ᒪᐃ 30, 2023
ᓇᓗᓇᐃᕈᑎ
ᓯᕗᓕᖅᑎ ᑭᐅᔪᖅ ᑕᒻᒪᖅᓯᒪᔪᖅᓯᐅᖅᑎᐅᑉ ᐅᓂᒃᑳᓕᐊᒥᓂᖏᓐᓄᑦ
ᓯᕗᓕᖅᑎ ᐱᔭᐃ ᐊᕿᐊᕈᖅ ᐅᓪᓗᒥ ᓴᖅᑭᖅᑎᑦᓯᖅᑲᐅᔪᖅ ᐅᑯᓂᖓ ᓇᓗᓇᐃᕈᑎᒥᒃ ᑭᐅᔾᔪᑎᖃᖅᑐᓂ ᐅᓂᒃᑳᓕᐊᒥᓂᖏᓐᓄᑦ ᑲᓇᑕᒥ ᑕᒻᒪᖅᓯᒪᔪᖅᓯᐅᖅᑎᐅᑉ ᐊᑎᓕᒃ ᓱᕈᓯᕐᓄᑦ ᐃᓚᒌᓄᓪᓗ ᐱᔨᑦᓯᕋᐅᑏᑦ ᓄᓇᕗᒻᒥ ᐊᒻᒪᓗ ᓄᕙᔾᔪᐊᕐᓇᖅ 19 ᑲᐴᑎᓂᒃ ᓯᐊᕐᒪᖅᑎᑦᓯᕙᓪᓕᐊᓯᒪᓂᖏᑦ ᓄᓇᕗᒻᒥ:
“ᒐᕙᒪᒃᑯᑦ ᓇᓗᓇᐃᖅᓯᔪᑦ ᐊᖏᕈᑎᖃᖅᑐᑎᓪᓗ ᑕᒻᒪᖅᓯᒪᔪᖅᓯᐅᖅᑎ ᑭᐅᕋᓐ ᕼᐅᒐᓐ ᖃᐅᔨᔭᒥᓂᖏᓐᓂᒃ.
ᓱᕈᓰᑦ ᓯᕗᓂᑦᓴᕆᒐᑦᑎᒍ ᓄᓇᕗᒻᒥ. ᓯᕗᓕᖅᑎᐅᓪᓗᖓ, ᐊᑖᑕᒋᔭᐅᓪᓗᖓ, ᖁᓅᒻᒥᕈᑎᖃᒻᒪᕆᑦᑐᖓ ᐅᓂᒃᑳᓕᐊᒥᓂᖓᓂᒃ ᓇᓗᓇᐃᖅᓯᒍᑕᐅᔪᒥᒃ ᐊᐅᓚᑕᐅᖃᑦᑕᕐᓂᖏᓐᓂᒃ ᓱᕈᓯᕐᓄᑦ ᐃᓚᒌᓄᓪᓗ ᐱᔨᑦᓯᕋᐅᑎᐅᔪᑦ ᓄᓇᕗᒻᒥ ᑐᐊᕕᕐᓇᖅᑐᒃᑯᑦ ᐃᓱᒫᓗᓐᓇᓗᐊᓕᖅᓯᒪᓂᖓᓂᒃ.
ᑭᐅᔾᔪᑎᕗᑦ ᕿᓚᒥᐅᔪᒃᑰᕆᐊᓖᑦ. ᐊᑕᖏᖅᑐᒃᑯᑦ ᐃᑲᔪᖅᓱᖅᑕᐅᓗᑎᒃ ᒥᓂᔅᑕᐅᖃᑎᒌᓄᑦ, ᒐᕙᒪᒋᔭᕗᑦ ᐊᑐᐃᓐᓇᕈᖅᑎᑦᓯᓂᐊᖅᑐᑦ ᐱᓕᕆᔾᔪᑎᑦᓴᓂᒃ ᐃᓄᓕᕆᔨᒃᑯᑦ, ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ, ᐃᖅᑲᓇᐃᔭᖅᑐᓕᕆᔨᒃᑯᓪᓗ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᖃᐅᓯᒃᓴᒥᑦ ᖁᕕᐊᓲᑎᒋᓗᒍ ᐃᓐᓇᐅᑉ ᐃᓅᓯᖓ ᑑᓇᑦ ᒥᓗᖅᑐᖅ ᐱᓕᕆᐊᕆᓚᐅᖅᑕᖓᓗ ᓄᓇᕗᑦ ᓴᖅᑭᑕᐅᑎᓪᓗᒍ:
"ᓇᐅᔮᒨᓚᐅᖅᑎᓪᓗᖓ, ᐃᓕᓴᕆᔪᒪᕙᕋ ᑑᓇᑦ ᒥᓗᖅᑐᖅ ᐱᓕᕆᐊᖃᓪᓚᕆᓚᐅᕐᓂᖓᓄᑦ ᓄᓇᕗᑦ ᓄᓇᓕᖓᑕ ᓴᖅᑭᑕᐅᓂᖓᓂ ᐋᔩᖃᑎᒌᒃᑎᐅᓪᓗᓂ ᐊᒻᒪ ᐊᑎᓕᐅᖅᑎᐅᓪᓗᓂ ᓄᓇᕗᒻᒥ ᐊᖏᕈᑎᒧᑦ.
ᑑᓇᑦ ᐱᒋᐊᖅᑎᑦᑎᔨᐅᓚᐅᖅᐳᖅ ᐊᖓᔪᖅᑳᖑᓯᒪᓪᓗᓂᓗ ᑐᙵᕕᒃᑯᑦ ᑲᑐᔾᔨᖃᑎᒌᓄᑦ ᓄᓇᕗᒻᒥ, ᒫᓐᓇ ᖃᐅᔨᒪᓕᖅᖢᑎᒍᓪᓗ ᓄᓇᕗᑦ ᑐᙵᕕᒃᑯᓐᓂ. (ᓄᓇᕗᑦ ᑐᙵᕕᒃᑯᑦ ᑎᒥᖓᑦ) ᓂᕈᐊᖅᑕᐅᓯᒪᓪᓗᖓ ᓯᕗᓕᖅᑎᐅᓪᓗᖓ, ᐱᔪᒃᓯᑎᑦᑎᑦᑎᐊᖅᐳᖓ ᑑᓇᑦᒥᑦ, ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐅᓄᖅᑐᓂᒃ ᐊᒃᓱᕈᕐᓇᖅᑐᓂᒃ ᐊᓂᒍᐃᑎᑦᑎᓚᐅᖅᑐᑦ ᓴᖅᑭᑎᑦᑎᓇᓱᒃᖢᑎᒃ ᐱᐅᓂᖅᓴᒥᒃ ᓄᓇᕘᒥ ᑭᖑᕚᒃᓴᑦᑎᓐᓄᑦ.
ᑭᖑᓂᒃᑲᓐᓂᐊᒍᓪᓘᓐᓃᑦ, ᑑᓇᑦ ᑭᒡᒐᖅᑐᐃᖏᓐᓇᓚᐅᖅᑐᖅ ᐃᓄᐃᑦ ᓄᓇᖓᓂᑦ ᐊᖑᓇᓱᒍᓐᓇᕐᓂᕐᒧᓪᓗ ᐱᔪᓐᓇᐅᑎᖏᓐᓂᑦ. ᐅᐱᒍᓱᑦᑎᐊᖅᐳᖓ ᐃᓚᒥᓂᒃ ᑲᑎᖃᑎᖃᕈᓐᓇᓚᐅᕋᒪ ᖁᔭᒋᑦᑎᐊᖅᐸᒃᑲᓗ ᓇᒡᓕᒋᔭᖏᑦ ᐃᓅᔪᓐᓃᓚᐅᕐᓂᖏᓐᓄᑦ ᐊᐃᕐᕆᓕ 26-ᒥ.… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᖃᐅᓯᒃᓴᒥᑦ ᑭᐅᓪᓗᓂ ᐊᖏᖃᑎᒌᒃᑎᑦᑎᓇᓱᒃᑎᓄᑦ ᐃᓱᒪᓕᐊᖑᓚᐅᖅᑐᒥᒃ ᐅᖃᓕᒫᖅᓯᒪᔪᒥᑦ 23−ᒥᑦ ᐱᔾᔪᑎᓕᒃ ᐃᓄᐃᑦ ᐃᖅᑲᓇᐃᔭᖕᓂᖏᑦ ᒐᕙᒪᒃᑯᓐᓂᑦ:
“ᓄᓇᕗᑦ ᒐᕙᒪᖓ (GN) ᐱᔪᒪᓂᖃᑦᑎᐊᖅᐳᑦ ᐱᕙᓪᓕᐊᑎᑦᑎᔪᒪᓪᓗᑎᑦ ᐃᖅᑲᓇᐃᔭᖅᑎᔅᓴᖃᕐᓂᕐᒥᑦ ᑭᒡᒐᖅᑐᐃᔪᓐᓇᑦᑎᐊᖁᓪᓗᒋᑦ ᓄᓇᕗᑦ ᐃᓄᒋᐊᓐᓂᖏᑦ ᒪᓕᓪᓗᒋᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂᑦ, ᐅᖃᖅᓯᒪᓂᖓ ᒪᓕᓪᓗᒍ ᑎᑎᕋᖅᓯᒪᔪᖅ 23ᒥᑦ ᓄᓇᕗᒻᒥ ᐊᖏᕈᑎᒥᒃ. ᐱᓕᕆᖃᑎᖃᐃᓐᓇᖅᐳᒍᑦ ᓄᓇᕗᑦ ᑐᙵᕕᒃᑯᓐᓂᒃ. ᓄᓇᕗᑦ ᑐᙵᕕᒃᑯᑦ ᐊᒻᒪ ᑲᓇᑕᐅᑉ ᒐᕙᒪᒃᑯᖏᑦ ᑐᕌᒐᒃᓴᕗᑦ ᓯᕗᒻᒧᐊᒃᑲᓐᓂᖁᓪᓗᒋᑦ ᑕᒪᑐᒧᖓ.
ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᕙᓪᓕᐊᖏᓐᓇᕐᓂᐊᖅᐳᑦ ᐊᑐᓕᖅᑎᑦᑎᕙᒡᓗᑎᒡᓗ ᓇᓗᓇᐃᖅᓯᒪᔪᓂᒃ, ᓇᓗᓇᐃᖅᓯᒪᔪᓂᒃ, ᐊᒻᒪ ᐱᓇᔪᒍᑕᐅᔪᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᓂᒃ ᑐᕌᒐᖃᖅᑐᓂᒃ ᐅᓄᖅᓯᕚᓪᓕᖅᑎᖦᖢᒋᑦ ᐃᓄᐃᑦ ᐃᓚᐅᖃᑦᑕᖅᑐᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓄᑦ ᑭᒡᒐᖅᑐᐃᔪᓄᑦ.
ᐃᑲᔪᖅᑐᕐᓂᐊᕐᓗᒋᑦ ᑖᒃᑯᐊ ᐸᕐᓇᐅᑎᑦ, ᒐᕙᒪᕗᑦ… ᐅᖃᓕᒫᒃᑲᓐᓂᕆᑦ.
ᐃᑉᐸᑦᓴᖓᓂ ᑭᖕᕈᖅᑎᑕᐅᓛᖅᑎᓪᓗᒍ, ᓯᕗᓕᖅᑎ ᐱᔭᐃ ᐊᕿᐊᕈᖅ ᐅᓪᓗᒥ ᐆᒥᖓ ᓇᓗᓇᐃᖅᓯᒍᑎᖃᖅᑲᐅᔪᖅ:
“ᐱᒃᑯᒋᕙᒌᖅᐸᒋᑦ ᑭᖕ ᓵᓕ III ᓄᓕᐊᖓᓗ ᑯᐃᓐᓇᖅ ᑲᒥᓇ ᐊᖏᖅᑎᑕᐅᓂᐊᖅᑎᓪᓗᒋᒃ.
ᑭᖕ ᓄᓕᐊᖓᓗ ᓂᐅᕐᕈᓚᐅᖅᓯᒪᔫᒃ ᐃᖃᓗᓐᓄ 2017-ᒥ, ᓂᕆᐅᑦᓯᐊᖅᑐᑕᓗ ᑭᖑᓪᓕᕐᒥ ᑐᙵᓱᑦᑎᒃᑲᓐᓂᓛᕋᑦᑎᒍ ᓄᓇᕗᒻᒧᑦ.
ᐃᑲᔪᖅᓱᖅᑕᕗᑦ ᑭᖕ ᑐᕌᒐᖏᑦ ᐃᓱᒫᓗᓐᓇᖅᑐᓄᑦ ᑐᕌᖓᔪᓄᑦ ᓄᓇᕗᒻᒥ, ᐃᓚᒋᔭᐅᓪᓗᓂ ᓴᐃᒻᒪᖃᑎᒌᑉᐸᓪᓕᐊᓂᕐᒧᑦ ᓯᓚᐅᓪᓗ ᐊᓯᔾᔨᖅᐸᓪᓕᐊᓂᖓᓄᑦ.
ᓄᓇᕗᑦ ᒐᕙᒪᒃᑯᖏᑦ ᐱᓕᕆᐊᑦᓴᖃᖅᑎᐅᓪᓗᑎᒃ ᒐᕙᒪᐅᔪᑦ ᐱᒍᔾᔨᓪᓗᑎᒃ ᑭᖕᒧᑦ. ᐊᑕᖏᖅᑐᒥᒃ ᐃᑲᔪᖅᓱᖅᑕᕗᑦ ᐱᖃᓐᓇᕆᔭᕗᑦ, ᑭᖕ ᑭᒡᒐᖅᑐᖅᑎᖓ ᒥᐊᕆ ᓴᐃᒪᓐ, ᑭᖕ ᑭᒡᒐᖅᑐᖅᑎᒋᓂᐊᓕᕐᖓᐅᒃ ᑲᓇᑕᒥ. ᐅᓪᓗᒥ, ᖁᔭᓐᓇᒦᕐᒥᔭᕗᑦ ᑲᒥᓯᓇ ᐄᕙ ᐋᕆᐊᒃ ᐱᔨᑦᓯᕋᐃᓐᓇᕐᓂᖓᓄᑦ ᓄᓇᕗᒻᒧᑦ ᓂᐊᖁᕆᔭᐅᑎᓪᓗᒍ.”
ᓄᓇᕗᒻᒥ ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
"ᐅᓪᓗᒥ, ᒪᓕᒐᓕᐅᖅᑎ ᖃᒪᓂ'ᑐᐊᕐᒧᑦ, ᑯᕋᐃᒡ ᓯᒪᐃᓚᒃ, ᓄᖅᑲᖅᑲᐅᖕᒪᑦ ᓯᕗᓕᖅᑏᑦ ᑲᑎᒪᔨᖏᓐᓂᑦ. ᖁᔭᒋᔪᒪᔭᕋ ᐱᔨᑦᑎᕋᖅᑎᐅᓚᐅᕐᓂᖓᓄᑦ ᒥᓂᔅᑕᐅᓪᓗᓂ ᒪᕐᕉᓐᓄᑦ ᐱᒻᒪᕆᐅᔫᖕᓄᑦ ᐱᓕᕆᐊᒃᓴᖃᖅᖢᓂ.
ᐊᑐᓚᐅᐱᓪᓚᖕᓂᐊᖅᑐᓂ, ᐱᓕᕆᐊᒃᓴᑦ ᐊᓯᔾᔨᕐᓂᖏᑦ ᐅᑯᐊᖑᕗᑦ:
ᒥᓂᔅᑕ ᑕᐃᕕᑦ ᐊᕿᐊᕈᖅ ᐃᒪᐃᑦᑐᕆᔭᐅᓂᐊᖅᑐᖅ:
ᒥᓂᔅᑕ ᒪᓕᒐᓕᕆᔨᒃᑯᓐᓄᑦ.
ᒥᓂᔅᑕ ᐃᖅᑲᓇᐃᔭᖅᑎᓄᑦ.
ᒥᓂᔅᑕ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑭᒡᒐᖅᑐᐃᔨᓄᑦ.
ᒥᓂᔅᑕ ᖁᐊᓴ ᑯᓱᒐᖅ ᐃᒪᐃᓕᐅᖅᑎᐅᓕᕐᓗᓂ:
ᒥᓂᔅᑕ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ.
ᓯᕗᓕᖅᑎᐅᑎᓪᓗᖓ, ᐃᒪᐃᓕᐅᕐᓂᐊᖅᐳᖓ:
ᒥᓂᔅᑕᕆᔭᐅᓂᐊᖅᐳᖓ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ.
ᑲᑑᔾᔨᓗᑕ ᐱᓕᕆᐊᒃᓴᑦ ᐱᒋᐊᖅᑎᑦᑎᓚᐅᖅᓯᒪᖕᒪᑕ ᐱᓕᕆᖃᑎᖃᖅᖢᑎᒃ ᐃᓚᒋᔭᐅᔪᓕᒫᓂᒃ ᐊᖏᖃᑎᒌᓐᓂᒃᑯᑦ ᒐᕙᒪᖃᖅᑎᓪᓗᑕ. ᐅᒃᐱᕈᓱᒃᐳᖓ ᐱᓕᕆᖃᑎᒌᖏᓐᓇᕈᓐᓇᕐᓂᑦᑎᓐᓂᒃ ᓄᓇᕗᑦ ᐱᔨᑦᑎᕐᓗᒍ."
ᓄᓇᕗᒻᒥ ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
"ᐋᔩᖃᑎᖃᖅᐸᓪᓕᐊᖏᓐᓇᖅᑎᓪᓗᒋᑦ ᑲᓇᑕᒥ, ᒐᕙᒪᒃᑯᑦ ᓄᓇᕗᒻᒥ ᑭᒡᒐᖅᑐᐃᕗᑦ ᐅᓄᖅᓯᒋᐊᖁᔨᓪᓗᑎᒃ ᐊᑐᕈᓐᓇᑦᑎᐊᖅᑐᓂᑦ ᑕᑎᒋᔭᐅᔪᓐᓇᖅᑐᓂᒃ ᐋᓐᓂᐊᖅᑐᓕᕆᓂᕐᒥᑦ ᓄᓇᕗᒻᒥᐅᓄᑦ.
"ᕕᐅᓪᓗᐊᓕ 15-ᖑᑎᓪᓗᒍ, ᑐᙵᓱᑦᑎᓚᐅᖅᐸᕋ ᐃᖃᓗᓐᓄᑦ ᒐᕙᒪᑐᖃᒃᑯᑦ ᒥᓂᔅᑕᖓᑦ ᒐᕙᒪᓕᕆᔨᒃᑯᓐᓄᑦ ᑖᒥᓂᒃ ᓚᑉᓛᖕᒃ, ᒥᓂᔅᑕᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᔩᓐ−ᐄᕝᔅ ᑑᒃᓗᔅ. ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ ᔮᓐ ᒪᐃᓐ ᐊᒻᒪ ᑮᓇᐅᔭᓕᕆᔨᒃᑯᑦ ᒥᓂᔅᑕᖓ ᖁᐊᓴ ᑯᓱᒐᖅ ᐅᖃᖃᑎᒌᖃᑕᐅᓚᐅᖅᐳᑦ. ᑖᓐᓇ ᑲᑎᒪᓂᖅ ᑲᔪᖏᖅᓴᐃᓂᐅᕗᖅ.
"ᓱᓕ, ᐋᔩᖃᑎᒌᑉᐸᓪᓕᐊᑎᓪᓗᑕ ᑲᓇᑕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓅᑕᐅᔪᓂᒃ (CHT) ᐊᓯᖏᓐᓂᓪᓗ ᑕᒪᐃᓐᓄᑦ ᐊᖏᖃᑎᒌᒍᑎᓂᒃ ᐋᓐᓂᐊᖅᑐᓕᕆᓂᕐᒧᑦ ᑮᓇᐅᔭᓂᒃ, ᓇᓗᓇᐃᖅᓯᔭᕆᐊᖃᖅᐳᖓ ᐱᔭᕆᐊᖃᕐᓂᖏᓐᓂᒃ ᑮᓇᐅᔭᓕᐅᕈᑕᐅᓇᓱᐊᖅᑐᓂᒃ ᓄᓇᕘᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑮᓇᐅᔭᓕᐅᕈᑕᐅᓯᒪᔪᑦ ᑮᓇᐅᔭᑦ ᐊᑐᕐᓗᒋᑦ (THIF). ᓄᓇᕗᑦ… ᐅᖃᓕᒫᒃᑲᓐᓂᕆᑦ.
ᐅᖃᐅᓯᐅᔪᑦ
ᓄᓇᕗᒻᒥ ᓯᕗᓕᖅᑎ ᑭᐅᔭᖓ ᖁᑦᑎᒃᑐᒥ ᖃᖓᑕᑎᑕᐅᔪᖅ ᖁᑭᖅᑕᐅᑎᓪᓗᒍ ᔫᑳᓐ ᖁᓛᒎᖅᑎᓪᓗᒍ
ᐅᓪᓗᒥ, ᓄᓇᕗᒻᒥ ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
"ᓇᓗᓇᐃᕈᒪᕙᕋ ᐱᒻᒪᕆᐅᓂᖓᓂ ᐊᑦᑕᕐᓇᖅᑐᒦᑎᑦᑕᐃᓕᓂᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ, ᕕᕗᐊᕆ 11−ᒥ ᑕᑯᔪᖃᓚᐅᖅᑎᓪᓗᒍ ᖁᑦᑎᒃᑐᒦᑦᑐᒥᒃ ᖃᖓᑕᔪᒥᒃ ᖁᑭᖅᑕᐅᔪᒥᒃ ᔫᑳᓐ ᖁᓛᒎᖅᑎᓪᓗᒍ. ᖁᔭᓐᓇᒦᒃ ᑲᓇᑕᐅᑉ ᐊᖓᔪᖅᑳᕐᔪᐊᖓ ᔭᔅᑎᓐ ᑐᕉᑑ ᐱᓕᕆᑲᐅᖅᑐᓚᐅᕋᕕᑦ ᓴᐳᔾᔨᓇᓱᒃᖢᑎᒃ ᐅᑭᐅᖅᑕᖅᑐᒥᒃ ᐊᒻᒪ ᑲᓇᑕᒥᐅᑕᐅᓂᑦᑎᓐᓂᒃ ᓇᓗᓇᐃᖅᑕᐅᓯᒪᙱᑦᑐᒥᒃ ᖃᖓᑕᑎᑕᐅᔪᖃᓚᐅᖅᑎᓪᓗᒍ ᑲᓇᑕᒥ ᓯᓚᐃᓐᓇᒃᑯᑦ. ᓄᓇᕗᑦ ᐃᑲᔪᖅᑐᐃᕗᖅ ᔫᑳᓐ−ᒥᑦ ᖃᓱᕚᓪᓕᖅᖢᑎᒡᓗ ᐅᓗᕆᐊᓇᖅᑐᖃᓚᐅᙱᒻᒪᑦ ᑭᒃᑯᑐᐃᓇᓄᑦ.
ᒐᕙᒪᕗᑦ ᑐᓴᖅᑎᑕᐅᓯᒪᕗᑦ ᑲᑐᔾᔨᔪᓄᑦ ᐱᓕᕆᔨᐅᖃᑎᒌᓄᑦ ᐅᑭᐅᖅᑕᖅᑐᒥ. ᐅᒃᐱᕈᓱᙱᓚᒍᑦ ᒫᓐᓇᑲᐅᑎᒋ ᐅᓗᕆᐊᓇᖅᑐᖃᕆᐊᖓ ᓄᓇᕗᒻᒧᑦ. ᑕᒪᓐᓇ ᓇᐅᑦᑎᖅᓱᐃᓐᓇᖅᑕᕗᑦ ᐊᒻᒪᓗ ᓄᓇᕗᒻᒥᐅᑦ ᑐᓴᐅᒪᑏᓐᓇᕋᓱᖕᓂᐊᖅᑕᕗᑦ ᑐᓴᒐᒃᓴᖅᑕᖃᓕᑐᐊᕌᖓᑦ.
ᑕᒪᓐᓇ ᓇᓗᓇᐃᖅᓯᔾᔪᑕᐅᕗᖅ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᐸᐅᓗᓯ ᐊᕿᐊᕈᖅ, ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
"ᒐᕙᒪᕗᑦ ᐃᑲᔪᐃᓐᓇᖅᑐᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ ᖃᓄᐃᓕᐅᖅᑎᓪᓗᒋᑦ ᐱᓇᓱᐊᕈᓯᐅᑉ ᓄᙳᐊᓂ ᒪᓕᒐᕐᒥᒃ ᓱᕋᐃᓪᓗᑎᒃ ᖃᕆᓴᐅᔭᒃᑯᑦ ᖃᓄᖓᓴᖅᑐᓂᑦ. ᒥᓂᔅᑕᐃᑦ ᑲᑎᒪᔨᖏᑦ ᐊᒻᒪᓗ ᒪᓕᒐᓕᐅᖅᑎᑐᐃᓐᓇᕗᑦ ᑐᓴᐅᒪᑎᑕᐅᖏᓐᓇᖅᐳᑦ ᑕᒪᑐᒥᖓ ᐊᒻᒪᓗ ᐅᑉᐱᕈᓱᑦᑎᐊᖅᖢᑎᒃ ᖃᓄᐃᓕᐅᕈᑕᐅᓂᖓᓂᒃ ᖁᓪᓕᒃᑯᓐᓂ ᐊᒻᒪᓗ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂ.
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᒪᓕᒐᓕᕆᔨᒃᑯᑦ, ᑮᓇᐅᔭᓕᕆᔨᒃᑯᑦ ᐊᒻᒪ ᒐᕙᒪᓕᕆᔨᒃᑯᑦ ᓴᖅᑭᑦᑎᓯᒪᓕᖅᑐᑦ ᐱᔨᑦᑎᕋᐅᑎᓂᒃ ᐊᒻᒪ ᐃᖅᑲᓇᐃᔭᖅᑎᓂᒃ ᐃᑲᔪᕐᓂᐊᖅᑐᓂᒃ ᑯᐊᐳᕇᓴᒃᑯᓐᓂ ᑭᐅᔪᓐᓇᖁᓪᓗᒋᑦ, ᖁᓪᓕᒃᑯᓪᓗ ᐆᒻᒪᖅᑯᑎᖃᖅᑎᑦᑏᓐᓇᕐᓂᐊᖅᖢᑎᒃ ᓄᓇᕗᒻᒥ ᓄᓇᓕᓕᒫᓂᒃ.
ᑕᐃᒪᐃᓕᐅᖃᑦᑕᖅᑐᑦ ᐱᕋᔭᖃᑦᑕᖅᐳᑦ. ᐱᓕᕆᔨᓪᓚᕇᑦ ᖃᕆᑕᐅᔭᓂ−ᓴᐳᔾᔨᓯᒪᔾᔪᑎᓂᑦ ᐊᒻᒪᓗ ᒪᓕᖅᑎᒍᑦ ᐅᖃᐅᔾᔪᐃᔩᑦ ᐱᓯᒪᔭᐅᓕᖅᑐᑦ ᐸᓖᓯᒃᑯᓪᓗ ᐃᑲᔪᖅᖢᑎᒃ ᖁᓪᓕᒃᑯᑦ ᖃᐅᔨᓴᐃᓐᓇᖅᑕᖓᓂ. ᐆᒻᒪᖅᑯᑎᓕᕆᔨᒃᑯᑦ ᒪᓕᒃᐳᑦ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᐸᐅᓗᓯ ᐊᕿᐊᕈᖅ, ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
"ᓯᕗᓕᖅᑎᐅᑎᓪᓗᖓ, ᑐᙵᓱᒃᑎᑦᑐᒪᕙᒃᑲ ᓂᕈᐊᖅᑕᐅᓵᖅᑐᑦ ᓯᕗᓕᖅᑏᑦ ᑲᓇᑕᐅᑉ ᐊᕕᒃᑐᖅᓯᒪᓂᖓᓂ ᐊᒻᒪ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᓂᑦ. ᐅᐱᒋᕙᕗᑦ ᐹᓪ ᐃᕐᖓᐅᑦ ᓂᕈᐊᖅᑕᐅᓚᐅᖅᑐᖅ ᐊᖓᔪᖅᑳᑉ ᑐᖏᓕᖓᓄᑦ ᓄᓇᕗᑦ ᑐᙵᕕᒃᑯᓐᓄᑦ. ᐊᒻᒪᓗ ᐅᓛᔪᒃ ᐊᑭᓱᒃ ᐊᖏᔪᖅᑳᖑᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓄᑦ ᐊᒻᒪᓗ ᕌᐳᑦ ᒍᕇᓐᓕ ᐊᖏᔪᖅᑳᖑᓪᓗᓂ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᓄᑦ.
ᒐᕙᒪᕗᑦ ᐊᑐᓚᐅᖅᓯᒪᙱᑦᑐᓂᒃ ᐱᕕᒃᓴᖃᖅᐳᑦ ᐱᓕᕆᖃᑎᖃᕐᓂᕐᒥᒃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᐊᒃᑐᖅᑕᐅᔪᓐᓇᖅᑐᓂᒃ ᓴᖅᑭᑎᑦᑎᔪᒪᓪᓗᑎᒃ. ᑲᑐᔾᔨᓗᑕ ᐱᓕᕆᐊᒃᓴᖏᑦ ᐱᓕᕆᖃᑎᒌᒃᑎᑦᑎᕙᓪᓕᐊᕗᑦ, ᐃᓄᐃᑦ ᑲᑐᔾᔨᖃᑎᒌᖏᓐᓂᑦ ᐅᑯᓂᖓᓗ ᓯᕗᓪᓕᖅᐹᑦᑎᐊᒥᑦ ᐱᕙᓪᓕᐊᑎᓪᓗᒋᑦ ᐱᓕᕆᐊᒃᓴᓄᑦ ᑐᕌᒐᖓᓂ.
ᑲᑐᔾᔨᓗᑕ ᐱᖃᓯᐅᔾᔨᔪᖅ ᐃᓄᐃᑦ ᐅᒃᐱᕆᔭᖏᓐᓂ ᐱᓕᕆᖃᑎᒌᖕᓂᖅ/ᐃᑲᔪᖅᑎᒌᖕᓂᖅ: ᐱᓕᕆᖃᑎᒌᖕᓂᖅ ᑖᔅᓱᒧᖓᑦᑕᐃᓐᓇᖅ ᐱᔾᔪᑎᖃᖅᑐᒧᑦ. ᖃᐅᔨᒪᔪᒍᑦ ᓴᙱᓂᖅᓴᐅᒐᑦᑕ ᐊᑕᐅᑦᑎᒃᑯᑦ ᐊᒻᒪᓗ ᐃᓄᑑᓗᑕ… ᐅᖃᓕᒫᒃᑲᓐᓂᕆᑦ.
ᓇᓗᓇᐃᕈᑎ
ᓯᕗᓕᖅᑎ ᐊᕿᐊᕈᖅ ᓂᕆᐅᓐᓂᖃᑦᓯᐊᖅᑐᖅ ᑐᕌᖅᑕᐅᓂᐊᖅᑐᓂᒃ ᓇᓗᓇᐃᖅᑕᐅᔪᓂᒃ ᑯᐃᓐ ᐃᒃᓯᕙᐅᑕᖓᓂᒃ ᐅᖃᐅᓯᕐᖓᐅᑎᖓᓂᒃ ᓯᕗᓪᓕᖅᐹᒥ ᐃᓄᒻᒧᑦ ᑯᐃᓐ ᑭᒡᒐᖅᑐᖅᑎᖓᓂᒃ
ᓯᕗᓕᖅᑎ ᐱᔭᐃ ᐊᕿᐊᕈᖅ ᐅᓪᓗᒥ ᓴᖅᑭᖅᑎᑦᓯᖅᑲᐅᔪᖅ ᑖᑦᓱᒥᖓ ᓇᓗᓇᐃᕈᑎᒥᒃ:
“ᑐᙵᓱᑦᑎᑕᕋ ᑐᕌᖅᑕᐅᓂᐊᖅᑐᓂᒃ ᓇᓗᓇᐃᖅᑕᐅᔪᓂᒃ ᑯᐃᓐ ᑭᒡᒐᖅᑐᖅᑎᖓ ᒥᐊᓕ ᓴᐃᒪᓐ ᐅᖃᐅᓯᕐᖓᐅᑎᖓᓂ ᑯᐃᓐ ᐃᒃᓯᕙᐅᑕᖓᓂᒃ. ᐅᐱᓐᓇᖅᑲᐅᔪᖅ ᐅᓪᓗᒥ ᐃᖅᑲᐅᒪᓇᐃᓐᓇᕐᓂᐊᖅᑐᓂᓗ ᑲᓇᑕᒥ ᐃᓄᓐᓄᑦ ᑐᓴᖅᑎᓪᓗᒋᑦ ᓯᕗᓪᓕᖅᐹᒥ ᓄᓇᖃᖅᑳᖅᑐᒥᓂᕐᒥᒃ ᑯᐃᓐ ᑭᒡᒐᖅᑐᖅᑎᖓᓂᒃ ᐅᖃᐅᓯᖃᖅᑎᓪᓗᒍ ᐃᓚᖏᓐᓂᒃ ᐅᖃᐅᓯᕐᖓᐅᑎᖓᓂᒃ ᐃᓄᒃᑎᑑᖅᑐᓂ. ᐃᑉᐱᓐᓇᖅᑐᒻᒪᕆᐅᖅᑲᐅᔪᖅ ᑕᑯᓪᓗᒍ ᑯᐃᓐ ᑭᒡᒐᖅᑐᖅᑎᖓ ᐱᒋᐊᕈᑎᖃᖅᑎᓪᓗᒍ ᖃᓄᐃᓕᒋᐊᕈᑎᖃᕐᓂᕐᒥᒃ ᓴᐃᒻᒪᐸᓪᓕᐊᖃᑎᒌᓐᓂᕐᒧᑦ.
ᐃᓚᖏᑦ ᓯᕗᓪᓕᐅᔾᔭᐅᒍᒪᔪᑦ ᓇᓗᓇᐃᔭᖅᑕᐅᖅᑲᐅᔪᑦ ᐅᖃᐅᓯᕐᖓᐅᑎᖓᓂᒃ ᑯᐃᓐ ᐃᒃᓯᕙᐅᑕᖓᓂᒃ ᑐᕌᖓᑦᓯᐊᖅᑲᐅᔪᑦ ᐱᓗᐊᖑᐊᖅᑐᓄᑦ ᓴᖅᑭᔮᖅᑐᓄᑦ ᓄᓇᕗᒻᒥ. ᖁᕕᐊᖅᑲᐅᔪᖓ ᑐᓴᕋᒪ ᑐᕌᒐᖃᕐᓂᕐᒥᒃ ᖃᓄᐃᓕᒋᐊᕈᑎᖃᕐᓂᕐᒧᑦ… ᐅᖃᓕᒫᒃᑲᓐᓂᕆᑦ.