ᐃᖃᓗᐃᑦ, ᓄᓇᕗᑦ (ᔫᓂ 4, 2024) – ᐅᓪᓗᒥ, ᓯᕗᓕᖅᑎ ᐲᔭᐃ ᐊᕿᐊᕈᖅ ᑐᓴᖅᑎᑦᑎᖅᑲᐅᔪᖅ ᐊᓯᔾᔨᖅᑐᓂᑦ ᓄᓇᕘᒥ ᓯᕗᓕᖅᑏᑦ ᑲᑎᒪᔨᖏᓐᓄᑦ ᑭᐅᕋᓐ ᓄᑕᕋᖅ ᓄᖅᑲᓚᐅᖅᑎᓪᓗᒍ ᒥᓂᔅᑕᐅᖃᑎᒌᓂᑦ ᔫᓂ 4, 2024−ᒥᑦ, ᓇᖕᒥᓂᖅ ᐃᓚᒥᓂᒡᓗ ᐱᔾᔪᑎᖃᖅᖢᓂ.
"ᖁᔭᓐᓇᒦᕈᒪᕙᕋ ᑭᐅᕋᓐ ᓄᑕᕋᖅ ᐱᔨᑦᑎᕋᓚᐅᕐᓂᖓᓄᑦ ᒥᓂᔅᑕᐅᓪᓗᓂ ᒪᓕᒐᓕᕆᔨᒃᑯᓐᓄᑦ ᒥᓂᔅᑕᐅᓪᓗᓂᓗ ᑲᒪᒋᔭᒃᓴᖃᖅᑎᑕᐅᓪᓗᓂ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ, ᓴᖅᑭᑎᑦᑎᓚᐅᕐᒪᑦ ᓄᑖᓂᒃ ᐱᔪᓐᓇᐅᑎᑖᖅᑎᑦᑎᓪᓗᓂ ᐆᒻᒪᕆᖕᓂᕐᒥᓪᓗ ᐱᓕᕆᖃᑎᒋᕙᒃᑕᑦᑎᓐᓄᑦ," ᑕᐃᒪᓐᓇ ᓯᕗᓕᖅᑎ ᐲᔭᐃ ᐊᕿᐊᕈᖅ ᐅᖃᖅᖢᓂ. "ᑭᐅᕋᓐ ᓄᑕᕋᖅ ᓯᕗᓂᒃᓴᖃᑦᑎᐊᖁᕙᕋ ᐊᒻᒪ ᓂᕆᐅᒃᐳᖓ ᒪᓕᒐᓕᐅᕐᕕᖕᒥ ᑕᑯᓛᕆᐊᒃᓴᖅ ᐱᔨᑦᑎᕋᐃᓐᓇᖅᑎᓪᓗᒍ ᓂᕈᐊᖅᑕᐅᕝᕕᒋᓯᒪᔭᒥᓄᑦ ᑐᓄᓂᕐᒧᑦ."
ᓯᕗᓕᖅᑎ ᐊᕿᐊᕈᖅ ᓄᑖᓂᑦ ᒥᓂᔅᑕᐅᖃᑎᒌᓂᑦ ᐱᓕᕆᐊᒃᓴᖅᑖᖅᑎᑦᑎᕗᖅ ᔫᓂ 4, 2024-ᒥᑦ ᐱᒋᐊᕐᓗᓂ.
ᒥᓂᔅᑕ ᐹᒥᓚ ᕼᐊᑯᖓᒃ ᒍᕉᔅ ᓯᕗᓕᖅᑎᐅᑉ ᑐᒡᓕᐊ ᐊᒻᒪ ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᑲᒪᒋᔭᒃᓴᖃᒃᑲᓐᓂᖅᖢᓂ ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐊᒻᒪ ᒥᓂᔅᑕ ᑲᒪᒋᔭᓕᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑎᒃᑯᓐᓂ.
ᒥᓂᔅᑕ ᑕᐃᕕᑦ ᐊᕿᐊᕈᖅ ᒥᓂᔅᑕᐅᖏᓐᓇᖅᐳᖅ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ ᑲᒪᒋᔭᒃᓴᖃᕐᓂᐊᖅᖢᓂᓗ ᒥᓂᔅᑕ ᒪᓕᒐᓕᕆᔨᒃᑯᓐᓄᑦ, ᒥᓂᔅᑕ ᑲᒪᒋᔭᓕᒃ ᐃᖅᑲᓇᐃᔭᖅᑎᓄᑦ ᐊᒻᒪ ᒥᓂᔅᑕ ᑲᒪᒋᔭᓕᒃ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑭᒡᓕᓯᓂᐊᖅᑎᓄᑦ.
ᒪᓕᒐᓕᐅᖅᑎ ᒫᒡᒍᓚ ᓇᑲᓱᒃ ᒥᓂᔅᑕᐅᖏᓐᓇᕐᓂᐊᖅᑐᖅ ᐃᓄᓕᕆᔨᒃᑯᓐᓄᑦ, ᒥᓂᔅᑕ ᑲᒪᒋᔭᓕᒃ ᐊᖏᕐᕋᖃᙱᑦᑐᓕᕆᓂᕐᒧᑦ, ᒥᓂᔅᑕ ᑲᒪᒋᔭᓕᒃ ᐊᕐᓇᐃᑦ ᑲᑎᒪᔨᖏᓐᓂᒃ, ᐊᒻᒪ ᒥᓂᔅᑕ ᑲᒪᒋᔭᓕᒃ ᐊᔪᖅᓴᕈᓐᓃᖅᐹᓪᓕᖅᑎᑦᑎᓇᓱᖕᓂᕐᒧᑦ, ᑲᒪᒋᔭᒃᓴᖃᕐᓂᐊᖅᖢᓂᓗ ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ.
ᑕᒪᕐᒥᒃ ᒥᓂᔅᑕᐅᖃᑎᒌᑦ ᐱᓕᕆᐊᖏᑦ ᑎᑎᕋᖅᓯᒪᔪᑦ ᐃᓚᓕᐅᑎᓯᒪᔪᑦ ᑖᔅᓱᒧᖓ ᓴᖅᑭᑕᐅᔪᒧᑦ.
ᓄᓇᕗᒻᒥ ᒥᓂᔅᑕᐃᑦ ᑲᑎᒪᔨᖏᑦ
ᒪᓕᒐᓕᐅᖅᑎ ᐲᔭᐃ ᐊᕿᐊᕈᖅ, ᓯᕗᓕᖅᑎ
ᒥᓂᔅᑕ ᒐᕙᒪᓕᕆᔨᒃᑯᓐᓄᑦ
ᒥᓂᔅᑕ ᓄᓇᖃᖅᑳᖅᓯᒪᔪᓕᕆᓂᕐᒧᑦ
ᒥᓂᔅᑕ ᑲᓇᑕᐅᑉ ᓯᓚᑖᓃᙶᖅᑐᓕᕆᓂᕐᒧᑦ
ᒥᓂᔅᑕ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ
ᒥᓂᔅᑕ ᐃᓐᓇᕐᓄᑦ
ᒪᓕᒐᓕᐅᖅᑎ ᐹᒥᓚ ᒍᕌᔅ, ᓯᕗᓕᖅᑎᐅᑉ ᑐᒡᓕᐊ
ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ
ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ
ᒥᓂᔅᑕ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑎᓄᑦ
ᒪᓕᒐᓕᐅᖅᑎ ᖁᐊᓴ ᑯᓱᒐᖅ
ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ
ᒥᓂᔅᑕ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ
ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ
ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓕᓗᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᓐᓄᑦ
ᒪᓕᒐᓕᐅᖅᑎ ᑕᐃᕕᑎ ᐊᕿᐊᕈᖅ
ᒥᓂᔅᑕ ᒪᓕᒐᓕᕆᔨᒃᑯᓐᓄᑦ
ᒥᓂᔅᑕ ᐃᖅᑲᓇᐃᔭᖅᑎᓄᑦ
ᒥᓂᔅᑕ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑭᒡᒐᖅᑐᐃᔨᓄᑦ
ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ
ᒥᓂᔅᑕ ᓄᓇᕗᒻᒥ ᓇᖕᒥᓂᖅᑲᖅᑐᓄᑦ ᐊᑐᖅᑐᐊᕐᕕᒃ ᑯᐊᐳᕇᓴᒃᑯᓐᓄᑦ
ᒥᓂᔅᑕ ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᓄᑦ
ᒥᓂᔅᑕ ᑕᐅᖅᓰᖃᑎᒌᖕᓂᕐᒧᑦ
ᒥᓂᔅᑕ ᐅᔭᕋᕐᓂᐊᖅᑐᓕᕆᓂᕐᒧᑦ
ᒪᓕᒐᓕᐅᖅᑎ ᑕᐃᕕᑎ ᔪᐊᓇᓯ, ᒪᓕᒐᓕᐅᕐᕕᖕᒥ ᐊᖓᔪᖅᑳᖅ
ᒥᓂᔅᑕ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᓐᓄᑦ
ᒪᓕᒐᓕᐅᖅᑎ ᔮᓐ ᒪᐃᓐ
ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ
ᒥᓂᔅᑕ ᐃᓅᓯᕐᒥᑦ ᑭᐱᓯᑦᑕᐃᓕᑎᑦᑎᓂᕐᒧᑦ
ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ
ᒪᓕᒐᓕᐅᖅᑎ ᒫᒡᒍᓛ ᓇᑲᓱᒃ
ᒥᓂᔅᑕ ᐃᓄᓕᕆᔨᒃᑯᓐᓄᑦ
ᒥᓂᔅᑕ ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ
ᒥᓂᔅᑕ ᐊᖏᕐᕋᖃᙱᑦᑐᓕᕆᓂᕐᒧᑦ
ᒥᓂᔅᑕ ᐊᕐᓇᐃᑦ ᑲᑎᒪᔨᖏᓐᓄᑦ
ᒥᓂᔅᑕ ᑲᒪᒋᔭᖃᖅᑐᖅ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ
ᒪᓕᒐᓕᐅᖅᑎ ᑖᓂᐅᓪ ᖃᕝᕕᒃ
ᒥᓂᔅᑕ ᐊᕙᑎᓕᕆᔨᒃᑯᓐᓄᑦ
ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ
ᒥᓂᔅᑕ ᐃᓕᖅᑯᓯᓕᕆᔨᒃᑯᓐᓄᑦ
ᒥᓂᔅᑕ ᐅᖃᐅᓯᓕᕆᓂᕐᒧᑦ