ᓯᕗᓕᖅᑎᒥᑦ ᑐᓴᒐᒃᓴᑦ:
ᐅᓪᓛᒃᑯᑦ,
ᐃᓐᓇᐃᓪᓗ ᑕᐅᑐᒃᑐᑦ ᑐᙵᓱᑦᑎᐊᖁᕙᒃᑲ.
ᐅᓪᓛᖑᔪᖅ ᓄᓇᕗᒻᒥ 310−ᓂ ᓄᕙᒡᔪᐊᕐᓇᖅ-19−ᖃᖅᑐᖃᓕᖅᑐᖅ. 21−ᓂᒃ ᓄᓇᓕᖕᓂ ᓄᕙᒡᔪᐊᕐᓇᖅᑐᓕᒃ−ᐅᕝᕙᐅᑯᐊ ᐅᓄᕐᓂᖏᑦ:
- ᐊᑕᐅᓯᖅ ᐃᒃᐱᐊᕐᔪᖕᒥ
- ᑎᓴᒪᑦ ᐊᕐᕕᐊᓂ,
- ᑕᓪᓕᒪᑦ ᖃᒪᓂ'ᑐᐊᕐᒥ,
- ᐱᖓᓱᑦ ᐃᖃᓗᒃᑑᑦᑎᐊᒥ,
- ᐃᒡᓗᓕᒑᕐᔪᖕᒥ ᐱᑕᖃᙱᑦᑐᖅ,
- ᒪᕐᕉᖕᓂ ᑲᖏᖅᑐᒑᐱᒃ
- ᑎᓴᒪᑦ ᓴᓪᓕᕐᒥ,
- 25 ᐃᒡᓗᓕᖕᒥ
- 85 ᐃᖃᓗᖕᓂ,
- ᖁᓕᑦ ᐅᖅᓱᖅᑑᕐᒥ,
- ᑭᒻᒥᕈᒻᒥ ᐱᑕᖃᙱᑦᑐᖅ
- ᑎᓴᒪᑦ ᑭᙵᓂ,
- 26 ᑰᒑᕐᔪᖕᒥ,
- ᐊᑕᐅᓯᖅ ᖁᕐᓗᖅᑐᒥ
- 8 ᓇᐅᔮᓂ,
- 19 ᐸᓐᓂᖅᑑᒥ,
- 24 ᒥᑦᑎᒪᑕᓕᖕᒥ,
- ᐱᖓᓱᑦ ᕿᑭᖅᑕᕐᔪᐊᕐᒥ,
- 40 ᑲᖏᖅᖠᓂᕐᒥ,
- ᑎᓴᒪᑦ ᖃᐅᓱᐃᑦᑐᕐᒥ
- 18 ᓴᓂᕋᔭᖕᒥ,
- ᐱᖓᓱᑦ ᓴᓂᑭᓗᐊᕐᒥ,
- 21 ᑕᓗᕐᔪᐊᕐᒥ, ᐊᒻᒪ
- ᑎᑭᕋᕐᔪᐊᕐᒥ ᐱᑕᖃᙱᑦᑐᖅ.
2,230−ᓂᒃ ᐅᖃᐅᓯᐅᓯᒪᔪᓂᒃ ᐊᓂᒍᐃᓯᒪᓕᖅᑐᑦ ᑕᒪᑐᒪᓂ ᓯᐊᒻᒪᒃᓯᒪᔪᒥᑦ.
2020−ᐅᓚᐅᖅᑎᓪᓗᒍ ᐸᕐᓇᐅᑎᒋᔭᕗᑦ ᑲᒪᒋᓂᐊᕐᓗᒍ ᐊᒥᓱᓄᑦ ᖃᓂᒪᓐᓇᐅᔪᖅ ᓄᓇᕗᒻᒥ ᓄᕙᒡᔪᐊᕐᓇᖅ-19−ᑖᖁᙱᒃᑲᓗᐊᖅᖢᑎᒍᑦ.
ᐅᑭᐅᖕᓄᑦ ᒪᕐᕉᖕᓄᑦ, ᑐᓴᐅᒪᖃᑎᒌᑦᑎᐊᖏᓐᓇᖅᐳᒍᑦ ᖃᓂᒻᒪᒃᐸᓪᓕᐊᔪᑦ ᓈᓴᖅᑕᐅᕙᒃᖢᑎᒃ ᑕᒪᐃᓐᓂᒃ ᓄᓇᓕᖕᓂ ᓂᕆᐅᒃᑲᓗᐊᖅᖢᑕ ᖃᑯᒍᑭᐊᖅ ᐱᑕᖃᕈᓐᓃᑦᑎᐊᒻᒪᕆᓛᖁᒐᓗᐊᖅᖢᒍ ᓄᕙᒡᔪᐊᕐᓇᖅ.
ᒫᓐᓇᓕ, ᐊᓯᐊᒍᖔᖅ ᐱᓕᕆᔭᕆᐊᖃᓕᕐᒥᒐᑦᑕ. ᖃᐅᔨᒫᓂᓕᕋᑦᑕ ᐱᓕᕆᐊᖑᕐᔪᐊᕆᐊᖃᕐᓂᖓᓂᒃ ᓄᕙᒡᔪᐊᕐᓇᖅ-19 ᐊᒻᒪ ᖁᐱᕐᕈᐊᕐᔪᐃᑦ ᐊᓯᔾᔨᖅᐸᒃᖢᑎᒃ ᐊᔾᔨᒌᙳᑦᑐᒃᑯᑦ ᐃᓱᒫᓗᖕᓇᖅᐸᒃᖢᑎᒃ.
ᖃᐅᔨᕙᓪᓕᐊᑐᐃᓐᓇᕐᒥᔪᒍᑦ ᐱᒻᒪᕆᐅᔪᓂᒃ ᐃᓕᑦᑎᕙᓪᐊᓕᖏᓐᓇᕐᒥᒐᑦᑕ ᑭᓱᑦ ᐊᑑᑎᖕᒪᖔᑕ ᐊᒃᑐᐃᔾᔪᑕᐅᔪᑦ ᓄᕙᒡᔪᐊᕐᓇᖅ-19−ᒧᑦ ᓄᓇᑦᑎᓐᓂ.
ᐊᒻᒪ ᓱᓕ, ᓱᒋᐅᑎᖃᑦᑎᐊᖅᐳᒍᑦ ᐱᒻᒪᕆᐅᔪᓂᒃ ᐱᓕᕆᔾᔪᑎᓂᒃ ᓄᕙᒡᔪᐊᕐᓇᖅ-19−ᒧᑦ ᑐᕌᖓᔪᓂᒃ ᑲᐴᑎᓂᒃ.
ᒫᓐᓇᒧᑦ ᑎᑭᖦᖢᒍ, ᓘᒃᑖᖅ ᐹᑐᓴᐅᑉ ᐅᖃᐅᔾᔪᖅᓱᐃᔾᔪᑎᖓ ᓄᓇᓖᑦ ᓴᐳᔾᔭᐅᓯᒪᖁᓪᓗᒋᑦ ᐊᔪᕐᓇᙱᓐᓂᓕᒫᖓᓂᒃ ᖃᓂᒻᒪᒍᑕᐅᕙᓪᓕᐊᔪᒥᒃ.
ᖃᔅᓯᐊᕐᔪᖕᓂᒃ ᐱᓇᓱᐊᕈᓯᕐᓂᒃ ᑕᖅᑭᓂᒃ − ᓘᒃᑖᖅ ᐹᑐᓴᓐ ᑐᑭᒧᐊᒃᑎᒋᓗᑎᒍᑦ − ᓄᓇᕗᒥᐅᑦ ᒪᓕᖕᓂᐊᖅᐳᑦ ᓯᕗᓕᖅᑎᒋᔭᐅᔪᓂᒃ ᐊᓯᖏᓐᓂᒃ ᑭᒡᒐᖅᑐᐃᕕᐅᔪᓂᒃ ᑲᓇᑕᓕᒫᒥ ᐊᒻᒪ ᓄᓇᕐᔪᐊᓕᒫᒥ − ᓘᒃᑖᖅ ᐹᑐᓴᓐᓗ ᖃᐅᔨᒋᐊᕐᕕᒋᖃᑦᑕᕐᓂᐊᖅᐸᕗᓪᓗ ᖃᓄᐃᓕᐅᕆᐊᖃᕐᒪᖔᑦᑕ ᐊᖅᑯᑎᖃᖅᑎᓪᓗᑕ ᖃᓄᐃᓕᐅᕐᓗᑕ "ᐃᓅᓇᓱᐊᕆᐊᖃᕋᑦᑕ ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ."
ᐅᑕᖅᑭᑐᐃᓐᓇᕐᓗᑕ ᖃᓄᑐᐃᓐᓇᖅ ᐸᕐᓇᐅᑎᑦ ᐋᖅᑭᒃᑕᐅᔪᑦ ᐋᖅᑭᒃᑕᐅᓯᒪᓂᐊᕐᒪᑕ ᓄᓇᕗᒻᒥ ᐱᔭᐅᒋᐊᓕᑦ ᒪᓕᒃᑕᐅᓗᑎᒃ.
ᖃᐅᔨᒪᒐᑦᑕ ᐋᖅᑭᒋᐊᕈᑕᐅᔪᑦ ᐋᖅᑭᒍᑕᐅᑐᐃᓐᓇᕆᐊᖃᕐᓂᖏᓐᓂᒃ ᓄᓇᓕᒡᔪᐊᓂᒃ ᐋᓐᓂᐊᕕᖕᓂ ᓲᕐᓗ ᑐᕌᓐᑐᒥ ᐊᒻᒪ ᕚᓐᑰᕙᒥ ᓈᒻᒫᓂᒍᓐᓇᙱᒻᒪᑕ ᐃᖃᓗᖕᒥᐅᓄᑦ, ᑎᑭᕋᕐᔪᐊᕐᒥᐅᓄᑦ ᐅᕝᕙᓘᓐᓃᑦ ᐃᖃᓗᒃᑑᑦᑎᐊᒥᐅᓄᑦ.
ᐱᓕᕆᔾᔪᓯᖅᐳᑦ ᓄᕙᒡᔪᐊᕐᓇᖅ-19−ᒧᑦ ᐊᓯᔾᔨᑐᐃᓐᓇᕆᐊᖃᖅᐳᖅ − ᒪᓖᓐᓇᕐᓗᑎᒍᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑎᓕᐅᕆᔾᔪᑕᐅᔪᑦ ᑎᓕᐅᕆᔾᔪᑕᐅᖏᓐᓇᕐᓗᑎᒃ ᐃᑲᔫᑕᐅᓗᑎᒡᓗ ᐃᓚᒌᓄᑦ ᓄᓇᖅᑲᑎᒌᓄᓪᓗ ᐊᑦᑕᕐᓇᖅᑐᒧᐊᙱᓪᓗᑎᒃ − ᐃᓚᓕᐅᔾᔭᐅᓪᓗᑎᒃ ᐊᒃᑐᖅᑕᐅᓴᕋᐃᑦᑐᑦ ᐃᓄᐃᑦ ᓲᕐᓗ ᐃᓐᓇᐃᑦ ᓄᑕᖅᑲᓪᓗ ᓄᑕᕋᐅᓗᐊᖅᑐᑦ ᑲᐱᔭᐅᒋᐊᒃᓴᖅ.
ᐊᑐᖅᑕᐅᓚᐅᑲᒍᓐᓇᖅᑐᖅ, ᐱᓕᕆᐊᕆᔭᓯ ᐱᓕᕆᐊᕇᓐᓇᕐᓗᓯᐅᒃ, ᒪᑐᐊᖅᓯᒪᑲᑕᐃᓐᓇᕐᓗᓯ, ᑲᐱᔭᐅᓗᓯ ᐊᒻᒪ ᐱᖓᔪᖓᓐᓂᒃ ᑲᐱᔭᐅᓗᓯ.
- ᐊᖏᕐᕋᖅᓯᒪᕙᒡᓗᑎᑦ ᐊᔪᕐᓇᙱᑦᑕᕌᖓᑦ.
- ᐃᓄᑮᓐᓇᖅᐸᒡᓗᓯ.
ᖁᔭᓐᓇᒦᒃ.
ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:
ᐱᒋᐊᕐᓗᒍ ᓈᑦᑏᖑᔭᒥ, 23-ᓂᒃ ᓄᓇᕗᒥᐅᓂᒃ ᐋᓐᓂᐊᕕᖕᒧᑦ ᐅᓂᒃᓯᒪᔪᖃᓚᐅᖅᐳᖅ ᒫᓐᓇᓕᓴᓵᖅ ᓄᕙᒡᔪᐊᕐᓇᖅ-19 ᖃᓂᒻᒪᓯᖅ ᐱᒋᐊᓚᐅᖅᑎᓪᓗᒍ.
ᐱᓇᓱᐊᕈᓯᐅᓚᐅᖅᑐᒥᒃ, ᐊᑕᖏᖅᖢᒍ ᑭᓇᐅᔾᔪᑎᑦ ᓴᖅᑭᑦᑎᓚᐅᖅᓯᒪᕗᑦ ᐊᑕᐅᓯᖅ ᐃᓄᒃ ᐃᖃᓗᖕᓂ ᐋᓐᓂᐊᓕᓚᐅᕐᒪᑦ BA.2-ᒥᒃ ᓄᕙᒡᔪᐊᕐᓇᖅ-19 ᖃᓂᒻᒪᓯᕐᒥᙶᖅᑐᒥᒃ. ᓇᓗᓇᕐᒪᑦ ᓱᓕ ᑖᓐᓇ ᖃᓂᒻᒪᓯᖅ ᓯᐊᒻᒪᒃᐸᓪᓕᐊᓕᕋᓗᐊᕐᒪᒑᑦ. ᐃᒪᐃᒃᑲᓗᐊᖅᑎᓪᓗᒍ ᖃᓂᒻᒪᓯᕐᒥᖔᖅᑐᖅ ᓯᐊᒻᒪᔭᓐᓂᖅᓴᐅᒐᓗᐊᖅᑎᓪᓗᒍ Omicron−ᒥ, ᐃᒪᓐᓇᐅᖅᑰᔨᙱᒻᒪᑦ Omicron−ᑐᑦ ᖃᓂᒻᒪᒃᐸᓪᓕᐊᓐᓇᓗᐊᕌᓗᖅᑰᔨᙱᒻᒪᑦ.
ᒪᓕᖁᔭᐅᔪᑦ ᖃᓱᔾᔫᒥᑎᑕᐅᓂᐊᓕᖅᑐᑦ ᐅᑯᓇᓂ ᓄᓇᓕᖕᓂ ᐃᒃᐱᐊᕐᔪᒃ, ᐸᖕᓂᖅᑑᖅ, ᐃᖃᓗᐃᑦ, ᑲᖏᖅᖠᓂᖅ, ᓴᓪᓕᖅ, ᓴᓂᑭᓗᐊᖅ, ᐃᖃᓗᒃᑑᑦᑎᐊᖅ, ᑰᒑᕐᔪᒃ, ᖃᐅᓱᐃᑦᑐᖅ ᐊᒻᒪ ᒥᑦᑎᒪᑕᓕᒃ, ᐃᓄᒋᐊᖕᓂᖅᓴᐅᔪᓐᓇᖅᓯᓗᑎᒃ ᑲᑎᙵᔪᑦ ᐳᓛᖅᑎᖃᕈᓐᓇᖅᓯᓗᑎᒡᓗ ᐊᐃᓯᒪᑎᓪᓗᒋᑦ. ᓂᕆᕝᕖᑦ ᐱᔪᓐᓇᐅᑎᖃᖅᑐᓪᓗ ᓇᖕᒥᓂᓖᑦ ᒪᑐᐃᕈᓐᓇᖅᓯᔪᑦ ᐃᓄᒋᐊᓗᐊᙱᓪᓗᑎᒃ. ᐊᓯᔾᔨᖅᑐᑦ ᐱᒋᐊᕐᓗᒍ ᓇᒡᒐᔾᔭ, ᕕᕗᐊᕆ 28 ᐅᑯᓂᖓ ᐃᓚᖃᕐᓂᐊᖅᐳᖅ ᒪᓕᒃᑕᐅᒋᐊᖃᓪᓗᐊᑕᖅᑐᓂᒃ:
- ᓯᓚᒥ ᑲᑎᙵᔪᑦ ᐅᓄᖅᓯᒋᐊᕐᓗᑎᒃ 50−ᓄᑦ ᐃᓄᖕᓄᑦ.
- ᐃᓘᑉ ᐃᓗᐊᓂ ᑲᑎᙵᔪᑦ ᐅᓄᖅᓯᒋᐊᕐᓗᑎᒃ ᖁᓕᓄᑦ ᐃᓄᖕᓄᑦ ᐃᒡᓗᒥᐅᖃᑕᐅᔪᑦ ᐃᓚᐅᓗᑎᒃ.
- ᓂᕆᔭᖅᑐᕐᕖᑦ ᐊᒻᒪ ᓚᐃᓴᓐᓯᖃᖅᑐᑦ ᑭᓱᓕᕆᕝᕖᑦ ᒪᒃᐱᑐᐃᓐᓇᕆᐊᖃᖅᐳᑦ 25−ᓂᒃ ᐃᓄᖃᕈᓐᓇᕐᓗᑎᒃ ᐅᕝᕙᓘᓐᓃᑦ 25% ᐃᓐᓄᒍᓐᓇᕐᓂᕆᔭᖓ, ᓇᓕᐊᑐᐃᓐᓇᖅ ᐅᓄᙱᓐᓂᖅᓴᑦ ᒪᓕᒃᑕᐅᓇᔭᖅᖢᓂ. ᐃᙱᑲᑕᒋᐊᖃᙱᑦᑐᑦ ᐊᒻᒪ ᒧᒥᑲᑕᒋᐊᖃᙱᑦᑐᑦ.
- ᐃᒡᓘᑉ ᐃᓗᐊᓂ ᑲᑎᙵᖃᑦᑕᖅᑐᑦ 25 ᐅᖓᑖᓃᑦᑕᕆᐊᖃᙱᑉᐳᑦ ᐅᕝᕙᓘᓐᓃᑦ 50-ᐳᓴᓐ ᐃᓐᓄᒍᓐᓇᕐᓂᖓ, ᓇᓕᐊᑐᐃᓐᓇᖅ ᐃᓄᑭᓐᓂᖅᓴᖅ ᒪᓕᒃᑕᐅᓇᔭᖅᖢᓂ.
- ᐃᖃᐃᓕᓴᕆᐊᕈᓐᓇᖅᑐᑦ 25-ᖑᓗᑎᒃ ᐃᓄᐃᑦ 50 ᐳᓴᓐᑎᖓᓘᓐᓃᑦ ᐃᓄᒋᐊᒍᓐᓇᖅᑕᖏᓐᓂᑦ, ᓇᓕᐊᑐᐃᓐᓇᖅ ᐃᓄᑭᓐᓂᕐᓴᖅ ᒪᓕᒃᑕᐅᓇᔭᖅᖢᓂ. ᐃᓄᑑᓗᓂ ᑭᓯᐊᓂ ᐃᖃᐃᓕᓴᕐᓗᑎᒃ.
- ᐅᖃᓕᒫᒐᖃᕐᕖᑦ, ᑕᑯᔭᒐᖃᕐᕖᑦ, ᐅᒃᑯᐃᕈᓐᓇᖅᑐᑦ ᐃᓄᖃᕐᓗᑎᒃ 25−ᓂ ᐅᕝᕙᓘᓐᓃᑦ 50 ᐳᓴᓐᑎ ᐃᓄᒋᐊᒍᓐᓇᕐᓂᖓ, ᓇᓕᐊᒃ ᐅᓄᙱᓐᓂᖅᓴᐅᑐᐊᖅᐸᑦ. ᐃᓄᒋᐊᒡᓗᑎᒃ ᑲᑎᙵᔪᑦ ᕿᒥᕐᕈᓇᒃᑎᑕᐅᖃᑦᑕᔾᔮᙱᑦᑐᑦ.
- ᓯᐊᕐᕆᔮᕐᕕᖕᒥ ᐃᓐᓄᒍᓐᓇᕐᓂᖓ ᐅᓄᖅᓯᒋᐊᕈᓐᓇᑐᐃᓐᓇᕆᐊᓕᒃ 50-ᓂᒃ ᐃᓄᖕᓂᒃ ᐅᕝᕙᓘᓐᓃᑦ 50−ᐳᓴᓐ ᐃᓐᓄᒍᓐᓇᕐᓂᖓ, ᓇᓕᐊᑐᐃᓐᓇᖅ ᐅᓄᙱᓐᓂᖅᓴᐅᒃᐸᑦ, ᐊᒻᒪᓗ ᐅᓄᓛᖃᕐᓗᑎᒃ 50−ᓂᒃ ᖁᙱᐊᕆᐊᖅᑐᓂᒃ. ᕿᑎᖃᑎᒌᒍᓐᓇᖅᑐᑦ.
- ᑐᒃᓯᐊᕐᕖᑦ 50−ᓂᒃ ᑭᒡᓕᖃᖅᑎᑕᐅᕗᑦ ᐅᕝᕙᓘᓐᓃᑦ 25−ᐳᓴᓐᑎᖓ ᐃᓐᓄᒋᐊᒍᓐᓇᕐᓂᖓ, ᐃᙱᕆᐊᖃᙱᖦᖢᑎᒡᓗ.
- ᐊᑯᓂᐅᔪᒃᑯᑦ ᑲᒪᒋᔭᐅᖏᓐᓇᖅᑐᒃᑯᕕᖕᒧᑦ ᐳᓛᕆᐊᕈᒪᔪᑦ ᐳᓛᕆᐊᕈᓐᓇᖅᓯᓗᑎᒃ ᐃᓚᒥᓄᑦ, ᒪᒃᐱᒃᑲᓐᓂᖅᐸᑦ.
ᐅᑯᐊ ᑎᓕᐅᕆᔾᔪᑕᐅᔪᑦ ᒪᓕᖕᓂᐊᖅᐳᑦ ᐋᖅᑭᒃᑕᐅᓯᒪᕙᒌᖅᑐᓄᑦ ᐊᕐᕕᐊᓂ, ᖃᒪᓂ'ᑐᐊᒥᑦ, ᐃᒡᓗᓕᒑᕐᔪᖕᒥᑦ, ᑲᖏᖅᑐᒑᐱᖕᒥᑦ, ᐅᖅᓱᖅᑑᒥᑦ, ᐊᐅᓱᐃᑦᑐᒥ, ᑭᒻᒥᕈᒻᒥ, ᑭᙵᕐᓂᑦ, ᖁᕐᓗᖅᑑᒥᑦ, ᓇᐅᔮᓂ, ᕿᑭᖅᑕᕐᔪᐊᕐᒥ, ᓴᓂᕋᔭᒥ, ᐊᒻᒪ ᑎᑭᕋᕐᔪᐊᕐᒥ.
ᐊᓯᔾᔨᖅᓯᒪᔪᖃᙱᓚᖅ ᒫᓐᓇ ᑭᒃᑯᑐᐃᓐᓇᓂᒃ ᖃᓄᐃᙱᑎᑦᑎᓂᕐᒧᑦ ᐊᑐᖅᑕᐅᔭᕆᐊᓕᖕᓂ ᐃᒡᓗᓕᖕᒥ, ᑕᓗᕐᔪᐊᕐᒥᓗ.
ᐳᐃᒍᖅᑕᐃᓕᒋᔅᓯ ᒪᑐᐊᖅᓯᒪᐃᓐᓇᕆᐊᖃᕋᑦᑕ ᓱᓕ ᐃᓄᒋᐊᒃᑐᒃᑯᕕᖕᓂ. ᑲᐱᔭᐅᖃᑕᐅᒋᔅᓯ ᐱᖓᔪᖓᓐᓂᒡᓗ ᑲᐱᔭᐅᖃᑕᐅᓗᓯ ᐊᔪᙱᓕᑐᐊᕈᔅᓯ, ᒪᑐᐊᖅᓯᒪᕙᒡᓗᓯᓗ ᓴᐳᔾᔨᔾᔪᑎᑦᑎᐊᕙᐅᓂᖅᐹᖑᖃᑕᐅᖕᒪᑦ ᖃᓂᒻᒪᓯᖅᑖᖅᑕᐃᓕᓂᕐᒧᑦ.
ᖁᔭᓐᓇᒦᒃ.
ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓄᓇᕗᒥᐅᓂᒃ ᓴᐳᔾᔨᓯᒪᓇᓱᒃᖢᑎᒃ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐅᑯᓂᖓ ᐊᑐᓕᖅᑎᑦᑎᕗᑦ:
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᖅᑎᖏᑦ
ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᓄᕙᒡᔪᐊᕐᓇᖅ-19 ᒥᒃᓵᓄᑦ ᓄᓇᕗᒻᒥ, ᐅᕗᙵᕐᓗᑎᑦ:
https://www.gov.nu.ca/health/information/covid-19-novel-coronavirus
ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ:
https://www.gov.nu.ca/health/information/nunavuts-path
ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᖅᑐᓂᑦ ᐅᕗᙵᕐᓗᑎᑦ:
https://www.gov.nu.ca/health/information/covid-19-novel-coronavirus
ᓄᕙᕐᔪᐊᕐᓇᖅ-19−ᒥ ᑭᒡᓕᓯᓂᐊᖅᑕᐅᓯᒪᔪᑦ: ᕕᕝᕗᐊᕆ 22, 2022
| ᑲᑎᖦᖢᒋᑦ ᖃᐅᔨᓴᖅᑕᐅᓯᒪᔪᑦ | ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ | ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ | ᑲᑎᖦᖢᒋᑦ ᐊᓂᒍᐃᓯᒪᔪᑦ | ᐃᓅᔪᓐᓃᖅᑐᑦ | ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᓯᕗᓪᓕᖅᐹᖓᓐᓂᑦ ᓄᓇᕗᒻᒥ | ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᒪᕐᕉᓐᓂᒃ ᓄᓇᕗᒻᒥ | ᑲᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᐱᖓᓱᓂᑦ ᓄᓇᕗᒻᒥ |
| 34,482 | 2545 | 310 | 2230 | 5 | 33053 | 27776 | 13523 |
ᓄᕙᒡᔪᐊᕐᓇᖅ-19−ᒧᑦ ᓄᓇᓕᖕᓂ ᖃᓂᒻᒪᒃᑐᑦ ᑭᒡᓕᓯᓂᐊᖅᑕᐅᓯᒪᔪᑦ: ᕕᕝᕗᐊᕆ 22, 2022
*ᖃᐅᔨᒪᖁᔭᐅᕗᑎᑦ: ᖃᔅᓯᐅᓂᖏᑦ ᐊᓯᔾᔨᖅᑕᖃᑦᑕᖅᐳᑦ. ᖃᓄᑐᐃᓐᓇᓕᒫᑦᑎᐊᖅ ᐱᓇᔪᖃᑦᑕᖅᐳᑦ ᑖᒃᑯᐊ ᑐᓴᒐᒃᓴᐃᑦ ᓄᑖᖑᐃᓐᓇᖁᓪᓗᒋᑦ ᐱᐊᓂᑦᑎᐊᖅᓯᒪᖁᓪᓗᒋᓪᓗ, ᑭᓯᐊᓂ ᑕᒪᐃᓂᒃ ᐃᓄᖕᓂᒃ ᓴᖅᑭᑎᑦᑎᙱᑐᐃᓐᓇᕆᐊᓕᒃ ᒪᓕᒃᑕᐅᔪᓂᑦ ᖃᐅᔨᓴᖅᑕᐅᓯᒪᔪᓂᓪᓗᓐᓂᑦ.
**ᔭᓄᐊᕆ 17, 2022−ᒥ ᐱᒋᐊᕐᓗᓂ, ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓂᕋᖅᑕᐅᓪᓗᑎᒃ ᐱᖃᓯᐅᔾᔨᕗᑦ ᑕᐃᒃᑯᐊ ᒪᓕᒃᑐᑦ ᐋᖅᑭᒋᐊᖅᓯᒪᔪᓂᑦ ᓄᓇᕗᒻᒥ ᐱᖃᕐᓂᕋᖅᑕᐅᔪᑦ ᑐᑭᖏᓐᓂ. ᐅᑯᐊ ᐱᖃᓯᐅᑎᓪᓗᒋᑦ ᓄᕙᒡᔪᐊᕐᓇᖅ-19−ᒥ ᖃᐅᔨᔭᐅᓯᒪᔪᑦ ᓇᓗᓇᐃᖅᑕᐅᓪᓗᑎᒃ (PCR) ᐅᕝᕙᓘᓐᓃᑦ ᐱᖃᕋᓱᒋᔭᐅᓪᓗᑎᒃ (ᓱᒃᑲᔪᒥᒃ) ᖃᐅᔨᓴᖅᑕᐅᔪᑦ.
***ᑭᖑᕙᓯᒃᑐᖃᑐᐃᓐᓇᕆᐊᓕᒃ ᐅᖃᐅᓯᖃᕐᓂᐊᕐᓗᓂ ᖃᓄᐃᓕᖓᓂᖏᓐᓄᑦ ᑭᒡᓕᓯᓂᐊᖅᑕᐅᓯᒪᔪᓂᓪᓗ ᐱᔭᐅᔪᓂᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥ. ᖁᓕᓪᓗ ᒪᕐᕉᒃ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒥᐅᑕᐅᓂᕋᖅᑕᐅᓪᓗᑎᒃ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.
ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᕕᕗᐊᕆ 22, 2022
ᑐᑭᓯᒋᐊᒐᒃᓴᑦ/ᑭᒡᓕᒋᑎᑕᐅᔪᑦ:
ᐅᑯᐊ ᑐᑭᓯᒋᐊᒐᒃᓴᑦ ᑕᑯᒃᓴᐅᑎᑦᑎᕗᑦ ᓈᓴᐅᑎᓂᒃ ᓄᓇᖅᑲᑎᒌᑦ ᑲᐱᔭᐅᔪᑦ ᓇᓗᓇᐃᖅᑕᐅᕙᓪᓕᐊᔪᓂᒃ ᐱᒋᐊᖅᖢᒍ ᕕᕗᐊᕆ 22, 2022. ᐳᓴᓐᑎᖓ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐃᒪᐃᑉᐳᖅ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐊᕕᒃᓯᒪᓪᓗᑎᒃ ᓄᓇᕗᒥᐅᑦ ᐃᓄᒋᐊᓐᓂᖏᑕ ᓇᓚᐅᑦᑖᖅᑕᐅᓯᒪᓂᖏᑦ 18-ᓂ ᐅᖓᑖᓂᓪᓗ ᐅᑭᐅᓖᑦ.
ᓄᓇᕘᓕᒫᒥ ᑲᑎᖦᖢᒋᑦ ᑲᐱᔭᐅᔪᑦ ᑕᒻᒪᖅᓯᒪᙱᑦᑐᑦ ᓇᐃᓈᖅᓯᒪᔪᑦ. ᓄᓇᓖᑦ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᑦ ᕿᒥᕐᕈᔭᐅᕙᓪᓕᐊᑐᐃᓐᓇᖅᐳᑦ ᖃᐅᔨᒪᔪᒪᓪᓗᑎᒃ ᓈᒻᒪᒃᑲᓗᐊᕐᒪᖔᑕ ᓇᓗᓇᐃᖅᓯᔾᔪᑎᑦ. ᓄᓇᓕᖕᓂ ᑲᑎᖦᖢᒋᑦ ᐋᖅᑭᒋᐊᖅᑕᐅᖃᑦᑕᕐᓂᐊᖅᐳᑦ ᐱᔭᕆᐊᖃᕌᖓᑦ. ᑐᕌᖓᑐᐃᓐᓇᕆᐊᖃᖅᑐᖅ ᐊᓯᔾᔨᒐᓚᒋᐊᖃᕋᔭᖅᑐᓄᑦ ᐳᓴᓐᑎᖏᑦ ᓄᓇᓖᑦ ᒪᓕᒡᓗᒋᑦ.
ᑲᐴᑎᑦ ᓇᓗᓇᐃᖅᑕᐅᖃᑦᑕᖅᐳᑦ ᓄᓇᓕᖕᓄᑦ ᐊᐅᓚᑦᑎᕝᕕᒋᔭᐅᔪᓄᑦ.
ᑲᑎᖦᖢᒋᑦ ᑲᐱᔭᐅᔪᑦ ᐅᑯᐊᖑᓂᐊᖅᐳᑦ ᓄᓇᖃᖅᑐᑦ ᓄᓇᖃᙱᑦᑑᒐᓗᐊᓪᓗ, ᐃᓚᓕᐅᔾᔭᐅᓪᓗᑎᒃ ᐅᓐᓄᐊᖅᓯᐅᑕᐅᓕᖅᐸᒃᑐᑦ ᐃᖅᑲᓇᐃᔭᖅᑏᑦ.
ᖃᔅᓯᑲᓪᓚᑦ ᓄᓇᓖᑦ ᐃᓄᒃᑕᖃᖅᑐᑦ ᑲᐱᔭᐅᓂᑯᓂᒃ ᒪᕐᕉᖕᓂ ᐊᔾᔨᒌᙱᑦᑑᖕᓂ ᓄᓇᓕᖕᓂ, ᐅᕝᕙᓘᓐᓃᑦ ᓄᓇᒋᙱᑕᒥᓂᒃ ᑲᐱᔭᐅᖃᑕᐅᓯᒪᔪᖃᖅᑐᖅ.
ᐃᓄᖕᒥᒃ ᑲᐱᔭᐅᓯᒪᔪᖃᑐᐃᓐᓇᕆᐊᖃᖅᐳᖅ ᓯᕗᓪᓕᕐᒥᒃ ᐊᒻᒪ/ᐅᕝᕙᓘᓐᓃᑦ ᐊᐃᑉᐸᖓᓂᒃ ᓄᓇᒋᙱᑕᒥᓂᒃ ᑲᐱᔭᐅᔪᓂᒃ.
ᑖᓐᓇ ᐱᔾᔪᑎᖃᙱᑦᑐᖅ ᐃᓄᖕᓄᑦ ᑲᐱᔭᐅᓚᐅᖅᑐᓄᑦ ᐃᓚᐃᓐᓇᖓᓂᒃ ᑕᒪᐃᓐᓂᒡᓘᓐᓃᑦ ᓄᓇᕘᑉ ᓯᓚᑖᓂ.
ᖁᑦᑎᒃᐸᑦ ᐳᓴᓐᑎᖓ ᐊᑕᐅᓯᕐᒥᒃ ᓄᓇᓕᖕᓂ ᓇᓕᒧᙱᒻᒪᑦ ᐃᓄᒐᓴᒡᔪᐊᓄᑦ ᑲᐳᖅᓴᖅᑕᐅᔪᓄᑦ. ᐋᖅᑭᒃᑕᐅᔪᖃᖅᓯᒪᙱᑦᑐᖅ ᓇᓗᓇᐃᖅᑕᐅᓯᒪᔪᖃᙱᑦᑐᕐᓘᓐᓃᑦ ᐳᓴᓐᑎᖓᓐᓂᒃ ᖃᓄᖅ ᑲᐱᔭᐅᓯᒪᔪᑦ ᐊᒃᑐᖅᑕᐅᖏᑦᑐᓐᓇᖅᓯᓗᑎᒃ ᓄᕙᒡᔪᐊᕐᓇᖅ-19−ᒧᑦ. ᖃᓄᒥᐊᖅ ᑲᐱᔭᐅᓯᒪᔪᑦ ᐊᒃᑐᖅᑕᐅᖏᑦᑐᓐᓇᖅᓯᓗᑎᒃ ᑎᑭᑕᐅᔪᓐᓇᙱᑉᐳᖅ ᒫᓐᓇ ᑲᐴᑎᓄᑦ ᐊᖏᖅᑕᐅᓯᒪᔪᓄᑦ (ᓲᕐᓗ ᓄᑕᖅᑲᑦ 12 ᑐᖔᓂ ᐅᑭᐅᖃᑐᐊᖅᐸᑕ ᑲᐱᔭᐅᔪᓐᓇᙱᑦᑐᑦ).
ᓇᑭᙶᕐᓂᖏᑦ:
ᑲᓇᑕᒥ ᑭᒡᓕᓯᓂᐊᖅᑎᒃᑯᑦ, ᓄᓇᓖᑦ ᐃᓄᖏᑦᑕ ᖃᓄᐃᓕᕙᓪᓕᐊᓂᖏᓐᓄᑦ ᐱᓕᕆᕝᕕᒃ, ᑎᑎᖅᑲᙳᖅᑎᑕᐅᔪᒃᓴᑦ. ᐱᕙᒌᔭᖅᑕᐅᔪᖅ ᐅᑯᓄᖓ: ᓄᓇᕗᒻᒥ ᑭᒡᓕᓯᓂᐊᖅᑎᒃᑯᑦ, ᔭᓄᐊᕆ 27, 2021.
ᑲᐱᔭᐅᓯᒪᔪᑦ ᖃᔅᓯᐅᓂᖏᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᓐᓂᐊᕕᓕᐊᖅᑐᓄᑦ ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎᓃᖔᖅᑐᖅ.
ᐱᔪᓐᓇᖅᑎᑕᐅᔪᑦ ᐃᓐᓇᐃᑦ ᓄᓇᓕᖕᓂ ᓇᓗᓇᐃᖅᑕᐅᓯᒪᕗᑦ ᖃᔅᓯᐅᓂᖏᓐᓄᑦ ᐃᓄᐃᑦ ᐅᑭᐅᓖᑦ 18-ᓂᒃ ᐅᖓᑖᓂᓪᓗ ᒪᓕᒡᓗᒍ 2020-ᒥ ᐃᓄᐃᑦ ᓇᓚᐅᑦᑖᖅᑕᐅᓯᒪᔪᑦ.
ᓄᓇᖅᑲᑎᒌᑦ ᐃᓄᒋᐊᖕᓂᖏᑦ ᒥᒃᓴᐅᑦᑎᓯᒪᔪᑦ "ᐊᒃᑐᐊᓂᖃᙱᑦᑐᑦ" ᑐᙵᕕᖃᙱᓐᓂᖏᓐᓄᑦ ᐃᓗᓕᖅᑕᓄᑦ ᐃᓄᒋᐊᒃᓯᕙᓪᓕᐊᔪᓄᑦ (ᐃᓅᕙᓪᓕᐊᔪᑦ, ᑐᖁᕙᓪᓕᐊᔪᑦ ᐊᒻᒪ ᐊᓯᐊᓂᒃ ᓄᓇᓂᙶᖅᑐᑦ ᓄᒃᑕᖅᐸᒃᑐᑦ). ᑲᒪᒋᔭᐅᑦᑎᐊᕐᓗᑎᒃ ᐊᑐᖅᑕᐅᔭᕆᐊᓖᑦ.
ᐊᓂᑦᑕᐃᓕᕕᖕᒦᑦᑐᑦ ᐃᓄᐃᑦ:
| ᐊᐅᓪᓚᕐᓂᐊᖅᑐᖅ ᖃᓄᐃᑦᑑᓂᖓ | ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᕕᕗᐊᕆ 21-ᖑᓕᕐᑎᓪᓗᒍ |
| ᐋᓐᓂᐊᕐᕕᓕᐊᖅᑐᑦ | 52 |
| ᑭᒃᑯᑐᐃᓐᓇᑦ | 2 |
| ᑐᐊᕕᕐᓇᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᑦ ᐊᓂᑦᑕᐃᓕᓂᕐᓗ | 0 |
| ᐃᒡᓗᓕᐅᕐᑎᑦ | 2 |
| ᑲᑎᖦᖢᒋᑦ | 54 |
ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᓇᐃᓈᕐᓯᒪᔪᖅ:
| ᐊᐅᓪᓚᕐᕕᒃᓴᖓᑕ ᐅᓪᓗᐊ | ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐊᓂᑦᑕᐃᓕᕕᖕᒥᙶᖅᑐᑦ |
| ᕕᕗᐊᕆ 21 2022 | 10 |
| ᕕᕗᐊᕆ 22 2022 | 7 |
| ᕕᕗᐊᕆ 23 2022 | 0 |
| ᕕᕗᐊᕆ 24 2022 | 2 |
| ᕕᕗᐊᕆ 25 2022 | 5 |
| ᕕᕗᐊᕆ 26 2022 | 8 |
| Total | 32 |
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᕝᕕᖓᑕ ᐱᔨᑦᑎᕈᑎᖏᑦ
ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᐅᑎᑦ:
ᐃᖏᕐᕋᔪᓕᕆᔨᒃᑯᑦ
ᑭᒡᓕᖃᖅᑎᑕᐅᔪᑦ ᐃᓄᐃᑦ ᐅᐸᒍᑎᓪᓗᑎᒃ ᐱᔨᑦᑎᕋᐅᑎᑦ ᐱᔭᒃᓴᐅᕗᑦ ᐃᓂᒃᓴᓕᐅᖅᑳᕐᓗᓯ ᑭᓯᐊᓂ. ᑐᐊᕕᕐᓇᖅᑐᓄᑦ ᑐᒃᓯᕋᐅᑎᓄᑦ, ᖃᐅᔨᒃᑲᕐᓗᒋᑦ ᐃᖏᕐᕋᔪᓕᕆᔨᒃᑯᑦ ᐱᓕᕆᕝᕕᖓ ᐅᕙᙵᑦ motorvehicles@gov.nu.ca ᐃᓂᒃᓴᓕᐅᖅᑕᐅᔪᒪᓗᓯᓗ. ᐱᔨᑦᑎᖅᑕᐅᒋᐊᓕᑦ ᐃᕐᖐᓐᓈᖅᑕᐅᑎᖃᙱᑦᑐᑦ ᖃᐅᔨᒋᐊᕈᓐᓇᖅᐳᑦ ᐱᓕᕆᕝᕕᖕᒧᑦ ᐅᖄᓚᓗᑎᒃ ᐅᕗᖓ 867-975-7840.
ᓄᓇᕗᒻᒥᐅᑦ ᐅᕗᖓ ᑕᑯᒋᐊᕈᓐᓇᕐᒥᔪᑦ gov.nu.ca/motorvehicles ᐱᔪᒪᒍᑎᒃ:
- ᐊᖁᑦᑐᓐᓇᐅᑎᓄᑦ ᓄᑖᙳᕆᐊᖅᑎᑦᑎᓂᖅ.
- ᓄᓇᕗᒻᒥ ᓇᓗᓇᐃᒃᑯᑕᕐᓄᑦ ᓄᑖᙳᕆᐊᖅᑎᑦᑎᓂᖅ
- ᓄᓇᒃᑰᕈᑎᓄᑦ ᐊᑎᓕᐅᕐᕕᖕᒧᑦ ᓄᑖᙳᕆᐊᖅᑎᑦᑎᓂᖅ
- ᑐᒃᓯᕋᐅᑏᑦ ᐊᖁᑦᑐᓐᓇᐅᑎᓂᑦ, ᓄᓇᑰᕈᑎᓯᐅᕐᓂᖅ, ᐊᒻᒪᓗ ᐱᕐᕈᓗᐊᕿᔪᓂ ᐅᓂᑳᕐᓂᖅ
ᐃᓕᓐᓂᐊᕐᓂᓕᕆᔨᒃᑯᑦ ᐱᔨᑦᑎᕋᖅᑎᖏᑦ
ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
ᒪᓕᒃᖢᒍ ᐅᖃᐅᔾᔪᖅᓱᐃᓂᖓ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓ, ᐱᒋᐊᕐᓗᓂ ᓇᒡᒐᔾᔭᒥ, ᕕᕗᐊᕆ 21, 2022, ᐅᖅᓱᖅᑑᕐᒥ ᐃᓕᓐᓂᐊᕐᕕᖏᑦ ᐅᒃᑯᐃᓛᕐᒪᑕ 50 ᐳᓴᓐᑎᒥᑦ ᐃᓄᒋᐊᒍᓐᓇᕐᑕᖏᓐᓂᒃ.
- ᐃᓕᓐᓂᐊᕐᕖᑦ ᐃᓕᓐᓂᐊᖅᑎᓄᑦ ᖃᑕᙳᑎᖏᓐᓂᓪᓗ ᑐᓴᐅᒪᑎᑦᑎᓂᐊᖅᐳᑦ ᐃᓕᓐᓂᐊᕐᕕᐅᑉ ᖃᓄᐃᓕᖓᓂᖓᓂ ᐊᒻᒪᓗ ᐱᓕᕆᖃᑎᒌᓂᑦ ᐸᕐᓇᒃᑕᐅᔪᓂᑦ.
- ᐊᖓᔪᖅᑳᕆᔭᐅᔪᑦ ᑐᑭᓯᐅᒪᑦᑎᐊᙱᑉᐸᑕ ᖃᖓ ᐃᓕᓐᓂᐊᖅᑏᑦ ᐅᑎᓛᕐᒪᖔᑕ, ᐃᓕᓴᐃᔨᓄᑦ ᖃᐅᔨᒋᐊᕆᐊᖃᖅᐳᑦ.
ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᐅᖃᐅᔾᔪᐃᔾᔪᑎᖏᑦ, ᓇᒡᒐᔾᔭᒥ, ᕕᕗᐊᕆ 21, 2022−ᒥ, ᖃᒪᓂ'ᑐᐊᖅ, ᐃᒡᓗᓕᒃ, ᐊᒻᒪ ᑭᙵᐃᑦ ᐃᓕᓐᓂᐊᕐᕕᖏᑦ ᐅᒃᑯᐃᓛᖅᑐᑦ 100 ᐳᓴᓐᑎᒥᑦ ᐃᓄᒋᐊᒍᓐᓇᕐᓂᖓᓂ.
- ᖃᒪᓂ'ᑐᐊᕐᒥ, ᐃᒡᓗᓕᖕᒥ, ᐊᒻᒪ ᑭᙵᕐᓂ ᐃᓕᓐᓂᐊᕐᕖᑦ ᒪᓕᖕᓂᐊᖅᑐᑦ ᑕᒪᐃᓐᓂᓕᒫᖅ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐅᔾᔨᖅᑐᕈᑎᓂᒃ ᒪᓕᒡᓗᑎᒃ ᐱᓕᕆᕝᕕᖕᒥᑦ ᒪᓕᒃᑕᐅᔭᕆᐊᓕᖕᓂᑦ.
- ᐃᓕᓐᓂᐊᕐᑎᑦ ᐃᖅᑲᓇᐃᔭᖅᑎᓪᓗ ᐃᖅᑲᐃᓯᔭᐅᕗᑦ ᒪᑐᐊᖅᓯᒪᖃᑦᑕᖁᔭᐅᓪᓗᑎᒃ ᐃᓕᓐᓂᐊᕐᕕᖕᒥᑦ ᓄᓇᓯᐅᑎᑯᑖᒥᓪᓗ.
- ᐃᓕᓐᓂᐊᕐᓂᓕᕆᔨᒃᑯᑦ, ᐊᖅᑯᑎᖃᖅᖢᑎᒃ ᓄᕙᒡᔪᐊᕐᓇᓕᕆᔪᓂᒃ ᑐᖅᑲᖅᑕᕐᕕᖕᒥ, ᐱᓯᒪᓕᖅᑐᑦ 15,600 ᓄᕙᒡᔪᐊᕐᓇᖅ-19−ᒧᑦ ᖃᐅᔨᓴᑲᐅᑦᑐᕈᑎᓂᒃ ᐃᓕᓐᓂᐊᕐᕕᖕᓄᑦ ᐊᒻᒪ ᐸᐃᕆᕕᖕᓂ ᐃᖅᑲᓇᐃᔭᕐᕕᓕᖕᓄᑦ ᐱᕙᒌᔭᖅᐸᓪᓕᐊᕗᓪᓗ ᑐᓂᐅᖅᑲᐅᑕᐅᓛᖅᖢᑎᒃ ᐱᓇᓱᐊᕈᓯᕐᓂᒃ ᐊᒡᒋᖅᑐᓂᒃ.
ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑦ ᐅᖃᐅᔾᔪᐃᔾᔪᑎᖓ ᒪᓕᒃᖢᒍ, ᓇᒡᒐᔾᔭᒥ, ᕕᕗᐊᕆ 21, 2022, ᐃᒡᓗᓕᖕᒥ ᐸᐃᕆᕝᕖᑦ ᐅᒃᑯᐃᕈᓐᓇᖅᓯᔪᑦ ᓄᑕᕋᓕᒫᓄᑦ.
ᐱᔨᑦᑎᕋᖅᑕᐅᖏᓐᓇᖅᑐᑦ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᐅᖃᐅᔾᔪᐃᔾᔪᑎᖏᑦ, ᓇᒡᒐᔾᔭᒥ, ᕕᕗᐊᕆ 21, 2022−ᒥ, ᖃᒪᓂ'ᑐᐊᖅ, ᐃᒡᓗᓕᒃ, ᐊᒻᒪ ᑭᙵᐃᑦ ᐃᓕᓐᓂᐊᕐᕕᖏᑦ ᐅᒃᑯᐃᓛᖅᐳᑦ 100 ᐳᓴᓐᑎᒥᑦ ᐃᓄᒋᐊᒍᓐᓇᕐᓂᖓᓂ.
- ᖃᒪᓂ'ᑐᐊᕐᒥ, ᐃᒡᓗᓕᖕᒥ, ᐊᒻᒪ ᑭᙵᕐᓂ ᐃᓕᓐᓂᐊᕐᕖᑦ ᒪᓕᖕᓂᐊᖅᑐᑦ ᑕᒪᐃᓐᓂᓕᒫᖅ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐅᔾᔨᖅᑐᕈᑎᓂᒃ ᒪᓕᒡᓗᑎᒃ ᐱᓕᕆᕝᕕᖕᒥᑦ ᒪᓕᒃᑕᐅᔭᕆᐊᓕᖕᓂᑦ.
- ᐃᓕᓐᓂᐊᕐᑎᑦ ᐃᖅᑲᓇᐃᔭᖅᑎᓪᓗ ᐃᖅᑲᐃᓯᔭᐅᕗᑦ ᒪᑐᐊᖅᓯᒪᖃᑦᑕᖁᔭᐅᓪᓗᑎᒃ ᐃᓕᓐᓂᐊᕐᕕᖕᒥᑦ ᓄᓇᓯᐅᑎᑯᑖᒥᓪᓗ.
ᑕᓗᕐᔪᐊᖅ ᐱᙱᖦᖢᓂ, ᐊᓯᖏᑦ ᐃᓕᓐᓂᐊᕐᕖᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᒪᑐᐃᒃᑲᓐᓂᕐᓂᐊᓕᖅᐳᑦ 50−ᐳᓴᖓᓂ ᐅᕝᕙᓘᓐᓃᑦ 100−ᐳᓴᖓᓂ ᐃᓄᖃᕈᓐᓇᕐᓂᖓᑕ, ᓄᕙᒡᔪᐊᕐᓇᖅ-19−ᖃᖅᑐᑦ ᒪᓕᒃᑕᐅᓗᑎᒃ ᑕᒪᐃᓐᓂᒃ ᓄᓇᓕᖕᓂ.
- ᐃᓕᓐᓂᐊᕐᕖᑦ ᐃᖃᓗᒃᑑᑦᑎᐊᒥ, ᐅᖅᓱᖅᑑᒥ, ᓴᓂᑭᓗᐊᕐᒥᓗ ᒪᑐᐃᖓᓕᖅᐳᑦ 50−ᐳᓴᓐ ᐃᓄᒋᐊᒍᓐᓇᕐᓂᖓᓂ.
- ᐃᓕᓐᓂᐊᕐᕖᑦ ᐊᓯᓕᒫᖏᓐᓂ ᓄᓇᓕᖕᓂ ᒪᑐᐃᖓᓂᐊᖅᐳᑦ 100−ᐳᓴᓐ ᐃᓄᖃᕈᓐᓇᕐᓂᖓᓂ.
- ᐃᓕᓐᓂᐊᕐᕖᑦ ᐃᓕᓐᓂᐊᖅᑎᓄᑦ ᖃᑕᙳᑎᖏᓐᓂᓪᓗ ᑐᓴᐅᒪᑎᑦᑎᓂᐊᖅᐳᑦ ᐃᓕᓐᓂᐊᕐᕕᐅᑉ ᖃᓄᐃᓕᖓᓂᖓᓂ ᐊᒻᒪᓗ ᐱᓕᕆᖃᑎᒌᓂᑦ ᐸᕐᓇᒃᑕᐅᔪᓂᑦ.
- ᐊᖓᔪᖅᑳᕆᔭᐅᔪᑦ ᑐᑭᓯᐅᒪᑦᑎᐊᙱᑉᐸᑕ ᖃᖓ ᐃᓕᓐᓂᐊᖅᑏᑦ ᐅᑎᓛᕐᒪᖔᑕ, ᐃᓕᓴᐃᔨᓄᑦ ᖃᐅᔨᒋᐊᕆᐊᖃᖅᐳᑦ.
ᐃᓕᓐᓂᐊᕐᓂᓕᕆᔨᒃᑯᑦ, ᐊᖅᑯᑎᖃᖅᖢᑎᒃ ᓄᕙᒡᔪᐊᕐᓇᓕᕆᔪᓂᒃ ᑐᖅᑲᖅᑕᕐᕕᖕᒥ, ᐱᓯᒪᓕᖅᑐᑦ 15,600 ᓄᕙᒡᔪᐊᕐᓇᖅ-19−ᒧᑦ ᖃᐅᔨᓴᑲᐅᑦᑐᕈᑎᓂᒃ ᐃᓕᓐᓂᐊᕐᕕᖕᓄᑦ ᐊᒻᒪ ᐸᐃᕆᕕᖕᓂ ᐃᖅᑲᓇᐃᔭᕐᕕᓕᖕᓄᑦ ᐱᕙᒌᔭᖅᐸᓪᓕᐊᕗᓪᓗ ᑐᓂᐅᖅᑲᐅᑕᐅᓛᖅᖢᑎᒃ ᐱᓇᓱᐊᕈᓯᕐᓂᒃ ᐊᒡᒋᖅᑐᓂᒃ.
ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ
ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᖅᑎᑦᑎᔨᑦ ᐊᒡᓚᕝᕕᖓ ᓱᓕ ᐊᑭᓕᖅᓱᐃᕙᓪᓕᐊᔪᑦ ᐃᓕᓐᓂᐊᖅᑎᓄᑦ ᑎᑎᕋᕆᐊᓕᖕᒥᒃ ᓇᒃᓯᐅᔾᔨᓚᐅᖅᑐᓄᑦ.
- ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᑦ ᓱᓕ ᐱᓕᕆᓚᐅᙱᑦᑐᑦ ᓇᒃᓯᐅᔾᔨᔭᕆᐊᖃᓕᖅᐳᑦ FANS SEF−ᒥᓂᒃ (A−ᖓ ᑎᑎᕋᕐᓗᒍ) ᐊᒻᒪ ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ ᑎᑎᕋᖅᑕᐅᓯᒪᔭᔾᔪᑎᖓ ᓇᓗᓇᐃᖅᓯᒪᔪᖅ ᑎᑎᖅᑲᖅ FANS−ᑯᑦ ᐊᒡᓚᕝᕕᖓᓄᑦ. ᐃᓕᓐᓂᐊᖅᑏᑦ ᐱᕕᖃᖅᑎᑦᑎᔭᕆᐊᓕ 15−ᓂ ᐃᖅᑲᓇᐃᔭᕐᓇᐅ ᐅᓪᓗᓂᑦ ᑐᓂᓯᓚᐅᖅᑎᓪᓗᒋᑦ ᐃᓕᓐᓂᐊᖅᑎᓄᑦ ᐊᑎᓕᐅᕆᐊᓖᑦ ᑕᑕᑎᕆᐊᓖᑦ ᓄᓇᕗᒻᒥ ᐃᓕᓐᓂᐊᖅᑏᑦ ᑭᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᑮᓇᐅᔭᑦ ᐃᓕᔭᐅᕝᕕᒃᓴᖓᓄᑦ ᑮᓇᐅᔭᒃᑯᕕᖕᒧᑦ. 15 ᐃᖅᑲᓇᐃᔭᕐᓇᐅ ᐅᓪᓗᖓᓄᑦ ᖄᖏᖅᐸᑦ ᐃᓕᓐᓂᐊᖅᑏᑦ ᑮᓇᐅᔭᒃᓴᖅᑖᓚᐅᙱᑉᐸᑦ ᑮᓇᐅᔭᖃᕐᕕᐊᓄᑦ, ᐃᕐᖐᓐᓇᖅᑕᐅᒃᑯᑦ ᑎᑎᕋᕈᓐᓇᖅᑐᑦ fans@gov.nu.ca ᖃᐅᔨᒃᑲᐃᓗᑎᑦ. ᐃᓕᓐᓂᐊᖅᑏᑦ ᐃᓚᓕᐅᑎᓗᑎᑦ ᐊᔾᔨᖓᓂ ᑮᓇᐅᔭᒃᑯᕕᐅᑉ ᓇᐃᓴᐅᑎᖓᓂ ᐱᒋᐊᕐᓗᓂ ᔭᓄᐊᕆ 1ᒥᑦ ᒫᓐᓇᒧᑦ.
ᐊᐱᖅᑯᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐱᔾᔪᑎᒋᓗᒋᑦ ᓇᒃᓯᐅᔾᔭᐅᔪᓐᓇᖅᑐᑦ ᐅᕗᖓ fans@gov.nu.ca. ᐃᓕᓐᓂᐊᖅᑎᑦ ᐊᐱᖅᑯᑎᒃᓴᓕᑦ ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᖃᖓᑦᑕᐅᓯᖅᑕᐅᔪᓐᓇᕐᒪᖔᑦ ᖃᐅᔨᒋᐊᕈᓐᓇᖅᑐᑦ ᐅᕗᖓ fanstravel@gov.nu.ca ᑐᑭᓯᒋᐊᒃᑲᓐᓂᒐᒃᓴᓂ.
ᐃᓕᓐᓂᐊᖅᑎᑦ ᖃᖓᑦᑕᐅᑎᒥᓂᒃ ᐊᓯᔾᔨᖅᑕᐅᒍᔾᔨᔪᑦ ᖃᖓᑦᑕᕐᕕᒃᓴᖓᓂᑦ ᐃᕐᖐᓐᓇᖅᑐᐊᒃᑯᑦ ᑎᑎᕋᖁᔭᐅᕗᑦ fanstravel@gov.nu.ca ᐃᖅᑲᓇᐃᔭᕐᓇᒃᑯᑦ ᐅᕝᕙᓘᓐᓃᑦ, ᐃᖅᑲᓇᐃᔭᕐᓇᐅᙱᑉᐸᑦ, ᐃᖅᑲᓇᐃᔭᕐᓇᐅᙱᑎᓪᓗᒍ ᐅᖃᓗᒍᓐᓇᖅᐳᑎᑦ ᖃᖓᑦᑕᐅᓯᕆᔨᒃᑯᓐᓄᑦ ᐅᕗᖓ 1-867-857-6950.
ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
ᒪᓕᒃᖢᒍ ᐅᖃᐅᔾᔪᖅᓱᐃᓂᖓ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᓐᓂᒃ, ᐱᒋᐊᕐᓗᓂ ᓇᒡᒐᔾᔭᒥ, ᕕᕗᐊᕆ 21, 2022, ᐅᖅᓱᖅᑑᕐᒥ ᐃᓕᓐᓂᐊᕐᕕᖏᑦ ᐅᒃᑯᐃᓛᕐᒪᑕ 50 ᐳᓴᓐᑎᒥᑦ ᐃᓄᒋᐊᒍᓐᓇᕐᑕᖏᓐᓂᒃ.
- ᐃᓕᓐᓂᐊᕐᕖᑦ ᐃᓕᓐᓂᐊᖅᑎᓄᑦ ᖃᑕᙳᑎᖏᓐᓂᓪᓗ ᑐᓴᐅᒪᑎᑦᑎᓂᐊᖅᐳᑦ ᐃᓕᓐᓂᐊᕐᕕᐅᑉ ᖃᓄᐃᓕᖓᓂᖓᓂ ᐊᒻᒪᓗ ᐱᓕᕆᖃᑎᒌᓂᑦ ᐸᕐᓇᒃᑕᐅᔪᓂᑦ.
- ᐊᖓᔪᖅᑳᕆᔭᐅᔪᑦ ᑐᑭᓯᐅᒪᑦᑎᐊᙱᑉᐸᑕ ᖃᖓ ᐃᓕᓐᓂᐊᖅᑏᑦ ᐅᑎᓛᕐᒪᖔᑕ, ᐃᓕᓴᐃᔨᓄᑦ ᖃᐅᔨᒋᐊᕆᐊᖃᖅᐳᑦ.
ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ
ᖁᑦᑎᒃᓯᓯᒪᑎᓪᓗᒍ ᓄᓇᕗᒻᒥ ᐃᓕᓐᓂᐊᖅᑏᑦ ᑮᓇᐅᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᑎᑎᕋᕐᕕᒃ, ᓲᕐᓗ ᓄᑖᒥᑦ ᐃᓕᓐᓂᐊᒐᒃᓴᓕᕆᑎᓪᓗᒋᑦ, ᐱᔨᑦᑎᕋᐅᑎᓄᑦ ᒪᓕᒃᑕᐅᔭᕆᐊᓖᑦ ᑭᐅᔾᔪᑕᐅᔪᓄᑦ ᐃᕐᖐᓐᓇᖅᑕᐅᒃᑯᑦ 3−5 ᐃᖅᑲᓇᐃᔭᕐᓇᑦ ᐅᓪᓗᕐᓄᑦ. ᑭᐅᔭᐅᓇᓵᖃᑦᑕᑐᐃᓐᓇᕆᐊᖃᕐᓂᐊᖅᐳᓯ ᑎᑎᕋᕐᕕᖕᒥ ᓄᕙᒡᔪᐊᕐᓇᖅ-19−ᒧᑦ ᖃᓂᒪᔪᖃᐅᕐᓂᖓᓄᑦ ᐊᕐᕕᐊᓂ.
ᒫᓐᓇ, FANS−ᑯᓐᓂ ᐃᖅᑲᓇᐃᔭᖅᑎᑦ ᖃᕆᓴᐅᔭᒃᑯᑦ ᐱᓕᕆᑲᑕᒃᐳᑦ, FANS−ᑯᓐᓄᓪᓗ ᐅᖄᓚᕝᕕᐅᕙᒃᑐᖅ ᖃᐅᔨᒋᐊᖅᑕᑲᑕᙱᖦᖢᓂ. ᐅᖃᖃᑎᖃᕈᒪᒍᕕᑦ ᑭᒡᒐᖅᑐᐃᔨᒧᑦ ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕆᑦ ᐃᓂᒃᓴᓕᐅᕐᑕᐅᔪᒪᓗᑎᑦ ᐅᕗᖓ fans@gov.nu.ca. ᐊᑲᐅᓛᖑᕗᖅ ᐃᕐᖐᓐᓈᖅᑕᐅᒃᑯᑦ ᖃᐅᔨᒋᐊᖅᐸᒡᓗᓂ ᐅᕗᖓ fans@gov.nu.ca.
ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
ᐅᖃᐅᔾᔭᐅᓚᐅᖅᑎᓪᓗᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᓐᓄᑦ, ᑕᓗᕐᔪᐊᕐᒥ ᐃᓕᓐᓂᐊᕐᕖᑦ ᒪᑐᔭᐅᓯᒪᔪᑦ ᐃᓕᓐᓂᐊᖅᑎᓄᑦ ᐃᖃᓇᐃᔭᖅᑎᓄᓪᓗ.
ᐃᓕᓐᓂᐊᕐᕕᖕᒥᑦ ᐃᖅᑲᓇᐃᔭᕐᑎᑦ ᑕᓗᕐᔪᐊᕐᒥ ᑐᓴᖅᑎᑦᑎᑲᑕᒃᑐᑦ ᐃᓕᓐᓂᐊᕐᑎᓂ ᐊᖓᔪᖅᑳᖏᓐᓂᓪᓗ ᐊᐃᓯᒪᓗᑎᒃ ᐃᓕᓐᓂᐊᕐᓂᐊᕐᓂᖏᓐᓂᑦ.
ᓄᓇᕗᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.