Iqaluit, Nunavut (Qiqaijalirvia 11, 2025) – Nunavut Kavamanga Havagvia Ilinniaqtuliriijitkut quviahuktut tuhaqtitiplutik tallimani ukiuni kinguvaktitaa kavamatuqait ilihalihaaqtunut nutaqqiqiviitlu maniliqtuutikhat an’ngirutit atauttimut $109.9 miliantaala.
Kin’nguvaktirnia hapkua maniliqtuutiqhat an’ngirutit ikajuutauniaqtut aulahimmaaqlutik atuliqtittinirmun ikpingnaktut Ilihalihaaliqtunut Nutaqqaniklu Munaqhiniq (ELCDC) piumaniit:
$10 taala-ubluq tamaat Nutaqqiqivik pihimayaangani nutaqqiqivik akiliguminaqtumik.
• ELCC Akiliuhiatigut Aktilaarutait nakuuniqhamik hakugikhijuumiqlugulu havagvik.
• ELCC Aulapkaidjutait Maniliqtuutiqhamun Pivinga amigaiqjuummiriami pijaangnikkut laisiqaqtunut nutaqqiqiviit.
• Ikajuutit ilaupkainiq aadjikkiingniqhatigun ELCC kut ilihagutainni.
• Ikajuutilugu piliurninga tunihinirmunlu an’nginiqaqtumik ELCC ilihagutainni talvuuna ELCC Ihuaqtunik Havauhiqhat Hulidjutiqhanut Upalun’ngaijaidjutaa.
"Maniliqtuutiqhat kin’nguvarnia, Ilinniaqtuliriijitkut ihuaqtumik aulahimmaangniaqtut tunihinirmik ELCC aqhuugutainnut, hakugingniqhaqhugitlu havagvia, aulahimmaagutihimmaaqhugu havagvik, akiliktaangnaktumiklu pidjutigiplugit nutaqqiviliqidjutinut hailihimapluni amigaittunut ilagiiktunut Nunavunmi”, uqaqtuq Minista Ilinniaqtuliriijitkunnut Pamela Hakongak Gross. “Quanaqqut paatnavut knatap Kavamaita, ikajuutiqaqtuguq aulahimmaagutiqhaanut tunihinirmik in’ngilraangnitaq aadlanggurnia, ihuagidjutigiplugu Katujjiluta pitqujaunia ajuiriamingniq ilinniarnikkut”.
Ilihalihaaliqtunut pivalliadjutait aqhungnaktut pipkainahuarhugit nutaqqat nakuujumik apqutiqhainnut inuuhirmingnut, piplugu tun’ngaviqhait taiguangnirmun titirangnirmunlu, inungmiutigut mihingnautikkutlu naupkarniq, anniaqtailinirmun nakuujumiklu atuqtaqhainnut pivalliajaami iqatigiingnikkut nakuujumik. Ilauluta quviahuutigilug ilitturipkaqtitaulutik nakuujumik pidjutijut ilihalihaangnikkut munaringniqlu nutaqqanik taimaa pidjutijut nutaqqanut nunallaanutlu.
Naunaittiagumaguvit ilihalihaaqliqtutigun nutaqqaniklu munarinikkut, talvunggaulutin Ilinniaqtuliriijitkut ELCC qaritaujakkuugutaa.