ᐃᖃᓗᐃᑦ, ᓄᓇᕗᑦ (ᒫᑦᓯ 13, 2025) – ᓯᕗᓕᖅᑎ P.J. ᐊᕿᐊᕈᖅ ᐊᑐᐃᓐᓇᕈᖅᐸᓪᓕᐊᔪᖅ ᑐᓂᔭᐅᓛᖅᑐᓂ ᑭᖕ ᓵᓕ III-ᑯᑦ ᐅᔭᒥᖕᓂᑦ 54-ᓄᑦ ᓄᓇᕗᒻᒥᐅᓄᑦ ᐃᑲᔪᕐᔪᐊᖅᓯᒪᔪᓄᑦ ᑲᓇᑕᒧᑦ ᐊᒻᒪ ᓄᓇᕗᒻᒧᑦ.
"ᓄᓇᕗᒻᒥᐅᑦ ᐃᑲᔪᕐᔪᐊᕐᒪᑕ ᓄᓇᕗᒻᒧᑦ ᓴᓇᐅᒐᓕᕆᓪᓗᑎᒃ, ᐃᓕᖅᑯᓯᓕᕆᓪᓗᑎᒃ, ᐃᓄᓕᒫᓂᑦ ᐊᒻᒪ ᓄᓇᓕᖕᓂ ᐱᔨᑦᑎᕋᕐᓂᒃᑯᑦ, ᐊᒻᒪ ᓇᒡᓕᒍᓱᖕᓂᒃᑯᑦ," ᓯᕗᓕᖅᑎ ᐊᕿᐊᕈᖅ ᐅᖃᖅᑐᖅ. "ᐅᐱᒍᓱᒃᐳᖓ ᑖᒃᑯᐊ ᐃᓄᐃᑦ ᐃᓕᑕᕆᔪᓐᓇᕋᒃᑭᑦ ᐊᒻᒪ ᐃᑲᔪᑦᑎᐊᖅᓯᒪᓂᖏᓐᓂᒃ ᓇᓗᓇᐃᖅᓯᓪᓗᑎᒃ ᓄᓇᕗᒻᒧᑦ ᐊᒻᒪ ᑲᓇᑕᒧᑦ."
ᒪᐃ 6, 2023−ᒥ, ᑲᓇᑕᒥᐅᑦ ᖁᕕᐊᓲᑎᖃᓚᐅᖅᐳᑦ Coronation−ᒥ Majesty King Charles III−ᒥ. ᑖᓐᓇ ᐃᖅᑲᐅᒪᓇᖅᑐᖅ ᖃᓄᐃᓕᐅᕐᓂᐅᔪᖅ ᑲᑎᑎᑦᓯᓚᐅᖅᑐᖅ ᐅᖃᐅᓯᐅᔪᓂᑦ ᑕᒪᐃᓐᓂᑦ King Charles III ᑲᓇᑕᒥᐅᓪᓗ ᑎᒍᒥᐊᕐᓂᖏᓐᓂᑦ, ᐃᓚᒋᔭᐅᓪᓗᓂ ᐱᔨᑦᓯᕋᕐᓂᖅ ᐊᓯᖏᓐᓄᑦ, ᓴᐳᔾᔨᓂᕐᒥᑦ ᐊᕙᑎᒥᑦ, ᒪᒃᑯᑦᑐᓂᑦ ᓴᙱᓕᖅᑎᑦᓯᓂᕐᒥᑦ ᐱᒻᒪᕆᐅᓂᖓᓂᓪᓗ ᐊᔾᔨᒌᙱᑦᑑᑎᑦ.
ᓇᓗᓇᐃᕐᓂᐊᕐᓗᒍ ᑖᓐᓇ ᓇᓗᓇᐃᒃᑯᑕᖅ, 30,000−ᓂᒃ ᐃᓄᖕᓂᒃ ᐱᔪᖃᕐᓂᐊᖅᐳᖅ ᑭᖕ ᓵᕐᔅ III−ᒧᑦ ᐅᔭᒥᖕᒥᒃ ᐃᑲᔪᖅᓯᒪᓂᖏᓐᓄᑦ ᓄᓇᓕᖕᒥᓄᑦ, ᑲᓇᑕᒧᑦ ᓄᓇᕐᔪᐊᒧᓪᓘᓐᓃᑦ. ᓯᕗᓕᖅᑎ ᐊᕿᐊᕈᖅ ᑐᓂᔭᐅᓚᐅᖅᐳᖅ 54-ᓂᒃ ᐅᔭᒥᖕᓂᒃ ᑐᓂᓯᓂᐊᕐᓗᓂ ᓂᕈᐊᒐᒃᓴᓄᑦ ᓄᓇᕗᒻᒥᙶᖅᑐᓂᒃ. ᑯᐃᓐ ᑭᒡᒐᖅᑐᖅᑎᖓ ᒥᐊᓕ ᓴᐃᒪᓐ ᑐᓂᓯᓯᒪᓕᕇᖅᑐᖅ ᐅᔭᒥᖕᓂᒃ ᓄᓇᕗᒻᒥᐅᓄᑦ, ᐊᒻᒪᓗ ᓄᓇᕗᒻᒥ ᑲᒥᓴᓇ ᐄᕙ ᐋᕆᐊᒃ ᐊᒻᒪᓗ ᐊᑕᐅᓯᕐᒥᒃ ᑲᓇᑕᒥ ᐃᑦᑐᒃᑯᕕᖕᒥ.
ᑕᒪᒃᑯᐊ ᓄᓇᕗᒻᒥᐅᑦ ᑭᒡᒐᑐᖅᑕᐅᑦᑎᐊᖁᓪᓗᒋᑦ, ᓯᕗᓕᖅᑎ ᐱᓕᕆᖃᑎᖃᓚᐅᖅᑐᖅ ᒪᓕᒐᓕᐅᖅᑎᓕᒫᓂᒃ ᓇᓗᓇᐃᖅᓯᓇᓱᐊᖅᑐᓂ ᓂᕈᐊᕋᔅᓴᓂᒃ ᓇᓗᓇᐃᒃᑯᑎᖅᓯᒪᔪᓂᒃ ᐱᓕᕆᔪᒪᓂᖏᓐᓄᑦ ᐊᒻᒪᓗ ᐱᔨᑦᑎᕐᓂᖏᓐᓄᑦ ᓄᓇᕗᒻᒥ ᓄᓇᓕᓐᓄᑦ.
ᐃᓕᓴᕆᔭᐅᔾᔪᑎᑖᕐᓂᐊᖅᑐᑦ ᐅᖃᐅᓯᐅᓛᖅᑐᑦ ᖃᓄᐃᓕᐅᕐᓂᐅᓛᖅᑐᓂᑦ ᐊᒻᒪ ᑲᑎᙵᑎᑦᑎᓂᐊᖅᑐᓂᑦ.
ᑖᓐᓇ ᑯᐃᓐ ᑭᒡᒐᖅᑐᖅᑎᖓᓄᑦ ᐅᔭᒥᒃᑕᐅᓂᖅ ᐊᐅᓚᑕᐅᕙᒃᐳᖅ ᐅᔭᒥᖅᑕᖅᑎᓄᑦ ᐅᕙᓂ, Rideau Hall-ᒥ.
ᐃᒻᒪᓂᓴᕐᓂᑦ ᖃᐅᔨᒪᔭᐅᖃᑦᑕᖅᓯᒪᔪᑦ
ᑲᓇᑕᐅᑉ ᐊᖓᔪᖅᑳᕐᔪᐊᖓ ᔭᔅᑎᓐ ᑐᕉᑑ ᑐᓴᖅᑎᑦᑎᓚᐅᖅᐳᖅ ᐅᔭᒥᒃᑕᐅᔪᒥᒃ ᒪᐃ 3, 2023-ᒥ, ᐅᓪᓗᑦ ᐱᖓᓱᑦ ᐊᓂᒍᓚᐅᙱᑎᓪᓗᒋᑦ ᓯᕗᓂᐊᓂ Coronation.
ᐅᔭᒥᒃᑕᐅᓂᐊᕐᓂᖓ ᐊᒻᒪ ᐃᓗᓕᖏᑦ ᐱᓕᕆᐊᖑᓚᐅᖅᑐᑦ ᐅᖃᐅᓯᐅᓚᐅᖅᐳᑦ ᕆᑑ ᕼᐋᓪᒧᑦ ᒪᐃ 6, 2024-ᒥ, ᓯᕗᓪᓕᖅᐹᒥ ᓇᓪᓕᐅᓐᓂᖅᓯᐅᖅᑎᓪᓗᒋᑦ Coronation-ᑯᑦ.
ᖁᕕᐊᓲᑎᖃᓚᐅᕐᒥᔪᑦ ᒪᐃ 6, 2024−ᒥ, ᑯᐃᓐ ᑭᒡᒐᖅᑐᖅᑎᖓ ᑐᓂᓯᓚᐅᖅᐳᖅ ᓯᕗᓪᓕᖅᐹᒥ ᐅᔭᒥᖕᒥᒃ ᐊᖓᔪᖅᑲᐅᑎᓄᑦ ᐊᒻᒪ ᓄᓇᕘᒥ ᑲᒥᓯᓇᓄᑦ ᖃᕆᑕᐅᔭᒃᑯᑦ ᐱᓕᕆᑎᑦᑎᑎᓪᓗᒋᑦ. ᑕᐃᑲᓂᑦᑕᐃᓐᓇᖅ ᐅᓪᓗᕐᒥ, ᐃᓚᖏᑦ ᐅᓇᑕᖅᑐᒃᓴᑦ ᐅᓂᒃᑳᖃᑦᑕᓚᐅᕐᒥᔪᑦ ᑲᓇᑕᒥ ᐊᕕᒃᑐᖅᓯᒪᓂᕐᒥᓂ, ᐃᓚᖃᓚᐅᖅᑐᑦ ᓯᕗᓪᓕᖅᐹᖑᓪᓗᑎᒃ ᐅᓇᑕᖅᑐᒃᓴᓂᒃ.
ᑖᓐᓇ ᐅᔭᒥᒃᑕᐅᓚᐅᖅᑐᖅ ᑳᑎ ᐴᓯ-ᓵᐳᐃᓐᒧᑦ, ᕗᕋᐃᓱ ᕼᐆᓪᑦ ᑲᓇᑕᒥ ᕼᐆᓪᑦ-ᑯᓐᓄᑦ ᑕᐃᑲᓂ ᓂᖅᑐᐃᓂᕐᒧᑦ, ᕋᐃᑑ ᕼᐋᓪᒥ.
ᑖᓐᓇ ᐅᔭᒥᒃᑖᖅᑐᖅ nickel-silver-ᒥ ᐊᒻᒪᓗ lacquered-ᒥᒃ ᖄᖏᔭᖁᓇᒍ. ᓴᓇᔭᐅᓯᒪᔪᖅ ᕈᐃᐅᓪ ᑲᓇᐃᑎᐊᓐ ᒥᓐᑦᒧᑦ.