Iqaluit, Nunavut (March 13, 2025) – Kavamatkut Nunavunmi Havagvia Ilinniaqtuliqijitkut quviahuktut tuhaqtitinirmun aularutaanun Nunavunmi ilihaidjutit. Nutaaq ilihaidjut tungaviqaqtuq haffumani Inuit Qaujimajatuqangit, pidjuiqaqtuq Inuit uqauhiinik pitquhiiniklu.
Nunavunmi ilihaidjutit pipkainiaqtut ilihaqtunun tunijaujaamingni ilihaidjutinik tapkua pidjutiqaqtut inmi iliharnirmun ihariagijainun tapkua ihuatqiat inmi idjuhiinun avatiinunlu.
Nutaaq Nunavunmi ilihaidjut atulirniaqtuq ilihalihaaliqtunun ukualu Puqtuniqaqtut 1mi tamainu nunallaani avatiini aviktuqhimajup qaijumi 2025-26 iliharnirup ukiungani. Ilihaidjutit tamajait hapkununga puqtuniinun piinarialgit Inuktut Qablunaatullu.
Nutaaq ilihadjut mikhaanun tamaqtailinirmun atuqpalianirmun Inuktut ikajuqhugit ilihaqtut ajuiqhautinik ihariagijainik nakuunirmun iniqtiriangini iliharnirmun pitquhirmiklu," uqaqtuq Ministaa Ilinniaqtuliliqijitkutt Pamela Hakongak Gross. Akuuqtugut havaklugit malrungnik hivunganik Nunavunmi ilihaqtunun tapkua quviahuutiqaqtut uvalu hakugikhijuumirutijut Inuit uqauhiinik pitquhiiniklu.”
Upalungaijariangani haffuma nuutirutaanunb, Havagvia Ilinniaqtuliqijitkut katimapkainiaqtut tamatkiumajukkut ilihaidjutinik ilihaijinun aularutiniaqtuq aipaani havainirmi. Hapkua katimadjutit turaangajut ilihaqtitinirmun hanaqidjutit, ilihaidjutinik tunihinirmun, atungnirmunlu ihivriurutinun ikajuutikhat munarijaangani ilihaqtut qanuriniit.
Ilihaijit ukualu ikajuqtut havaktit pijaaqaqlutiklu ajuiqiqtuinirmun pijakhanik uvalu havaqatigiingirmun katimadjutit pijaangini ajungnaitumik ilaudjutit Nunavunmi ilihaidjutinun iliharvingnun.
Nutaaq ilihaidjut ilihalihaaliqtunun Puqtunianun 1 iniqtiqtaujuq, ukualu Havagvia Ilinniaqtuliqijitkut aulahimaaqtumik havaklugit Nunavunmi ilihaidjutit tamainun puqtuniinun. Atautini ukiuni, iliharviit atulirniaqtaa atauhirmi ukiumi nutaaq ilihaidjut atuliqtauliqqat ilihalihaaliqtunin Puqtunianun 12 pijaukpat uvani 2036mi.