Hivuliqti P.J. Akeeagok uqautigijait hapkua uqaqhimajut kiudjutigiplugit Kanatap Kavamait mamianaangnikkut Inuinnarnut ilagiiqtunut haffumunga Dundas Harbour nuutirutainun tunijaujut ublumi hapkunanga King-Nunaqaqqaarhimajut Ilaudjutait Ukiuqtaqtumunlu Havagviit Kanata Minista Gary Anandasangaree Ikpiarjungmi, Nunavunmi:
“Nuutiqhimaqujaujut Inuinnait atiatigut Kanatami atanniqtuidjutikkut quvianakpianggittuq ilanga Nunavutim kinguani. Hivituqpiaqtumik akturnarnia hulidjutijuni uvuuna pidjutijut an’ngajuqqaanit nutaqqamingnut tukuffufihuktitaujut pidjutihimmaagutiplutik ukpingnaittumiklu tahapkunanit Kanatamin Inuitlu inugiangniriinit.
Quviahuutigiumajara Dundas Harbour Nuutirnikkut Katimajiita aqhuuqpiagutimingnut aqhuuqhaijut haffumatigut ihumagijatkalu ilagiiktunut aannaktaujutlu haffumatigut Dundas Harbour nuutirutijunut.
1934 mi, Aijow, irniitlu Kigutak, Shappa, Qavavauq, Napassikallak panialu Etillui nuutiqtaujut Kinngaitmin Dundas Harbour mut (Tallirutiit) talvani Devon Islandmi, avatqumajuq 1,000 kilometers nik un’ngahiktilaanganik. Humanggitkaluagutigiplugit itquumajut utirnikkut malruungni ukiuni, ilagiiktut nuutiffaaqtut pinggahuiqtuqhutik Ikpiarjungmut, Fort Rose Talojoarmunlu.
Amigaitkaluaqhutik nuutiqtaujut inuujungnaiqhutiklu, ublumi mamiahuuta aqhuungnaktuq atuqtaqhaq hivumuuqluni mamihainirmun mamittirnirmikkutlu.
Pitqujatka tamaita Kanatianmiut itqaumaquplugit havakpiagutait havaktaujut Inuinnarnit atiatigut Ukiuqtaqtumi atanniqtuidjutiqarniq. Ilihaqhugit nutaqqavut itquumanikkut nunaqjuaptingnun kinguani aghuungnaqtuq atugahaq mikhaanun itquumajumun mamitingnikkut uvalu mamihainirmun mamittirnirmikkutlu nunaqjuaptingnun.
Taitai, qujagijumajatka tamainnut inungnut aqhuuqpaqhutik amigaittuni qulini ukiuni tikiutijaami una in’ngilraangnitaq mamiahuut – hakugingnirijat, annakturniq aqhuugutitlu haffumatigut itqaumaniaqtut taimunga taimunga.”