ᐊᖏᖅᑎᑕᐅᓂᖃᖅᑎᓪᓗᒍ ᒫᒻ ᑳᓂ ᑲᓇᑕᐅᑉ 24-ᒋᓕᖅᑕᖓ ᐊᖓᔪᖅᑳᕐᔪᐊᖅᑖᕆᔭᐅᔪᖅ, ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐅᓪᓗᒥ ᐅᖃᐅᓯᔅᓴᖏᓐᓂᑦ ᓴᖅᑭᑎᑦᑎᕗᖅ:
“ᑖᓐᓇ ᑲᓇᑕᐅᑉ ᐊᖓᔪᖅᑳᕐᔪᐊᖅᑖᖓ ᐱᓕᕆᖃᑎᒋᖃᑦᑕᕐᓂᐊᕋᒃᑯᑦ ᓂᕆᐅᑦᑎᐊᖅᐳᖓ ᓯᕗᓕᖅᑎᐅᖃᑎᖏᓪᓗ, ᑖᒃᑯᐊ ᐃᓚᖃᖅᑐᑦ ᒥᓂᔅᑕᓂᑦ ᐱᓕᕆᖃᑎᖃᖅᓯᒪᔪᓂᑦ ᓄᓇᕗᒻᒥ. ᒫᓐᓇ ᓄᓇᕗᒻᒥ ᖃᓄᐃᑦᑐᒦᓐᓂᕆᔭᕗᑦ ᐱᓪᓗᒍ ᑲᓇᑕᒥ ᐊᑐᖅᑕᐅᓚᐅᖅᓯᒪᙱᑦᑐᒥ ᐊᑑᑎᒐᑦᑕ. ᒫᓐᓇ ᑭᓪᓕᒋᔭᖃᙱᑦᑎᐊᕐᓗᑕ, ᐊᓯᔾᔨᕐᓂᓪᓚᑦᑖᕐᒥᑦ, ᑲᓇᑕᒥ−ᐱᕈᖅᓴᐃᓂᕐᒥᒃ ᐱᔭᕆᐊᖃᓕᕋᑦᑕ ᐅᑭᐅᖅᑕᖅᑐᖅ ᑎᑭᐅᑎᔪᓐᓇᖅᑕᖓ ᓈᑦᑎᐊᕐᓗᒍ ᐱᔪᓐᓇᖅᓯᖁᓪᓗᑕ.
ᖁᔭᓐᓇᒦᕈᒪᒋᕙᕋ ᑖᓐᓇ ᐊᖓᔪᖅᑳᕐᔪᐊᖅ ᔭᔅᑎᓐ ᑐᕉᑑ ᐃᓄᓐᓄᑦ ᐱᖃᓐᓇᕆᔭᖃᖅᓯᒪᐃᓐᓇᕐᓂᖓᓄᑦ ᓄᓇᕗᒻᒧᓪᓗ, ᐊᒻᒪᓗ ᐃᔨᒋᓯᒪᐃᓐᓇᓚᐅᕐᒪᑦ ᐋᖅᑭᖃᑎᒌᓐᓂᖅᑕᖃᖁᓪᓗᒍ. ᑖᓐᓇ ᐊᖓᔪᖅᑳᖑᑎᓪᓗᒍ, ᒐᕙᒪᒃᑯᑎᓐᓂᑦ ᐱᓕᕆᖃᑎᖃᖅᑐᓂᑦ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓂᓪᓗ ᓄᓇᕗᒻᒥ ᓄᓇᖓᓐᓂᑦ ᓄᓇᒦᖔᖓᔪᓂᓪᓗ ᓇᖕᒥᓂᖅᓱᓕᖅᐸᓪᓕᐊᓂᕐᒧᑦ ᐊᖏᖃᑎᒌᒍᒻᒥ ᑲᔪᓯᑎᑦᑎᓚᐅᖅᑐᖅ ᐊᒻᒪᓗ ᑖᔅᓱᒥᖓ ᓄᓇᕗᒻᒥ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᒫᔾᔨ 4, 2025) – ᓄᓇᕗᒻᒥ ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᓄᓇᕗᑦ ᑐᙵᕕᒃᑯᓪᓗ (ᓄᓇᕗᑦ ᑐᙵᕕᒃᑯᑦ) ᐊᖓᔪᖅᑳᖅ ᔨᐅᕆᒥ ᑑᕐᙶᓗᒃ ᐅᖃᐅᓯᖃᓚᐅᖅᐳᖅ ᑲᑐᔾᔨᓪᓗᑎᒃ ᓯᕗᓪᓕᐅᑎᔪᒪᔭᒥᓂᒃ ᑲᓇᑕᒥ−ᐱᕈᖅᓴᐃᓂᕐᒧᑦ ᐊᐅᓚᔪᓐᓇᐅᑎᓂᒃ ᓴᖅᑭᔾᔪᑎᒃᓴᓂᒃ ᑲᓇᑕᒥ ᐅᑭᐅᖅᑕᖅᑐᖅ ᓄᓇᖁᑎᖓᓂ ᐊᒻᒪᓗ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᐱᔭᕆᐊᓕᖏᓐᓂᑦ ᓄᓇᕗᒻᒥ.
"ᓄᓇᕗᑦ ᓇᖏᖃᑎᖃᖅᐳᖅ ᐊᓯᖏᓐᓂᒃ ᐅᑭᐅᖅᑕᖅᑐᒥ ᑲᓇᑕᒥᓗ ᐊᕕᒃᑐᖅᓯᒪᔪᓂᑦ ᐊᑭᕋᖅᑐᖅᖢᑎᒃ ᑭᓱᑐᐃᓐᓇᓂᒃ ᖁᐊᖅᓵᕐᓇᖅᑐᓂᒃ ᑲᓇᑕᐅᑉ ᓄᓇᖁᑎᖓᓄᑦ ᓴᐳᔾᔭᐅᓯᒪᓂᖓᓄᓪᓗ," ᑕᐃᒪᓐᓇ ᓯᕗᓕᖅᑎ ᐊᕿᐊᕈᖅ ᐅᖃᖅᖢᓂ. "ᖃᐅᔨᒪᔪᒍᑦ ᑭᓱᑦ ᐱᒋᔭᐅᖕᒪᖔᑕ ᑲᓇᑕᐅᑉ ᐅᑭᐅᖅᑕᖅᑐᖓᓄᑦ ᐊᒻᒪ ᐃᓄᐃᑦ ᓄᓇᖓᓄᑦ, ᖃᐅᔨᒪᓪᓗᑕᓗ ᓄᓇᕗᑦ ᐊᑕᐅᓯᐅᖃᑎᒌᒋᐊᖃᕐᒪᑦ ᐊᒻᒪ ᖃᓄᖅᑑᕈᑎᓂᒃ ᑭᐅᔪᓐᓇᕐᓗᑕ ᐊᒃᓱᕈᕐᓇᖅᑐᓄᑦ ᓵᑦᑎᐊᑦᑎᓐᓂ."
ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐃᓕᑕᖅᓯᐅᒪᖕᒪᑕ ᖁᑦᑎᒃᑐᒦᓐᓂᖏᓐᓂᒃ ᓄᓇᓕᕆᓂᖅ ᓄᓇᕐᔪᐊᕐᒥ ᐱᔾᔪᑕᐅᕐᔪᐊᕐᒪᑦ ᑲᓇᑕᒥ ᐊᒻᒪ ᓄᓇᕐᔪᐊᕐᒥ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᑯᓂᖓ ᐅᖃᐅᓯᖃᓚᐅᖅᐳᖅ ᑭᐅᔾᔪᑎᖃᖅᖢᓂ ᑲᓇᑕᐅᑉ ᒐᕙᒪᒃᑯᖏᑦ ᒪᒥᐊᓐᓂᕆᓚᐅᖅᑕᖓᓄᑦ ᐃᓄᖕᓄᑦ ᐃᓚᒌᓄᑦ ᑕᓪᓗᕈᑎᒧᑦ ᓅᑎᑕᐅᓚᐅᖅᓯᒪᔪᓂᑦ ᐅᓪᓗᒥ ᑯᐃᑉ ᑭᒡᒐᖅᑐᖅᑎᖓ−ᓄᓇᖃᖅᑳᖅᓯᒪᔪᓕᕆᔨᓄᑦ ᐊᒻᒪᓗ ᐃᓄᓕᕆᔨᑐᖃᒃᑯᑦ ᑲᓇᑕᒥ ᒥᓂᔅᑕᖓ ᒋᐅᕆ ᐋᓐᑕᓴᖓᐃᔭ ᐃᒃᐱᐊᕐᔪᖕᒥ, ᓄᓇᕗᑦ:
"ᐃᓄᐃᑦ ᓄᒃᑎᖁᔭᐅᓚᐅᖅᓯᒪᔪᑦ ᐱᖁᔭᐅᓪᓗᑎᒃ ᑲᓇᑕᐅᑉ ᐊᐅᓚᑦᑎᔪᓐᓇᕐᓂᖓᓂ ᐊᒃᓱᐊᓗᒃ ᖁᕕᐊᓇᙱᑦᑐᒃᑰᕈᑕᐅᖃᑕᐅᓚᐅᕐᒪᑦ ᑕᐃᔅᓱᒪᓂ ᓄᓇᕗᒻᒥ. ᐃᖅᑲᐅᒪᔾᔪᑕᐅᓯᒪᔪᑦ ᖃᓄᐃᓕᐅᕐᓂᐅᓚᐅᖅᑐᓂᑦ ᑭᖑᕚᕇᓄᑦ ᖁᐊᖅᓵᕈᑕᐅᓯᒪᔪᑦ ᐊᒻᒪᓗ ᑕᑎᒌᖃᑦᑕᐅᑎᔪᓐᓇᐃᓪᓕᓪᓗᑎᒃ ᑲᓇᑕᒥ ᐊᒻᒪ ᐃᓄᐃᑦ ᐃᓄᖏᑦ.
ᐅᐱᒋᔪᒪᕙᒃᑲ ᑕᓪᓗᕈᑎᒧᑦ ᓅᑎᑕᐅᓚᐅᖅᑐᓄᑦ ᑲᑐᔾᔨᖃᑎᒌᑦ ᐃᑲᔪᖅᑐᐃᑦᑎᐊᓚᐅᕐᓂᖏᓐᓄᑦ ᑕᒪᑐᒥᖓ ᐱᔾᔪᑎᖃᖅᖢᑎᒃ ᐃᓚᒌᓄᑦ ᐊᓂᒍᐃᓯᒪᔪᓄᓪᓗ ᑕᓪᓗᕈᑎᒧᑦ ᓄᒃᑎᖅᑕᐅᓚᐅᖅᑐᓄᑦ.
1934-ᒥ, ᐊᐃᔪ, ᐃᕐᓂᖏᑦ ᑭᒍᑦᑕᖅ, ᓴᐸ, ᖃᕙᕙᐅᖅ, ᓇᐸᓯᑲᓪᓚᒃ ᐸᓂᖓᓗ ᐃᑎᓪᓗᐃ ᓅᑎᑕᐅᓚᐅᖅᓯᒪᔪᑦ ᑭᙵᕐᓂᑦ ᑕᓪᓗᕈᑎᒧᑦ ᐃᓗᕕᐊᓗᒃᑕᓕᖕᒥᑦ, 1,000 ᑭᓛᒥᑕ ᐅᖓᑖᓂ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ ᐱᔾᔪᑎᒋᓪᓗᒍ Conservative−ᑯᑦ ᓯᕗᓕᐅᖅᑎᖓᓂ ᐱᐊᕆ ᐳᐃᓕᕗᕐ ᐱᓕᕆᔨᐅᕝᕕᖓᓂ ᐊᑐᐊᒐᖓᓂ ᑐᒃᓯᕋᐅᑎᓂᑦ:
"ᐅᓪᓛᖅ, ᖃᐅᔨᖅᑲᐅᒐᒪ Conservative-ᑯᑦ ᓯᕗᓕᐅᖅᑎᖓ ᐱᐊᕆ ᐳᐃᓕᕗᕐ ᐅᑭᐅᖅᑕᖅᑐᒥ ᐊᑐᐊᒐᖓᓂ ᐃᓚᒋᔭᐅᓪᓗᓂ ᐋᖅᑭᒃᓱᐃᓪᓚᑦᑖᕐᓂᐊᕐᓂᕋᖅᖢᑎᒃ ᐅᓇᑕᖅᑐᒃᓴᖃᕐᕕᖕᒥ ᑲᓇᑕᐅᑉ ᐅᑭᐅᖅᑕᖅᑐᖓᓂ.
ᖁᕕᐊᒋᒐᓗᐊᖅᖢᒍ ᒐᕙᒪᓕᕆᔨᑦ ᐅᑭᐅᖅᑕᖅᑐᒥ ᐅᔾᔨᕈᓱᖕᓂᖏᓐᓂ, ᐱᐊᕆ ᐳᐃᓕᕗᕐ ᐃᖅᑲᐃᓯᔪᒪᕙᕋ ᐱᓕᕆᔨᐅᕝᕕᖓᓗ ᐅᑭᐅᖅᑕᖅᑑᑉ ᒥᒃᓵᓄᑦ ᐃᓱᒪᓕᐅᕈᑎᖃᕈᓐᓇᙱᒻᒪᑕ ᐅᑭᐅᖅᑕᖅᑐᒥᐅᓂᒃ ᐅᖃᐅᓯᐅᓪᓚᕆᓚᐅᙱᓪᓗᓂ. ᓂᕆᐅᒃᐳᖓ ᐱᐊᕆ ᐳᐃᓕᕗᕐ ᐃᓕᓴᕆᔭᐅᑦᑎᐊᕐᓂᐊᕐᓂᖓᓂᒃ ᑲᓇᑕᒥ ᐊᖏᔪᖅᑳᕐᔪᐊᙳᕐᓂᖅᐸᑦ, ᐅᑭᐅᖅᑕᖅᑐᒧᑦ ᐸᕐᓇᐅᑎᖏᑦ ᐋᖅᑭᒃᑕᐅᓂᐊᖅᑐᑦ ᐱᓕᕆᖃᑎᖃᕐᓗᑎᒃ ᐅᑭᐅᖅᑕᖅᑐᒥᐅᓂᑦ ᓴᖅᑭᔮᖅᑎᑦᑎᖁᓪᓗᒋᑦ ᐱᔪᓐᓇᐅᑎᑦᑎᓐᓂᑦ, ᐱᔭᕆᐊᓕᑦᑎᓐᓂᑦ, ᐃᓱᒪᒋᔭᑦᑎᓐᓂᓪᓗ.
ᓄᓇᕗᑦ ᒐᕙᒪᒃᑯᑦ ᓂᕆᐅᒃᐳᑦ ᐱᓕᕆᖃᑎᖃᕈᒪᓪᓗᑎᒃ ᑲᓇᑕᒥ ᐊᖓᔪᖅᑳᖅᑖᕆᔭᐅᓛᖅᑐᒥᒃ ᐱᒻᒪᕆᐅᔪᒥᒃ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ ᐱᔾᔪᑎᒋᓪᓗᒍ ᑲᓇᑕᐅᑉ ᐊᖓᔪᖅᑳᕐᔪᐊᖓ ᔭᔅᑎᓐ ᑐᕉᑑ ᓄᖅᑲᕈᒪᓂᖓ:
"ᖁᔭᓐᓇᒦᕈᒪᕙᕋ ᑲᓇᑕᐅᑉ ᐊᖓᔪᖅᑳᕐᔪᐊᖓ ᔭᔅᑎᓐ ᑐᕉᑑ ᐃᑲᔪᓚᐅᕐᓂᖓᓄᑦ ᓄᓇᕗᒻᒧᑦ ᑲᓇᑕᓕᒫᒧᓪᓗ.
ᑲᓇᑕᒥ ᐊᖓᔪᖅᑳᕐᔪᐊᖅ ᑐᕉᑑ ᐃᓕᓴᕆᔭᐅᖏᓐᓇᕐᓂᐊᖅᑐᖅ ᓯᕗᓕᖅᑎᐅᓂᖓᓂᒃ ᐊᑎᓕᐅᓚᐅᖅᑐᖅ ᓄᓇᕗᒻᒥ ᓄᓇᒥᒃ ᐊᒻᒪ ᓄᓇᒥᙶᖅᑐᓂᒃ ᓇᖕᒥᓂᖅᓱᕐᓂᕐᒧᑦ ᐊᖏᖃᑎᒌᒍᑎᒥᒃ, ᓅᑦᑎᓗᓂ 2 ᒥᓕᐊᓐ ᑭᑉᐹᕆᒃᑐᑦ ᑭᓚᒦᑕ ᐅᖓᑖᓂ ᓄᓇᒥᒃ ᐃᒪᕐᒥᓪᓗ ᓄᓇᕗᒥᐅᓄᑦ, ᓇᓗᓇᐃᖅᓯᓪᓗᓂ ᐃᓱᒪᓕᐊᕆᔭᐅᔪᑦ ᓄᓇᒥᙶᖅᑐᓂᒃ ᐊᒻᒪ ᐃᒪᑦᑎᐊᕙᖕᓂᒃ ᐊᖏᕐᕋᑦᑎᓐᓂ ᐋᖅᑭᒃᑕᐅᔪᓐᓇᕐᓗᑎᒃ.
ᓯᕗᓕᖅᑎᐅᓪᓗᖓ ᓄᓇᕗᒻᒧᑦ, ᐅᐱᒍᓱᑦᑎᐊᖅᐳᖓ ᐱᓕᕆᖃᑎᖃᕈᓐᓇᕋᒪ ᑲᓇᑕᐅᑉ ᐊᖓᔪᖅᑳᕐᔪᐊᖓᓂ ᑐᕉᑑᒥ ᐊᒻᒪ ᒐᕙᒪᒃᑯᓐᓂ ᖃᔅᓯᑲᓪᓚᖕᓂᒃ ᐱᓕᕆᐊᖑᕙᓪᓕᐊᔪᒪᔪᓂᒃ, $10-ᑐᓕᖅᖢᓂ ᐅᓪᓗᕐᒥᒃ ᐸᐃᕆᕝᕕᖕᓂ ᐅᑭᐅᖅᑕᖅᑐᒥ ᓇᖕᒥᓂᕆᔭᐅᓂᖓᓄᑦ ᐊᒻᒪ ᓴᐳᔾᔭᐅᓯᒪᓂᖓᓄᑦ.
ᑲᓇᑕᒥ ᐊᖓᔪᖅᑳᕐᔪᐊᖅ ᑐᕉᑑ ᑕᑯᑎᑦᑎᓚᐅᖅᐳᖅ ᐅᑭᐅᖅᑕᖅᑐᒥ ᐊᖏᖅᓯᒪᕐᔪᐊᕐᓂᖓᓂᒃ;… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ ᐱᔾᔪᑎᓕᖕᓂᑦ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᒃᓴᖓᓂ ᓂᕈᐊᖅᑎᓪᓗᒋᑦ:
ᐊᓕᐊᓇᐃᒍᓱᖃᑎᒋᕙᒋᑦ ᔨᐅᕆᒥ ᑑᕐᖔᓗᒃ ᓂᕈᐊᖅᑕᐅᓚᐅᕋᕕᑦ ᐊᖓᔪᖅᑳᒧᑦ ᓄᓇᕗᑦ ᑐᙵᕕᒃᑯᖅ ᑎᒥᖓᓐᓄᑦ.
"ᓂᕆᐅᒃᐳᖓ ᐱᓕᕆᖃᑎᒋᓛᕋᓱᒋᓪᓗᑎᑦ ᐅᓄᖅᑐᓂᒃ ᑲᑐᔾᔨᓪᓗᑕ ᓯᕗᓪᓕᐅᑎᔭᕆᐊᓕᖕᓂᒃ ᓄᓇᕗᒻᒥ ᐱᓕᕆᖃᑎᒌᑦ ᑲᑎᒪᔨᕋᓛᖏᑎᒍᑦ. ᐱᓕᕆᐊᖃᖅᑎᓪᓗᑕ ᐊᔾᔨᒌᓂᒃ ᑐᕌᒐᑦᑎᓐᓄᑦ: ᓄᓇᕗᑦ ᐱᐅᓂᖅᓴᐅᓕᕐᓗᓂ, ᐅᖃᖃᑎᒌᖃᑦᑕᕐᓂᕗᑦ ᑖᒃᑯᓇᓂ ᑕᖅᑭᓂᒃ ᐊᒡᒋᖅᑐᓂᒃ ᑐᙵᕕᓕᐅᖏᓐᓇᕐᓂᐊᖅᑐᒍᑦ ᑭᖑᓪᓕᕐᒥ ᓄᓇᕗᒻᒥ.
"ᖁᕕᐊᓱᖃᑎᒋᕙᒋᑦ, ᔨᐅᕆᒥ. ᓂᕆᐅᒃᐳᖓ ᐱᓕᕆᖃᑎᓛᕋᓱᒋᓪᓗᑎᑦ ᓄᓇᕗᒻᒥᐅᑦ ᐃᓄᐃᑦ ᐱᐅᓯᕚᓪᓕᕈᑎᒃᓴᖏᑦ ᐱᓕᕆᐊᕆᓗᒋᑦ.”
ᐊᓱᐃᓛᒃ ᐊᓂᒍᐃᕗᒍᑦ! ᐱᑐᐃᓐᓇᕆᐊᖃᓕᖅᐳᒍᑦ.
ᐃᓄᒃᑎᑐᑦ
ᓄᓇᕗᑦ, ᐱᔾᔪᑎᒃᓴᕗᑦ, ᐃᓄᖁᑎᑦᑎᓐᓄᑦ ᐱᓯᒪᔭᐅᓗᑎᒃ.
ᓄᓇᕗᑦ, ᐱᔾᔪᑎᒃᓴᕗᑦ, ᐃᓄᖁᑎᑦᑎᓐᓄᑦ ᐱᓯᒪᔭᐅᓗᑎᒃ.
ᐃᓄᒃᑎᑐᑦ
ᓇᖕᒥᓂᖅᓱᕐᓂᖅ, ᑕᐅᑐᖅᑰᖅᑕᑦᑎᓐᓂ ᓴᖅᑭᑎᑦᑎᓂᐅᕗᖅ ᓇᖕᒥᓂᖅ−ᐱᓕᕆᔪᓐᓇᕐᓂᕐᒥᒃ ᓄᓇᕗᒻᒥ. ᑖᓐᓇ ᐃᓚᒋᔭᐅᓪᓚᕆᒃᐳᖅ ᓄᓇᕗᒻᒥ ᐅᓂᒃᑳᕆᔭᐅᔪᒥ.
ᐊᓱᐃᓛᒃ ᐊᓂᒍᐃᕗᒍᑦ!
ᓯᕗᓪᓕᕐᒥ, ᓇᓗᓇᐃᖅᓯᔪᒪᔪᖓ: ᑲᓇᑕᐅᑉ ᐊᖓᔪᖅᑳᕐᔪᐊᖓ, ᔭᔅᑎᑦ ᑐᕉᑑ, ᓄᓇᕗᑦ ᑐᙵᕕᒃᑯᑦ, ᐊᖓᔪᖅᑳᖓ ᐊᓗᑭ ᑰᑦᑎᖅ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ, ᑖᓐ ᕚᓐᑖᓪ, ᐊᒻᒪᓗᑦᑕᐅᖅ ᐊᓯᓕᒫᖏᑦ ᓯᕗᓕᖅᑎᐅᓚᐅᖅᓯᒪᔪᑦ ᑲᒥᓯᓇᐅᓚᐅᖅᑐᓪᓗ ᓄᓇᕗᒻᒥ ᐊᖓᔪᖅᑲᐅᑏᓪᓗ ᐅᕙᑦᑎᓐᓂᒃ ᐃᓚᐅᔪᑦ ᑖᔅᓱᒥᖓ ᐱᒻᒪᕆᐊᓗᖕᒥᑦ.
ᐃᓄᒃᑎᑐᑦ: ᑐᙵᓱᖁᑦᑎᐊᖅᐸᒃᑲ ᐊᑎᓕᐅᖃᑕᐅᓂᐊᖅᑐᑦ ᓄᓇᕗᒻᒥ ᐊᖏᕈᑎᖓ, ᓄᓇᕗᑦ ᑐᙵᕕᒃᑯᑦ ᑲᑎᒪᔨᖓ, ᒪᓕᒐᓕᐅᖅᑎᓪᓗ ᓄᓇᕗᒻᒥ.
ᐊᑕᐅᑦᑎᒃᑯᑦ ᐱᒻᒪᕆᐊᓗᖕᒥᒃ ᐱᓕᕆᕗᒍᑦ.
ᐃᓄᒃᑎᑐᑦ: ᐊᔪᕆᖅᓲᔾᔭᐅᓪᓗᑎᒃ ᐱᓕᕆᖃᑎᒌᖕᓂᖅ/ᐃᑲᔪᖅᑎᒌᖕᓂᖅ ᑐᙵᕕᖏᓐᓂᒃ.… ᐅᖃᓕᒫᒃᑲᓐᓂᕆᑦ.
ᔪᓚᐃ 12, 2023
ᐃᖃᓗᐃᑦ, ᓄᓇᕗᑦ
ᐅᓪᓗᒥ, ᓄᓇᕗᒻᒥ ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐊᒻᒪ ᓯᕗᓕᖅᑎᐅᑉ ᑐᒡᓕᐊ ᐹᒥᓚ ᕼᐊᑯᖓᒃ ᒍᕉᔅ ᓴᖅᑭᑦᑎᖅᑲᐅᕘᒃ ᐅᑯᓂᖓ ᑲᑐᔾᔨᓪᓗᑎᒃ ᐅᖃᐅᓯᒃᓴᓂᒃ ᐃᓕᓴᕆᔭᐅᓪᓗᑎᒃ ᒥᐊᓕᒐᐃᑦ ᐳᓛᕆᐊᓚᐅᕐᓂᖏᑦ ᑭᒡᒐᖅᑐᖅᑎᒻᒪᕆᖓᓐᓂ ᑲᓇᑕᒥ, ᒪᓕᒐᓕᐅᖅᑎ ᑕᐃᕕᑦ ᑰᕼᐊᓐ:
"ᖁᔭᓕᔪᒪᑦᑎᐊᖅᐸᕗᑦ ᒥᐊᓕᒐᕐᒥᐅᑦ ᑭᒡᒐᖅᑐᖅᑎᖓᑦ ᑲᓇᑕᒧᑦ ᓂᐅᕐᕈᓚᐅᕐᓂᖓᓄᑦ ᓄᓇᕗᒻᒧᑦ ᔪᓚᐃ 9-ᒥᑦ 12-ᒧᑦ, 2023−ᒥ. ᒪᓕᒐᓕᐅᖅᑎ ᑕᐃᕕᑦ L. ᑰᐊᓐ ᓄᓕᐊᖓᓗ ᕌᓐᑕ ᐊᒃᓱᕈᖅᑐᒻᒪᕆᐅᓚᐅᖅᐳᑦ ᑲᑎᖃᑎᖃᖅᖢᑎᒃ ᓄᓇᕗᒥᐅᓂᒃ ᑐᑭᓯᖁᓪᓗᒋᑦ ᐊᔾᔨᐅᙱᓐᓂᖏᓐᓂᑦ ᓄᓇᓕᕗᑦ.
ᑕᒪᓐᓇ ᐳᓛᕆᐊᕐᓂᕆᔭᐅᔪᖅ ᑕᑯᑎᑦᑎᕗᖅ ᓴᙱᒃᑎᒋᐊᖅᓯᒪᓕᖅᑐᒥᒃ ᐱᓕᕆᖃᑎᒌᒃᐸᖕᓂᖏᓐᓂᒃ ᓄᓇᕗᒥᐅᑦ ᐊᒻᒪᓗ ᒥᐊᓕᒐᕐᒥᐅᑦ, ᑕᒪᓐᓇᓗ ᑲᔪᓯᑎᑦᑎᓂᐊᖅᖢᓂ ᐊᖏᒡᓕᒋᐊᖅᓯᒪᔪᒥᒃ ᐱᓕᕆᖃᑎᒌᖕᓂᕐᒥᒃ ᐅᑭᐅᖅᑕᖅᑐᒥ. ᓴᙱᔪᒥᑦ ᑲᑎᙵᓂᖃᖅᑐᒍᑦ ᒪᕐᕉᒃ ᐊᕕᒃᑐᖅᓯᒪᔫᖕᓂᑦ, ᐱᔪᒪᓂᖃᖅᓯᒪᓪᓗᑕᓗ ᐊᕙᑎᖏᓐᓂᑦ ᓲᕐᓗ ᓯᓚᐅᑉ ᐊᓯᔾᔨᐸᓪᓕᐊᓂᖓᓂᑦ, ᓇᖕᒥᓂᖃᕐᓂᕐᒥᑦ ᓴᐳᔾᔨᓂᕐᒥᓪᓗ,… ᐅᖃᓕᒫᒃᑲᓐᓂᕆᑦ.
ᔪᓚᐃ 7−ᒥ 9−ᒧᑦ, 2023
ᓄᓇᕗᓕᒫᒧᑦ
ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ ᐃᓕᓴᖅᓯᓂᕐᒧᑦ ᓄᓇᕗᒻᒥᑦ ᕿᑲᕐᓇᒥ:
"ᖁᕕᐊᓲᑎᖃᖅᑎᓪᓗᑕ ᓄᓇᕗᑦ ᐅᓪᓗᖓᓂᒃ ᐊᒻᒪ 30−ᓂᒃ ᐊᕐᕌᒍᖃᓕᖅᑎᓪᓗᒍ ᓄᓇᕗᑦ ᐊᖏᕈᑎᖓ, ᓄᓇᕗᒻᒥᐅᓕᒫᑦ ᐅᖃᐅᑎᔪᒪᕙᒃᑲ ᖁᔭᓕᑦᑎᐊᕋᒪ ᐱᓇᔪᖃᑦᑕᕋᔅᓯ ᓄᓇᕗᑦ ᓴᙱᑦᑎᒃᑲᓐᓂᖁᓪᓗᒍ ᐊᒻᒪ ᐊᑕᐅᓯᐅᖃᑎᒌᖕᓂᖅᓴᐅᖁᓪᓗᒍ. ᓯᕗᒻᒧᐊᒃᑐᒻᒪᕆᐅᕗᒍᑦ ᐊᓯᔾᔩᕙᓪᓕᐊᓂᕐᒥᑦ ᑕᐅᑐᙳᐊᖅᑕᑦᑎᓐᓂᑦ ᓄᓇᕗᒻᒧᑦ.
ᐱᔾᔪᑎᒋᓪᓗᒍ ᑲᑐᔾᔨᓗᑕ, ᑐᙵᓱᒃᑎᑉᐸᔅᓯ ᖁᕕᐊᓲᑎᖃᖅᑎᓪᓗᑕ ᐃᓕᖅᑯᓯᑦᑎᓐᓂᒃ, ᐅᖃᐅᓯᑦᑎᓐᓂᒃ, ᐊᒻᒪ ᓴᐱᓕᖅᓴᕋᐃᙱᓐᓂᖏᓐᓂᒃ ᓄᓇᓕᒃᐳᑦ. ᑕᒪᑐᒪᓂ ᐊᕐᕌᒍᒥ ᓇᓗᓇᐃᖅᓯᖕᒪᑦ 30−ᓂᒃ ᐅᑭᐅᓂᒃ ᑲᔪᓯᑎᑕᐅᔪᓂᒃ ᑕᐃᒪᙵᑦ ᓄᓇᕗᒻᒥ ᐊᖏᖃᑎᒌᒍᑎᓄᑦ ᐱᖁᔭᖅ ᐊᒻᒪ ᓄᓇᕗᒻᒥ ᐱᖁᔭᖅ ᐊᓂᒍᖅᑎᑕᐅᓚᐅᖅᑎᓪᓗᒋᑦ ᒪᓕᒐᓕᐅᕐᕕᒡᔪᐊᕐᒥ ᔪᓚᐃ 9, 1993-ᒥ.
ᐃᓕᑕᕆᔪᒪᖕᒥᔭᒃᑲ ᓯᕗᓕᖅᑏᑦ ᐋᔩᖃᑎᒌᒃᐸᓚᐅᖅᑐᑦ ᓄᓇᑖᕋᓱᒃᑎᓪᓗᑕ, ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᐱᓕᕆᐊᖃᓚᐅᕐᓂᖏᓐᓄᑦ ᓴᖅᑭᑎᑦᑎᓂᕐᒥᒃ… ᐅᖃᓕᒫᒃᑲᓐᓂᕆᑦ.
ᔫᓂ 6, 2023
ᐃᖃᓗᐃᑦ, ᓄᓇᕗᑦ
ᓄᓇᕗᒻᒥ ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
"ᐅᓪᓗᒥ, ᐊᓕᐊᓇᐃᒍᓱᖅᑲᐅᕗᖓ ᐅᖃᐅᓯᖃᕆᐊᒃᓴᖅ ᐱᒻᒪᕆᐅᔪᓂᒃ ᐅᑭᐅᖅᑕᖅᑐᒥᑦ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᐱᓕᕆᖃᑎᒌᓂᒃ, ᐊᕐᕌᒍᑕᒫᑦ ᐱᓕᕆᐊᖑᖃᑦᑕᖅᓯᒪᔪᖅ ᑕᒪᑐᒪᓂ ᐊᕐᕌᒍᒥᑦ ᐃᖃᓗᖕᓂᑦ ᐱᓕᕆᐊᖑᓂᐊᖅᑐᖅ ᔫᓂ 6−ᒥᑦ 7−ᒥᓪᓗ. ᓄᓇᕗᑦ ᒐᕙᒪᒃᑯᑦ ᑲᑎᒪᑎᑦᑎᓂᐊᖅᑐᑦ ᑲᑐᔾᔨᖃᑎᖃᕐᓗᑎᒃ ᐱᓕᕆᐊᒃᓴᓕᕆᔨᓂᒃ ᐅᑭᐅᖅᑕᖅᑐᒥ.
"ᑲᑎᒪᑎᓪᓗᒋᑦ ᑲᑎᒪᔾᔪᑎᖃᕐᓂᐊᖅᑐᑦ ᐱᕐᔪᐊᑦ ᐊᐅᓚᔪᓐᓇᐅᑎᓂᒃ: ᐅᑭᐅᖅᑕᖅᑐᒥ ᐃᓱᒪᒋᔭᐅᓯᒪᔪᑦ ᐊᒻᒪ ᓯᕗᓪᓕᐅᑎᔪᒪᔭᖏᑦ. ᐅᓪᓘᖕᓄᑦ ᒪᕐᕉᖕᓄᑦ, ᓄᓇᕗᒻᒥ ᐱᓕᕆᔩᑦ ᓯᕗᓕᖅᑎᒋᔭᐅᕗᑦ ᓯᕗᓪᓕᐅᑎᔭᕆᐊᓕᖕᓂᒃ ᐅᑯᓂᖓᓗ ᖃᕆᑕᐅᔭᒃᑯᑦ−ᐊᑦᑕᕐᓇᖅᑐᒦᑦᑕᐃᓕᓂᖅ, ᓯᓚ ᐊᓯᔾᔨᖅᐸᓪᓕᐊᓂᖓ, ᐊᒻᒪ ᐆᒻᒪᖅᑯᑎᓂᒃ ᐊᐅᓚᐅᑎᖃᕐᓂᖅ. ᐱᓕᕆᖃᑎᒌᒃᑐᑦ ᖃᐅᔨᓴᕐᓂᐊᕐᒥᔪᑦ ᓄᓇᕗᑦ ᒐᕙᒪᒃᑯᑦ ᑐᐊᕕᕐᓇᖅᑐᓕᕆᓂᕐᒧᑦ ᑭᐅᔾᔪᑎᖏᓐᓂᒃ 2021-ᒥ ᐃᖃᓗᖕᓂ ᐃᒪᕐᒥᒃ ᓱᕈᕐᓇᖅᑐᖃᓚᐅᖅᑐᒧᑦ.
"ᐅᖃᖃᑎᒌᒍᑕᐅᔪᑦ ᐅᑭᐅᖅᑕᖅᑐᒥ… ᐅᖃᓕᒫᒃᑲᓐᓂᕆᑦ.