Iqaluit, Nunavut (Qiqaijalirvia 13, 2025) – HIvuliqti P.J. Akeeagok uplun’ngaijaliqtuq tunihijaamini aittuutinik King Charles III’s Coronation Haviqutinik 54 nut Nunavunmiunut an’ngijuamik kivraqtuqpangmata Kanatamun Nunavunmunlu.
“Nunavunmiut pidjutihimmaaqpaktut an’ngijuamik kivraqtuqhutik avikturviugijaptingnut hunaujaliurhutik, pitquhikkut, inungnut nunallaamilu kivraqtuqhutik, ikajuinnakpiaqhutik nakuatut”, uqaqtuq Hivuliqti Akeeagok. "Tun’ngahungnaktuq ilitaqhijaami hapkua inuit ilitaqhiplugit kivraqtuqhutik taimatunli innaqunnarmat nakuuqpianikkut tunihivangmata Nunavunmun Kanatamunlu”.
Qiqaijaluarvia 6, 2023 mi, Kanatamiut quviahuutigijaat Coronation of His Majesty King Charles III. Hamna in’ngilraangnitaq atauttimunggaqtittijuq nunallaaniq ilitariumaplugit ihumagijaujut tamangmik King Charles III Kanatiankutlu tigunmidjutittiaqhugit, taapkuatlu kivraqtuqtut aadlanut, hapummiplugit avatiit, inuulrammiit hakugingniqhaqhugit aqhuungnaktuqlu aadlatkiingnitigut.
Naunaidjutiqariami hamna tikiutidjut, King CHarles III Coronation Haviqutaa aituutigijauniaqtuq 30,000 nut havakpiaqpaktunut uuktuqpiaqpaktunut inuit tunihidjutainnut nunallaamingnut, Kanatamun nunarjuamunluunniit. Hivuliqti Akeeagok tunijaujuq 54 nik haviqutinik aittuutiqhainnut tunijaujuqhanut Nunavunmiunit. King-Kivraqtinga Mary Simon tuniqhaivaktuq haviqutinik Nunavunmiunut, taamnalu Kamisina Nunavunmut Eva Aariak atauhirmiklu Kanatianni Senator mik.
Imaa pijaami Nunavunmiut, tamaani avikturviujumi ilitaqhidjutijaujuqhani, Hivuliqti havaqatigijait tamaita Ilaujut Maligaliurvingmi ilitaqhijaami inungnik aqhuugutainnut kivraqtuqhutik nunallaanut Nunavunmi.
Tunijaujuqhat aittuutinik uqaqtauniaqtut piniaqhimajuni hulidjutijuqhani katimapkajuqhanilu.
Taamna Coronation Haviqutinut munarijaujuq tahapkunanit Munarijaqaqtut titiqqiviliqidjutinut Kanatian pitquidjutainnut, pinniqutiqhanut haviliqidjutinutlu talvani Rideau Hall mi.
In’ngilraangnitat titiraqhimajut naittunik
An’ngijuqqaarjuaq Justin Trudeau uqaqtuq haviqutinut pivinga Qiqaijaluarvia 3, 2023 mi, pingahut ubluit hivuani Coronation.
Piliurninga haviqutip naunaijautaitlu pivinga uqaqtaujut Rideau Hall mit talvani Qiqaijaluarvia 6, 2024 mi, hivulliqpaaq ilitaqhidjutaa Coronation.
Uqagiiktauhimajut pidjutijut Qiqaijarluarvia 6, 2024 mi, hulidjutijuni King-Kivraqtinga tunihijuq hivulliit haviqutinik tahapkununga Lieutenant-Governors nut Ukiuqtaqtumilu Avikturviinnut Kamisinainnut un’ngahiktukkut hulidjutiplutik. Talvanimilu ubluan’ngani, ilanggit Lieutenant-Governors pijutlu uqariiqhutik uqautijut kanatap avikturvigijainni, ilalliutiplugit hivulliqpaamik an’ngujaqtinit aittuqtaujuqhanik.
Haviqutit piliurhimajait Cathy Bursey-Sabourin, Fraser Herald talvani Kanaitian Heraldic Authority talvani Munarijaqaqtut titiqqiviliqidjutinut Kanatian pitquidjutainnut, pinniqutiqhanut haviliqidjutinutlu, Rideau Hall.
Tamna haviquti pidjutilik nickel-silver-miklu min’nguuhiktauplunilu pinniiqtailijaami. Havaktauhimajut tahapkunanit Paliihimatkut Man’ngujaliurvingganit.