QALAGYUARNIQ-19 Ublumimut Kangiqhidjut - Januiali 11, 2022

Hivuliqtip ublumimut tuhaqtipkaidjutaa:

Ullakkut,

Ublaamin Nunavunmi 192 nguqtut tutqiqhaqhimayut aanniarutiqaqtut QALAGYUARNIRMIK-19 mik.

Aulahimaaqtut aanniarutit 13 nunallaani:

• 21 Arviani.
• 16 Iqaluktuuttiami.
• Hitamat Igluligaaryungmi.
• Malruuq Igloolikmi.
• 55 Iqalungni.
• 22 Kinngaitmi.
• Eight Pangnirtuungmi.
• Atauhiq Mittimatalingmi.
• Hitamat Qikiqtarjuami.
• 35 Kangiqlinirmi.
• Atauhiq Sanikiluarmi.
• Eight Sanirajakmi.
• Saivan Tikiraryuarmi.

Ilaliutihimayuqlu, aanniarutiqangnahugiyauyungnaqhiyuqlu Taloyoakmi. Ublumi 26 nguyut nakuuhiyut. Atauttimut 165 nguyut nakuuhiyut haffumani aanniarut hiamitirnianit.

Nakuuyumiktauq, quviahuktun’nga uqagumaplugu amigaittuhi kapuqhiqhigumapluhi. Ublumimut, 89 pusannguyut Nunavunmiut ukiuqaqtut talimanik an’ngayuqhitqian’nguyutluunniit hivulliutaanik kapuqhiqhingmata, 71 pusant tuglianik kapuutaanik piplutik.  39 pusannguyungnaqhiyuq Nunavunmiut ukiuqaqtunik 18 piplutik ikayuutigiyauyuqhaq hivulliit kapuutainnut.

Niriuqtun’nga iliffi tamaptik kapuqhiriaqtuqluhi kapuqhiqhidjavuhi  – kapuqhiqtaudjavutlu nutaqqahilu.

Ippaqhaq, ilauyun’nga Hivuliqpaaq Ministait Katimadjutainni iqhivautigiplugu An’ngayuqqaaqyuaq Trudeau, qanurinmanggaatigut QALAGYUARNIQ-19 Kanatami.  Naunaittuq titiqqanit tamainnit hivuliqtiinnit tamaani kanatami aqhungnaktumik qayarnautiqaliqtuguk.  Ikayuqtiit taapkuatut munaqhiit, ihivriuqtiit munaqhinilu havaktiit ikittut.  Amigaittut aanniarviit aussaimi havakpallaagutigiliqtait amigaiqpallaangmata aanniarutiqaqtunik.  Pidjutigiyara katimadjutimi uqaffaaqhugu qilamiungnakpiaqtut munaqhiliqidjutivunnut ihariagiyainnik.

Kavamatuqait piyariiqtut tunihiplutik:

• Qalagyuarnitigut ihivriugutiqhainnut malguiqtuqlutik pinggahuiqtuqlutikluunniit atauhirmi havainirmi. 
• N95 ivyarutinik.
• Ikayuutiqhamik nakuuhivalliayaami aniqhaaqtariami sikuuqviiptingni. 

Kihiani, uqaqtara Nunavut pidjutihimmaaqtuqhat ikayuutiqhatigut havaangnikkut – talvalluarmi munaqhit ihivriungnikkut ayuittiaqtut. Uqaqhugulu ihariania iglunik.  Igluni inaittuni aktuqtautigiliqpiaqtaa hiamitirnia QALAGYUARNIQ-19 nunallaaptingni.  Nunavut ihariahuktut qilamik hulidjutiqhamik igluqhatigut piviqhaqaqtigiaptingnik aimmaviuqaqtut ihuaqtumik avaliinggaaqtitauyaami.

Talvanga Hitammiunmi Januiali 7, aulaqtiqtavut tuniqhaiplugit aimmaviuplutik qalagyuarnitigut ihivriugutiqhainnut malguiqtuqlutik pinggahuiqtuqlutikluunniit atauhirmi havainirmi tuniqhaiplugit milviinni Winnipeg mi, Edmonton, Ottawa, Sanikiluaq, Iqaluit, Kangiqlinirmi Yalunaimilu.  Hapkua qalagyuarnitigut ihivriugutiqhainnut malguiqtuqlutik pinggahuiqtuqlutikluunniit atauhirmi havainirmi ikayuutigiyauniaqtuq munarittiayaami hiamitirnia nunallaaptingni.

Kinggulliqpaami havainiani qilamiugutauyumik katimadjutiqhamik katimaqatigiyatka ilauyut ministat uqautigiplugu tamainni havagviuyut uplunggaiyaidjutainnut piyauyaami qilamiungniqhatigut QALAGYUARNIQ hanaqidjutiqhainnik.  Piyaamilu Nunavunmiut ikayuutiqhainnik nakuuhivalliaviqhaatigut haffuma hiamitirnia.  Quviagiplugitlu ihumaliuqtauhimayut upalun’ngaiyaidjutiqhait tunihimayainnik ministat niriugiplugulu uqariami ilanggit hapkuat hanaqidjutiqhat qilaminnuaq.

Ilvit pittiaqlutin Nunavut qayarnaittaami aanniarutimit Omicron mit.

• Aihimalutit.
• Kapuqhiqlutit.
  • Kapuqhiqluhilu ikayuutigiyauyuqhaq hivulliinnut kapuutainnut.
• Atuqlutin ivyarunmik.
• Hivayaqlugit QALAGYUARNIQ hivayautaannut avaliin’ngaaqlutin mihingnautiqaliguvit.

Tamapta taimailiuriaqaqtugut atttautikkut nunallaavut aanniaqtailitiqhainnik. Qujannamiik.

 

Minista Munaqhiliqiiyitkunni Ublumimut Tuhaqtitaqhaa:

Ublaakkut,

Aullaqtigilugu, ilihimayun’nga amigaittut inuit Arvianni ihumayut Inirniqhaat nayugaa talvanga siksiuyut havaktiit naunaiqtauhimayut talvuuna akturnahugiyaunirmun naunaiyariitigut piqaqtut QALAGYUARNIQ-19 mik.  Piqanggittut Inirniqhaat nayugaanni qayarniatigut naunaiyautigut piqanggittutiklu QALAGYUARNIQ-19 mik.  Qaffiuyut havakaffuktitauhimayut havaktut Inirniqhaat nayugaanni Arvianni havaktiuyutigunlu naammaktut huli.  Nayugaalu ikayuqtiqaqhuni inuuyaamitigun, qanggiqhidjutaa talvaniittut inmiguuqpaktut pidjutigilluayuittaitlu havaktiit ikayuqtaunikkutlu.

Takudjutigiplugu kinggulliit malruuq havainiit, an’ngiyuamik quviagiqpiaqqatka Matna/Qujannamiik/Koana taapkunanut Nunavut munaqhitkunni havaktiinnut.  Iliffi an’ngiyuamik havaaqaqyuaqpaktuhi amigaittutlu ayuqhautigivaqhugit, kihimi iliffi nan’ngagiyaqtaptigut. Munaqhivut ihivriungnikkutlu havaktiit ikaangnini tamainni havaqhimmaaqpaktut Qalagyuarnitigut ihivriuqhutik, ihivriuqhugitlu qanurinniit, naunaiyaqhutiklu akturnahugiyaunirmun naunaiyaqhutik munariyaami aanniagut.  Ikayuqtiuyut havaktivut havakpiaqpaktutlu kiunirmun ublumimut.

Aanniarut Omicron mik taivagaat hiamitiqtuq nunallaaptingni amigaitpallaaqtutlu aanniarutiqaqtut ihuaqhaqtittaatigut aulaviqhaqqut Munaqhiliqidjutikkut.  Aadlanik ikayuqtiqhanik piyuguq ihuaqhaqhugitlu maliktauyuqhat.  Ilaliutigiplugitlu ahinit hivayautikkut ikayuqtiqhanik akturnahugiyaunirmunlu naunaiyariangani. Havaktiqhaniklu havaktigiliqtavut munaqhitkunni havaktiqhanik ikayurianggannik munarinirmun aanniaqtunik.  Hapkua hulidjutit ihariagiyauvaktut Munaqhitkunni kiudjutiviqhainnik nakuuyumik QALAGYUARNITIGUT pidjutihimmaaqhutiklu ihariagiyauyunik munaqhiliqidjutikkut.

Tamapta atauttiuyugun uvani. Quyagiumayatka tamaita Nunavunmiut ikayungmata ayuqhaitautiginahuaqhugu QALAGYUARNIQ haalitiirnirmi.  Taapkunanut ihumaliuqtiaqtut, munarihimmaaqtut inuit, katingginmata iluani, niripkanggittutlu aullanggittutiklu tingmitikkut, kapuqhiqhutiklu haalatiirnaqhitillugu.  Mikiyungnaqhiyuq ittutun, kihimi tammakpiaq huliyunut aqhuugutigiplugu QALAGYUARNIQ ikpingnakpiaqtuq munarittiaqtut ilaptingnut, ilannavunnut nunallaaptingnutlu.

Maliqhugit inungnut anniaqtailinirmun maliqqayaqhat, kapuqhiqhutik, aullaqviqhaqanggitkumik aullaqhimaittut, atuqhutiklu ivyarunmik – uvagut tamapta huliyaptingni ikiqliyuummiktaaqtavut qayarnautaa QALAGYUARNITIGUT-19, ikittuuyaaqlugit hivitunia hiamitirnia nunallaaptingni, ikittuuyaaqlugitlu ihariania maliqayaqhat inungnut aanniaqtailinirmun atuquyaunggittunik.

Quviahuutigiyatka aqhuuqpangmata havaktiit Munaqhitkunni imaalu amigaittut Nunavunmiut havaqatigiittiaqhutik pivangmata kinggulliinni malruuq havainniini.  Ayuqhaqtitaugaluaqhuta, uvagut hivumuuqtugut nakuuyumik. Taki ilaa, pidjutihimmaaqluta.

Quana.

 

Minista Ilinniaqtuliriiyitkunni Ublumimut Tuhaqtipkaidjutaa:

Ublaakkut,

Quviagiyara uqaqtaqhamnik uqaqtittaugama ublaaq.

Ilihimayatka ihumaalutait ilagiiqtut, sikuuqviinni havaktiit, nunallaatlu ihumagiyainnik ayuiqhayuqhanut aanniaqtailiplugit qayagivaqhugitlu ammaffaalingnahualigaptigiq sikuuqviipta nutaqqanutlu munaqhiviit.  Tuhaqtipkaiyumayatka taapkua ihumaaluutigiyauyut, talvangalu aanniarut hiamitirnia pingmat, havagviga an’ngiyuamik hivulliutigivaktaa aanniaqtailiplugit qayagivaqhugitlu ilihaqtivut.

Qayarnia hiamitirnia QALAGYUARNIQ-19 ayuqhautitlu umiqhimaraaqparniatigut sikuuqviit uvagut ihuaqtumik aulahimmaaqtuqhauyugut. Ilihimatilluta hadjamin QALAGYUARNIQ-19 ihumaalungnaktuq, havagviga havaqatigiittiaqtaa Inungnut Aanniaqtailinirmun Havaktia (CPHO mik naunaittuq) imaa pittiariami ilihaqtut havaktiitlu utiffaariamingnik sikuuqvingmut qayarnaittumik, ihuaqpat utiriami. 

Kihiani pitquyauqpat CPHO mit, niriuqtuguk sikuuqviinni havaktiit utiffaaktaaqtut sikuuqvingmut Jaanuiali 17 mi ilihaqtittiyaangginni un’ngahikkaluaqhutik upalun’ngaiyaqlutiklu utirutiqhaanut ilihaqtut talvani Jaanuiali 24.  Qanuqlikiaq pigumik talvuuna pilutik qaritauyakkuuqlutik Edsby tigut atuqlutik, talvuunaluunniit puuqhimayunik ayuiqhautiqhanik angilgautilugit ilihagutiqhait, qaritauyakkut ilihaqtitaulutik atuliqqat Jaanuiali 17 ihivriuqtauhun’nguyuq, naammagiyauhungguyut iniktigutimingnut ilihaqtainnik. 

Puiguqtailiyaqhaq itqaumayuqhaq aadlangguqtaaqtuq qilaminnuaq pitquidjutaatigut CPHO ngatnit.

Talvuuna pidjutingmat-amigaingyuummingnia aanniaqtunik QALAGYUARNIQ-19 mik nunaptingni, CPHO tunihiniaqtuq maliqqayaqhanik havainiq nunggudjutiliqqat humi ublua sikuuqviit ammaffaangniagutaatigut nunaallatigun. 

Qanurinningginni aadlangguhainnakpangmata, uvagut hivuani havakpaktavut aktungnarniit.  Uvagut ilihimayugut tamapta ayuiqhaqatigiiqpaktuguk, naunaittuqlu uvagut ilihimayugut munarittiaqatigiiqpaktuguk.

Sikuuqviit hivuliqtigihimmaangniagutiginiaqtait titiqqat tuniyauhimayut sikuulihaaliqtillutik sikuuqviup ukiunggani, imaalu havakpaqhimayainnilu sikuuqviup umiktigutainnut. 

Takunnaqhitilluni hadjamin QALAGYUARNIQ-19 qanurinninga, aadlanik aanniaqtailinirmun qayarnaitkutiqhatlu malikkuutait takupkaqtitauyut sikuuqviinnut.  Sikuuqviitlu tuniyauyut amigaitpiaqtunik igittaaqtunik nutaqqanut inirniritnutlu ivyarutiqhainnik. 

Tamaita sikuuqviiptingnut piliuqtut qanuriliuqtaqhaitigun qayarnaittumik aqyaqlugit ayuiqhautiqhat puunggit imaalu/imaaluunnit atuqtaqhat ilihangnirmun un’ngahikkaluaqhutik. Atuqtaqhat ilihangnirmun niuviktauhimayut havagvimnit aippaangani talvaniittut huli an’ngayuqhiit sikuuqviinni agyaqtauginnarialaqiyutlu.  Havaktitka havakpiaqtut imaa piyaami atuqtaqhanik ilihangnirmun piqutit atuinnarialaqiyut.  Tamaita nunallaat nunaptingni piyait ilanggit piqutit ikayuutiqhaini un’ngahikkaluaqhutik ayuiqhautiqhainnik, sikuuqviitlu tuniyauplutiklu humi pittaagumik tuniqhaiginnariaqaqtait piqutit humi atuqtauginnaqtaagutikkut. 

Jaanuiali iniktigutiqhainnut ihivriugutinggit ilihaqtiinnut Nunavunmi nutqaqtitauyut amigaiqpallaangmata QALAGYUARNIQ-19 qanurinninga tamaani nunaptingni.  Una ihumaliuqtauyuq pidjutigiyauyuq talvunainnarmut Januiali 2022 iniktigutainnut ihivriugutainnut.  Ihumaliuqtauhimayut talvunga April Juunmilu iniktigutainnut ihivriugutainnut ihumaliuqtauhungguyut kin’nguvaklugu ublua.

Ilihaqtut titiraqtuqhaugaluaqtuqhanut iniktigutainnut ihivriugutini Jaanuiali 2022 mi piniaqtut ilauviqhaittutigun, sikuungnikkutlu naunaitkutiqhamik qanurinmanggaat ilihaqtamingnut piniaqtut 100 pusanmik tamainnut ilihaqtainnik naunaitkutimik.  Ilihaqtut ilaitlu hivayaqtaqhait sikuuqvianggat apikkuutiqagumik.

Kingullirmi havainianni, Hivuliqti Akeeagok Uvangalu apiqhiyuguq nutaqqanut munaqhiviit ammaffaaquplugit ikayuutiqhainnik ihariagiyauyunut havagvikyuani havaktiit ihariagiyauqpiaqhutik munaktiqhanik nutagainnut.  Quyagiumayatka havagviuyut tuqhulauqpangmata havagvimnut ammaffaangmata piliqhutilu munaqhiplugit nutaqqat. 

Ilihimayuguq kamagiyut ihumaalutiqaqhutiklu qayarnaitigut havaktinut nutaqqanutlu havagviit ammaffaagumik.  Havagviga havaqatiginiaqtait havagviit tunilugit ikayuutiqhainnik aanniaqtailinirmun qayarnaitkutiqhatigunlu kiuviqhaqaqtittilunilu kitunut apikkuutiqaqtunut.

Taimaatun ilitturiyaami munaqhiviit nutaqqanut ammaffaaqtaaqtunut, havagviga qiniqhialiqtut ikayuutiqhainik maningnik munaqhiviit havaktiinutlu.  Ilihimayuguk ikayunggitkugivit, havagvigiyavut ihariagiyauyut ayuqhangniagaluaqqut.

Tahapkununga Nunavutim ilihaqtunut ilihaqvikyuani, quviahuktun’nga ilitturipkagumaplugit QALAGYUARNIQ-19 pidjutinggittuq tuulliirnirmun Maningnik Ikayuutiqhainnik Ilihaqtunut Nunavunmiut (FANS) ikayuutiqhainik FANS lu Jaanuialimi ikayuutiqhait ilihaqtunut tuniyauhungguyut naunaiqhimatiitigut. 

Kiuviqhait FANS havagvianit kinguvaktitauyungnaqhiyut pidjutigiplugu QALAGYUARNIQ-19 aanniaqtunut Arviani, FANS akiliraqhait tuulliinggittut. Kitut FANS ilihaqtunut apikkuutiqagumik akiliqtauviqhainnut qaritauyaqvigiyaqhait FANS havagvia uvani FANS@gov.nu.ca.

Umiktigutimut, apiqhiun’nga tamaptingnut, ikayurnahuaqlugit qanuqtun ilihaqtunut sikuuqvigiyaffingnutlu.  Ihariagiyavut tamaita Nunavunmiut ikayuutiqhainnik ilihaqtunut utiffaariangganik qayarnaittumik kapuqhiqhigumik aihimalutik aanniagumik, maliklugitlu inungnut aanniaqtailinirmun malikkuutainnik.

Quana.

 

 

Ilaudjutiqarmat Nunavut Kavamaita (GN) aqhuungnia aanniaqtailiplugit Nunavunmiut talvamit qayarnia QALAGYUARNIQ-19, GN Havagviit atuliqtittinikkut pidjutiyut hapkuninga:

Aanniaqtailinirmut Havagvia

Tamainnik ublumimut naunaiyautiqhanik ikayuutiqhaniklu QALAGYUARNITIGUT-19 Nunavunmi, hamunggaulutin:
https://www.gov.nu.ca/health/information/covid-19-novel-coronavirus

Nutaatqianik naunaiyautiqhanik hadjamin inungnut anniaqtailinirmun maliqqayaqhautigun, hamunggaulutin: 
https://www.gov.nu.ca/health/information/nunavuts-path

Naunaigumaguvit pinahuaqtunut kapuqhiriami hamunggaulutin:
https://gov.nu.ca/health/information/covid-19-vaccination

 

QALAGYUARNITIGUT-19 aanniaqtunik qanurinmanggaat: Jaanuiali 11, 2022

Atauttimun ihivriuqtaujut	Attautimut naunaiqtauhimajut aannialaqihimajun	Attautimut aannialaqihimajun	Atauttimut nakuuhijut aanniaruiqtun	Tuqujut	Qaffiujun inuit kapuqtauhimajun atauhiinnarmik kapurutimik Nunavunmi	Qaffiujun inuit kapuqtauhimajun malruungnik kapurutinik Nunavunmi
27,061	1031	192	835	4	31,227	24,998

QALAGYUARNIQ-19 nunallaami aanniaqtut qaffiutilaanggit: Jaanuiali 11, 2022

Nunallaaq	Qalagyuarniq COVID-19 qanuriniit	Ubluit	Inuit aanniarutiqaqtut ipaghaq (ATAUTIMUN)	Inuit aanniarutiqaqtut ipaghaq (ATAUTIMUN)	Aalangunirit ipaghamin (aanniaqtut)	Atautimun Naamakhiyut	Aalangunirit ipakhamin (aanniarutaiqhimaliktun)	Atauttimut Aulajut Aanniaqtut
Salliq	Aulahimaaqtut	Talvanga 1/9/2022	6	8	2	0	0	8
Tikirarjuaq	Aulahimaaqtut	Talvanga 1/7/2022	7	7	0	0	0	7
Sanikiluaq	Aulahimaaqtut	Talvanga 1/4/2022	1	1	0	0	0	1
Kinngait	Aulahimaaqtut	Talvanga 1/2/2022	23	23	0	1	0	22
Mittimatalik	Aulahimaaqtut	Talvanga 1/1/2022	1	1	0	0	0	1
Igluligaarjuk	Aulahimaaqtut	Talvanga 1/1/2022	4	4	0	0	0	4
Iqaluktuuttiaq	Aulahimaaqtut	Talvanga 12/30/2021	18	18	0	2	1	16
Igloolik	Aulahimaaqtut	Talvanga 12/29/2021	18	18	0	16	0	2
Qamanittuaq	Aulahimaaqtut	Talvanga 12/29/2021	1	1	0	1	0	0
Arviat	Aulahimaaqtut	Talvanga 12/29/2021	64	64	0	43	7	21
Sanirajak	Aulahimaaqtut	Talvanga 12/29/2021	17	17	0	9	0	8
Qikiqtarjuaq	Aulahimaaqtut	Talvanga 12/28/2021	7	7	0	3	0	4
Kangiqliniq	Aulahimaaqtut	Talvanga 12/23/2021	64	67	3	32	11	35
Pangnirtung	Aulahimaaqtut	Talvanga 12/23/2021	26	26	0	18	0	8
Iqaluit	Aulahimaaqtut	Talvanga 11/04/2021	95	95	0	40	7	55
Atauttimun			352	357	5	165	26	192

COVID-19 Kapurhinikkut qanurinnia: Ubluqtuhivia 4, 2022

Naunaiyautit/Kiqliqhatlu:

Una kangiqhidjut takupkaqtittiyuq nampainnik kapuqhiqtunik nunallaami talvanga Januiali 11, 2022. Pusatnga kapuutaanik munaqhiyut imaatun ittuq kapuut munaqtauyuq aviktuqhimayut Nunavutim inuqarniatigut nalautihimadjutaa 18 nik ukiuqaqtunut an’ngayuqhitqianutlu.

Nunavutim atauttimun kapuqhiqtunik ihuaqpiaqtut naittumi naunaiyautini. Nunallaatigut naunaiyautait ihivriuqtauyut imaa piyaami ihuaqpiaqtumik hulidjutigiyauyuni. Nunallaami atauttimuntigut ihuaqhaqtauyuqhat ihuaqtauviqhaqagumik.   Pidjutiniagungnaqhiyuq mikiyumik ihuaqhaqtauyuqhanik pusantigut nunallaatigut.

Kapuutit hulidjutigiyauvaktut nunallaamun humi munaqtauhimadjutiniani.

Atauttimun kapurhiqhimayut taapkunanut nunaqaqtunut nunaqanggittunut, taapkunanutlu himmauhiqattaqtut havaktiit.

Kaffini nunallaani takudjutivaktut inungnik kapuqhiqtunik malruungni nunallaani, nunallaaniluunniit nunagiyaunggittainni.

Inuklu kapuqhiqhigungnaqhiyuq kapputaanik 1 imaalu/imaluunniit kapputaanik 2 avataanit nunagiyamingnik.

Una pidjutiqanggittut inungnut kapuqhiqhimayungnaqhiyunut ilainnaknik tamainnikluunniit avataani ukiuqtaqtup avikturviannit.

An’ngiyuq pusanga atauhirmi nunallami aadjikkiigutiginggita amigaittumut hunggiutivaktunik aanniarunmut.  Piqangituq piliuqhimayumik naunaiqhimayumikluunniit pusanmik amigaittumut hunggiutivaktunik aanniarunmut QALAGYUARNIQ-19 mut.  Hunaungmangaata amigaittut hunggiutivaktunik aanniarunmut tikiutilimaittungnaqhiyuq hadjamin kapuutainnut anggirunnik (imaakaffuk piqanggittut kapuutimik nutaqqanut nukaqhiuyunut tualumit).

Pittaarvia:

Statistics Canada, Demography Division, Special tabulations. Upalun’ngaiyaqtaat hapkua: Nunavut Bureau of Statistics, Januiali 27, 2021.

Kapuutit amigaitilangit pihimajut uvanga Havagviata Aanniaqtailinirmut Meditech atuqtakhanit.

Pittaaqtut inirniqhaat nunallaami naunaiyautigiyauyut nampait inungnik 18 nit an’ngayuqhiutqiatlu maliqhugu 2020 inuqarniat nalautihimayut.

Nunallaap inuqarnia nalautihimayut “naammagiyauttianggittut” iniktauhimangmata ilainni inuqarniatigut amigaingniatigut (inuuyut, huiqtut, nuuttutlu).  Atuqtauyuqhat qayagilugit.

 

Ihivriugutit naunaiyautait ublumimut tamainut nunallaanut: Jaanuiali 11, 2022

Nunallaaq	Ihivriuqtauyut	Ihivriurutit aanniarutiqaqtut	Ihivriurutit Aanniarutiqangitut
Salliq (Talvanga 9 Jan 2022)	42	8	34
Tikiraryuaq (Talvanga 7 Jan 2022)	18	7	11
Sanikiluaq (Talvanga 4 Jan 2022)	12	1	11
Kinngait (Talvanga 2 Ubluqtuhirvia 2022mi)	70	23	47
Mittimatalik (Talvanga 1 Ubluqtuhirvia 2022mi)	42	1	41
Igluligaaryuk (Talvanga 1 Ubluqtuhirvia 2022mi)	34	4	30
Iqaluktuuttiaq (Talvanga 30 Ubluirvia 2021mi)	107	18	89
Igloolik (Talvanga 29 Disaipa)	172	18	154
Qamanittuaq (Talvanga 29 Disaipa)	44	1	43
Arviat (Talvanga 29 Disaipa)	247	64	183
Sanirajak (Talvanga 29 Disaipa)	122	17	105
Qikiqtarjuaq (Talvanga 29 Disaipa)	89	7	82
Kangiqliniq (Talvanga 29 Disaipa)	609	68	541
Pangnirtung (Talvanga 23 Ubluirvia 2021mi)	387	26	361
Iqaluit (Talvanga 23 Ubluirvia 2021mi)	1283	95	1188

*Ilihimalugu:   Hapkua nampait aadlangguqattainnaktut. Havaaqhat havaktiattauvaktut pihimayaami naunaiyaut ublumit naunaiyautigiqattariami iniqhimayumiklu, kihimi pidjutinggittungnaqhiyuq tamainnik inungnik ihivriuqtauhimayunikluunniit.

**Naunaiqtauhimayut aanniaqtun ilaliutilgit tikiutigiplugit kanatami aanniaqtut kangiqhidjutainni.

***Kinguvaktitauniarunaqhiyut unniudjutikkut hulidjutigiyauyuni kititiqhimayutlu aanniaqtunik pihimayut Aussaimi Kanatami.  12 aannialaqihimayun ilituriyauyut hilataani nunaptiknin ilaliutiyauhimayun Nunavunmun. Ukuallu ilauyut pingahut (3) tuquhimajut. Tamatkiutinggittut Nunavunmiutat QALAGYUARNIRMIK=19 aanniaqtut avataani nunavut ilaliutiyauniaqtut Nunavunmut.

Avaliingaaqtut amigaitilaangit: 

Aullaaqtun Qanurittun	Inuit Avaliingaaqtitauyun talvannga Ubluqtuhirvia-10mi
Daaktiliaqtut	25
Inuit	7
EMTI	4
Havaktut	0
Atautimun	36

Aullarhimajun utiqtun naunaijautaa:

Aullarvikhaa Ublua	# Amigaitilaangit Aullaaqtun Avaliingaarvingnit Avaliingaaqtut
11-Ubluqtuhivia, 2022	3
13-Ubluqtuhivia, 2022	2
13-Ubluqtuhivia, 2022	0
14-Ubluqtuhivia, 2022	3
15-Ubluqtuhivia, 2022	0
Total	7

 

 

Nunavunmi Ilihariaqpaallirvia

Ilihaqtauyuqhat talvanga Januiali 10, 2022 (un’ngahikkaluaqhutik ayuiqhayut)*:

• Ilihaqtut hitamani ukiuni Inuliriiyitkut Ilihagutaani.
• Ilihaqtut hitamani ukiuni Qauyimanahuarnirmun (Ukiuqtaqtumi Munaqhiit) (Ukiut 1 – 4 Iqalungni).
• Ilihariaqpaalirviani Uplaunggaiyaiyarutinut (Uqhuqtuuq Kugaaruklu).
• Ayuirhaqtut qauyimanahuaqhugit Munahiliqidjutinik (Kangiqliniq Iqalungnilu).
• Havagvingmi Titiqiqinikkut (Iqaluit, Sanikiluaginnainnakmilu).

Ilihaqtauyuqhat talvanga Januiali 17, 2022 (un’ngahikkaluaqhutik ayuiqhayut)*:

• Avatiliqinikkut Qaritauyaliqinikkut Ilihaqtaqhait (ukiungani 1 2 lu, Iqaluit).
• Nunavut Ilihaiyit Ilihagutait (Ukiunggit 1-4, tamainni nunallaat: Arviat (ukiuq 1 4 lu), Qamanittuaq, Iqaluktuuttiaq, Salliq, Uqhuqtuuq, Igloolik, Iqaluit, Naujaat, Pangnirtung Kangiqliniqlu)**.
• Inuliriiyitkut Ilihautaa.
• Atan’nguyaviliqinikkut Ilihautit (Ukiuq 1 2 lu Kangiqliniq)*.
• Titiqqiviliqidjutinut (Arviat).
• Ilihariaqpaalirviani Uplaunggaiyaiyarutinut (Salliq).

Ilihaqtauyuqhat talvanga Januiali 17, 2022 (talvainnakmi ayuiqhayut)*:

Ukua ilihagutiqhat hadja ihuaqhaqhimanggittut ungahikkaluaqhutikkut ayuiqhayuqhanut; kihiani, aullaqtirutaata ubluit naunaiqhungguyut inungnut aanniaqtailinirmun malikkuutaittatigut. Ilihaqtut hapkunani ilihaqtauyuqhani upalungaiqtuqhat hivuani kinguvaktaudjutinut, naunaigutigilugit aanniaqtut QALAGYUARNITIGUT-19 nunaptingni imaalu/imaaluunniit nunagilluaqtamingni.

• Uqaqti/Numitiriyi (Ukiut 1 2 lu, Iniktigutainnut, Iqaluit).
• Inuit Ilihagutait (Ukiut 1 2 lu, Iqaluit).
• Amingnik Pinniqutigyauyuqhatigun (Ukiuq 1, Iqaluit)
• Piniqutiliuqniq uvalu Havigaliknik Havaktut (Ukiuq 1, Iqaluit)
• Inirnirit Iliharvikhanik, Inirnirit Iliharvikhaniklu: Kivgaktiuluaqtun Ayuittiarutikhangit (humi aitutauhimayut talvani Nunalaani Ayuiqharvingmi).
• Titiraqtiuviliqidjutinut (Kinngait).
• Ayuiqhayut Havaarittiangnaktunik - Kangiqtugaapik Igluliklu.

Naunaiqhungnguyuq (talvainnarmi):

• Nappaktirinirmun Havaarittiangnaktunik.
  • Sanatuliqsarvik havaqatigittiaqtait havagvia Inuliriiyitkut iniktiriyaami ihuaqhaqhimayuq ilihaudjutaa upalunggaiyaqhimayuq Ayuirhayuq Havaami (Uqhuryuaqtuqtunik Ayuittiaqtuqhaq Igluliqinirmunlu Havakti) taapkunaniklu Havaarittiaqtiuyunut Ayuiqhautiqhait Pivinga. Iniqqat, ilihaqtut ilitturipkaqtitauniaqtut ihuaqhaqhimayauyumut naunaiyautaannik. 
• Piqqusilirivvik.
  • Piqqusilirivvik ukiumi ilihaqviqhautinut aulaqtigutiniaqtuugaluit Fiapluliami 1, aulaqtuqhat ihuaqhaqpagait iqqusilirivvik talvani Jaanuiali 17 mi.   Talvanilu nunami, ilihaqtitauyut inirniqhaamit, aulaqtigutaata ublua naunaiqhungguyuq hivuni inungnut aanniaqtailinirmun pitquidjutaitatigut, talvalluaq aullaqnikkut pittailidjutit.

*Ilihaidjut havaktauliqtut IT ikayuutiqhainnut ilihaqtut hivulliqmi ukiumi ilihaqtauyuni. 

** Naunaiyautiqhat naunaiqniaqtait NTEP havaktiinnit. NTEP havaktiit atungniaqtaat atulihaaliqqat una havainia kangiqhiyaami inmi NAC?MUNL qaritauyakkut atan’nguyaviliqidjutinut piutinga.

 

 

Nunavunmiutat aanniaqtailidjutait atauttikkut munriyaat! Itqaumalugu: uaqlugit algatit qaanganilu, pidjutihimmaaqlutinlu un’ngahiqtilaaqhimalutin inungnit, naalaqlugit uqaudjait munaqhiliqiiyini ayuittiaqtut, aihimalutinlu aanniaguvit.