Uqaqtittiji, Quviahuktunga tungahuktitugit Tunungani havaqatigiit, Yukonmi Hivuliqti Ranj Pillai unalu Nunatsiaqmi’ Hivuliqti R.J. Simpson, hamani Mittimatalik hamanga Qiqaijaluarvia 6min hamunga 9mun ukiuni Tunungani Hivuliqtit Katimadjutainun.
Katimadjutini uqautigijaqqut hivuliujukhat, ilaujut Ukiuqtaqtumi Qajangnaidjutimi Aulapkainiqarnikkullu, hulaqutinunlu upalungaijautit kiudjutillu, akhuungnaqtut igluqpatigut ajuqhautit, iglukhailiurutit, ukualu aanniaqtailinirmun ukualu inuuhiqattiarnirmun Tununganirmiut.
Qujagijumajara ilanara, Levi Barnabas, Tugliq angijuqaaq ukununga Qikiqtani Inuit Katimajiinun, unalu Minista Karen Nutarak, Miija Joshua Arreak ukualu Inirnikhat nunallaallu ilaujut Mittimatalingmiut tungahuktitijut uvaptingnun uqautigiblugillu inmi haamlatkut pulaaqtunun.
Uqaqtittiji, quviahuutigijaujut piniqtuq Mittimatalik maniqamungaupkaijut hinaanun, hikup kiklianun. Kunguani pngahut ublut uqautigiblugu Ukiuqtaqtumi Ukiuqtaqtumi Qajangnaidjutimi Aulapkainiqarnikkullu aulaaqhutallu paanganun Nunatsiap Apqutaanun. Ilaujut amigaitut nunallaami ilaujut, ukualu Nauttiqsuqtiit Inuit Munaqhijut.
Hinaaniitiluta, nunami anguniaqtut angujut nanurmik, natiqhungalu – tamaita tuniuqhaqtaujuq nunallaamiunun. Pulaaqtut atuqtut hivuliqpaami akhuurutainun anguniarutit nunallaaptingni qanuqtullu inuuhivut ilaujut nunamun huradjanun tapkua ihuaqutigijavut.
Uqaqtittiji, katimadjutit unatut, akhuungnaqtut hakugikhijuumirutikhat nipiptingnun Tunungani hivuliqtiunirmun hivuani katimadjutit aviktungniini havaqatigiit qaijuni Uataani Hivuliqtit Katimaqjuarutaani ukualu Katimajiit Kanadamiut uvani aujami.
Quana, Uqaqtittiiji.