Uqaqtittiji, quviahuktunga tuhaqtitijaangat ukiuk tamaat atuuhiliuqtunik titirarnikkut akimanahuarut, Qilaut, utiqtuq.
Uvani ukiumi pidjutiqaqtuq taijauhimajumik quviahuutinik, imaa Qilaut quviahuutigivaktait qulit ukiut tikiutingmijut. Pidjutikhaq naunaijaijaangat qanuq Qilaut ikajuqpaktuq nipiinnik Nunavunmi hanaujaqtinun hakugikhinikkut aturnia Inuktut atuqtuujani.
Uqaqtittijii, pitjutaanin, Qilaut tunihijuq tunngavikhamik Nunavummiunut uqarianginni pidjutikhamingnik, takupkailutik atuqtuujanik ajuittamingnik, imaalu tammaqtaililugu uqauhivut. Una akitaqutaut pipkaijuq hatqiqpaliajunik hanahimajuniklu hanaujaqtinik quviahuutigijaagani ilaliutilugilu ilitquhivut atuutinik uqauhiqmiklu. Talvuuna ukiungit, Qilaut ikajuqpiakpaktuq tammaqtailivlugu atuqhimmaaqhugulu aturninganut Inuktut tamainni nunallaaptingni.
Naunaijaqhugu una iniqtirutait tikiutingmijut, qitqaniitugut uvani ukiumi akitaqutaut taimainut hapkununga pidjutinun haffumunga 2025: Pirursatillunga unalu Inuit Sanasimajangit. Hapkuat ihumaliurutingit qaitqujait ilaujut ihumagigiami akhuurninnganut uqauhivut pitquhiptikniklu, niriuktugut tuhaagiami aadlatqiiktut uqaqtiuniq unalu ihumaliurniq uqaqtaminik ihumagijamingnik. Quviahuutigijaangat qullinik ukiunganik tikiutingmijut, havagvikput aulatitiliqtun pingahunik qunngiaktitijunik avatingni nunaptingni akimajukharnik.
Uqaqtittiji, umikvikhanga tujugianganik Qiqaijaqluaqvia 5, 2025mi, uuktuqujaffi tamaita quvianaqtunik Nunavunmi ingiurutingnik ilaujukharnik. Naunaijattiaqhimajut kangiqhidjutit qanuq uukturiangani uvalu tamaat akitaqutaut maligahat piinarialgit uvani Kavamatkut Nunavunmi qaritaujaliqiviani.
Qujannamiik.