Hivuliqtip ublumimut tuhaqtipkaidjutaa:
Ullakkut,
Quviiqtunga uqariami una tuhaqtitauyuqhaq. Unnuaq atauhiq Nunavunmiut huiqtuq QALAGYUARNITIGUT-19. Una hivulliqpaagutigiyavut huiqtumik hiamitirnia pidjutilluni. Ihumagiyatka ilait nunallaaqlu.
Ublaanggutilluni Nunavun piqaqtut 177 aanniarutiqaqtunik QALAGYUARNIQ-19 mik. Piqaqtugut aanniarutiqaqtunik 17 ni nunallaani – unniqtauyut nampait ukuat:
- 32 Arviani,
- 33 Qamanittuarmi,
- 11 Iqaluktuuttiarmi,
- Atauhiq Igluligaaryungmi,
- 13 Salliqmi,
- Piqanggittuq Igloolikmi,
- 11 Iqalungni,
- Malruuq Uqhuqtuungmi,
- 21 Kinngaitmi,
- Malruuq Kugaarukmi,
- 11 Naujaatmi,
- Malruuq Pangnirtuungmi,
- Atauhiq Mittimatalingmi,
- Piqanggittuq Qikiqtarjuarmi,
- 17 Kangiqlinirmi,
- Pingahut Sanirajakmi,
- 11 Sanikiluarmi,
- Hitamat Taloyoakmi, uvanilu
- Malruuq Tikirarjuarmi.
Naammaqhiyunik naunaiyautait unniqtaunggittut ublumi. 370 nguyut atauttimun nakuuhiyunik uvani hiamitirnianit.
Ublumi, uqaqtuguq aadlamik ikayuutiqhamik ilaudjutigiplugu Nunavut Kavamanga QALAGYUARNIQ-19 Kiunirmun Upalunggaiqhimayuq. Piviqhaqaqtittiyuguq $375, tausin taalamik ikayuutiqhainnik Nunavunmi nunallaanut naalauhiqiiyiginnut. Tamaita nunallaani naalauhiqiiyit pittaalaqittaaqtut $15 tausin taalamik. Nunallaani naalauhiqiiyit hivuniraalurmun pidjutihimmaangniaqtut nunaptingni – ikayurmata tuhaqtipkaingmata inungnut aanniaqtailinirmun naunaitkutiqhainnik. Una maningnik ikayuut atuqtaungginnariaqaqtuq akiqhainnut aulapkainikkut taapkuatut akiliuhiaqhanut niuvirnirmunlu tamayanik. Naunaittiagumaguvit, titiraqvigilugit qaritauyakkut Pitquhiliqiiyitkut uvani chfunds@gov.nu.ca hivayaqluguluunniit akiittukkut uvani 1-866-934-2035.
Quyannamiik Minista Joanasie havaariyamut.
Minista hamaniittuq kiuyaami apikkuutinut ihumagiyauplugu una ikayuutiqhaq.
Quviahuktungalu uqariami tuhaqtuguq kavamatuqatkunnit ihumagiplugit piutivut aadlat QALAGYUARNITIGUT-19 piumayaptingnik. Minista Inungnut Aanniqtailinirmun Upalunggaiyaingniqlu Amiraqhuutinut, Bill Blair, tunihiyuq kiudjunmik titiraqtaptingnut nungguliqtumi kinggulliq havainiq.
Kavamatuqatkut tunihiyut Nunavunmut hapkuninga:
- Ilauliqtuqhanik pingahut munaqhiniq, tamaitalu havakpaqhimayut Nunavunmi; imaalu
- Nainnik naunaiyarahuaqtut akturnahugiyaunirmun naunaiyarianggani – hapkua havaktiuyut Kititirinirmun Naunaiyaiyit Kanatami
Igluqhailliurnirmun inaigutinikkutlu nunallaaptingni, pidjutihimmaagutiyut amigaiqyuummigutiplugit hiamitirnia QALAGYUARNIQ-19 Tiibimiklu Nunavunmi. Pitquyatka paatnavut kavamatuqatkunni havaqatigiiqupluta naunairiami apqutiqhamik uqautigilugit Nunavutim igluqhailliurningatigut.
Puiguqtailiyatka Nunavunmiut qayagitquplugit utiffaaligapta havagviinnut uvani havainirmi.
Pidjutihimmaangginnakluhi imaa:
- Aihimalutit pittaaguvin.
- Inuqaryuanggilluhi.
- Kapuqhiqlutit.
- Kapuqhiqluhilu ikayuutigiyauyuqhaq hivulliinnut kapuutainnut.
- Atuqlutin ivyarunmik.
- Hivayaqlugit QALAGYUARNIQ hivayautaannut avaliin’ngaaqlutin mihingnautiqaliguvit.
Pittiaqlutin – tamapta atauttiuyugun uvani. Qujannamiik.
Minista Munaqhiliqiiyitkunni Ublumimut Tuhaqtitaqhaa:
Ublaakkut,
Ippaqhaq, nutaaq inungnut aanniaqtailinirmun malikkuutiqhat atuqtauliqtut. Amigaiqyuummiktut katimanikkut aktilaanggit, nanminiitlu ammaqhutik piiqtauplutiklu aullarnirmun atuquyaunggit qitqani Nunavut nunallaanggit. Pitquyatka inuit maliquhimmaaqlugit pitquyauyut, kapuqhiqlutin aullaqlutinlu aullaqviqhaqaguviinnaqaguvit. Una hiamitirnia nunggunggittuq huli uvagutlu havaaqaqtuguq nampait aanniaqtunik ikiqliyuummiqattariami.
Quviahuktunga unniutiyaami tamaita Nunavut Inirniqhaanggit aanniagutiqaqpaktut QALAGYUARNITIGUT-19 talvani Embassy West Itiqtirvianni nakuuhiyut aanniarunmit. Ippaqhangmit, hitamauyut ihariagiyauyut munaqtiit Nunavunmiutat talvani Embassy West miittutik taapkuatlu malruuq ilagiiqtut nunaqaqtut Ottawa mi ikayuqtiuyut ihariagiyauyunik munaqtiqhanik. Aadlalu munaqti nunaptingnit tikinniaqtuq nunggudjuliqqat una havainiq.
Inirniqhaat talvani Andy Aulatjut Katimaviani Arvianni QALAGYUAQANGGITTUT huli piqanggittutiklu nutaanik aanniarutinik havaktiinni. Katimavialu piyut aadlanik PPE nik aannuraagaqhanik taapkuatut N95 ivyarutinik, palastiuyuniklu ivyarutit ivyarutit ikayuutiqhainnik aanniarunmik pilaittaami.
Jaanuiali 13 mi, malruuq ilauyut Uqhuqtuuq Inirniqhaanut Munariyauhimmaaqvianni aanniarutiqaliqtut QALAGYUARNIQ-19 mik. Hadjamun piqanggittut nainit inirniqhaat talvani munaqvianni takudjutiqanggittutlu mihingnautainnik. Ihivriuqhimmaangniaqtavut munarilugitlu inirniqhaat.
Havaatigut tamainni inirnirhaavut nayugainni naammagiyauyut huli.
Quana.
Ilautigingmagu Nunavut Kavamanga (GN) aqhuuqhainia aanniaqtaililiplugit QALAGYUARNIRMIT-19, GN kut Havagviit atuliqtiliqtut hapkuninga:
Munaqhiliqiiyitkut
Tamainnik ublumimut naunaiyautiqhanik ikayuutiqhaniklu QALAGYUARNITIGUT-19 Nunavunmi, hamunggaulutin:
https://www.gov.nu.ca/health/information/covid-19-novel-coronavirus
Nutaatqianik naunaiyautiqhanik hadjamin inungnut anniaqtailinirmun maliqqayaqhautigun, hamunggaulutin:
https://www.gov.nu.ca/health/information/nunavuts-path
Naunaigumaguvit pinahuaqtunut kapuqhiriami hamunggaulutin:
https://gov.nu.ca/health/information/covid-19-vaccination
QALAGYUARNITIGUT-19 aanniaqtunik qanurinmanggaat: Jaanuiali 17, 2022
| Atauttimun ihivriuqtaujut | Attautimut naunaiqtauhimajut aannialaqihimajun | Attautimut aannialaqihimajun | Atauttimut nakuuhijut aanniaruiqtun | Tuqujut | Qaffiujun inuit kapuqtauhimajun atauhiinnarmik kapurutimik Nunavunmi | Qaffiujun inuit kapuqtauhimajun malruungnik kapurutinik Nunavunmi |
| 27,614 | 1,222 | 177 | 1040 | 5 | 31,623 | 52,197 |
QALAGYUARNIQ-19 nunallaami aanniaqtut qaffiutilaanggit: Jaanuiali 17, 2022
| Nunallaaq |
Qalagyuarniq COVID-19 qanuriniit |
Ubluit | Inuit aanniarutiqaqtut ipaghaq (ATAUTIMUN) | Inuit aanniarutiqaqtut ipaghaq (ATAUTIMUN) | Aalangunirit ipaghamin (aanniaqtut) | Atautimun Naamakhiyut | Aalangunirit ipakhamin (aanniarutaiqhimaliktun) | Atauttimut Aulajut Aanniaqtut |
| Naujaat | Aulahimaaqtut | Talvanga 1/15/2022 | 5 | 11 | 6 | 0 | 0 | 11 |
| Kugaaruk | Aulahimaaqtut | Talvanga 1/14/2022 | 2 | 2 | 0 | 0 | 0 | 2 |
| Uqhuqtuuq | Aulahimaaqtut | Talvanga 1/14/2022 | 2 | 2 | 0 | 0 | 0 | 2 |
| Taloyoak | Aulahimaaqtut | Talvanga 1/11/2022 | 3 | 4 | 1 | 0 | 0 | 4 |
| Salliq |
Aulahimaaqtut |
Talvanga 1/9/2022 | 13 | 14 | 1 | 1 | 1 | 13 |
| Tikirarjuaq | Aulahimaaqtut | Talvanga 1/7/2022 | 12 | 12 | 0 | 9 | 8 | 2 |
| Sanikiluaq | Aulahimaaqtut | Talvanga 1/4/2022 | 13 | 13 | 0 | 2 | 2 | 11 |
| Kinngait | Aulahimaaqtut | Talvanga 1/2/2022 | 47 | 47 | 0 | 26 | 18 | 21 |
| Mittimatalik | Aulahimaaqtut | Talvanga 1/1/2022 | 1 | 1 | 0 | 0 | 0 | 1 |
| Igluligaarjuk | Aulahimaaqtut | Talvanga 1/1/2022 | 6 | 6 | 0 | 5 | 5 | 1 |
| Iqaluktuuttiaq | Aulahimaaqtut | Talvanga 12/30/2021 | 34 | 41 | 7 | 30 | 22 | 11 |
| Igloolik | Aulahimaaqtut |
Talvanga 12/29/2021 |
18 | 18 | 0 | 18 | 0 | 0 |
| Qamanittuaq | Aulahimaaqtut | Talvanga 12/29/2021 | 26 | 34 | 8 | 1 | 0 | 33 |
|
Arviat |
Aulahimaaqtut | Talvanga 12/29/2021 | 114 | 114 | 0 | 82 | 24 | 32 |
| Sanirajak | Aulahimaaqtut |
Talvanga 12/29/2021 |
19 | 20 | 1 | 17 | 5 | 3 |
| Qikiqtarjuaq | Aulahimaaqtut |
Talvanga 12/28/2021 |
7 | 7 | 0 | 7 | 1 | 0 |
| Kangiqliniq | Aulahimaaqtut |
Talvanga 12/23/2021 |
71 | 71 | 0 | 54 | 10 | 17 |
| Pangnirtung | Aulahimaaqtut |
Talvanga 12/23/2021 |
26 | 26 | 0 | 24 | 3 | 2 |
| Iqaluit | Aulahimaaqtut | Talvanga 11/04/2021 | 102 | 105 | 3 | 94 | 18 | 11 |
| Atauttimun | 521 | 548 | 27 | 370 | 117 | 177 |
*Ilihimalugu: Hapkua nampait aadlangguqattainnaktut. Havaaqhat havaktiattauvaktut pihimayaami naunaiyaut ublumit naunaiyautigiqattariami iniqhimayumiklu, kihimi pidjutinggittungnaqhiyuq tamainnik inungnik ihivriuqtauhimayunikluunniit.
**Naunaiqtauhimayut aanniaqtun ilaliutilgit tikiutigiplugit kanatami aanniaqtut kangiqhidjutainni.
***Kinguvaktitauniarunaqhiyut unniudjutikkut hulidjutigiyauyuni kititiqhimayutlu aanniaqtunik pihimayut Aussaimi Kanatami. 12 aannialaqihimayun ilituriyauyut hilataani nunaptiknin ilaliutiyauhimayun Nunavunmun. Ukuallu ilauyut pingahut (3) tuquhimajut. Tamaitaungittun Nunavunmiutat pilgit QALAGYUARNIQ-19 mik ilitturiyauyun ahiniitillutik ilaliutiyauhimayuniaqtut Nunavunmun.
Qalagjuarniq COVID-19 Kapurhinikkut qanurinnia: Jaanuiali 17, 2022
Naunaiyautit/Kiqliqhatlu:
Una kangiqhidjut takupkaqtittiyuq nampainnik kapuqhiqtunik nunallaami talvanga Januiali 17, 2022. Pusatnga kapuutaanik munaqhiyut imaatun ittuq kapuut munaqtauyuq aviktuqhimayut Nunavutim inuqarniatigut nalautihimadjutaa 18 nik ukiuqaqtunut an’ngayuqhitqianutlu.
Nunavutim atauttimun kapuqhiqtunik ihuaqpiaqtut naittumi naunaiyautini. Nunallaatigut naunaiyautait ihivriuqtauyut imaa piyaami ihuaqpiaqtumik hulidjutigiyauyuni. Nunallaami atauttimuntigut ihuaqhaqtauyuqhat ihuaqtauviqhaqagumik. Pidjutiniagungnaqhiyuq mikiyumik ihuaqhaqtauyuqhanik pusantigut nunallaatigut.
Kapuutit hulidjutigiyauvaktut nunallaamun humi munaqtauhimadjutiniani.
Atauttimun kapurhiqhimayut taapkunanut nunaqaqtunut nunaqanggittunutlu, taapkunanutlu himmauhiqattaqtut havaktiit.
Kaffini nunallaani takudjutivaktut inungnik kapuqhiqtunik malruungni nunallaani, nunallaaniluunniit nunagiyaunggittainni.
Inuklu kapuqhiqhigungnaqhiyuq kapputaanik 1 imaalu/imaluunniit kapputaanik 2 avataanit nunagiyamingnik.
Una pidjutiqanggittut inungnut kapuqhiqhimayungnaqhiyunut ilainnaknik tamainnikluunniit avataani ukiuqtaqtup avikturviannit.
An’ngiyuq pusanga atauhirmi nunallami aadjikkiigutiginggita amigaittumut hunggiutivaktunik aanniarunmut. Piqangituq piliuqhimayumik naunaiqhimayumikluunniit pusanmik amigaittumut hunggiutivaktunik aanniarunmut QALAGYUARNIQ COVID-19 mut. Hunaungmangaata amigaittut hunggiutivaktunik aanniarunmut tikiutilimaittungnaqhiyuq hadjamin kapuutainnut anggirunnik (imaakaffuk piqanggittut kapuutimik nutaqqanut nukaqhiuyunut tualumit).
Pittaarvia:
Statistics Canada, Demography Division, Special tabulations. Upalun’ngaiyaqtaat hapkua: Nunavut Havagvia Kititirinirmun, Jaanuiali 27, 2021.
Kapuutit amigaitilangit pihimajut uvanga Havagviata Aanniaqtailinirmut Meditech atuqtakhanit.
Pittaaqtut inirniqhaat nunallaami naunaiyautigiyauyut nampait inungnik 18 nit an’ngayuqhiutqiatlu maliqhugu 2020 inuqarniat nalautihimayut.
Nunallaap inuqarnia nalautihimayut “naammagiyauttianggittut” iniktauhimangmata ilainni inuqarniatigut amigaingniatigut (inuuyut, huiqtut, nuuttutlu). Atuqtauyuqhat qayagilugit.
Avaliingaaqtut amigaitilaangit:
| Aullaaqtun Qanurittun | Inuit Avaliingaaqtitauyun talvannga Ubluqtuhirvia-17mi |
| Daaktiliaqtut | 48 |
| Inuit | 8 |
| EMTI | 4 |
| Havaktut | 0 |
| Atautimun | 56 |
Aullarhimajun utiqtun naunaijautaa:
| Aullarvikhaa Ublua | # Amigaitilaangit Aullaaqtun Avaliingaarvingnit Avaliingaaqtut |
| 18-Ubluqtuhivia, 2022 | 0 |
| 19-Ubluqtuhivia, 2022 | 3 |
| 20-Ubluqtuhivia, 2022 | 5 |
| 21-Ubluqtuhivia, 2022 | 0 |
| 22-Ubluqtuhivia, 2022 | 0 |
| Total | 8 |
Nutaat piliurningat ilihautiqhat/ kivgaqtuutillu: Kitikmeot Avikturnia
- Kugluktuk munaqhiliqivia qilamiugutauyunut pidjutiyut (ikitpallaangmata havaktiqhat).
- Uqhuqtuuq, Iqaluktuuttiaq, Kugaaruklu munaqhiliqiviit qilamiugutauyunut pidjutiyut QALAGYUARNIQ-19 mik piqangmata nunallaami.
Aulahimaaqtut kivgaqtuutit:
- Munaqtiuyut munaqhiliqiviit, MD, talvunggauyut kiguhiliqiiyinutlu.
Ihuaqhaqtauhimayut kivgaqtuutit:
- Kiguhiliqiiyit tingmidjutiqhait nutqaqtitauyut pidjutingmat QALAGYUARNIQ=19.
- Ilangit qilamiuraqhaittut daaktiliaqtuqhat hivuni takuyauyaami ihuaqhaqhimayut.
- Ilangit Yalunaimi pilaktaunahuat nutqaqtitauyut naunaiqhungguyuq hivuni.
Umiktun/Nutqaqtauyun/Taimaaqtitauyut ikayuqtiuyit:
- Mamittirpallianikkut havaktiit nunallaanunggaunahuat nutqaqtitauyut naunaiqniaqtut hivuni.
Ayuittiaqhimayut Aulapkainikkut Havagvia
Nutaat piliurningat ilihautiqhat/ kivgaqtuutillu:
- ‘Swab-Air utiqtitauffaaqtut ikayuriamingnik kiliuqhirnirmun.
- Kapuutainnut ikayuutiqhat 12 min 17 nut ukiuqaqtunut piyauyut.
- Dose 2 kapuqhiqviit 5 mit 11 mut ukiuqaqtunut piniaqtut atuliqqat hivuni havainiq.
- Havaqatigiplugit paatnavut CGS kunni tuniqhainirmun 250, 000 level 3 ivyarutinik Hamalatkunnut. Ivyarutit piliurhimayut RFA tuniyauyut Dissaippami.
Aulahimaaqtut kivgaqtuutit:
- Kapurhiriami humi takuyaqhauyut 12 lunut ukiuqaqtunut anggayuqhitqiatluunniit tamaani nunaptingni.
Inuliriyitkut
Nutaat piliurningat ilihautiqhat/ kivgaqtuutillu:
Tamaita DFS havagviit / Ilagiit Inuuhiringnikkut Havagvia takuyaqtuinnariaqaqhimmaaqtut 24/7. Qilamiugutaunggittut ikayuqtiit unggahiqtumi ikayuqtaungginnariaqaqtut qaritauyakkutlu. Amiraqhuutigiyauyut ilaupkaqtauyut talvainnarmi, maliqhugit QALAGYUARNIQ malikkuutainik.
Aulahimaaqtut kivgaqtuutit:
Pidjutihimmaaqtut kivraqtiit 24/7 piinnariaqaqtut hivayaqlutik nampainnut.
Ihuaqhaqtauhimayut kivgaqtuutit:
Talvainnakmi takuyauluni nutqanggakaffuktitauhimayut qilamiugutaunggittunut.
Umiktun/Nutqaqtauyun/Taimaaqtitauyut ikayuqtiuyit:
Havagvik umiktuq.
Ilinniaqtuliriiyitkut
Aulahimaaqtut kivgaqtuutit:
Kiinauyaliqiyit
Apikkutiqaqtut FANS tigut ikayuutainnik qariyaqvigiinnariaqaqtut hamunga tuyuqlugit fans@gov.nu.ca. Ilihaqtut apikkuutiqaqtut FANS ngattigun- piinnarialiq aullaqhatigun qaritauyaqvigiinnariaqaqtait hamunga fanstravel@gov.nu.ca naunaiyautiqhanik.
Ilihalihaaqtut Nutaqqat Nutaqqiqiviillu
Nutaqqiqiyiit havagviit angmaffaaqtaaqtut Jaanuiali 17 tamainun nutaqqanun.
Ilinniaqtuliriiyitkut ublumimut sikuuqviat aanniaqtailinirmun aanniqtailinirmunlu upalunggaiyaidjutait nalvaangginnariaqaqtut hamani: https://gov.nu.ca/education/information/2021-22-opening-plan-nunavut-sch....
Ihuaqhaqtauhimayut kivgaqtuutit:
Kiudjutikhangit ikaakningit talvanga FANSnik havagviani kinguvarniaqtun aulaligumi Qalagjuarniq-19nik aanniarutiqaqtunik Arvianmi.
Umiqhimaniaqtun/Nutqaqtitauniaqtun/Taimaaqtitauyut ikayuutiqhat:
K-12 Sikuuqviit
Tamaita K-12 iliharviit umiqhimaniaqtut ilihaqtunun talvunga Jaanuiali 24, 2022, pitquyauyaanunutluunin CPHO mit.
Jaanuiali iniqtirniaqhimayut ihivriudjutiqhanginnut Nunavunmi ilihaqtut nutqaqtitauyut. Ilihaqtut ihuaqhariiqhimayut titirariamingnik iniktirutimingnut Jaanuiali 2022 mi piniaqtut kihiani pilutik piyaqagiinggittuqhamik naunaiyautilingmiklu ilihaqtaminuit 100 pusanmik naunaitkutigiyauniaqtut.
Ilihalihaaqtut Nutaqqat Nutaqqiqiviillu
Nunavut Kavamanga apiriyait nutaqqiqiviit havagviinut angmaffaaquplugit nutaqqanun ihariagiyauyunut havagvingni havaktinut.
Kivgaqtauluaqtun Hanavingmi havaktiit ilauyut tapkuat havaangitni akhurnaqtun aanniaqtailinirmun aanniqtailinirmunlu Nunavunmiunut, ilauyutlu tapkuat munarhitkuni, nunalaani kivgaktiuyut, niuvaivingmi, tingmitiliqiyutlu.
Havaktuliqiiyitkut
Nutaat piliurningat ilihautiqhanik/ kivgaqtuidjutiqhangit:
Ippaqhaq, Nunavut Kavamanga havagviit ammaffaaqtut havaktigiyainnut. GN kut havagviit umihimmaangniaqtut inungnut.
Talvanga Jaanuiali 17 min 31 mut, ikayurniatigut aanniqnaittumik aannialaqinnaittumiklu havagvingmi ikiqliyuumirahuaqlugitlu hiamitirnia QALAGYUARNIQ-19, tamaita GN havaktiit pitquyut havaqhimmaaquplugit aimavingmingnit pittaagumik havagvingmunggaulutiklu pitquyauqpat. Atan’nguyat niriuqtauyut pitaangginnariaqaqlutik pidjutillutik aulapkainikkut tikiutilugit havaaqhait.
Aulahimaaqtut kivgaqtuutit:
Tamaita pidjutihimayut hadja havaqtiqhaqhiugutikkut pidjutihimmaangniaqtut naunaitkutigiyauyutlu havakaffuktitauyuqhani havaani hadjaminlu havaariyaqhat tuniyauhimmaangginnariaqaqtut qaritauyakkut, kihim havaktiit havagviit umiqhimayut inungnut.
Nunavunmiutat aanniaqtailidjutait atauttikkut uvagut munariyaqhavut! Itqaumalugu: uaqlugit algatit qaanganilu, pidjutihimmaaqlutinlu un’ngahiqtilaaqhimalutin inungnit, naalaqlugit uqaudjait munaqhiliqiiyini ayuittiaqtut, aihimalutinlu aanniaguvit.