Iqaluit, Nunavut (Qiqaijalirvia 31, 2025) – Nunavut Kavamanga (GN) aullaqtitijut Tamminiqsurniq Ilihaqtumut Manikhanut Ikajuutikhaq ikajuutikhainnik ilihaqtut ajuiqtakhainnik ihariagijaujunik havaakhat nuutiqtauniaqtut Nunavunmut ilanganik Nunavunmi Nunatigut imaalu Atuqtakhainnik Nuutirnikkut Angirut.
Tamna Namminiqsurniq Ilihairutingnik Manikhanut Ikajuutikhaq pigiaqaqtun 10nik ilihaqtukharnik ukiuk tamaat, aituihimaaqtukharnik ilihairutikharnik ikajuutikharnik taima $10,000 taalamik. Uuktuutikhat talvuuna ilihairutikharnik ikajuutikharnik angmaumaniaqtun Qitiqqautijuq 1, 2025mi, umikniaqtun Imaruqtirvia 30, 2025mi.
Tamna ilihairutikharnik ikajuutikharnik angmaumajuq Nunavunmi ilihaqtunik aulahimaaqtun Avatiliqinikkut Nallunaqtunik, Nunaqjuaptingni Nallunaqtunik, Nunaliqinikkut Naunairutingnik Hanaqidjutikharnik, Avatiliqinikkut Ihivriudjutikharnik, Hanaqidjutikharnik Maniliurutikharnik, Avatiliqinikkut Atugakhangit, Nunaliqijunik, Maligaliqinikkut Nallunaqtunik. Aalat havaat ilituqhautit aturniqaqniqaqtut nanminiqhuurniq pijutiqaqtunik ilauniginik ihumagijaulaaqtut.
"Una ilihairutikharnik ikajuutikharnik ikajuutiginiaqtun Nunavunmiunun, talvuunaluaq inulramiivut ilihaqtun, pijaangat pidjutikharnik ilihairutikharnik piqaqtukhat havaaqharnun taima aulatitiniaqtun nunaptingni hivunikhaptingnun," uqallaktuq Hivuliqti P.J. Akeeagok. "Nuutirninnga pauwaqtuutinga uumannga Ottawa-mit Nunavunmut pijuq uumunnga Nunavut Nunangit unalu Ikajuutit Nanminiqhuurnikkut Angirutinga, ihariaginiaqtugut Nunavummiut piqaqtukhaujugut ajuitaminik munarigiami nunakput ikajuutingillu. Akhuuqhaqtatka tamaita Nunavunmi ilihaqtun ihumagiquplugin maliknikkut iliharutinik imaatun Avatikkut Nalunaqtuni, Aturutikkut Piangaijarnikkut Kavamaliqinikkullu Nalunaqtuni. Nunavut pijumajatit hamna qajangnaqtut havaakhat ihuaqtumik iniqhimagiami nunallaautigijangit."
Pijaangani una Namminiqsurniq Ilihaqtumut Manikhanut Ikajuutikhaq, uuktuqtut pijakhait hapkuat naunaitkutikhangit:
• Atiliuqhimalutit ubluq-tamaat iliharnirmik naunaitkutiqaqtumik iliharjuummivingni iliharnirmik iliharvigjuami.
• Atiliurlutit atauhirmi angiqtauhimajumi pinahuarutikhani titiraqhimajut qulaani.
• Nunaqaqlutit Nunavunmi uvaluuniin pihimajut pijaaqnikkut ataani Nunavunmi Nunataarutaanut Angirutaa.
Hivulliutiniaqtait Nunavunmiut Inuinnait.
Ilihaqtut Manikhakhainik Manikhanut Ikajuutikhat tunijauhungujut hivuani aullaqtiqtinatik Ukiakhaq 2025 iliharutikhat.
Naunaiqhittiarumaguvit, imaaluuniit tunijaujumaguvit uuktuutikhamik titiraqtakhamik, uqarvigilugu Nanminiqhurnikkut Titiraqtia uvani dkenneally2@gov.nu.ca takuluguluunniit www.gov.nu.ca/devolution.
Nunavut Kavamanga, Kavamat Kanatami, Nunavut Tungavitlu sainiqhijut Nunavumi Nunanik Ihuaqutiniklu Nanminiqhuurnikkut Angirutaa Ubluqtuhinia 18-mi 2024-mi, nuuniginik ihumaliurutit talvanga (Ottawa) Nunavumimut. Nunavut Kamanga tuniqhimajut pivalianiganik agijumik ajugitunik, Nunavumi havaktut munarijaagani ukua havaarijaujut.