Iqaluit, Nunavut (Qitiqqautijuq 10, 2025) – Nunavuutim iglukhat Kivallirmi avikturnianni angiglijuummirniaqtut imaatut 20-nik ikluqpakhanik talvani ukiumi talvuuna Naunaitkut Angiqatigiingnirmut Nalunaitkutingit (MOU) atiliuqtaat talvani Nunavunmi Ujaraqhiuqtut Katimajuarutaat Iqalungni ublumi akunngani Nunavunmi Igluliqijiirjuat (NHC) unalu Agnico Eagle Ujaraqhiurnikkut Limited (Agnico Eagle).
Haffumuuna Angiqatigiingnirmut Nalunaitkutingit, Agnico Eaglekut tunihiniaqtut tariumi agjaqtaujut naamavjaktuq 20 nutaat ingniqutit iglughait ikajuutikhat akituqjuuminikkut iglukhat Nunavunmiunun. Nunavutmi Igluliqijiirjuat havaaqaqniaqut niuviriagani atajunik atuniitut nuuniginiklu igluut tikitpata nunagijaujuni.
"Una ikajuutaujuq iligiikniq hapkununga Agnico Eaglekut pidjutiqaqtut havaqatigiingnikkut akhuugutinik maniliuqnikkut pivallianiq uvalu aaniangnaitumik nunallaat tapkua pidjutiqaqtut kinguliqmik ikajuutinik Nunavunmiunun," uqaqtuq Lorne Kusugak, Minista Munaqhijuq hapkuninga Nunavunmi Igluliqiinun. "Haffumuuna Agnico Eagle's akhut ikajuqtauniaqtut, naamavjaktuq 20 nutaat iglukhat tunijauniaqtut Kangiqlinirmun Qamanittuarmunlu, akhuungnatqiaq, 20 Kivallirmi ilagiit piqangniaqtut nutaamik najugahamik hivajariangini iglukhamingnik.”
"Agnico Eagle quviahuktuq katitiqhugit ikajuutit uvalu ajuittiaqhimajait Nunavutmi Igluliqijiirjuat uqautigijaangani akhut iglutigut ihagiagijait hapkunuuna Nunavut 3000," uqaqtuq Christopher Adams, Tugliq Angijuqaaq, Nunavut, Agnico Eaglekut. "Akhuuqtugut inuuhiqattiarnirmun uvalu uqautigiblugit pijakhat havaqatigiikhuta katimapkainikkut nunallaanun uvalu Nunaqaqaaqtunun havaqatigiit, qiniqhiabluta ukpirinikkut upautiniq humi maniliurnikkut pivallianiq pidjutaujut hakugikhijuumiqlugit nunallaat.”
Talvuuna Nunavunmi Igluliqijiirjuatkut Kuapariisiujuq
Nunavutmi Igluliqijiirjuat amigaigjuumijut iglukhat Nunavunmi talvuuna qanuriliurutikhat taimaittut Nunavut 3000, turrangajut ilaliutikhanik 3,000 nutaanik iglukhanik tamainni qanurinniinni avikturnianni imaatut 2030. Ukuat nuutaangujut atuqtaujukharnik atuqtauniaqtun ikajuutikharnik qaffiujunik igluiliurnikkut pidjutikharnik, ilaujut nunalaani, havaktiit akituluangitunik iglukharnik.
Naunaiqhittiarumaguvit talvuuna Nunavut 3000, takulugu nunavuthousing.ca
Talvuuna Agnico Eagle
Agnico Eaglekut Kanatami-pihimajut uvalu hivuliqhuqhugit angajuhiit ujarakhiuqtit havagviit uvalu nunaqjuami pingahuujuq anginikhaq ajarakhiuqtut hanajit, havakhugit havigalgit auladjutait Kanatami, Australiami, Finland unalu Mexico tuqhuanik angijumik qiniqhianiq uvalu pivallianikkut havaakhanik. Havagviat akhut maniliuqpaktut aulajumiklu Kanadap Ukiuqtaqtumi avatqumajunik 15-ni ukiuni malrungnik ujarakhiuqtit Nunavunmi – Meadowbank Complex unalu Meliadine uyararhiurnikkut Kivallirmi – ukuallu Hope Bay havaakhaq Kitikmeonmi.
Ilitturittiarumaguvit talvuuna Agnico Eagle, takulugu agnicoeagle.com.