫᓘᑕᐅᓂᖏᓐᓄᑦ, ᐃᒃᐱᐊᕐᔪᖕᒥ, ᐸᓐᓂᖅᑑᒥ, ᐃᖃᓗᖕᓂ, ᑲᖏᖅᖠᓂᕐᒥ, ᓴᓪᓕᕐᓂ, ᓴᓂᑭᓗᐊᕐᒥ, ᐃᖃᓗᒃᑑᑦᑎᐊᒥ, ᑰᒑᕐᔪᖕᒥ, ᖃᐅᓱᐃᑦᑐᒥ, ᑕᓗᕐᔪᐊᕐᒥᓗ ᒪᓕᒃᑕᐅᖁᔭᐅᔪᑦ ᓱᓕ ᑕᐃᒪᐃᓕᖓᓂᐊᖅᑐᑦ.
ᓇᓗᓇᐃᔭᖅᓯᒪᒃᑲᓐᓂᖅᑐᑦ ᒫᓐᓇ ᑭᒡᓕᒋᑎᑕᐅᔪᑦ ᒥᒃᓵᓄᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᓂ ᐊᑐᐃᓐᓇᐅᓕᕐᓂᐊᖅᐳᑦ ᐅᕙᓂ www.gov.nu.ca.
ᐊᓯᔾᔩᖕᒥᔪᒍᑦ ᖃᓂᒋᔭᐅᔪᕕᓂᕐᓂᒃ ᖃᐅᔨᓴᕈᑎᒋᖃᑦᑕᖅᑕᑦᑎᓐᓂ ᐊᑐᑦᑎᐊᒃᑲᓐᓂᖁᓪᓗᒋᑦ ᐋᓐᓂᐊᖅᑐᓕᕆᔨᑦ ᐊᑐᒐᒃᓴᖏᓐᓂᒃ.
ᓄᕙᒡᔪᐊᕐᓇᖅ-19 ᖃᓄᐃᓕᖓᓂᖓ ᓄᓇᓕᖕᓂ ᒪᓕᒡᓗᒍ, ᐃᓄᐃᑦ ᓄᕙᒡᔪᐊᕐᓇᖅ-19−ᖃᕐᓂᕋᖅᑕᐅᔪᑦ, ᖃᔅᓯᑲᓪᓚᖕᓂᑦ, ᓇᓗᓇᐃᖅᓯᖃᑦᑕᖁᔭᐅᓂᐊᖅᐳᑦ ᓇᖕᒥᓂᖅ ᐊᑦᑕᕐᓇᖅᑐᒥᒃ ᖃᓂᒃᓴᓚᐅᕐᓂᕈᓂ ᓄᕙᕐᔪᐊᕐᓇᖅ-19−ᓕᖕᒥᑦ; ᐊᒻᒪᓗ ᖃᓂᒃᓴᓚᐅᖅᑐᑦ ᖃᓂᒪᑲᑕᓕᖅᑐᑦ ᑭᓯᐊᓂ ᐅᖄᓚᖁᔭᐅᓂᐊᖅᐳᑦ ᓄᕙᕐᔪᐊᕐᓇᖅ-19 ᐅᖄᓚᕝᕕᖓᓄᑦ ᖃᐅᔨᓴᖅᑕᐅᒃᑲᓐᓂᕐᓂᐊᕐᒪᑦ.
ᐊᑦᑕᕐᓇᖅᑐᒥᒃ ᖃᓂᒃᓴᓚᐅᖅᑐᑦ ᐃᓄᐃᑦ ᖃᓂᒃᓴᓚᐅᕐᓂᕈᑎᒃ ᐅᓪᓘ ᒪᕐᕉᒃ ᖃᐅᔨᓴᖅᑕᐅᔾᔪᑏᑦ ᐱᖃᕐᓂᕋᖅᑕᐅᓚᐅᙱᑎᓪᓗᒍ ᐅᕝᕙᓘᓐᓃᑦ ᖃᓂᒻᒪᒃᐸᓪᓕᐊᓕᖅᑎᓪᓗᑎᑦ, ᓇᓕᐊᑐᐃᓐᓇᖅ ᓯᕗᓪᓕᐅᔪᖅ.
ᐅᑯᐊ ᐊᑦᑕᕐᓇᖅᑐᒥᒃ ᖃᓂᒃᓴᕐᓂᕋᖅᑕᐅᔪᑦ:
- ᑭᓇᑐᐃᓐᓇᖅ 2 ᒦᑕ ᑐᖔᓂ ᖃᓂᒃᓴᓚᐅᕈᓂ 15 ᒥᓂᑦᔅ ᐅᖓᑖᓂ ᒪᑐᐊᖅᓯᒪᙱᓪᓗᓂ.
- ᑭᓇᑐᐃᓐᓇᖅ ᐃᒡᓗᒥᐅᖃᑏᑦ ᐳᓛᕆᐊᓚᐅᖅᑐᕐᓘᓐᓃᑦ ᓯᓂᒃᑕᓚᐅᖅᑐᕐᓘᓐᓃᑦ ᐃᒡᓗᔅᓯᓐᓂ ᐅᓪᓘ ᒪᕐᕉᒃ ᖃᓂᒻᒪᓚᐅᙱᑎᓪᓗᑎᑦ ᐅᕝᕙᓘᓐᓃᑦ ᖃᐅᔨᓴᖅᑕᐅᔾᔪᑎᖕᓂ ᐱᖃᓐᓂᕋᖅᑕᐅᑎᓪᓗᑎᑦ.
- ᑭᓇᑐᐃᓐᓇᖅ ᐱᓕᕆᖃᑎᒋᖃᑦᑕᖅᑕᐃᑦ ᖃᓂᒋᓪᓗᒍ.
- ᑭᓇᑐᐃᓐᓇᖅ ᐃᖏᕐᕋᔾᔪᑎᒃᑰᖃᑎᒋᓚᐅᖅᑕᐃᑦ ᐱᖃᑖ ᑕᒪᔅᓯᓘᓐᓃᑦ ᒪᑐᐊᖅᓯᒪᙱᖦᖢᓯ.
ᓇᓗᓇᐃᖅᑕᐅᒍᕕᑦ ᐊᑦᑕᕐᓇᖅᑐᒥᒃ ᖃᓂᒃᓴᕐᓂᕋᖅᑕᐅᓗᑎᑦ, ᐅᓪᓗᓄᑦ ᖁᓕᓄᑦ ᐊᓂᑦᑕᐃᓕᓕᕐᓂᐊᖅᐳᑎᑦ ᑲᐱᔭᐅᓯᒪᒐᓗᐊᕈᕕᑦ ᑲᐱᔭᐅᓯᒪᙱᒃᑲᓗᐊᕈᕕᑦ. ᖃᓂᒪᑲᑕᓕᕈᕕᑦ, ᓄᕙᕐᔪᐊᕐᓇᒧᑦ ᐅᖄᓚᕝᕕᖕᒧᑦ ᐅᖄᓚᓗᑎᑦ ᐊᔪᕆᖅᓲᔾᔭᐅᒃᑲᓐᓂᕐᓂᐊᕋᕕᑦ.
ᑭᖑᓪᓕᖅᐹᒥ, ᑕᒪᑐᒪᓂ ᐱᓇᓱᐊᕈᓯᕐᒥ ᐱᒋᐊᕐᖢᓂ, ᓄᓇᕗᒻᒥᐅᓕᒫᑦ ᑕᓪᓕᒪᑦ ᐅᖓᑖᓂ ᐅᑭᐅᓖᑦ ᒪᕐᕉᖕᓂᒃ ᓄᕙᕐᔪᐊᕐᓇᖅ-19 ᑲᐴᑎᒧᑦ ᑲᐱᔭᐅᔪᓐᓇᕐᓂᐊᖅᐳᑦ. ᐃᒪᐃᓕᖓᓂᐊᖅᐳᖅ ᑲᐴᑎ 90−ᐳᓴᓐᑲᓴᑦᑎᐊᓄᑦ ᐃᓄᖕᓄᑦ ᐊᑐᐃᓐᓇᐅᓂᐊᖅᐳᖅ. ᑭᒃᑯᑐᐃᓐᓇᑦᑎᐊᖅ ᑎᓕᐅᖅᐸᒃᑲ ᑲᐱᔭᐅᖁᓪᓗᒋᑦ. ᐋᓐᓂᐊᓕᕇᒃᑯᑎ ᓴᐳᔾᔨᔾᔪᑎᑦᑎᐊᕙᐅᓛᖑᕗᖅ ᓄᕙᒡᔪᐊᕐᓇᖅ-19−ᒧᑦ.
ᖁᔭᓐᓇᒦᒃ.
ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓄᓇᕗᒥᐅᓂᒃ ᓴᐳᔾᔨᓯᒪᓇᓱᒃᖢᑎᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐅᑯᓂᖓ ᐊᑐᓕᖅᑎᑦᑎᕗᑦ:
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᖅᑎᖏᑦ
ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᓄᕙᒡᔪᐊᕐᓇᖅ-19 ᒥᒃᓵᓄᑦ ᓄᓇᕗᒻᒥ, ᐅᕗᙵᕐᓗᑎᑦ:
https://www.gov.nu.ca/health/information/covid-19-novel-coronavirus
ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ:
https://www.gov.nu.ca/health/information/nunavuts-path
ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᖅᑐᓂᑦ ᐅᕗᙵᕐᓗᑎᑦ:
https://gov.nu.ca/health/information/covid-19-vaccination
ᓄᕙᕐᔪᐊᕐᓇᖅ-19−ᒥ ᑭᒡᓕᓯᓂᐊᖅᑕᐅᓯᒪᔪᑦ: ᕕᕝᕗᐊᕆ 15, 2022
| ᑲᑎᖦᖢᒋᑦ ᖃᐅᔨᓴᖅᑕᐅᓯᒪᔪᑦ | ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ | ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ | ᑲᑎᖦᖢᒋᑦ ᐊᓂᒍᐃᓯᒪᔪᑦ | ᐃᓅᔪᓐᓃᖅᑐᑦ | ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᓯᕗᓪᓕᖅᐹᖓᓐᓂᑦ ᓄᓇᕗᒻᒥ | ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᒪᕐᕉᓐᓂᒃ ᓄᓇᕗᒻᒥ | ᑲᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᐱᖓᓱᓂᑦ ᓄᓇᕗᒻᒥ |
| 32,416 | 2263 | 352 | 1906 | 5 | 32860 | 27289 | 13182 |
ᓄᕙᒡᔪᐊᕐᓇᖅ-19−ᒧᑦ ᓄᓇᓕᖕᓂ ᖃᓂᒻᒪᒃᑐᑦ ᑭᒡᓕᓯᓂᐊᖅᑕᐅᓯᒪᔪᑦ: ᕕᕝᕗᐊᕆ 3, 2022
| ᓄᓇᓕᒃ | ᓄᕙᒡᔪᐊᕐᓇᖅ-19 ᖃᓄᐃᓕᖓᓂᖓ | ᖃᖓᒃᑯᑦ | ᑭᒃᑯᑐᐃᓐᓇᐃᑦ ᓇᐃᓴᖅᑕᐅᓯᒪᔪᑦ ᐃᑉᐸᒃᓴᖅ (ᑲᑎᖦᖢᒋᑦ) |
ᑭᒃᑯᑐᐃᓐᓇᐃᑦ ᓇᐃᓴᖅᑕᐅᓯᒪᔪᑦ ᐅᓪᓗᒥ (ᑲᑎᖦᖢᒋᑦ) |
ᐊᓯᔾᔨᕐᑐᑦ ᐃᑉᐸᒃᓴᕐᓂᑦ (ᐱᖃᖅᑐᑦ) | ᑲᑎᖦᖢᒋᑦ ᖃᓄᐃᑦᑐᓐᓃᖅᑐᑦ |
ᐊᓯᔾᔨᖅᑐᑦ ᐃᑉᐸᒃᓴᕐᓂᑦ (ᐱᖃᖅᑐᑦ) |
ᑲᑎᖦᖢᒋᑦ ᐱᖃᕐᓂᖏᑦ |
| ᐃᒃᐱᐊᕐᔪᒃ | ᐱᓕᕆᐊᖑᐃᓐᓇᖅᑐᖅ | ᕕᕝᕗᐊᕆ 12, 2022 | 1 | 1 | 0 | 0 | 0 | 1 |
| ᖃᐅᓱᐃᑦᑐᖅ | ᐱᓕᕆᐊᖑᐃᓐᓇᖅᑐᖅ | ᕕᕝᕗᐊᕆ 8, 2022 | 15 | 15 | 0 | 4 | 4 | 11 |
|
ᖁᕐᓗᖅᑐᖅ |
ᐱᓕᕆᐊᖑᐃᓐᓇᖅᑐᖅ | ᑕᐃᒪᙵᓂ 23 ᔭᓄᐊᕆ 2022−ᒥ | 18 | 18 | 0 | 18 | 2 | 0 |
|
ᑭᒻᒥᕈᑦ |
ᐱᓕᕆᐊᖑᐃᓐᓇᖅᑐᖅ | ᑕᐃᒪᙵᓂ 22 ᔭᓄᐊᕆ 2022−ᒥ | 1 | 1 | 0 | 1 | 0 | 0 |
| ᓇᐅᔮᑦ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 15 ᔭᓄᐊᕆ 2022−ᒥ | 18 | 18 | 0 | 16 | 0 | 2 |
| ᑰᒑᔪᒃ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 14 ᔭᓄᐊᕆ 2022−ᒥ | 18 | 20 | 2 | 5 | 3 | 15 |
| ᐅᖅᓱᖅᑑᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 14 ᔭᓄᐊᕆ 2022−ᒥ | 5 | 5 | 0 | 5 | 0 | 0 |
| ᑕᓗᕐᔪᐊᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 11 ᔭᓄᐊᕆ 2022−ᒥ | 77 | 78 | 1 | 53 | 19 | 25 |
| ᓴᓪᓕᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 9 ᔭᓄᐊᕆ 2022−ᒥ | 56 | 56 | 0 | 47 | 4 | 9 |
| ᑎᑭᕋᕐᔪᐊᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 7 ᔭᓄᐊᕆ 2022−ᒥ | 20 | 20 | 0 | 19 | 0 | 0 |
| ᓴᓂᑭᓗᐊᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 4 ᔭᓄᐊᕆ 2022−ᒥ | 54 | 54 | 0 | 42 | 0 | 12 |
| ᑭᙵᐃᑦ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 1 ᔭᓄᐊᕆ 2022−ᒥ | 85 | 85 | 0 | 72 | 2 | 13 |
| ᒥᑦᑎᒪᑕᓕᒃ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 1 ᔭᓄᐊᕆ 2022−ᒥ | 19 | 19 | 0 | 19 | 0 | 0 |
| ᐃᒡᓗᓕᒑᕐᔪᒃ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 1 ᔭᓄᐊᕆ 2022−ᒥ | 7 | 7 | 0 | 7 | 0 | 0 |
| ᐃᖃᓗᒃᑑᑦᑎᐊᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 30-ᑎᓯᐱᕆ | 123 | 123 | 0 | 108 | 9 | 15 |
| ᐃᒡᓗᓕᒃ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 29-ᑎᓯᐱᕆ | 167 | 170 | 3 | 131 | 6 | 39 |
| ᖃᒪᓂ'ᑐᐊᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 29-ᑎᓯᐱᕆ | 104 | 104 | 0 | 92 | 11 | 12 |
| ᐊᕐᕕᐊᑦ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 29-ᑎᓯᐱᕆ | 134 | 134 | 0 | 116 | 0 | 18 |
| ᓴᓂᕋᔭᒃ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 29-ᑎᓯᐱᕆ | 42 | 42 | 0 | 29 | 3 | 13 |
| ᕿᑭᖅᑕᕐᔪᐊᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 28-ᑎᓯᐱᕆ | 13 | 13 | 0 | 13 | 3 | 0 |
| ᑲᖏᖅᖠᓂᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 23-ᑎᓯᐱᕆ | 158 | 160 | 2 | 115 | 10 | 45 |
| ᐸᓐᓂᖅᑑᖅ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 23-ᑎᓯᐱᕆ | 45 | 45 | 0 | 36 | 2 | 9 |
| ᐃᖃᓗᐃᑦ |
ᐱᓕᕆᐊᖑᐃᓐᓇᖅᑐᖅ |
ᑕᐃᒪᙵᓂ 04-ᓄᕕᐱᕆ | 381 | 402 | 21 | 289 | 76 | 113 |
| ᑲᑎᖦᖢᒋᑦ | 1560 | 1590 | 29 | 1237 | 154 | 352 |
*ᖃᐅᔨᒪᖁᔭᐅᕗᑎᑦ: ᖃᔅᓯᐅᓂᖏᑦ ᐊᓯᔾᔨᖅᑕᖃᑦᑕᖅᐳᑦ. ᖃᓄᑐᐃᓐᓇᓕᒫᑦᑎᐊᖅ ᐱᓇᔪᖃᑦᑕᖅᐳᑦ ᑖᒃᑯᐊ ᑐᓴᒐᒃᓴᐃᑦ ᓄᑖᖑᐃᓐᓇᖁᓪᓗᒋᑦ ᐱᐊᓂᑦᑎᐊᖅᓯᒪᖁᓪᓗᒋᓪᓗ, ᑭᓯᐊᓂ ᑕᒪᐃᓂᒃ ᐃᓄᖕᓂᒃ ᓴᖅᑭᑎᑦᑎᙱᑐᐃᓐᓇᕆᐊᓕᒃ ᒪᓕᒃᑕᐅᔪᓂᑦ ᖃᐅᔨᓴᖅᑕᐅᓯᒪᔪᓂᓪᓗᓐᓂᑦ.
**ᔮᓄᐊᕆ 17, 2022−ᒥ ᐱᒋᐊᕐᓗᓂ, ᓇᓗᓇᐃᖅᑕᐅᔪᑦ ᓄᕙᕐᔪᐊᕐᓂᕋᖅᑕᐅᓪᓗᑎᒃ ᐱᖃᓯᐅᔾᔨᕗᑦ ᑕᐃᒃᑯᐊ ᒪᓕᒃᑐᑦ ᐋᖅᑭᒋᐊᖅᓯᒪᔪᓂᑦ ᓄᓇᕗᒻᒥ ᐱᖃᕐᓂᕋᖅᑕᐅᔪᑦ ᑐᑭᖏᓐᓂ. ᐅᑯᐊ ᐱᖃᓯᐅᑎᓪᓗᒋᑦ ᓄᕙᕐᔪᐊᕐᓇᖅ-19−ᒥ ᖃᐅᔨᔭᐅᓯᒪᔪᑦ ᓇᓗᓇᐃᖅᑕᐅᓪᓗᑎᒃ (PCR) ᐅᕝᕙᓘᓐᓃᑦ ᐱᖃᕋᓱᒋᔭᐅᓪᓗᑎᒃ (ᓱᒃᑲᔪᒥᒃ) ᖃᐅᔨᓴᖅᑕᐅᔪᑦ.
***ᑭᖑᕙᓯᒃᑐᖃᑐᐃᓐᓇᕆᐊᓕᒃ ᐅᖃᐅᓯᖃᕐᓂᐊᕐᓗᓂ ᖃᓄᐃᓕᖓᓂᖏᓐᓄᑦ ᑭᒡᓕᓯᓂᐊᖅᑕᐅᓯᒪᔪᓂᓪᓗ ᐱᔭᐅᔪᓂᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥᑦ. ᖁᓕᓪᓗ ᒪᕐᕉᒃ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒥᐅᑕᐅᓂᕋᖅᑕᐅᓪᓗᑎᒃ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.
ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᕕᕗᐊᕆ 15, 2022
ᑐᑭᓯᒋᐊᒐᒃᓴᑦ/ᑭᒡᓕᒋᑎᑕᐅᔪᑦ:
ᐅᑯᐊ ᑐᑭᓯᒋᐊᒐᒃᓴᑦ ᑕᑯᒃᓴᐅᑎᑦᑎᕗᑦ ᓈᓴᐅᑎᓂᒃ ᓄᓇᖅᑲᑎᒌᑦ ᑲᐱᔭᐅᔪᑦ ᓇᓗᓇᐃᖅᑕᐅᕙᓪᓕᐊᔪᓂᒃ ᐱᒋᐊᖅᖢᒍ ᕕᕗᐊᕆ 15, 2022. ᐳᓴᓐᑎᖓ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐃᒪᐃᑉᐳᖅ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐊᕕᒃᓯᒪᓪᓗᑎᒃ ᓄᓇᕗᒥᐅᑦ ᐃᓄᒋᐊᓐᓂᖏᑕ ᓇᓚᐅᑦᑖᖅᑕᐅᓯᒪᓂᖏᑦ 18-ᓂ ᐅᖓᑖᓂᓪᓗ ᐅᑭᐅᓖᑦ.
ᓄᓇᕘᓕᒫᒥ ᑲᑎᖦᖢᒋᑦ ᑲᐱᔭᐅᔪᑦ ᑕᒻᒪᖅᓯᒪᙱᑦᑐᑦ ᓇᐃᓈᖅᓯᒪᔪᑦ. ᓄᓇᓖᑦ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᑦ ᕿᒥᕐᕈᔭᐅᕙᓪᓕᐊᑐᐃᓐᓇᖅᐳᑦ ᖃᐅᔨᒪᔪᒪᓪᓗᑎᒃ ᓈᒻᒪᒃᑲᓗᐊᕐᒪᖔᑕ ᓇᓗᓇᐃᖅᓯᔾᔪᑎᑦ. ᓄᓇᓕᖕᓂ ᑲᑎᖦᖢᒋᑦ ᐋᖅᑭᒋᐊᖅᑕᐅᖃᑦᑕᕐᓂᐊᖅᐳᑦ ᐱᔭᕆᐊᖃᕌᖓᑦ. ᑐᕌᖓᑐᐃᓐᓇᕆᐊᖃᖅᑐᖅ ᐊᓯᔾᔨᒐᓚᒋᐊᖃᕋᔭᖅᑐᓄᑦ ᐳᓴᓐᑎᖏᑦ ᓄᓇᓖᑦ ᒪᓕᒡᓗᒋᑦ.
ᑲᐴᑎᑦ ᓇᓗᓇᐃᖅᑕᐅᖃᑦᑕᖅᐳᑦ ᓄᓇᓕᖕᓄᑦ ᐊᐅᓚᑦᑎᕝᕕᒋᔭᐅᔪᓄᑦ.
ᑲᑎᖦᖢᒋᑦ ᑲᐱᔭᐅᔪᑦ ᐅᑯᐊᖑᓂᐊᖅᐳᑦ ᓄᓇᖃᖅᑐᑦ ᓄᓇᖃᙱᑦᑑᒐᓗᐊᓪᓗ, ᐃᓚᓕᐅᔾᔭᐅᓪᓗᑎᒃ ᐅᓐᓄᐊᖅᓯᐅᑕᐅᓕᖅᐸᒃᑐᑦ ᐃᖅᑲᓇᐃᔭᖅᑏᑦ.
ᖃᔅᓯᑲᓪᓚᑦ ᓄᓇᓖᑦ ᐃᓄᒃᑕᖃᖅᑐᑦ ᑲᐱᔭᐅᓂᑯᓂᒃ ᒪᕐᕉᖕᓂ ᐊᔾᔨᒌᙱᑦᑑᖕᓂ ᓄᓇᓕᖕᓂ, ᐅᕝᕙᓘᓐᓃᑦ ᓄᓇᒋᙱᑕᒥᓂᒃ ᑲᐱᔭᐅᖃᑕᐅᓯᒪᔪᖃᖅᑐᖅ.
ᐃᓄᖕᒥᒃ ᑲᐱᔭᐅᓯᒪᔪᖃᑐᐃᓐᓇᕆᐊᖃᖅᐳᖅ ᓯᕗᓪᓕᕐᒥᒃ ᐊᒻᒪ/ᐅᕝᕙᓘᓐᓃᑦ ᐊᐃᑉᐸᖓᓂᒃ ᓄᓇᒋᙱᑕᒥᓂᒃ ᑲᐱᔭᐅᔪᓂᒃ.
ᑖᓐᓇ ᐱᔾᔪᑎᖃᙱᑦᑐᖅ ᐃᓄᖕᓄᑦ ᑲᐱᔭᐅᓚᐅᖅᑐᓄᑦ ᐃᓚᐃᓐᓇᖓᓂᒃ ᑕᒪᐃᓐᓂᒡᓘᓐᓃᑦ ᓄᓇᕘᑉ ᓯᓚᑖᓂ.
ᖁᑦᑎᒃᐸᑦ ᐳᓴᓐᑎᖓ ᐊᑕᐅᓯᕐᒥᒃ ᓄᓇᓕᖕᓂ ᓇᓕᒧᙱᒻᒪᑦ ᐃᓄᒐᓴᒡᔪᐊᓄᑦ ᑲᐳᖅᓴᖅᑕᐅᔪᓄᑦ. ᐋᖅᑭᒃᑕᐅᔪᖃᖅᓯᒪᙱᑦᑐᖅ ᓇᓗᓇᐃᖅᑕᐅᓯᒪᔪᖃᙱᑦᑐᕐᓘᓐᓃᑦ ᐳᓴᓐᑎᖓᓐᓂᒃ ᖃᓄᖅ ᑲᐱᔭᐅᓯᒪᔪᑦ ᐊᒃᑐᖅᑕᐅᖏᑦᑐᓐᓇᖅᓯᓗᑎᒃ ᓄᕙᕐᔪᐊᕐᓇᖅ-19−ᒧᑦ. ᖃᓄᒥᐊᖅ ᑲᐱᔭᐅᓯᒪᔪᑦ ᐊᒃᑐᖅᑕᐅᖏᑦᑐᓐᓇᖅᓯᓗᑎᒃ ᑎᑭᑕᐅᔪᓐᓇᙱᑉᐳᖅ ᒫᓐᓇ ᑲᐴᑎᓄᑦ ᐊᖏᖅᑕᐅᓯᒪᔪᓄᑦ (ᓲᕐᓗ ᓄᑕᖅᑲᑦ 12 ᑐᖔᓂ ᐅᑭᐅᖃᑐᐊᖅᐸᑕ ᑲᐱᔭᐅᔪᓐᓇᙱᑦᑐᑦ).
ᓇᑭᙶᕐᓂᖏᑦ:
ᑲᓇᑕᒥ ᑭᒡᓕᓯᓂᐊᖅᑎᒃᑯᑦ, ᓄᓇᓖᑦ ᐃᓄᖏᑦᑕ ᖃᓄᐃᓕᕙᓪᓕᐊᓂᖏᓐᓄᑦ ᐱᓕᕆᕝᕕᒃ, ᑎᑎᖅᑲᙳᖅᑎᑕᐅᔪᒃᓴᑦ. ᐱᕙᒌᔭᖅᑕᐅᔪᖅ ᐅᑯᓄᖓ: ᓄᓇᕗᒻᒥ ᑭᒡᓕᓯᓂᐊᖅᑎᒃᑯᑦ, ᔭᓄᐊᕆ 27, 2021.
ᑲᐱᔭᐅᓯᒪᔪᑦ ᖃᔅᓯᐅᓂᖏᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᓐᓂᐊᕕᓕᐊᖅᑐᓄᑦ ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎᓃᖔᖅᑐᖅ.
ᐱᔪᓐᓇᖅᑎᑕᐅᔪᑦ ᐃᓐᓇᐃᑦ ᓄᓇᓕᖕᓂ ᓇᓗᓇᐃᖅᑕᐅᓯᒪᕗᑦ ᖃᔅᓯᐅᓂᖏᓐᓄᑦ ᐃᓄᐃᑦ ᐅᑭᐅᓖᑦ 18-ᓂᒃ ᐅᖓᑖᓂᓪᓗ ᒪᓕᒡᓗᒍ 2020-ᒥ ᐃᓄᐃᑦ ᓇᓚᐅᑦᑖᖅᑕᐅᓯᒪᔪᑦ.
ᓄᓇᖅᑲᑎᒌᑦ ᐃᓄᒋᐊᖕᓂᖏᑦ ᒥᒃᓴᐅᑦᑎᓯᒪᔪᑦ "ᐊᒃᑐᐊᓂᖃᙱᑦᑐᑦ" ᑐᙵᕕᖃᙱᓐᓂᖏᓐᓄᑦ ᐃᓗᓕᖅᑕᓄᑦ ᐃᓄᒋᐊᒃᓯᕙᓪᓕᐊᔪᓄᑦ (ᐃᓅᕙᓪᓕᐊᔪᑦ, ᑐᖁᕙᓪᓕᐊᔪᑦ ᐊᒻᒪ ᐊᓯᐊᓂᒃ ᓄᓇᓂᙶᖅᑐᑦ ᓄᒃᑕᖅᐸᒃᑐᑦ). ᑲᒪᒋᔭᐅᑦᑎᐊᕐᓗᑎᒃ ᐊᑐᖅᑕᐅᔭᕆᐊᓖᑦ.
ᐊᓂᑦᑕᐃᓕᕕᖕᒦᑦᑐᑦ ᐃᓄᐃᑦ:
| ᐊᐅᓪᓚᕐᓂᐊᖅᑐᖅ ᖃᓄᐃᑦᑑᓂᖓ | ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᕕᕗᐊᕆ 14-ᖑᓕᕐᑎᓪᓗᒍ |
| ᐋᓐᓂᐊᕐᕕᓕᐊᖅᑐᑦ | 73 |
| ᑭᒃᑯᑐᐃᓐᓇᑦ | 1 |
| ᑐᐊᕕᕐᓇᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᑦ ᐊᓂᑦᑕᐃᓕᓂᕐᓗ | 2 |
| ᐃᒡᓗᓕᐅᕐᑎᑦ | 0 |
| ᑲᑎᖦᖢᒋᑦ | 76 |
ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᓇᐃᓈᕐᓯᒪᔪᖅ:
| ᐊᐅᓪᓚᕐᕕᒃᓴᖓᑕ ᐅᓪᓗᐊ | ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐊᓂᑦᑕᐃᓕᕕᖕᒥᙶᖅᑐᑦ |
| ᕕᕗᐊᕆ 15 2022 | 8 |
| ᕕᕗᐊᕆ 16 2022 | 3 |
| ᕕᕗᐊᕆ 17 2022 | 7 |
| ᕕᕗᐊᕆ 18 2022 | 0 |
| ᕕᕗᐊᕆ 19 2022 | 3 |
| Total | 22 |
ᐃᓕᓐᓂᐊᕐᓂᓕᕆᔨᒃᑯᑦ ᐱᔨᑦᑎᕋᕐᑎᖏᑦ
ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᐅᖃᐅᔾᔪᐃᔾᔪᑎᖏᑦ, ᓇᒡᒐᔾᔭᒥ, ᕕᕗᐊᕆ 21, 2022−ᒥ, ᖃᒪᓂ'ᑐᐊᖅ, ᐃᒡᓗᓕᒃ, ᐊᒻᒪ ᑭᙵᐃᑦ ᐃᓕᓐᓂᐊᕐᕕᖏᑦ ᐅᒃᑯᐃᓛᖅᐳᑦ 100 ᐳᓴᓐᑎᒥᑦ ᐃᓄᒋᐊᒍᓐᓇᕐᓂᖓᓂ.
- ᖃᒪᓂ'ᑐᐊᕐᒥ, ᐃᒡᓗᓕᖕᒥ, ᐊᒻᒪ ᑭᙵᕐᓂ ᐃᓕᓐᓂᐊᕐᕖᑦ ᒪᓕᖕᓂᐊᕐᑐᑦ ᑕᒪᐃᓐᓂᓕᒫᖅ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐅᔾᔨᖅᑐᕈᑎᓂᒃ ᒪᓕᒡᓗᑎᒃ ᐱᓕᕆᕝᕕᖕᒥᑦ ᒪᓕᒃᑕᐅᔭᕆᐊᓕᖕᓂᑦ.
- ᐃᓕᓐᓂᐊᕐᑎᑦ ᐃᖅᑲᓇᐃᔭᕐᑎᓪᓗ ᐃᖅᑲᐃᓯᔭᐅᕗᑦ ᒪᑐᐊᖅᓯᒪᖃᑦᑕᖁᔭᐅᓪᓗᑎᒃ ᐃᓕᓐᓂᐊᕐᕕᖕᒥᑦ ᓄᓇᓯᐅᑎᑯᑖᒥᓪᓗ.
ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ
ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᐅᖃᐅᔾᔪᐃᔾᔪᑎᖓ ᒪᓕᒃᖢᒍ, ᓇᒡᒐᔾᔭᒥ, ᕕᕝᕗᐊᕆ 21, 2022, ᐃᒡᓗᓕᖕᒥ ᐸᐃᕆᕝᕖᑦ ᐅᒃᑯᐃᕈᓐᓇᖅᓯᔪᑦ ᓄᑕᕋᓕᒫᓄᑦ.
ᐱᔨᑦᑎᕋᖅᑕᐅᖏᓐᓇᖅᑐᑦ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᐅᖃᐅᔾᔪᐃᔾᔪᑎᖏᑦ, ᓇᒡᒐᔾᔭᒥ, ᕕᕗᐊᕆ 21, 2022−ᒥ, ᖃᒪᓂ'ᑐᐊᖅ, ᐃᒡᓗᓕᒃ, ᐊᒻᒪ ᑭᙵᐃᑦ ᐃᓕᓐᓂᐊᕐᕕᖏᑦ ᐅᒃᑯᐃᓛᖅᐳᑦ 100 ᐳᓴᓐᑎᒥᑦ ᐃᓄᒋᐊᒍᓐᓇᕐᓂᖓᓂ.
- ᖃᒪᓂ'ᑐᐊᕐᒥ, ᐃᒡᓗᓕᖕᒥ, ᐊᒻᒪ ᑭᙵᕐᓂ ᐃᓕᓐᓂᐊᕐᕖᑦ ᒪᓕᖕᓂᐊᕐᑐᑦ ᑕᒪᐃᓐᓂᓕᒫᖅ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐅᔾᔨᖅᑐᕈᑎᓂᒃ ᒪᓕᒡᓗᑎᒃ ᐱᓕᕆᕝᕕᖕᒥᑦ ᒪᓕᒃᑕᐅᔭᕆᐊᓕᖕᓂᑦ.
- ᐃᓕᓐᓂᐊᕐᑎᑦ ᐃᖅᑲᓇᐃᔭᖅᑎᓪᓗ ᐃᖅᑲᐃᓯᔭᐅᕗᑦ ᒪᑐᐊᖅᓯᒪᖃᑦᑕᖁᔭᐅᓪᓗᑎᒃ ᐃᓕᓐᓂᐊᕐᕕᖕᒥᑦ ᓄᓇᓯᐅᑎᑯᑖᒥᓪᓗ.
ᑕᓗᕐᔪᐊᖅ ᐱᙱᖦᖢᓂ, ᐊᓯᖏᑦ ᐃᓕᓐᓂᐊᕐᕖᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᒪᑐᐃᒃᑲᓐᓂᕐᓂᐊᓕᖅᐳᑦ 50−ᐳᓴᖓᓂ ᐅᕝᕙᓘᓐᓃᑦ 100−ᐳᓴᖓᓂ ᐃᓄᖃᕈᓐᓇᕐᓂᖓᑕ, ᓄᕙᕐᔪᐊᕐᓇᖅ-19−ᖃᖅᑐᑦ ᒪᓕᒃᑕᐅᓗᑎᒃ ᐊᑐᓂ ᓄᓇᓕᖕᓂ.
- ᐃᓕᓐᓂᐊᕐᕖᑦ ᐃᖃᓗᒃᑑᑦᑎᐊᒥ ᓴᓂᑭᓗᐊᕐᒥᓗ ᒪᑐᐃᖓᓕᖅᐳᑦ 50−ᐳᓴᓐ ᐃᓄᒋᐊᒍᓐᓇᕐᓂᖓᓂ.
- ᐃᓕᓐᓂᐊᕐᕖᑦ ᐊᓯᓕᒫᖏᓐᓂ ᓄᓇᓕᖕᓂ ᒪᑐᐃᖓᓂᐊᖅᐳᑦ 100−ᐳᓴᓐ ᐃᓄᖃᕈᓐᓇᕐᓂᖓᓂ.
- ᐃᓕᓐᓂᐊᕐᕖᑦ ᐃᓕᓐᓂᐊᖅᑎᓄᑦ ᖃᑕᙳᑎᖏᓐᓂᓪᓗ ᑐᓴᐅᒪᑎᑦᑎᓂᐊᖅᐳᑦ ᐃᓕᓐᓂᐊᕐᕕᐅᑉ ᖃᓄᐃᓕᖓᓂᖓᓂ ᐊᒻᒪᓗ ᐱᓕᕆᖃᑎᒌᓂᑦ ᐸᕐᓇᒃᑕᐅᔪᓂᑦ.
- ᐊᖓᔪᖅᑳᕆᔭᐅᔪᑦ ᑐᑭᓯᐅᒪᑦᑎᐊᙱᑉᐸᑕ ᖃᖓ ᐃᓕᓐᓂᐊᖅᑏᑦ ᐅᑎᓛᕐᒪᖔᑕ, ᐃᓕᓴᐃᔨᓄᑦ ᖃᐅᔨᒋᐊᕆᐊᖃᖅᐳᑦ.
ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ
ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᖅᑎᑦᑎᔨᑦ ᐊᒡᓚᕝᕕᖓ ᓱᓕ ᐊᑭᓕᖅᓱᐃᕙᓪᓕᐊᔪᑦ ᐃᓕᓐᓂᐊᖅᑎᓄᑦ ᑎᑎᕋᕆᐊᓕᖕᒥᒃ ᓇᒃᓯᐅᔾᔨᓚᐅᖅᑐᓄᑦ. ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᑦ ᓱᓕ ᐱᓕᕆᓚᐅᙱᑦᑐᑦ ᓇᒃᓯᐅᔾᔨᔭᕆᐊᖃᓕᖅᐳᑦ FANS SEF−ᒥᓂᒃ (A−ᖓ ᑎᑎᕋᕐᓗᒍ) ᐊᒻᒪ ᓄᓇᕗᒻᒥ ᓯᓚᑦᑐᖅᑕᕝᓴᕐᕕᖕᒧᑦ ᑎᑎᕋᖅᑕᐅᓯᒪᔭᔾᔪᑎᖓ ᓇᓗᓇᐃᖅᓯᒪᔪᖅ ᑎᑎᖅᑲᖅ FANS−ᑯᑦ ᐊᒡᓚᕝᕕᖓᓄᑦ.
ᐃᓕᓐᓂᐊᖅᑏᑦ ᐱᕕᖃᖅᑎᑦᑎᔭᕆᐊᓕ 15−ᓂ ᐃᖃᓇᐃᔭᕐᓇᐅ ᐅᓪᓗᓂᑦ ᑐᓂᓯᓚᐅᖅᑎᓪᓗᒋᑦ ᐃᓕᓐᓂᐊᖅᑎᓄᑦ ᐊᑎᓕᐅᕆᐊᓖᑦ ᑕᑕᑎᕆᐊᓖᑦ ᓄᓇᕗᒻᒥᑦ ᐃᓕᓐᓂᐊᖅᑏᑦ ᑭᓇᐅᔭᖃᖅᑎᑕᐅᓂᖏᓐᓄᑦ ᐃᑲᔪᑎᓄᑦ ᑮᓇᐅᔭᑦ ᐃᓕᔭᐅᕝᕕᒃᓴᖓᓄᑦ ᑮᓇᐅᔭᒃᑯᕕᖕᒧᑦ. 15 ᐃᖃᓇᐃᔭᕐᓇᐅ ᐅᓪᓗᖓᓄᑦ ᖄᖏᖅᐸᑦ ᐃᓕᓐᓂᐊᖅᑏᑦ ᑮᓇᐅᔭᒃᓴᖅᑖᓚᐅᖏᑉᐸᑦ ᑮᓇᐅᔭᖃᕐᕕᐊᓄᑦ, ᐃᕐᒌᓐᓇᖅᑐᐊᒃᑯᑦ ᑎᑎᕋᕈᓐᓇᖅᑐᑦ fans@gov.nu.ca ᖃᐅᔨᒃᑲᐃᓗᑎᑦ. ᐃᓕᓐᓂᐊᖅᑏᑦ ᐃᓚᓕᐅᑎᓗᑎᑦ ᐊᔾᔨᖓᓂ ᑮᓇᐅᔭᒃᑯᕕᐅ ᓇᐃᓴᐅᑎᖓᓂ ᐱᒋᐊᕐᓗᓂ ᔭᓄᐊᕆ 1ᒥᑦ ᒫᓐᓇᒧᑦ.
ᐊᐱᖅᑯᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐱᔾᔪᑎᒋᓗᒋᑦ ᓇᒃᓯᐅᔾᔭᐅᔪᓐᓇᖅᑐᑦ ᐅᕗᖓ fans@gov.nu.ca. ᐃᓕᓐᓂᐊᖅᑎᑦ ᐊᐱᖅᑯᑎᒃᓴᓕᑦ ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᖃᖓᑦᑕᐅᓯᖅᑕᐅᔪᓐᓇᕐᒪᖔᑦ ᖃᐅᔨᒋᐊᕈᓐᓇᖅᑐᑦ ᐅᕗᖓ fanstravel@gov.nu.ca ᑐᑭᓯᒋᐊᒃᑲᓐᓂᒐᒃᓴᓂ. ᐃᓕᓐᓂᐊᖅᑎᑦ ᖃᖓᑦᑕᐅᑎᒥᓂᒃ ᐊᓯᔾᔨᖅᑕᐅᒍᔾᔨᔪᑦ ᖃᖓᑦᑕᕐᕕᒃᓴᖓᓂᑦ ᐃᕐᖐᓐᓇᖅᑐᐊᒃᑯᑦ ᑎᑎᕋᖁᔭᐅᕗᑦ fanstravel@gov.nu.ca ᐃᖃᓇᐃᔭᕐᓇᒃᑯᑦ ᐅᕝᕙᓘᓐᓃᑦ, ᐃᖃᓇᐃᔭᕐᓇᐅᖏᑉᐸᑦ, ᐃᖃᓇᐃᔭᕐᓇᐅᖏᑎᓪᓗᒍ ᐅᖃᓗᒍᓐᓇᖅᐳᑎᑦ ᖃᖓᑦᑕᐅᓯᓕᕆᔨᒃᑯᓐᓄᑦ ᐅᕗᖓ 1-867-857-6950.
ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:
ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ
ᖁᑦᑎᒃᓯᓯᒪᑎᓪᓗᒍ ᓄᓇᕗᒻᒥᑦ ᐃᓕᓐᓂᐊᖅᑏᑦ ᑮᓇᐅᖃᖅᑎᑕᐅᓂᕐᖏᓐᓄᑦ ᐃᑲᔫᑎᓄᑦ ᑎᑎᕋᕐᕕᒃ, ᒨᕐᓗ ᓄᑖᒥᑦ ᐃᓕᓐᓂᐊᒐᒃᓴᓕᕆᑎᓪᓗᒋᑦ, ᐱᔨᑦᑎᕋᐅᑎᓄᑦ ᒪᓕᒃᑕᐅᔭᕆᐊᓖᑦ ᑭᐅᔾᔪᑕᐅᔪᓄᑦ ᐃᕐᖐᓐᓇᖅᑐᐊᒃᑯᑦ 3−5 ᐃᖃᓇᐃᔭᕐᓇᐅ ᐅᓪᓗᓄᑦ. ᑭᐅᔭᐅᓇᓵᖃᑦᑕᑐᐃᓐᓇᕆᐊᖃᕐᓂᐊᖅᐳᓯ ᑎᑎᕋᕐᕕᖕᒥ ᓄᕙᒡᔪᐊᕐᓇᖅ-19−ᒧᑦ ᖃᓂᒪᔪᖃᐅᕐᓂᖓᓄᑦ ᐊᕐᕕᐊᓂ.
ᒫᓐᓇ, FANS−ᑯᓐᓂ ᐃᖅᑲᓇᐃᔭᖅᑎᑦ ᖃᕆᓴᐅᔭᒃᑯᑦ ᐱᓕᕆᑲᑕᒃᐳᑦ, FANS−ᑯᓐᓄᓪᓗ ᐅᖄᓚᕝᕕᐅᕙᒃᑐᖅ ᖃᐅᔨᒋᐊᖅᑕᑲᑕᙱᖦᖢᓂ. ᐅᖃᖃᑎᖃᕈᒪᒍᕕᑦ ᑭᒡᒐᖅᑐᐃᔨᔪᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ, ᐃᕐᖐᓈᖅᑕᐅᑎᒃᑯᑦ ᑎᑎᕋᕆᑦ ᐃᓂᒃᓴᓕᐅᕐᑕᐅᔪᒪᓗᑎᑦ ᐅᕗᖓ fans@gov.nu.ca.
ᐊᑲᐅᓛᖑᕗᖅ ᐃᕐᙲᓐᓈᖅᑕᐅᒃᑯᑦ ᖃᐅᔨᒋᐊᖅᐸᒡᓗᓂ ᐅᕗᖓ fans@gov.nu.ca.
ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
ᐅᖃᐅᔾᔭᐅᓚᐅᖅᑎᓪᓗᑕ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᐅᑉ, ᐃ ᑕᓗᕐᔪᐊᕐᒥ ᐃᓕᓐᓂᐊᕐᕖᑦ ᒪᑐᔭᐅᓯᒪᔪᑦ ᐃᓕᓐᓂᐊᖅᑎᓄᑦ ᐃᖃᓇᐃᔭᖅᑎᓄᓪᓗ.
- ᐃᓕᓐᓂᐊᕐᕕᖕᒥᑦ ᐃᖅᑲᓇᐃᔭᕐᑎᑦ ᑕᓗᕐᔪᐊᓂ ᑐᓴᕐᑎᑦᑎᑲᑕᒃᑐᑦ ᐃᓕᓐᓂᐊᕐᑎᓂ ᐊᖓᔪᖅᑳᖏᓐᓂᓪᓗ ᐊᐃᓯᒪᓗᑎᒃ ᐃᓕᓐᓂᐊᕐᓂᐊᕐᓂᖏᓐᓂᑦ.
ᓄᓇᕗᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.