ᐃᖃᓗᐃᑦ, ᓄᓇᕗᑦ (ᒫᑦᓯ 13, 2025) – ᓄᓇᕗᑦ ᒐᕙᒪᖓᑕ ᐃᓕᓐᓂᐊᕐᓂᓕᕆᔨᒃᑯᖏᑦ ᖁᕕᐊᓱᒃᐳᑦ ᐅᖃᐅᓯᖃᕆᐊᒃᓴᖅ ᓴᖅᑭᑎᑕᐅᓂᖓᓂᒃ ᓄᓇᕗᒻᒥ ᐃᓕᓐᓂᐊᕈᑕᐅᖃᑦᑕᕐᓂᐊᖅᑐᖅ. ᓄᑖᑦ ᐃᓕᓐᓂᐊᕈᑎᒃᓴᑦ ᑐᙵᕕᖃᖅᐳᑦ ᐃᓄᐃᑦ ᖃᐅᔨᒪᔭᑐᖃᖏᑦ, ᐊᒃᑐᐊᓂᖃᖅᑐᖅ ᐃᓄᐃᑦ ᐅᖃᐅᓯᖓᓄᑦ ᐃᓕᖅᑯᓯᖏᓐᓄᓪᓗ.
ᓄᓇᕗᒻᒥ ᐃᓕᓐᓂᐊᕈᑎᒃᓴᑦ ᐱᕕᖃᕈᑕᐅᓂᐊᖅᐳᑦ ᐃᓕᓐᓂᐊᖅᑎᓄᑦ ᐃᓕᓐᓂᐊᖅᑎᑕᐅᔪᓐᓇᕐᓗᑎᒃ ᓴᖅᑭᑦᑎᔾᔪᑕᐅᓗᑎᒃ ᐃᓕᓐᓂᐊᕆᐊᖃᖅᑕᖏᓐᓂᒃ ᐊᒃᑐᐊᓂᖃᕐᓂᖅᓴᐅᓗᓂᓗ ᑭᓇᐅᓂᖏᓐᓄᑦ ᐊᒻᒪ ᐊᕙᑎᖏᓐᓄᑦ.
ᓄᑖᖅ ᓄᓇᕗᒻᒥ ᐃᓕᓐᓂᐊᕈᑎᑦᓴᐃᑦ ᐊᑐᓕᖅᑎᑕᐅᓂᐊᖅᑐᑦ ᐃᓕᓐᓂᐊᓕᓵᖅᑐᓂᑦ ᖁᕝᕙᓯᓐᓂᓕᓐᓂᓪᓗ 1-ᒥ ᓄᓇᓕᓕᒫᓂᑦ ᓄᓇᕘᓕᒫᒥᑦ 2025-26 ᐃᓕᓐᓂᐊᕐᓂᕐᒧᑦ ᐊᕐᕌᒍᒻᒧᑦ. ᐃᓕᓐᓂᐊᕈᑎᒃᓴᑦ ᑖᒃᑯᓄᖓ ᐃᓕᓐᓂᐊᕈᑎᓕᖕᓄᑦ ᐊᑐᐃᓐᓇᐅᔪᑦ ᐃᓄᒃᑐᑦ ᐊᒻᒪ ᖃᓪᓗᓈᑐᑦ.
"ᓄᑖᑦ ᐃᓕᓐᓂᐊᕈᑎᒃᓴᑦ ᔭᒐᑎᑦᑎᑦᑕᐃᓕᒪᓂᕐᒧᑦ ᐆᒻᒪᕆᐊᖅᑎᑦᑎᓂᕐᒧᓪᓗ ᐃᓄᒃᑐᑦ ᐃᓕᓐᓂᐊᖅᑎᑦ ᐊᔪᕈᓐᓃᕈᑎᒋᓗᒋᑦ ᐃᓕᓐᓂᐊᖅᑕᒥᓂᒃ ᐊᓂᒍᐃᔪᓐᓇᖁᓪᓗᒋᑦ ᐊᒻᒪ ᐃᓕᖅᑯᓯᒃᑰᖓᓗᑎᒃ," ᐅᖃᓚᐅᖅᐳᖅ ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐹᒥᓚ ᕼᐊᑯᖓᒃ ᒍᕉᔅ ᐅᖃᖅᑐᖅ. "ᐱᓕᕆᐊᖃᒻᒪᕆᒍᒪᕗᒍᑦ ᓴᖅᑭᑎᑦᑎᓂᕐᒥᒃ ᒪᕐᕉᖕᓂᒃ ᐅᖃᐅᓯᖃᕐᓗᓂ ᓯᕗᓂᒃᓴᒥᒃ ᓄᓇᕗᒻᒥ ᐃᓕᓐᓂᐊᖅᑎᓄᑦ ᖁᕕᐊᓱᒍᑎᖃᖅᑐᓄᑦ ᓴᙱᒃᑎᒋᐊᖅᑎᑦᑎᔪᓄᓪᓗ ᐃᓄᐃᑦ ᐅᖃᐅᓯᖏᓐᓂᒃ ᐃᓕᖅᑯᓯᖏᓐᓂᒡᓗ."
ᐱᕙᒌᔭᕐᓂᐊᕐᓗᒍ ᑖᓐᓇ ᓅᓐᓂᕆᔭᐅᔪᖅ, ᐃᓕᓐᓂᐊᕐᓂᓕᕆᔨᒃᑯᑦ ᑲᔪᓯᑎᑦᑎᓂᐊᖅᐳᑦ ᐃᓗᓕᖃᐅᑦᑎᐊᖅᑐᒥᒃ ᐊᔪᕈᓐᓃᖅᓴᕐᓂᕐᒧᑦ ᐱᓕᕆᖃᑎᒌᖕᓂᕐᓂᒃ ᐃᓕᓴᐃᔨᓄᑦ ᐱᒋᐊᕐᓗᑎᒃ ᐱᓇᓱᐊᕈᓯᐅᓛᓕᕐᒥᔪᒥ. ᑖᒃᑯᐊ ᐃᓕᓐᓂᐊᕐᓇᑦ ᑕᐅᑐᓪᓗᐊᑕᕐᓂᐊᖅᑐᑦ ᐃᓕᓴᐃᓂᕐᒧᑦ ᖃᓄᐃᓕᐅᕈᑕᐅᔪᒪᔪᓂᑦ, ᐃᓕᓐᓂᐊᒐᒃᓴᓂᑦ ᐊᑐᖅᑎᑦᑎᓂᕐᓂ, ᐊᑐᕐᓂᕐᓗ ᖃᐅᔨᓴᕈᑎᓄᑦ ᐊᑐᒐᒃᓴᓂᑦ ᖃᐅᔨᓴᐃᓐᓇᕐᓗᒍ ᐃᓕᓐᓂᐊᖅᑎ ᐱᕙᓪᓕᐊᓂᖓ.
ᐃᓕᓴᐃᔨᑦ ᐊᒻᒪ ᐃᑲᔪᖅᓱᐃᔨᑦ ᐃᖅᑲᓇᐃᔭᖅᑎᑦ ᐱᔪᓐᓇᕐᓂᐊᕐᒥᔪᑦ ᑲᔪᖏᖅᓴᐃᔪᓕᕆᓂᕐᒧᑦ ᐱᕕᒃᓴᐅᔪᓐᓇᖅᑐᓂᒃ ᐊᒻᒪ ᑲᑐᔾᔨᖃᑎᒌᒡᓗᑎᒃ ᐃᓕᓐᓂᐊᖅᑕᐅᔪᓐᓇᖅᑐᓂᒃ ᖃᐅᔨᒪᔭᐅᖁᓪᓗᒋᑦ ᐃᓚᓕᐅᔾᔭᐅᑦᑎᐊᕐᒪᖔᑕ ᓄᓇᕗᒻᒥ ᐃᓕᓐᓂᐊᕈᑎᒃᓴᑦ ᐃᓕᓐᓂᐊᕐᕕᐊᕈᓯᕐᓄᑦ.
ᓄᑖᑦ ᐃᓕᓐᓂᐊᕈᑎᒃᓴᐃᑦ ᒥᑭᔫᑕᐅᓂᖅᐹᓂᒃ ᒍᕋᐃᑦ 6-ᒧᑦ ᐱᔭᕇᖅᓯᒪᓕᖅᑐᑦ, ᐊᒻᒪᓗ ᐃᓕᓐᓂᐊᖅᑐᓕᕆᔨᒃᑯᑦ ᑲᔪᓯᓂᐊᖅᑐᑦ ᐋᖅᑭᒃᓱᐃᓗᑎᒃ ᓄᓇᕗᒻᒥ ᐃᓕᓐᓂᐊᕈᑎᒃᓴᓂᒃ ᑕᒪᐃᓐᓄᑦ ᖁᑦᑎᖕᓂᓕᓕᒫᓄᑦ. ᐊᕐᕌᒍᑕᒫᑦ, ᐃᓕᓐᓂᐊᕐᕖᑦ ᓴᖅᑭᑎᑦᑎᖃᑦᑕᕐᓂᐊᖅᐳᑦ ᐊᕐᕌᒍᒥᒃ ᐊᑕᐅᓯᕐᒥᒃ ᐊᑕᐅᓯᕐᒥᒃ ᓄᑖᓂᒃ ᐃᓕᓐᓂᐊᕈᑎᒃᓴᓂᒃ ᑭᓯᐊᓂ ᐊᑕᖏᕐᓗᑎᒃ ᐊᑐᓕᖅᑎᑕᐅᒃᐸᑕ ᐃᓕᓐᓂᐊᓕᓵᖅᑐᓂᑦ ᐊᔪᙱᓐᓂᓕᖕᓄᑦ 12-ᒧᑦ ᑎᑭᓪᓗᒍ 2036-ᒥ.