Iqaluit, Nunavut (Qiqaijaluarvia 29, 2024) – Hivuliqti P.J. Akeeagok ublumi tuhaqtittijuq tikuaqhinirmun uuminga Daniel Young tadjamin Tugliuliqtuq Ministamun Havagvianun Kiinaujaliqijitkunnut, atuliqluni Qiqaijaluarvia 27, 2024.
Mr. Young kivraqtuivaktuq havaami havakaffuktitauhimapluni pidjutillutik inungnut uuktuqtunun himmauhiqhaanut hivitujumik kivraqtuipluni Jeff CHown, havaguiqhimaliqhuni Ubluqtuhirnirmi.
"Quviahuktunga tamna Mr. Young an’ngiqtaa una aghuungnaqtuq havaaq Nunavut Kavamainni”,uqaqtuq Hivuliqti Akeeagok.
"Quviagiyaqqut pittiaqhugulu Mr. Young hivuliqhuutait naammagijauplunilu aulahimaaqtumik atuqhugit ajuittait ilihimajainniklu kavamaptingnun auladjutainnun. Munarittiaqhugit maniliqidjutivut aqhuungnaktut imaa pijaa pinahuagutivut kivraqtuinikkutlu tunijaujaangginnik”.
Mr. Young an’ngiqliqhimajuq Nunavunmi 16 nilu ukiuni havaqhimapluni Nunavut Kavamainni, havaani Atan’ngujaupluni Qulangnaijautinut, Aulapkaijiupluni Maniliqinirmun Ukiugani Atugaqhanut, Aulapkaijiupluni Nunavut Tanngaliqinirmun Higaarlurnikkutlu Katimajiitani, imaalu Ikajuqtiupluni Tuglianut Ministamun hivuliqtigiupluni Maniliqinirmun Atan’ngujat Havagviani.
"Mr. Young an’ngijuamik ilaujuq havaqatiptingni, havaqhuni imaa pijaami tikiutinahuarnirmun Katujjiluta hivuniqhaat”, uqaqtuq Hivuliqti Akeeagok.