Hivuliqtip tuhaqtidjutaa:
Ullakkut,
Ihumagivlugillu quviahuutigijatka Inirniqhaat qun’ngiaqtun.
Uvani ublaami Nunavunmi 310-ngujut aanniarutiqaqtut qalagjuarnirmun COVID-19 mik. Piqaqtugut aanniarutiqaqtunik 21ni nunallaani – unniqtaujut hapkua nampait imaa:
- Atauhiq Ikpiarjungmi
- Hitamat Arviani,
- Talimat Qamanittuarmi;
- Pingahut Ikaluktuutiami;
- Piqangittuq Igluligaarjungmi,
- Malruk Kangiqtugaapingmi
- Hitamauliqtun Salliqmi,
- 25 Iglulingmi
- 85 Iqalungni,
- Qulit Uqhuqtuuumi
- Piqangituq Kimmirunmi
- Hitamat Kinngaini,
- 26 Kugaarjungmi,
- Atauhiq Kugluktumi
- Iingujut Naujaami,
- 19 Pangnirtuumi,
- 24 Mittimatalingmi,
- Pingahut Qikiqtarjuami,
- 40 Kangiqlinirmi,
- Hitamat Qausuitturmiutat!
- 18 in Sanirajak,
- Pingahut Sanikiluarmi.
- 21 Taloyoakmi, uvanilu
- Piqangittuq Tikirarjuami.
2,230 nik atauttimun uniudjutaujut naamakhijut uvanin hiamitirniangani.
Talvanga 2020. hanaqidjutivut pidjutigiblugu hiamitiqtuq aannirut pihimanahuaqhugu aviktuqhimajuq qalagjuarnirmun COVID-19 aanniarutiniktailiblugu.
Kingulirni malruk ukiuk, uqautigihimajaqqut aanniarutiqaqtut qaffiuniit atautini nunallaani niriukhuta ilaani aanniarutiqangiliqluni.
Ublumi, pijariaqaliqtugut nutaanik upautidjutinik. Iliturivaliajaqqut pidjutigilugu qalagjuarniq COVID-19 qanurinialu qanuqtut aanniarut aulaniaq aalakiinun pidjutiqaqtuq.
Ilitpaliablugit aghuungnaqtut ajuiqhautit hunat havagahat munaridjutighat hulaqutainun qalagjuarnirup COVID-19 nunallaani.
Imaalu, turaangablugit aghuungnaqtutigut ikajuutighat imaatun qalagjuarniqmun COVID-19 kapuutit.
Ublumimun, Dr. Patterson uqautidjutait ikajuutaujut pihimablugit nunallaat munaritiaqtaublutik qajangnautainin aanniarutip hiamitirnira.
Qaijuni ikitut havainirit tatqirhiutillu – uuma Dr. Patterson hivuliqhuqniranun – Nunavut malighautiniaqtut aalanun nunallaanun avatiini Kanadap nunaqjuaplu – naahungnirijaqqut Dr. Patterson maligahaptingnik apqutighamun qanuqtut "inuunirmun qalagjuarnirmun COVID-19.”
Qujaginaq upalungaijautit havaktauniaqtut kitunun ihariagijaujunun aviktuqhimajumi.
Ilihimajugut ihuaqhaidjutighat tapkua nakuuniaqtut ungahiktunun imaatun Torontomi hamanilu Vancouvermi ihuanginiaqtut Iqalungnun, Tikiraryuamun Iqaluktuutiamunlu.
Taimaangualuaq upautidjutivut qalagjuarnirmun COVID-19 aalanguniaqtuq – aulahimaaqtumik maligahanun inungnun aanniaqtailinirmun maligahait aulahimaaqtumik ikajuutauniaqtut ilaptingnun nunallaamunlu qajangnailrumik – ilaujut aanirutiningniaqtut atautit imaatun Inirnighat nutaqqalu nutarauvalaat kapuqhirnirmun.
Tadja, aulahimaaqtumik ikajuqlutit, atimalugit ivjarutit, kapuqhiqlutit ikajuutighamiklu kapuunmik.
- Aihimanahuanginaqlutit.
- Iglumiutainait iqatigilugit.
Qujannamiik.
Atanilluaq Inungnut Aanniaqtailinirmun Havaktia Ublumimut Kangiqhipkaidjutaa:
Unaguiqhirvingmin, piqaqtut 23 Nunavummiut aanniavingmungaqhimajut aulaniagut qalagjuarnirup COVID-19 aanniarutip aularutaanin.
Kingulirmi havainirmi, tamaanin aulaniagut ilituriniranun takunaqtuq atauhiq inuk Iqalungni aanniarutiniktuq haffuminga BA.2 aanniarutaa qalagjuarnirup COVID-19 aannirut. Takunaqtuqangituq una aalangajuq aanniarut hiamitirniranik. Aanniarut hiamitiqtaaqtuq ajungnaitqianin haffuma Omicron, takunangitutut ituq qujaginaq aanniarutauqjuaqluni uumanga Omicronmin.
Maligahat Ikpiarjuk, Pangnirtung, Iqaluit, Kangiqłiniq, Salliq, Sanikiluaq, Iqaluktuutiami, Kugaaruk, Qausuittuq Mittimatalingmilu, taimaaqpalianiaqtut pipkaijaamingni amigaitqijanik katimajunun pulaaqtununlu iglunun. Niriviit ukuallu laisiqaqtun nanminiqaqtun angmainnarialgit ikiklilugit inugiatilaanginnun. Aalanguqtirutit Hivullirmi, Iidjirurvia 28 ilauniaqtut hapkua maligahat:
- Hilami katimajun amigiaqjuummirniaqtun 50nik inungnik.
- Iglumi iluani katimajun amigiaqjuummirniaqtun qulinun (10) inungnik ilaulutiklu iglumiuqatigiit.
- Niriviit laisiqaqtullu niriviit angmaqtaaqtun 25-nik inungnik naamadjutaanik imaaluunniit 25%mun naamadjutaanun, kitumi ikitqijaunirmi. Atulimaittun numilimaittullu.
- Inungni iglum iluani katimajun amigiaqjuummirniaqtun 25nik inungik imaaluunniit 25%mun naamadjutaanun, kitumi ikitqijaujumun.
- Iqaijariviit naamadjutaa unaujuq 25nik inungnik imaalunniit 50%mun naamadjutaanun, kitumi ikitqijaujumun. Avaliittumik iqaijaqtukhat talvatuaq.
- Makpiraaqarviit, ingilraanitanik tutquumaviit, qunngiariaqtuqturviit amigiaqjuummiqtuq 25nik inungnik imaalunniit 50%mun naamadjutaanun, kitumi ikitqijaujut. Amigaitunik qungiaqtitilimaitut.
- Haakirviit amigaitilaaghait amigaiqjuumirniaqtut 50nik inungnik imaaluuniin 50 pusat amigaitilaangit, kitut ikitqiat, imaalu kiklighait 50 qungiaqtut. Iligiiktut ulapqilimaitun.
- An’ngaadjuviit kiqliqaqtut 50 nik inungnik imaaluunniit 25 pusat inugiangnighait, atuqhimaittumik.
- Hivitujumun munaqtauviit pipkaijaaqtun malruungnik pulaaqtunik tahamaniittumun qanitqijaujunin ilagijamingnin.
Hapkua maligahat ihuaqhaqhimajut atuqtaujutigut hapkunani ukunani Arviat, Qamanittuaq, Igluligaarjuk, Kangiqtugaapik, Uqhuqtuuq, Ausuittuq, Kimmirut, Kinngait, Kugluktuk, Naujaat, Mittimatalik, Qikiqtarjuak, Sanirajak, uvanilu Tikirarjuaq imainniaqtun:
Aallanguqtauhimaittut tadja Inungnut aanniaqtailinikkut Maligahat Igloolingmi, Taloyoqmilu.
Itqaumalutit ivjarutit atimajaujughat tamaini inuqarnirni. Kapuqhirniq ikajuutighamiklu kapuutinik kapuqhiqtaaruvin, atimaluhilu ivjarutinik nakuutqiat aanniaqtailinirmun aannialaqiqjuarnirmun.
Quana.
Ilaujuq hapkununga Kavamatkunun Nunavunmi (GN) aghuurutait munarilugit Nunavunmiut qalagjuarnirmuin COVID-19, GNkut Havagviit atuliqtait hapkua:
Havagviat Munaqhiliqijikkut
Tamainun nutaanun kangiqhidjutinun ikayuutinunlu mighaagun COVID-19 Nunavunmi, hamungaulutin:
https://www.gov.nu.ca/health/information/covid-19-novel-coronavirus
Nutaanun kangiqhidjutinun haffumunga nutaanun inungnun aanniaqtailinirmun maligahat hamungaulutit:
https://www.gov.nu.ca/health/information/nunavuts-path
Kangiqhidjutinun qaijunun kapuqhirutighat hamungaulutit:
https://gov.nu.ca/health/information/covid-19-vaccination
QALAGYUARNITIGUT-19 aanniaqtunik qanurinmanggaat: Iidjirurvia 22, 2022
| Atauttimun ihivriuqtaujut | Attautimut naunaiqtauhimajut aannialaqihimajun | Attautimut aannialaqihimajun | Atauttimut nakuuhijut aanniaruiqtun | Tuqujut | Qaffiujun inuit kapuqtauhimajun atauhiinnarmik kapurutimik Nunavunmi | Qaffiujun inuit kapuqtauhimajun malruungnik kapurutinik Nunavunmi | Atauttimun inuit kapuqhiqhimayut pingahunik Nunavunmi | |
| 34,482 | 2,545 | 310 | 2,230 | 5 | 33,053 | 27,776 | 13,523 |
QALAGYUARNIQ-19 nunallaami aanniaqtut qaffiutilaanggit: Iidjirurvia 22, 2022
*Ilihimalutit: Hapkua qaffiuniit aalanguqataaqtut. Aghut havaktauyut pihimajaangini hapkua kangiqhidjutit nutaanguqhimanirmun iniqtiqhugillu, kihimi pidjutiqangitut tamainun inungnun maliktut ihivriuqtaujuluuniin.
**Aulaarniaqtuq 17 Ubluqtuhirvia 2022mi, tutqighihimayut aanniarutiqaqtut ilaujut tapku pidjutigijait ihuaqhaqtauhimajut Nunavunmi aanniarutikkut naunaijautit. Una ilauyuq Qalagjuarniq COVID-19 aanniarutiqaqtun ihumagijauyut tutqighijauyuluuniin (PCR) ihumagijauyullu (qilamik) ihivriurutait.
***Tuuliivjangniaqtut uniudjutit tuniuhaiqdjutillu qanuriniit aanniarutiqaqtunin pihimajut Hivuraani Kanadap. 12 aannialaqihimayun iliturijaujut hilataani nunaptingnin ilaliutihimajun Nunavunmun. Ukuallu ilauyut pingahut huiqtut. Tamaitaungitut NU inuit qalagyuarnirmik COVID-19 iliturijauyut hilataani aviktuqhimajup ilauniaqtut hamunga Nunavunmun.
QALAGYUARNIQ COVID-19 kapuqhingnikkut qanurinmanggaat: Iidjirurvia 22, 2022
Naunaijautit/Kiqlighaillu:
Una kangiqhidjut tautungnaqtut qaffiuniit kapuqhiqtut nunallaani talvunga Iidjirurvia 22, 2022. Pusatnga kapuutaanik kapuqhiqhimajut kapuunmik aviktuqhugit imaa Nunavunmi inugiangnirit ituqniarutait hapkua 18nik avatqumajullu ukiungit.
Nunavunmi atautimun kapuqhiqhimajut ihuaqtut naitumi naunaijautini. Nunallaani aktilaangit naunaijautait ihivriuqtauliqtut pijaangini ihuaqtumik tunijaangini. Nunallaami atautimuutait ihuaqhaqtauniaqtut pijariaqaqata. Una pidjutiginiaqtaa mikijumik ihuaqhainirmun pusatingillu nunallatigut.
Kapuutit tunijauyut nunallaanun kitut munarijamingnun.
Atautit kapuutit tunijaujut ilaujut nunaqaqtut nunamiutaungitut inuit, ilaujut himautaujut havaktit.
Amigaitut nunallaani pidjutiqaqtut atautit kitut kapuqhiqtut malrungnik nunallaani, nunallaaniluniin nayugamingni.
Atauhiqlu kapuqhiqhimajuq atauhirmik/malrungnikluuniin kapuutinik hilataani inmi nunamingnin.
Una pidjutiqangituq inungnun kitut kapuqhiqhimayut ilanganik tamaanikluuniin aviktuqhimajumi.
Anginirhaq pusatinga atauhiup nunallaap aadjikiingitut hungiutivaktunun aanniarutinun. Piqangituq havaktauhimayumik naunaijaqhimayunikluuniin pusatinginik hunat hungiutivaktunun aanniarutinun qalagjuarnirmun COVID-19. Hunaungmanaat hungiutivaktunun aanniarutinun pijaulimaitpata tadjamin kapuqhirnirmun angirutit (imaa kapuuutighaqangitut nutaqqanun ataani ukiuqaqtut tualunik).
Pittaarvia:
Katitiriniqmut Kanata, Kitittiyit Havakviat, Taijauhimayut ihuaqhaidjutait. Upalun’ngaiyaqtaat hapkua: Nunavut Havagvia Kititirinirmun, Ubluqtuhivia 27, 2021.
Kapuutit amigaitilangit pihimajut uvanga Havagvianin Aanniaqtailinirmut Meditech auladjutainin.
Pittaaqtut inirnirit nunallaani naunaijaqhimayut qaffiuniit atautit 18min angajuhiillu hamanga 2020min inugianirit itqungniarutainin.
Nunallaat inugiangnirinun itqungniarutait"iniqtiqhimangitut" taimaali pihimangitut ilaujuni amigaiqjuuminirmun (inuujut, huiqtut, nuutiqtullu). Atuqtaujuqhat qajagilugit.
Avaliingaaqtut amigaitilaangit:
| Aullaaqtun Qanurittun | Pulaaqhimajut Avaliingaaqtitaujut uvanga Iidjirurvia-22 |
| Daaktiliaqtut | 52 |
| Inuit | 2 |
| EMTI | 0 |
| Havaktut | 0 |
| Atautimun | 54 |
Aullarhimajun utiqtun naunaijautaa:
| Aullarvikhaa Ublua | # Amigaitilaangit Aullaaqtun Avaliingaarvingnit Avaliingaaqtut |
| Iidjirurvia 21, 2022 | 10 |
| Iidjirurvia 22, 2022 | 7 |
| Iidjirurvia 23, 2022 | 0 |
| Iidjirurvia 24, 2022 | 2 |
| Iidjirurvia 25, 2022 | 5 |
| Iidjirurvia 26, 2022 | 8 |
| Total | 32 |
Pivalliajuliqijitkut Ingilrayuliqijitkullu Havagutainni Havagvia
Ihuaqhaqtauhimayut kivgaqtuutit:
Aghaluutiliqiyitkut
Kikliqaqtut atauhirmik kivgaqtuqtaunirmun upautidjutighatiguinaq. Qilamiurutinun pijumajaujanun, titiqqivigilugit Akhaluutiliqinikkut Havagvik talvunga motorvehicles@gov.nu.ca. Inuit qaritaujaqangitut hivajaqtaaqtut hivajautikkut hamunga 867-975-7840.
Nunavunmiut takujaaqtaalu una gov.nu.ca/motorvehicles pijaami:
- Akhaluutituriami Laisikhanik Nutaanguqtirnikkut.
- Nunavunmin Naunaitkutikhaq Ilitaridjutikharnik Piannannuat Nutannguqtiutikhat.
- Akhaluutinut Atiliurutikhanik Nutannguqtiutikhat.
- Tukhiutit Apqutip Aqudjutainnik Naunaitkutinik, Akhaluutinik Qiniqhiadjutit, imaalu Piyaqtuqhikapat Unniudjutit.
Ilinniaqtuliqijikkut Havagvia
Nutaat piliurningat ilihautikhanik/ kivgaqtuidjutikhangit:
K-12 Iliharviit
Pihimajut haffumanga Atanilluaq Inungnun Aanniaqtailinikkut Havaktianin (CPHO), Hivulirmi, Iidjirurvia 21, 2022, Arviat unalu Urhuuqtuumi iliharviit angmarniaqtut 50 pusat amigaitilaanganun.
- Iliharviit uqaqviginiaqtait ilihaqtuinaqtunut ilainnutlu qanurinmanggaatatigut upalunggaiyaamilu ilihagutiqhainnut.
- Angajuqqaangit ilihimangitun qakugu ilihaqtun utirniaqtun iliharvingminun, hivayaqtakhagiyaini ilihaqtun ilihaiyiingit.
Uqaudjigijainun Atanilluaq Nunalaani Aanniaqtailinikkut Havaktia (CPHO), talvani Hivulliq, Iidjirurvia 21, 2022, Qamanittuaq, Iglulik, unalu Kinngait iliharviit angmarniaqtut taimaa 100 pusat amigaitilaanganun.
- Qamani’tuaq, Iglulik, unalu Kinngait iliharviit malingniaqtait tamaita aanniaqtailinirmun qajangnautinullu hivuragilutik maliklugit havagviup maliqujainik.
- Ilihaqtut havaktiillu itqaumatqujaujut atimalutik ivjarutinik iliharvingni ilihaqtuluuiin aghaluutaani.
- Ilinniaqtuliqijit, haffumuuna qalajuarnikkut COVID titiraqtiat, pihimajuq 15,600 COVID-19 qilamik ilituritaaqtunik ihivriurutinik iliharvingnun utaqiqivingnun igluqpangilu havaktinun upalungaijaliqtut tujuqlugit qaijuni havainirit.
Ilihalihaaqtut Nutaqqat Nutaqqiqiviillu
Uqaudjiutigijainun Atanilluaq Nunalaani Aanniaqtailinikkut Havaktia (CPHO), talvani Hivulliq, Iidjirurvia 21, 2022, Iglulik nutaqqiqiviit angmaqtaaqtun tamainnun nutaqqanun.
Aulahimaaqtut kivgaqtuutit:
K-12 Iliharviit
Uqaudjigijainun Atanilluaq Nunalaani Aanniaqtailinikkut Havaktia (CPHO), talvani Hivulliq, Iidjirurvia 21, 2022, Qamanittuaq, Iglulik, unalu Kinngait iliharviit angmarniaqtut taimaa 100 pusat amigaitilaanganun.
- Qamani’tuaq, Iglulik, unalu Kinngait iliharviit malingniaqtait tamaita aanniaqtailinirmun qajangnautinullu hivuragilutik maliklugit havagviup maliqujainik.
- Ilihaqtut havaktiillu itqaumatqujaujut atimalutik ivjarutinik iliharvingni ilihaqtuluuiin aghaluutaani.
Taloyoak pidjutingittut, tamaita aallat Nunavunmi iliharviit ammaffaangniaqtut ilihaqtunut talvani 50 pusan inuqarniatigut imaaluunniit 100 pusanmik inuqarniatigut, naunaiyautigilugu QALAGJUARNIQ COVID-19 qanurinmanggaatigut tamaita nunallaangginni.
- Iliharviit Iqaluktuuttiami, Urhuqtuumi, Sanikiluami angmaqtut 50 pusat amigaitilaangit.
- Iliharviit tamaini aalat nunallaani angmaumajut 100 pusanmik amigaitilaangit.
- Iliharviit uqaqviginiaqtait ilihaqtuinaqtunut ilainnutlu qanurinmanggaatatigut upalunggaiyaamilu ilihagutiqhainnut.
- Angajuqaat nalugumik mighaagun inmi ilihaqtut ilihaidjutighaitigut, hivajaqlugit inmi ilihaqtut ilihaijiit.
Ilinniaqtuliqijit, haffumuuna qalajuarnikkut COVID titiraqtiat, pihimajuq 15,600 qalagjuarnirmin COVID-19 qilamik ilituritaaqtunik ihivriurutinik iliharvingnun utaqiqivingnun igluqpangilu havaktinun upalungaijaliqtut tujuqlugit qaijuni havainirit.
MANILIQTUUTIT ILIHARIAQTUQTUNUT
Maniliqtuutit ilihariaqtuqtunut havagvia aulahimaaqtumik akiliqtuijut ilihaqtunun kitut tujuqhimayatik inmi FANS ilihaqtut Atiliurutinun Titiqqat (SEF).
Nunavunmi Inirnirit Ilihaaqpaalirviit (NAC) ilihaqtut havangitait tuyuqtaghait inmi FANS SEF (unalu Ilanga A iniqtiqhimajuq) unalu inmi NAC tailiurutitik tutqighaqhimajut titiqqat ukununga FANSkut havagvianun. Ilihaqtut utaqqiuqtuqhat 15ni havangnaqtuni ubluni ubluanin tjungniranun inmi pijariaqaqtut atiliurnirmun titiqqat hapkununga FANSkunun ubluanun takuniaqtait manikhatik ilijauyut maniqarviinun. Kinguani 15 havangnaqtut ublut pijaungitut manikhatik maniqarviinun, qaritauyakuuqtitilutik fans@gov.nu.ca ilitturipkaiyaami. Ilihaqtut ilaliutilugit aadjiliuqhimayut maniliqinirmun naunaitkutitik hamanga Ubluqtuhivia 1 ublumimun ublua.
Apirhuutit mighaanun FANS ikayuutaitigut tujuqlugit hamunga fans@gov.nu.ca. Ilihaqtut apirhuutiqaqtut mighaanun inmi FANSkutigut pijaarnirmun tingmidjutighatik ilituripkaqlugu fanstravel@gov.nu.ca kangiqhidjutinun.
Ilihaqtut kitut ajuqhaqtut tingmitighatik aalanguqtirnirmun qaritaujakuuqtitilutik hamunga fanstravel@gov.nu.ca havangnaqtilugit ikaarnirit, havangnaiqaluuniin, hivajaqlugu 1-867-857-6950.
Ihuaqhaqtauhimayut kivgaqtuutit:
K-12 Iliharviit
Pihimajut haffumanga Atanilluaq Inungnun Aanniaqtailinikkut Havaktianin (CPHO), Hivulirmi, Iidjirurvia 21, 2022, Urhuqtuumi iliharviit angmarniaqtut 50 pusat amigaitilaanganun.
- Iliharviit uqaqviginiaqtait ilihaqtuinaqtunut ilainnutlu qanurinmanggaatatigut upalunggaiyaamilu ilihagutiqhainnut.
- Angajuqqaangit ilihimangitun qakugu ilihaqtun utirniaqtun iliharvingminun, hivayaqtakhagiyaini ilihaqtun ilihaiyiingit.
MANILIQTUUTIT ILIHARIAQTUQTUNUT
Havangnaitilugu FANSkut havagvia, imaatun nutaat ilihaidjutighat, kivgaqtuutit atugahat kiudjutinun qaritaujakuuqhimajut imaa 3-5 havangnaqtilugu ublut. Kiudjutait FANS havagvia nutaqiuniaqtut aulahimaarnirmun qalagjuarniq COVID-19 aanniarutiqaqtunun Arviani.
Hadja, FANSkut havaktiit havaliqtut ungahiktukkut, unalu hivajautaa FANSkut munarijaungituq. Uqarumaguvin FANSkut havaktiinun, qaritujakkut titiraqlutit ihuaqhariangani tkujaangini ukua fans@gov.nu.ca. Nakuutqiaq uqaqvigijaami FANS kut qaritauyakuuqlugu hamunga fans@gov.nu.ca.
Umiqhimaniaqtun/Nutqaqtitauniaqtun/Taimaaqtitauyut ikayuutiqhat:
K-12 Iliharviit
Uqaudjaungmata CPHOmin, Iliharviit Taloyoami umiqhimaniaqtut ilihaqtunut havaktiinunlu.
Iliharviit Taloyoami uqarvigiliqtain ilihaqtun angajuqqaangillu pidjutikhamun ahinin iliharnirmun.
Nunavunmiutat aanniaqtailidjutait atauttikkut uvagut munarijaqhavut! Itqaumalugu: uaqlugit algatit, kapuqhirlutin, un’ngahiqtilaaqarlutit inungnit, naalaqlugit uqautigijait munaqhiliqiiyini havaktiit, aihimalutinlu aanniaruvit.