Iqaluit, Nunavut (Tattiarnaqhilirvia 30, 2024) – Ublumi, Nan’ngarijaujuq John Main, Minista Munaqhiliqijitkunun, quviahuktumik sainiqtaa hitamaujuq Inuusivut Annirnaqtut Hulidjutinun Upalungaijautikhaq 2024-2029-mut Maligaliurvingmi. Una angijuq upalungaijautikhaq, piliuqhimajuq qaujihaiqpiaqhutik Nunavunmiutanun, naunaihidjutaa uqaqtainun nunallaamiutanin tmaat nunami havaqatigiiqhutiklu paannarijaulluaqtunin.
Una Inuusivut Annirnaqtut Hulidjutinun Upalungaijautikhaq hivullirmik pijaujuq talvani Imaruqtirvia 2022 uumuuna Nunavunmi Inminiiqtailinikkut Hanaqidjutikhat (NSPS) paanariiqtunin: ukuattNunavut Kavamanga (GN), Nunavut Tunngavikkut Timinga (NTI), una Iqittiaqhimalugu Inuuhiq Katimajiit Embrace Life Council (IIKELC), uluallu Kanadami Paliihimat (RCMP), ‘V’ Havagvia. Upalungaijautikhaq atuqtait piaqihimajainik uumani 2017-2023 iniqtirutaa unnirut, munarilutik taimaa atuqhimajani ajuiqhimajat hanaqidjutimin hivumuuriami.
“Una hulidjutinun upalungaijautikhaq naunaitkutaa nipiinin ihumagijainnillu Nunavunmiunit, havakpiarniaqtugullu piliurlugit ihuaqtun aallan’nguqtirutikhat,” uqaqtuq Minista Main. “Tikittumajaqqun piliurluta hivunikhamun taimaa inmikkuurniq atulimailluarlugu Nunavunmi. Havaktakhat naunaiqhimajun hamani itquumajunin pihimajun pilluarlugillu ikikhilaarlugu inmikkuuqpaktunun naunaitkutaanun aadjikkiirlugu ikikhilaarluguluuniin nunarjuami atuqpaktainnin. Ihuarutikhamun uumunga upalungaijautikhamun qanurinniaqtuq inungnun tamainnun ikajurlutik pijakhamingnun. Nunallaamiutanin ukununga kavamani havagviinnun, una piqatigiigutikhaq havaakhainun,” uqarmijuq Minista Main. “Una amigaitqijaq qaffiunikkut naunaitkutini – pidjutaa annaumanirmun inuuhirnik hivunighaliurnirmullu taimaa tamaita Nunavunmiutat ikajuqhiqtumik ittaanginni ihumagijaulutiklu.”
“Havaqatigiingniq tahapkunani tamaita paatnariiq ikajuutaujuq imaa pijaami haffuma upalun’ngaijaidjutaa aqhuuqhainia inuuhirmun talvuunatigut hulijuni atauttini ikajuqhugitlu Inuit inungmiunikkut ihumagliugutigijaujunut munarhiliqinikkut”, uqaqtuq NTI kut An’ngijuqqaanga Aluki Kotierk. “Aqhut havakpiaqpaktuguq imaa pijaami uqautigijainnik inuulrammiit, tamaitalu Inuit ihumagijaujuqhat uvani upalun’ngaijaidjutimi. Havaqatigiingniq, uqaqtaaqtavut hivulliujut huuq inminiijuktut aqhuuqhailugu inuuhirinnarniq Nunavunmi”.
Una upalungaijautikhaq naunaiqtaa pihuirlugit aadjikkiiqtunun atuqtaujani pinahuarutini, aturlugu havaqatigiingniq havagviujuni, munarijaami pinahuarutimun ihuariaqhaanun, piliurlugillu ihuaqtun havaktaujakhat. Talvani NSPS-kut Katimarjuarutaani Iqaluktuutiami talvani Tattiarnaqhilirvia 2022, ihumaliurutaujuq taimaa inulrammiit nipiit aturluarlugit nutaamun upalungaijautikhamun, taimaalu tamaita kavamatkunni havagviit tunijaujukhaujumik naunaiqhimajanik havaktakhainun kiunnaqtuutiqarianginni, ilaulirlutik, unniqattarlutiklu.
Cecile Guerin, Atanilluaq ukunani Isaksimagit Inuusirmi Katujjiqatigiit Embrace Life Council uqaqtaa taimaa “IIKELC niriuktun hivunikhamun hakugikhijuumijumik paanariirutikhanun aallalu havagviit havalirianginnik havaktaujakhanik inminiiqtailinirmun.”
“Niriuktugun hivumun havaqatigiiqhimmaariami ukunanun NSPS paanariiqtunun ikajuutigilugu ikikhilaarlugit ajuqhautit aannirutillu Nunavunmiutanun,” uqaqtuq Staff Sergeant Major Pauline Melanson. “Paliihimat atuqhimmaaqtait Inuit Qaujimajatuqangit pigijaptingni ubluni auladjutini tamaat nunami.”
Una Inuusivut Annirnaqtut Hulidjutinun Upalungaijautikhaq angijuq hivumuurutikhaq ihuaqhinahurillugit inminiiqtailinirmun ihumakkullu aanniaqtininirmun Nunavunmi. Piplugit akhuurutigijait NSPS paanariiqtun ikajuutainulu inungnin Nunavunmi, una upalungaijautikhaq pihimajuq piliuriami aanniarnaittumun, mahulingaitqijamut nunakhaptingnun hivunikhainun inuuhiudjutinun.
Naunairjuumijumagungni uumunga Inuusivut Annirnaqtut Hulidjutinun Upalungaijautikhaq, qaritaujakkut takulugu una GN-kut qaritaujakkuurutaa titiqqiluguluuniin Kennedy Haines talvunga khaines1@gov.nu.ca.