Uqaqtittiiyi, nanggiqpunga ublumi uqagumaplugu ayuqhaqtitauyunut inungnik Ukraine mi.
Russiap aqhuunggittuni aqhuuqpiaqtut Ukraine mut hivuuranaqtuq nunaqyuarmut amiqhiyuni, aulahimmagutainnut nunallaanut Ukiuqtaqtumi pidjutihimmaangnialu Ukiuqtaqtup havaqatigiingninggat.
Nunavut ihuigiqpiaqtaat naammagiyaunggittutunmut ihuinaaqtut nunaryuami maligutainnut ikayuutitlu hakugingniqhaqarnikkut ihuinnaangniatigut Kanata aqhuugutigiplugulu Russia mun.
Uqaqtittiiyi, nanggiqativatka hivuliqtiit Yukon mi Nunattiarmilu uqaqhugit ihumaluut taaffuminga Ukiuqtaqtuup annaudjinirmun munaqhinirmunlu. Russiap aqhuuqhairnia qanurmi aktuqtauniaqtaat Ukiuqtaqtup piliqutait ayuqhaqtittiniaqtaitlu angginiqaqtut havagviyuat taapkuatut Ukiuqtaqtumi Katimayiita.
Ukiuqtaqtumi hivuliqtiupluta uqaqvigiyavut hivuliqtiit tamaani kanatami taamnal An’ngayuqaaryuaq ilitturiumaplugu ihumaliutqiqtauyuqhaq havaaqhaq ihumagiplugu nunaqyuap hivuuranarnia.
Uqaqtittiiyi, ikayugumaplugit inuit Ukraine miut kavamavut aittuqtait $25,000 taalamik Red Cross mun ikayuutiqhainnut ayuqhaqtitauyunut inungnik.
Nunavut nanggiqatigiyait inuit Ukraine miut Ukurainians lu tamaani nunaqyuami.
Quana Uqaqtittiiyi.