Iqaluit, Nunavut (Tattiarnaqhilirvia 11, 2024) – Ikajuutigivlugu uumunga Nunavut Kavamangata (GN) Katujjiluta havangniaqtaat pillugakhamun, Inirniqhaanguliqtunun Nan’ngarivlutik, Hivuliqti P.J. Akeeagok ublumi tuhaqtittijuq taimaa tallimat nunallaat piniaqtait ihuaqhaqhimajun akhaluutit ukiaqhami ikajurlugit Inirniqhaat ihuaqhijuumihimajunik ingilrajaami pidjutigijaamilu nunallaami kavamanilu kivgaqtuutainik. Tallimat byballaat ukuat Iqaluit, Iqaluktuuttiaq, Salliq, Pangniqtuuq, unalu Kangiqliniq.
“Tuhaajavun Inirniqhaat kangiqhivlugit: pivikhamun ihuaqtumun ingilradjutikhanun munaqhiliqinirmun takujaujaami, niqikhanun niuvvaavingmun hulilukaarutinullu ihumagijaujuq ajuqhautigivaktaat inirniqhaanguliqtun Nunavunmiut,” uqaqtuq Premier Akeeagok. “Ukuat ingilradjutikhamun akhaluutit ihuaqhijuumidjutauniaqtun inuuhiinun Inirniqhaat tunilugit pidjutikhamun upautijaami humungaujumajamingnun qajangnaittumik pilutik. Niriuktunga takujumavlugu hanaqidjutikhaq amigairjuumiluni amihunun nunallaanun tamaat Nunavunmi.”
Talvani Qiqaijarluarvia 2024, Havagviat Kavamaliqijitkut (EIA) tukhiqtun piumajut piumajunik hamanga nunavunmi, aviktungniini nunallaaluuniin timingnit piqaqtut aktilaanginik pijaarnirmiklu munarinirmun Inirnikhat akhaluutikhainik tallimani nunallaani.
Pidjutigivlugu una Imaruqtirvia 2024 naunaijaivlutik katimajunun, hitaman katimajun tunihijun tukhiutinik. Tikkuaqhijukhat katimajiit anggajukhiujun atan’ngujat pijaat katimajun hivuliqtiujunik ukunanga Ukiuqtaqtumi Hivun’ngani Ajuiqhimajanun Pivalliadjutikhaq, paananiktun ukuninga Arctic Training Ltd. unalu Caribou Cabs.
Tallimat akhaluaqaqtunik kaipluarutinut ikittaaqtunun akhaluutit nunamiiliqtun, akjaqtauliqtulluuniin uumani 2024-mi umiarjuami akjaqtautimi. Akhaluutit nakuujumik pidjutiqarniaqtun tamainni nunallaani, tamngmik pidjutikhamun Inirniqhaanun humungaujaami nunallaami pilutiklu amihunik ajuittuni aqutikhanik.