Uqaqtittijii, ublumi ilitturipkarumajatka havaqatitka uumuunga ikajurutikhanik Nunavut Kavamanga tunihimajuq nunallaanun Kivataani Kanadami hulaqutijauhimajun anurirjuamin Fiona-min.
Saalutimi, Saptaipa 24mi, anurirjuaq Fiona tikitait Nova Scotia, kivataani Quebec, unalu Newfoundland and Labrador. Anurirjuaq amigaittunun pauwairutiuq amigaidjuaqtuniklu ahiruqhimaliqtunik tamajanik nunallaani. Anurirjuap ulipkaarutaa igluirutijuq. Inngummajunga tuhaagama inuuhuirhimaliqtunik uumannga piugurnaittumi, ingattaqpiarhimajumin hilarlungnirmin.
Uqqtittijii, tujurumajatka naglikkutikka taapkununga hulaqutijauhimajunun uumannga anurirjuarmin attiqhimajuq Fiona-mik uvani Atlantic Kanadami. Ihumagijavun taapkuat hakugiktun Kanadamiut hulidjutigiliqtait ahiruiqpiarhimadjutinik.
Ikajurnikkut ikajurutikhanun, Nunavut Kavamanga kiudjutijuq imaatun $25,000 aittuutimik uumunga Canadian Red Cross-mun ikajurianginnik taapkununga hulaqutijauqpiarhimajunun.
Inuit inuqatigiingnikkut uppiridjutait ilihautivaktaatigun ikajuutinikkut ilaptiknun nunaqatigiigutiptiknullu. Nunavut Kavamanga quviahuktuq ikajuramik ikajuutikhakkut havagutinik talvani nunagijaujumi. Nunavunmiut nangiqatigijait ilannavun kivataaniittuni Kanadami.
Quana, Uqaqtittijii.